جاڭا ساپارعا ەرلىكپەن قادام تاستاپ، ٴبىر نيەتپەن جاڭا داستان جازايىق

ـــــ ىلە وبلىستىق ساياسي كەڭەس 14 - كەزەكتى كوميتەتى 4 - ٴماجىلىسىنىڭ سالتاناتپەن اشىلعاندىعىن قىزۋ قۇتتىقتايمىز

باسماقالا

ۋاقىت جاڭالانىپ، تاعى ٴبىر سالتاناتتى جينالىستى قارسى الدىق. 1 -  ايدىڭ 11 - كۇنى بۇكىل وبلىستاعى ٴار ۇلت حالقىنىڭ شىنايى ۇمىتىمەن جۇرت نازارىن اۋدارعان ساياسي كەڭەس ىلە وبلىستىق 14 - كەزەكتى كوميتەتىنىڭ 4 - ٴماجىلىسى سالتاناتپەن اشىلدى. قوعامنىڭ ٴار سالاسىنداعىلاردىڭ تىلەگىن، بۇكىل وبلىستاعى حالىقتىڭ ماڭىزدى تاپسىرماسىن ارقالاپ، ٴار سالا، ٴار كاسىپتەن كەلگەن ساياسي كەڭەس مۇشەلەرى ٴبىر ارادا باس قوسىپ، ىلە وبلىسىنىڭ ەكونوميكالىق، قوعامدىق دامۋى ٴۇشىن شىنايى پىكىرلەرىن ورتاعا قويىپ، تاماشا اقىل - كەڭەس بەرىپ، ناقتى ٴادىس - امال كورسەتىپ، دامۋدىڭ ۇلى جوسپارىن بىرگە اقىلداسىپ، حالىق تۇرمىسىنىڭ قۇت ىرىسىن بىرگە قاراستىردى.

ٴبىز ٴماجىلىستىڭ اشىلعاندىعىن قىزۋ قۇتتىقتايمىز!

 ۋاقىت زىمىراپ وتۋدە، ٴبىز اسقاق كۇيدى ساقتادىق. 2024  - جىلى جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، حالىق ساياسي كەڭەسى قۇرىلعاندىعىنىڭ 75 جىلدىعى ٴارى ىلە وبلىسى قۇرىلعاندىعىنىڭ 70 جىلدىعى. وسى جىلى ىلە وبلىستىق ساياسي كەڭەس وبلىستىق پـارتكومنىڭ پارمەندى باسشىلىعىندا شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتىنىڭ ەكىنشى، ٴۇشىنشى جالپى ماجىلىستەرىنىڭ رۋحىن، سونداي - اق باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ۇيرەنىپ، ۇگىتتەپ، دايەكتىلەندىرىپ، باس شۋجي شي جينپيڭنىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ رۋحىن ىشكەرىلەي دايەكتىلەندىرىپ، اۆتونوميالى رايوندىق 10 - كەزەكتى پارتكوم ون ٴۇشىنشى جالپى ٴماجىلىسنىڭ رۋحىن ىلە وبلىستىق پارتكومنىڭ قىزمەت ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جۇڭحۋا ۇلتى ورتاق تۇلعا قۇرىلىسىن جاپپاي ىشكەرىلەي ىلگەرىلەتىپ، ىلە وبلىسىنىڭ رەفورما، دامۋ، ورنىقتىلىق ىستەرىنە ۇلەس قوستى.

اقىلداسۋ ارقىلى ورتاقتىققا ۇمتىلىپ، كوپتىڭ ٴىسىن كوپ بولىپ اقىلداستى. بارشا ساياسي كەڭەس مۇشەلەرى ٴار سالا، ٴار كاسىپتەگىلەردىڭ ٴۇنى مەن ٴۇمىتىن الا كەلىپ قىزۋ ىنتامەن جاۋاپكەرشىلىك ارقالاپ، مەملەكەت ٴۇشىن مىندەت اتقارىپ، حالىق ٴۇشىن جاۋاپكەرشىلىكتەرىن ادا ەتتى. ولاردىڭ كەيبىرەۋى ەكونوميكا سالاسىنداعى ايگىلى قايراتكەرلەر بولىپ، ىلەنىڭ جوعارى ساپالى دامۋىنا اقىل - كەڭەس بەرىپ، كۇش قوستى؛ كــەيبىرەۋى وقۋ - اعارتۋ سالاسىنداعى ساڭلاقتار بولىپ، نازاردى وقۋ - اعارتۋدىڭ ادىلدىگى مەن جاسامپازدىق قۋاتقا يە دارىندىلادى باۋلۋعا شوعىرلاندىرىپ، بولاشاق وقۋ - اعارتۋدىڭ ۇلى جوباسىن جاساۋعا كۇش سالدى؛ كەيبىرەۋى عىلىم - تەحنيكا سالاسىنداعى ەگەيلەر بولىپ، ولار وبـــلىستى عىلىم - تەحنيكا، وقۋ - اعارتۋ ارقىلى گۇلدەندىرۋگە كەلەلى كەڭەس بەرىپ، ەرىك - جىگەرلەرىن ارنادى؛ كەيبىرەۋى نەگىزگى ساتىنىڭ ٴبىرىنشى شەبىنەن كەلىپ، ٴار جــاقتىڭ ٴۇنىن ٴبىر اراعا توپتاپ، جوعارى دەڭگەيدەگى دامۋدى قامتاماسىز ەتۋ ٴۇشىن بىرگە اقىل قوسىپ، تاماشا شارا بەلگىلەۋگە كۇش سالدى. وسى رەتكى ٴماجىلىستى ويداعىداي اشۋ ٴار سالانىڭ يدەياسى مەن ارەكەتىن بىرلىككە كـەلتىرىپ، ٴار جــاقتىڭ اقىل - پاراساتىن، كۇش - قۋاتىن شوعىرلاندىرىپ، ٴبىر نيەت، ٴبىر تىلەكپەن جۇڭگو ۇلگىسىندەگى وسىزامانداندىرۋدىڭ ىلە تاراۋىن جازۋ جونىنەن توتەنشە ماڭىزدى مانگە يە.

