ٴداستۇرلى مادەنيەت مەكتەپ اۋلاسىنا جەتكىزىلىپ، جياڭيىننىڭ قورعاسقا كومەكتەسۋ سۇيىسپەنشىلىگى ٴتىپتى دە تەرەڭدەي ٴتۇستى

”جياڭسۋ - ىلە سۇيىسپەنشىلىگى“ − ”شىن - ي جەدەل جەتكىزۋى“ بويىنشا قورعاسقا بارىپ ٴداستۇرلى تەاتر  ويىنىن قويدى

 ٴتىلشىمىز حۋاڭ يان، ەرىكتى ٴتىلشى يۇي ميڭجياڭ، جاڭ باينيان حابارلايدى. 11 ـ ايدىڭ 11 - كۇنى قورعاس اۋدانى جياڭيىن ورتالاۋ مەكتەبىنىڭ زالىندا ينە شانشار جەر قالمادى، جياڭيىن قالاسى شيجۇي پيڭتان كوركەمونەرىنە مۇراگەرلىك ەتۋ ورتالىعى اكەلگەن ”جياڭسۋ ـ ىلە سۇيىسپەنشىلىگى“ - ”شىن - ي جەدەل جەتكىزۋى“ بويىنشا قورعاسقا بارىپ ٴداستۇرلى تەاتر ويىنىن قويدى. 

جياڭيىن قالاسى شيجۇي پيڭتان كوركەمونەرىنە مۇراگەرلىك ەتۋ ورتالىعىندا «مۋدان سامالدىعى . باقشاسى»، كۇنچۇي تەاترى «مۋدان سامالدىعى . تەرمە سۋرەت»، حۋاڭمەي تەاترى «اتقوسشى ايەل . پاتشانىڭ مايتالماندار تىزىمىنە كىرەرىن كىم ويلاعان»، يۋەجۇي تەاترى «ارداگەرلەر كۇيى . سول جىلدارى چيڭشۇي كولشىگىن ەسكە الۋ»، شاڭحاي تەاترى «سارالا شىمشىق»، حىنان تەاترى «حۋا مۋلان . كىم ايتادى ايەل ەردەي بولا الماس دەپ» سياقتى 11 كلاسسيكالىق كونسەرت ورىندالدى.

كونسەرت بارىسىندا جۇرگىزۋشى ٴاربىر تەاتر جونىندە تۇسىنىك بەرىپ، وقۋشىلاردىڭ تەاتردى ٴتىپتى دە تەرەڭ تۇسىنۋىنە جانە تانۋىنا مۇمكىندىك جاسادى. وقۋشىلار ارتيستەردىڭ تاماشا ويىنىنا قاتتى قىزىعىپ، ٴالسىن ـ ٴالى شاپالاق سوقتى.

كونسەرت اياقتاعاننان كەيىن ارتيستەر وقۋشىلاردىڭ قاسىنا كەلىپ، ولاردىڭ سۇراۋىنا جاۋاپ بەردى ٴارى ولارعا قاراپايىم تەاتر ارەكەتىن ۇيرەتتى.

ارتيست مەي حۇڭگاڭ وزدەرىنىڭ قورعاسقا كەلىپ تۇڭعىش رەت ويىن قويعاندىعىن، تەاتر - جۇڭحۋا مادەنيەتىنىڭ جاۋھارى ەكەنىن، تەاتردى مەكتەپ اۋلاسىنا جەتكىزىپ، وقۋشىلاردىڭ كوڭىلىنە ۇيالاتۋ، اتاپ ايتقاندا، ولار قارشادايىنان ٴبىزدىڭ تاڭداۋلى ٴداستۇرلى مادەنيەتىمىزدى ٴتۇسىنىپ جانە ٴسۇيىپ، مادەنيەت سەنىمىن بەكەمدەتۋ ەكەنى جونىندە تۇسىنىك بەردى.

بۇل قيمىلدى جياڭيىن قالالىق مادەنيەت، دەنەتاربيە، راديو - تەلەۆيزيا جانە ساياحات مەكەمەسى، قورعاس اۋداندىق مادەنيەت، دەنەتاربيە، راديو - تەلەۆيزيا جانە ساياحات مەكەمەسى، قورعاس اۋداندىق وقۋ - اعارتۋ مەكەمەسى ۇيىمداستىرعان، جياڭيىن قالالىق شيجۇي پيڭتان كوركەمونەرىنە مۇراگەرلىك ەتۋ ورتالىعى، قورعاس اۋداندىق چىڭيۋان كوركەمونەر ۇيىرمەسى، قورعاس اۋداندىق مادەنيەت سارايى، جياڭيىن ورتالاۋ مەكتەبى ۇستىنە العان.

ۇعىسۋعا قاراعاندا، جياڭيىن قالاسى شيجۇي پيڭتان كوركەمونەرىنە مۇراگەرلىك ەتۋ ورتالىعى باسقا مەكتەپتەرگە دە بارىپ ويىن قويادى ەكەن.

ارتيستەر ساحناعا شىعىپ العىستارىن بىلدىرۋدە.    يۇي ميڭجياڭ فوتوسى

 ارتيستەر حۋاڭمي تەاترىن ورىنداۋدا.   يۇي ميڭجياڭ فوتوسى