ورتاق تانىم ۇيىستىرىپ، ٴبىر نيەتپەن ارمانعا قانات قاعىپ، بورىش ارقالاپ، جاڭا ساپارعا بىرگە اتتانايىق

ــــ ساياسي كەڭەس ىلە وبلىستىق 14 - كەزەكتى كوميتەتى 4 - ٴماجىلىسىنىڭ اشىلۋى جونىندە ەستەلىك

كاميلا (ٴوز ٴتىلشىمىز)

قاڭتاردا ىلەدە كوكتەمنىڭ ٴۇمىتى تۋلادى، بار الەم جاڭارۋ بارىسىندا قايراتتانا العا ۇمتىلاتىن كۇش توپتالدى.

1 - ايدىڭ 11 - كۇنى ساياسي كەڭەس ىلە وبلىستىق 14 - كەزەكتى كوميتەتىنىڭ 4 - ٴماجىلىسى قۇلجا قالاسىندا سالتاناتپەن اشىلدى. وبلىسقا توتە قاراستى ورىنداردان، تارباعاتاي، التاي ايماقتارىنان كەلگەن ٴار ۇلت، ٴار سالا ساياسي كەڭەس مۇشەلەرى ٴبىر ارادا بـاس قـوسىپ، ٴار ۇلت بۇقاراسىنىڭ ٴۇمىتىن ارقالاعان ۇسىنىس جوبالارىن، حالىق تۇرمىسىنا ساياتىن ۇلى جوسپار جونىندەگى ٴبىر قىدىرۋ ۇسىنىستارىن الا كەلىپ، ىلە وبلىسى دامۋىنىڭ تىڭ جوباسىن بىرگە جاسادى.

”بيىل قانداي ۇسىنىس جوبا دايىندادىڭىز؟“، ”ٴسىز قايسى تاقىرىپتارعا نازار اۋداردىڭىز؟“ ٴماجىلىس زالىنا كىرگەندە مۇشەلەر ۇكىمەت ىسىنە ارالاسۋ، اقىل - كەڭەس بەرۋ ىنتاسىمەن ٴوزارا سۇراسىپ، پىكىرلەسىپ، بارلىق جەردە ىنتىماق پەن دەموكراتيا ايگىلەنىپ، ورتاق تانىم ۇيىستىرعان، شىندىققا جۇگىنىپ، ادامدى جىگەرلەندىرەتىن قىزۋ مەرەيلى بەينە جارىققا شىقتى.

تۇستەن بۇرىن ساعات 10 نان 30 مينۋت وتكەندە ايبىندى دا اسقاق مەملەكەت انىمەن ٴماجىلىس رەسمي اشىلدى.

”ارناۋلى كەڭەس قۇرىلىمىندىق رولى تولىق ساۋلەلەندىرىلىپ، كەڭەستىك دەموكراتيانىڭ نەگىزگى ساتىعا كەڭەيۋى ىلگەرىلەتىلىپ، شينجياڭ بويىنشا ’ساياسي كەڭەس مۇشەلەرى قىزمەت پۋنكتى‘ قۇرىلىسى الدىمەن جاپپاي ىلگەرىلەتىلىپ، مۇشەلەر قىزمەت پۋنكتى قۇرىلىسى مەن مۇشەلەردىڭ پۋنكتكە كەلىپ مىندەت اتقارۋى سىندى ’ەكىنى جاپپاي قامتۋ‘ جۇزەگە اسىرىلدى“.

”كەڭەسۋ تۇعىرى كۇش سالا قۇرىلىپ، ’ىلەدەگى كاسىپورىن باسىشىلارى مەن وبلىس باستىعى بەتپە ـ بەت كەڭەسەتىن اڭگىمە ٴماجىلىسىنىڭ‘ مىندەت وتەۋ ماركاسى بەلسەنە جاراتىلىپ، فۋنكتسيالىق تاراۋلارمەن جانە كاسىپورىندارمەن بەتپە ـ بەت پىكىر اۋىستىرىلىپ، كەڭەس وتكىزىلىپ، ىستەر كەڭەسىلىپ، كاسىپورىننىڭ اناعۇرلىم جاقسى، تەز دامۋىنا دەم بەرىلدى“.

”مۇشەلەردىڭ كاسىپتىك ارتىقشىلىعى مەن بايلىق باسىمدىلىعى ساۋلەلەندىرىلىپ، ’شاعىن تەكسەرىپ ـ زەرتتەۋ‘، ’شاعىن كەڭەس‘ 2 مىڭ 140 مايدان - رەت وتكىزىلىپ، ’حالىقتىڭ بولماشى تىلەكتەرىنەن‘ 11 مىڭنان استامى جينالدى، مۇشەلەر جىلىنا ورتا ەسەپپەن 10 رەتتەن استام مىندەت وتەۋ قيمىلىن ورىستەتىپ، ’ٴتۇيىن‘، ’جەلى‘، ’كولەم‘، ’تۇلعا‘ ٴوزارا ساي كەلەتىن نەگىزگى ساتى كەڭەس جاعدايى قالىپتاستىرىلدى“.

