ما شيڭرۇي، لوۋ ياڭشىڭ، ەركىن تۇنياز، ٴزۇمىرات وبۇل، حى جۇڭيوۋ، جاڭ جۋ قاتىستى قيمىلدارعا قاتىناستى

9 ـ ايدىڭ 2 ـ كۇنىنەن 4 ـ كۇنىنە دەيىن حىنان ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭدا شينجياڭعا باعىتتامالى كومەكتەسۋ جانە اۋىس ـ كۇيىس، سەلبەستىك جاساسۋ قىزمەتىن ٴتۇيىلىستىردى. 9 ـ ايدىڭ 2 ـ كۇنى حىنان ولكەسى · شينجياڭ ۇيعۇر اۆتونوميالى رايونى جانە شينجياڭ ٴوندىرىس ـ قۇرىلىس بيڭتۋانىنىڭ قىزمەت اۋىس ـ كۇيىس اڭگىمە ٴماجىلىسى ۇرىمجىدە اشىلدى.

□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، جاڭ لەي 9 ـ ايدىڭ 4 ـ كۇنى قۇمىلدان حابارلايدى. 9 ـ ايدىڭ 2 ـ كۇنىنەن 4 ـ كۇنىنە دەيىن حىنان ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭدا شينجياڭعا باعىتتامالى كومەكتەسۋ جانە اۋىس ـ كۇيىس، سەلبەستىك جاساسۋ قىزمەتىن ٴتۇيىلىستىردى. ەكى ولكە، اۆتونوميالى رايون اڭگىمە ٴماجىلىسىن اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جاپپاي ۇيرەنىپ، دايەكتىلەندىرىپ، باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭعا باعىتتامالى كومەكتەسۋ قىزمەتى جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، اناعۇرلىم ناقتى شارالار ارقىلى جاڭا داۋىردەگى شينجياڭعا باعىتتامالى كومەكتەسۋ قىزمەتىندە جاڭا جاعداي اشۋدى ىلگەرىلەتىپ، شينجياڭ مەن حىناننىڭ ٴوزارا تيىمدىلىك جەتكىزىپ سەلبەسۋدە، تەڭ يگىلىككە كەنەلىپ دامۋدا تىڭ ساتىعا قادام تاستاۋىن قول ۇستاسا جەبەدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي، حىنان ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى لوۋ ياڭشىڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ قاتىستى قيمىلدارعا قاتىناستى.

9 ـ ايدىڭ 2 ـ كۇنى تۇستەن كەيىن حىنان ولكەسى · شينجياڭ ۇيعۇر اۆتونوميالى رايونى جانە شينجياڭ ٴوندىرىس ـ قۇرىلىس بيڭتۋانىنىڭ قىزمەت اۋىس ـ كۇيىسى اڭگىمە ٴماجىلىسى ۇرىمجىدە اشىلدى. ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان حىنان ولكەسى پارتيا، ۇكىمەت ۋاكىلدەر ۇيىرمەسىنىڭ كەلگەندىگىن قىزۋ قارسى الاتىندىعىن ٴبىلدىردى، حىنان ولكەسىنىڭ ۇزاق ۋاقىتتان بەرى شينجياڭ قىزمەتىنە زور قولداۋ كورسەتكەندىگىنە شىن جۇرەكتەن العىس ايتتى. ول بىلاي دەدى: حىنان ولكەسى شينجياڭعا باعىتتامالى كومەكتەسۋدى كەلەلى ساياسي مىندەت ەتۋگە تاباندى بولىپ، كومەككە يە بولاتىن جەردىڭ ەكونوميكالىق، قوعامدىق دامۋىن پارمەندى ىلگەرىلەتتى، شينجياڭداعى ٴار ۇلت حالقى بۇعان شىن كوڭىلىمەن العىس ايتادى. سوڭعى جىلدارى حىنان ولكەلىك پارتكوم، ولكەلىك ۇكىمەت باس شۋجي شي جينپيڭنىڭ حىناندى كوزدەن كەشىرگەندە سويلەگەن ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، ”ەكىگە شىنايى كەپىلدىك ەتۋدى“ كوزدەپ، ”10 ۇلكەن ستراتەگيانى“ ىشكەرىلەي اتقارىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ حىنان امالياتىن ىلگەرىلەتۋدە نىق قادام تاستادى. شينجياڭ باس شۋجي شي جينپيڭنىڭ تاپسىرماسىن ەستە بەرىك ساقتاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ستراتەگيالىق ورنىن تىعىز ارقاۋ ەتىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى قۇلشىنا قۇردى. جاڭا جورىقتا شينجياڭ مەن حىنان ەكى ولكە، اۆتونوميالى رايوننىڭ سەلبەستىكتى تەرەڭدەتۋ كەڭىستىگى كەڭ، كومەسكى كۇشى زور. ەكى جاقتىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ماجىلىسىندەگى ”اكىمشىلىك رايون اتتاعان سەلبەسۋ، دامۋ جاڭا مەحانيزمىن قۇرۋ“ سياقتىلار جونىندەگى كەلەلى رەفورما ورنالاستىرۋلارىن تياناقتاندىرۋدى وراي ەتىپ، ستراتەگيالاردى ٴتۇيىلىستىرۋدى، بىرلەسىپ قيمىلداۋدى تەرەڭدەتىپ، شينجياڭ مەن حىنان سەلبەستىگىنىڭ جاڭا تاراۋىن بىرگە جازۋدى ٴۇمىت ەتەمىز. كاسىپ سالاسى سەلبەستىك كەڭىستىگىن كەڭەيتىپ، حىناننىڭ وزىق جاساۋ كاسىبى، وسى زامانعى اۋىل شارۋاشىلىعى، عىلىم ـ تەحنيكادا جاڭالىق اشۋ سياقتى باسىمدىققا يە سالالارى مەن شينجياڭنىڭ ەنەرگيا بايلىعى، استىق، ماقتا سياقتى ەرەكشەلىككە يە كاسىپ سالالارىنىڭ ٴبىرىن ـ ٴبىرى تولىقتاپ دامۋىن جەبەپ، مەملەكەتتىڭ كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن بىرگە قورعايمىز. سىرتقا ەسىك اشۋدى، سەلبەسۋدى تەرەڭدەتىپ، بۇكىل ەلدىڭ ٴبىر تۇتاس ۇلكەن بازارىنا قول ۇستاسا توعىسىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەر بازارىن بىرگە اشىپ، جاڭا دامۋ ارناسىنا اناعۇرلىم ويداعىداي قىزمەت وتەيمىز جانە توعىسامىز. مادەنيەتتى، ساياحاتتى سايكەستى دامىتۋدى كۇشەيتىپ، ەكى جەر بۇقاراسىنىڭ اناعۇرلىم كوپ ارالاسۋ، ىشتەسۋ، توعىسۋ تۇعىرىن، دانەكەرىن قۇرىپ، جۇڭحۋا ۇلتى ورتاق تۇلعا تانىمىن بەكەمدەيمىز. شينجياڭ حىنان ولكەسىمەن بايلانىس جاساۋدى، سايكەسۋدى ىرىقتىلىقپەن كۇشەيتىپ، شينجياڭعا كومەكتەسەتىن كادرلاردان، دارىندىلاردان ويداعىداي پايدالانىپ، شينجياڭعا باعىتتامالى كومەكتەسۋ قىزمەتىن تەرەڭدەتۋگە تاماشا ورتا ازىرلەيدى.

