تىلشىلەرىمىز لي يافىڭ، يۇڭ شۇيفىڭ حابارلايدى. 1 - ايدىڭ 11 - كۇنى تۇستەن كەيىن اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ٴماجىلىسى ٴتوراعالار القاسىنىڭ 1 - جيىنىن وتكىزدى.

جيىن ەڭ اۋەلى ياڭ شيۋلي، نياز اشىم، رازيا ابليـز، اقجـول انـەش ۇلى، ابليكىم نۇرانبەك، سۇن پىڭ، سۇن حۇي، جاڭارسىن نۇراش ۇلىن ٴتوراعالار القاسىنىڭ تۇراقتى ٴتوراعالىعىنا كورسەتتى.

ٴتوراعالار القاسىنىڭ تۇراقتى ٴتوراعاسى ياڭ شيۋلي جيىندى باسقاردى. جيىن ٴماجىلىستىڭ كۇن ٴتارتىبىن، ٴماجىلىستىڭ اتقارۋشى ٴتوراعالارىنىڭ گرۋپپالارعا ٴبولىنۋ ەسىمدىگىن داۋىسقا سالىپ ماقۇلدادى؛ ٴماجىلىستىڭ ورىنباسار باس حاتشىلارىن بەلگىلەدى.

جيىن ٴماجىلىستىڭ سايلاۋ جانە داۋىسقا سالۋ ٴادىسىن (جوبا) داۋىسقا سالىپ، ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى؛ وبلىستىق حالىق قۇرىلتايى تۇراقتى كوميتەتىنىڭ «ىلە قازاق اۆتونوميالى وبلىستىق حالىق قۇرىلتايى جانە ونىڭ تۇراقتى كوميتەتىنىڭ زاڭ شىعارۋ ەرەجەسى (جوبا)» جونىندەگى كەڭەستىك ۇسىنىستى قاراپ، ٴماجىلىستىڭ قاراۋىنا ۇسىنۋدى ۇيعاردى.

جيىن 2025 ـ جىلى 1 - ايدىڭ 13 - كۇنى ساعات 18 دى وسى رەتكى ماجىلىستە ۋاكىلدەردىڭ كەڭەس جوبا تاپسىرۋىنىڭ اياقتالۋ ۋاقىتى ەتۋدى ۇيعاردى.