قادام مىعىم، اياق الىس ەكپىندى بولدى. 2024 - جىلى وبلىستىق پارتكومنىڭ وزەكتى قىزمەتى قاي جەرگە دەيىن ىلگەرىلەتىلسە، ساياسي كەڭەستىڭ مىندەت اتقارۋى دا سول جەرگە دەيىن جەتتى. ساياسي كەڭەس ىلە وبلىستىق 14 - كەزەكتى كوميتەتىنىڭ 3 - ماجىلىسىنەن بەرى مۇشەلەردىڭ تاپسىرعان ۇسىنىس جوباسى 317 پارشا، تەكسەرىپ ەستەلىككە الىنعانى 302 پارشا بولىپ، ەستەلىككە الىنۋ مولشەرى %95.3 كە، ٴبىتىرۋ، جاۋاپ قايتارۋ مولشەرى %100 كە جەتتى. وسى ۇسىنىس جوبالاردىڭ ٴبىر جاقتى ەتىلۋى بۇكىل وبلىستىڭ ەكونوميكالىق، قوعامدىق دامۋىنا قىزمەت وتەۋ، ٴتۇرلى ىستەردىڭ العا باسۋىن جەبەۋ جونىنەن ساياسي كەڭەستىڭ اقىل - پاراساتى مەن كۇش - قۋاتىن ارنادى.

ساحنادا ٴسوز بۇكپەسىز، شارالار ناقتى بولدى، بايانداما كەڭ كولەمدى ۇندەستىك تاپتى.

ٴماجىلىس زالىندا ساياسي كەڭەس مۇشەلەرى زەيىن قويا تىڭــدادى ٴارى ٴالــسىن - ٴالى قىزۋ شاپالاق سوقتى. وسى شاپالاق ٴۇنى ىشىندە وبلىستىق ساياسي كەڭەستىڭ وتكەن ٴبىر جىلداعى قىزمەتتەرىنىڭ تولىق تۇراقتاندىرىلعاندىعى بەينەلەنىپ، مۇشەلەردىڭ ىلە وبلىسىنىڭ ەكونوميكاسى مەن قوعامىنىڭ جوعارى ساپالى دامۋ قادامىن ىلگەرىلەتۋدەگى بەرىك بەكىمى مەن اسقاق سۇيىسپەنشىلىگى قامتىلدى.

اقيقات جولى قاراپايىم بولادى، ناقتى ىستەۋ بارىنەن ماڭىزدى؛ جوبا ايقىندالدى، ٴتۇيىنى تياناقتاندىرۋدا.

” ’14 ـ بەسجىلدىق‘ جوسپار اياقتالىپ، ’15 ـ بەسجىلدىق‘ دامۋ جوسپارىن جاساۋدىڭ شەشۋشى ساتىندە وبلىستىق ساياسي كەڭەس تۇراقتى كوميتەتىنىڭ قىزمەت بايانداماسى اناعۇرلىم ناقتى، ٴتۇيىنى كورنەكتى بولدى. ٴار ٴسوز - سويلەمدەرىنەن ساياسي كەڭەستىڭ وزەكتى كەلەلى جاعدايعا جوعارى ونىمدىلىكپەن قىزمەت وتەۋ، جوعارى ساپامەن مىندەت اتقارۋ، اقىل - كەڭەس بەرۋ جاۋاپكەرشىلىگىن ارقالاعاندىعى ايگىلەندى“. وبلىستىق ساياسي كەڭەستىڭ مۇشەسى، قورعاس قالالىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعاسى سۇلتان نۇرمامەت ىلە وبلىسىنىڭ جەرگىلىكتى ونىمدەرىنىڭ تەمىر جول تاسىمال قۋاتىن جوعارىلاتۋ جونىندەگى ۇسىنىسىن الا كەلدى. ول: ”ساياسي كەڭەستىڭ مول كەڭەس دانەكەرىن سۇيەنىش ەتىپ، نازاردى قورعاس ەركىن ساۋدا اۋماعى قۇرىلىسىن ىلگەرىلەتۋ سياقتى ماڭىزدى مىندەتتەرگە شوعىرلاندىرىپ، ۇكىمــەت ٴىسىن ىشكەرىلەي كەڭەسىپ، ەلىمىزدىڭ باتىسقا ەسىك اشۋداعى العى شەبىن قۇرۋعا اقىل ـ پاراسات جانە كۇش ـ قۋات قوسامىن“ دەدى.