لوۋ ياڭشىڭ بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم ٴار ۇلت بۇقاراسىن بىرگە كۇرەس جۇرگىزۋگە ىنتىماقتاستىرىپ جانە باستاپ، شينجياڭنىڭ دامۋى مەن ورنىقتىلىعىندا كورنەكتى تابىسقا قول جەتكىزدى. بۇل رەتكى شينجياڭ ساپارى ٴبىر رەتكى بەرىلە ۇيرەنىپ، دەڭگەيدى جوعارىلاتۋ بولدى، ٴبىز جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ شينجياڭدا قول جەتكىزگەن ەلەۋلى جەتىستىكتەرىن كوردىك، شينجياڭ قىزمەتىنىڭ سالماعىنىڭ اۋىر، ستراتەگيالىق ورنىنىڭ ماڭىزدى، قوعامدىق كەلەلى جاعدايىنىڭ ورنىقتى، دامۋ اۋقىمى جاقسى، ٴار ۇلتتىڭ ٴبىر تىلەكتە ەكەنىن اناعۇرلىم تەرەڭ سەزىندىك، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ شىت جاڭا بەينەسىن، جۇڭحۋا ۇلتى ورتاق تۇلعا تانىمىنىڭ كۇن سايىن جۇرت جۇرەگىنە تەرەڭ ۇيالاعانىن، ۇلتتار ىنتىماعى، العاباسارلىعى گۇلىنىڭ شينجياڭنىڭ بايتاق دالاسىندا قۇلپىرا اشىلعانىن شىنايى سەزىندىك. حىنان مەن شينجياڭنىڭ ۇزاقتان بەرى جالعاسقان دوستىعى تەرەڭ، ورتا جازىق پەن تيانشان باستان ـ اياق تىعىز جالعاسىپ كەلەدى. جاڭا داۋىردەگى شينجياڭعا باعىتتامالى كومەكتەسۋ قىزمەتىن ويداعىداي ىستەۋ _ پارتيا ورتالىق كوميتەتى بىزگە جۇكتەگەن كەلەلى ساياسي جاۋاپكەرشىلىك. حىنان جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭعا كومەكتەسۋ قىزمەتى اۋىر مىندەتىن باتىل ورنىقتى ارقالاپ، شينجياڭعا جاپپاي كومەكتەسۋگە، شينجياڭعا دالمە ـ ٴدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولىپ، نازاردى جۇرت تىلەگىن ۇيىستىرۋعا شوعىرلاندىرىپ، زاتتى كورنەكتىلەندىرۋدى، ادامدى كورنەكتىلەندىرۋدى، جۇرت كوڭىلىنە ۇيالاتۋدى ىسكە اسىرادى؛ ەكى جاقتان كۇش سالۋعا تاباندى بولىپ، بازاردىڭ كومەسكى تاسىلىنەن جانە ۇكىمەتتىڭ كورنەۋ تاسىلىنەن ويداعىداي پايدالانىپ، شينجياڭعا كومەكتەسۋدىڭ جالپىلىق ونىمدىلىگىن جوعارىلاتادى؛ اقىل ـ پاراسات جاعىنان شينجياڭعا كومەكتەسۋدى تەرەڭدەتىپ، دارىندىلار تىرەگىن ۇزدىكسىز بەكەمدەيدى؛ مادەنيەت اۋىس ـ كۇيىسىن كۇشەيتىپ، جۇڭحۋا مادەنيەتىن شىنايى مويىنداۋدى نىعايتىپ، شينجياڭعا كومەكتەسۋ قىزمەتىنىڭ جاڭا جاعدايىن قۇلشىنا اشىپ، ۇلتتار ىنتىماعىن بەكەمدەۋگە، شينجياڭنىڭ باياندى تىنىشتىعىن جۇزەگە اسىرۋعا حىنان كۇشىن قوسادى. ەكى جاقتىڭ ەنەرگيا بايلىعى، قاتىناس، زات اينالىمى، مادەنيەت، ساياحات سياقتى سالالارداعى سەلبەستىكتى ونان ارى تەرەڭدەتىپ، حىنان مەن شينجياڭنىڭ جوعارى ساپالى دامۋىنىڭ جاڭا تاراۋىن بىرگە جازۋىن ٴۇمىت ەتەمىز.