باياندامانى زەر سالا زەرتتەپ وقىعاننان كەيىن وبلىستىق ساياسي كەڭەستىڭ مۇشەسى، وبلىستىق حالىق ىستەرى مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ٴپاريدا ابىلبەك قىزى ٴوز مىندەتىن اتقارۋ جونىندە العاشقى جوباسىن جاسادى. ول بىلاي دەدى: ”باياندامادا حالىقتى باقىتقا كەنەلتۋدى ەڭ ۇلكەن ساياسي ناتيجە ەتۋ العا قويىلدى، ساياسي كەڭەس مۇشەسى جانە حالىق ىستەرى قىزمەتكەرى رەتىندە مەن نازاردى حالىقتىڭ تۇرمىس ساپاسىن جوعارىلاتۋعا شوعىرلاندىرىپ، نەگىزگى حالىق تۇرمىسىن قامتاماسىز ەتۋدىڭ ساپاسىن، ونىمدىلىگىن اناعۇرلىم جوعارىلاتامىن؛ نازاردى جالپىعا ٴتيىمدى بولۋعا، بىرگە يگىلىكتەنۋگە شوعىرلاندىرىپ، زەينەتكەرلىككە قىزمەت وتەۋ قۇرىلىمدارىنىڭ ٴتۇزىلىس - مەحانيزم رەفورماسىن ىشكەرىلەي ىلگەرىلەتىپ، زەينەتكەرلىككە قىزمەت وتەۋدىڭ كوپ نەگىزدى، الۋان ٴتۇرلى ٴتاسىلى جونىندە ىزدەنىس جاساۋعا كۇش سالامىن؛ نازاردى حالىق تۇرمىسى ەكونوميكاسىنا شوعىرلاندىرىپ، ىلەنىڭ ەكونوميكاسى مەن قوعامىنىڭ جوعارى ساپالى دامۋىنا اناعۇرلىم دەم بەرەمىن. جاڭالىق اشۋ تانىمىن جاپپاي جوعارىلاتىپ، دامۋداعى قيىن ماسەلەلەردى كۇش سالا شەشىپ، ەڭ تومەنگى شەكتەن تۇسىرمەي قامتاماسىز ەتۋدى اناعۇرلىم اقاۋسىزداندىرىپ، كەمەلدەندىرىپ، حالىق ٴۇشىن ناقتى ٴىس ىستەۋدى مىندەت وتەۋدىڭ شىعار ٴتۇيىنى جانە تابان تىرەر تياناعى ەتىپ، بۇقارانىڭ تابىس سەزىمىن، باقىت سەزىمىن جوعارىلاتامىن“.

ٴماجىلىس زالىنان ەندى عانا شىققان وبلىستىق ساياسي كەڭەستىڭ مۇشەسى، تارباعاتاي ايماقتىق قىزمەت كوميتەتىنىڭ مۇشەسى، ورگان پارتيا باسشىلىق گرۋپپاسىنىڭ مۇشەسى لي يىڭلايدىڭ كوڭىلى شالقىپ، سەنىمى ارتا ٴتۇستى. ول بىلاي دەدى: ”باسقا مۇشەلەرمەن ىشكەرىلەي پىكىرلەسۋ ارقىلى اناعۇرلىم كەڭ كولەمدى ورتاق تانىم قالىپتاستىرىپ، اناعۇرلىم قۇدىرەتتى بىرىككەن كۇش ۇيىستىرىپ، جاڭا جىلدا ٴتۇرلى ىستەردىڭ تاعى دا تىڭ ساتىعا كوتەرىلۋىن بىرگە ىلگەرىلەتەتىندىگىمىزگە سەنەمىن“.

ٴۇمىت دابىلى قاعىلىپ، دامۋعا ۇندەۋ تاستالدى. ٴماجىلىس الاڭىنان شىققان مۇشەلەر ىلە وبلىسىنىڭ دامۋى جونىندە بەرىك سەنىم ورناتىپ، مىندەت اتقارىپ، جاۋاپكەرشىلىكتى ادا ەتۋ جونىندە بەرىك بەكىمگە كەلدى. كوپشىلىك جاپپاي بىلاي دەستى: جۇڭگو ۇلگىسىندەگى وسىزامانداندىرۋدىڭ ىلە امالياتىن ىلگەرىلەتۋ بارىسىندا ساياسي كەڭەستىڭ ٴۇنىن اسقاقتاتىپ، مۇشەلەردىڭ جاۋاپكەرشىلىك ارقالاۋى ايگىلەپ، جوعارى ساپالى مىندەت اتقارۋ ونىمدىلىگىمەن جاڭا بەينەنى ايگىلەپ، تىڭ ىسكەرلىك كورسەتەمىز.