ماجىلىستە ەكى جەردىڭ قاتىستى باسشىلارى اۆتونوميالى رايوننىڭ جانە بيڭتۋاننىڭ ەكونوميكالىق، قوعامدىق دامۋى، سونداي ـ اق حىنان ولكەسىمەن سەلبەستىكتى تەرەڭدەتۋ احۋالىن، حىنان ولكەسىنىڭ ەكونوميكالىق، قوعامدىق دامۋى جانە شينجياڭعا باعىتتامالى كومەكتەسۋ قىزمەتى احۋالىن جەكە ـ جەكە تانىستىردى.

شينجياڭداعى كەزىندە حىنان ولكەسىنىڭ پارتيا، ۇكىمەت ۋاكىلدەر ۇيىرمەسى ىلگەرىندى ـ كەيىندى ۇرىمجىدە، قۇمىلدا قىزمەت تەكسەردى. ۇرىمجىدە ۋاكىلدەر ۇيىرمەسى ٴۇرىمجى حالىقارالىق قۇرلىقتىق پورت رايونىنا بارىپ، ەكى جەردىڭ ەسىك اشۋىن، سەلبەستىك جاساسۋىن ىلگەرىلەتۋدى تەكسەردى؛ اۆتونوميالى رايوندىق مۇراجايدى ەكسكۋرسيالاپ، شينجياڭدى مادەنيەتپەن نارلەندىرۋ قىزمەتىن ۇعىستى. قۇمىلدا ۋاكىلدەر ۇيىرمەسى قۇمىل قالالىق ۇيعۇر شيپاگەرلىگى شيپاحاناسىنا، شينشيڭ كاسىپتىك تەحنيكالىق شۋەيۋانىنا بارىپ، ەمدەۋ ارقىلى شينجياڭعا كومەكتەسۋ، وقۋ ـ اعارتۋ ارقىلى شينجياڭعا كومەكتەسۋ ونىمدىلىگىن ۇعىستى؛ قۇمىل يۇيشين ەنەرگيا كاسىپ سالاسىن زەرتتەۋ ورنىنا، مەملەكەتتىك قايتا تۋىندايتىن ەنەرگيا ينفورماتسياسىن باسقارۋ ورتالىعى قۇمىل بولىمشە ورتالىعىنا بارىپ، عىلىم ـ تەحنيكا ارقىلى شينجياڭعا كومەكتەسۋدى جانە ەنەرگيا سەلبەستىگىن جەبەۋدى تەكسەردى؛ شينشيڭ قالالىق مۇراجايىنا، جوبالاۋ سارايىنا تەكسەرۋ ـ زەرتتەۋ جۇرگىزىپ، تاريحي مادەنيەتتى جانە قالا جوباسى، دامۋ جاعدايىن ۇعىستى. ۋاكىلدەر ۇيىرمەسى قۇمىل قالاسىمەن، شينشيڭ قالاسىمەن اڭگىمە ٴماجىلىس وتكىزىپ، كەلىسىمگە قول قويىسۋ جانە تارتۋ ۇسىنۋ قيمىلىن وتكىزدى، تاعى حىنان ولكەسىنەن شينجياڭعا كومەككە كەلگەن كادرلارعا، دارىندىلارعا امانداستى.

حىنان ولكەسىنىڭ باسشىلارىنان سۇن شوۋگاڭ، چىن شيڭ، اۆتونوميالى رايون جانە بيڭتۋان باسشىلارىنان چىن ۋيجۇن، قادەن كابەن، شۋە بين، جين جىجىن، جاڭ ۋىنشىڭ قاتىستى قيمىلدارعا قاتىناستى.