تىلەكتەس، باعىتتاس بولدى، كۇش بىرىكتىرىپ، ساپارلاس بولدى. وسى ٴبىر جىلدا ىلە وبلىستىق ساياسي كەڭەس جوعارى ساپالى دامۋدى ىلگەرىلەتۋگە دەم بەرىپ، جاڭا دامۋ ۇستانىمىن تولىق، دالمە - ٴدال، جاپپاي دايەكتىلەندىردى، 14 - كەزەكتى كوميتەتتىڭ 3 - ماجىلىسىندە 295 مۇشە 317 ۇسىنىس جوبا تاپسىردى، مۇنىڭ ىشىندە 302 ۇسىنىس جوبانى تەكسەرىپ ەستەلىككە الىپ، جاۋاپ قايتارۋ سالىستىرماسى %100 كە جەتتى؛ ”ەمدەۋ قىزمەت وتەۋ ساپاسىن جوعارىلاتىپ، حالىق بۇقاراسىنىڭ ريزا بولۋ دەڭگەيىن جوعارىلاتۋدى“ ارقاۋ ەتىپ، ۇكىمەت ىسىنە بەلسەنە اقىل - كەڭەس بەرىپ، حالىقتىڭ قۇت - ىرىسىن ارتتىرۋ جاعىندا اناعۇرلىم زور ونىمدىلىككە قول جەتكىزدى؛ تۇڭعىش رەت ىلە وبلىستىق ساياسي كەڭەس جۇيەسىندە پارتيا قۇرىلىسى قىزمەتى اڭگىمە ٴماجىلىسىن اشىپ، پارتيا ۇيىمى مەن پارتيا قىزمەتىندە ”ەكىنى تولىق قامتۋدى“ ىلگەرىلەتتى؛ ىلە وبلىستىق ساياسي كەڭەس جۇيەسىنىڭ قىزمەت بىرىككەن كۇشىن ۇزدىكسىز كۇشەيتىپ، مىندەت اتقارۋدىڭ ”ٴبىر تۇتاس جۇيەسىن“ بارعان سايىن جانداندىردى؛ 377 مۇشەلەر قىزمەت پۋنكتىن (كەڭسەسى) قۇرىپ، وبلىس، اۋدان ەكى دارەجەلى 3 مىڭ 30 ساياسي كەڭەس مۇشەسىن تۇگەلدەي قىزمەت پۋنكتىنە ەنگىزىپ، مۇشەلەر قىزمەت پۋنكتى قۇرىلىسى مەن مۇشەلەردىڭ پۋنكتكە كەلىپ مىندەت اتقارۋى سىندى ”ەكىنى جاپپاي قامتۋدى“ جۇزەگە اسىردى؛ ”شاعىن تەكسەرىپ - زەرتتەۋ“، ”شاعىن كەڭەسۋ“ ارەكەتىن اتقارىپ، ”شاعىن ۇگىت - لەكسيا“، ”شاعىن قيمىلدار“، ”شاعىن قىزمەت وتەۋ“، ”بولماشى حالىق تىلەگىن توپتاۋ“ سياقتى قيمىلداردى ورىستەتىپ، بۇقاراعا ”ساياسي كەڭەستىڭ وزدەرىمەن ەتەنە، مۇشەلەردىڭ ٴوز جاندارىندا“ ەكەندىگىن شىنايى سەزىندىردى؛ مۇشەلەردىڭ مىندەت اتقارۋ ارحيۆى سياقتى تۇزىمدەردى ورناتىپ، مۇشەلەردى ”مۇشەلەر تاپسىرماسىن“ ويداعىداي ىستەۋگە جەتەكتەپ، مۇشەلەردىڭ مىندەت اتقارۋىن باعالاۋدا ۇزدىك جانە تولىمدى بولۋ سالىستىرماسى %98 تەن جوعارى بولدى...... 

ساپار كەمپىرقوساق ىسپەتتى كوز تارتار كوركەمدىككە يە، ول ادامدى العا باسۋعا جــەبەيدى. 2025 - جىل − ”14 - بەسجىلدىق“ جوبا اياقتالاتىن، ”15 - بەسجىلدىق“ جوبا جاسالاتىن جىل. ەندى عانا اياقتالعان ىلە وبلىستىق پارتكومنىڭ قىزمەت ٴماجىلىسى جوعارى ساپالى دامۋدىڭ ٴتۇيىندى مىندەتتەرىن جۇيەلى ورنالاستىردى، بۇكىل وبلىستا جوعارىدان تومەنگە دەيىن اسقاق جىگەرمەن ارشىندى قادام تاستاپ، ەرتەڭگى نۇرلى بولاشاققا ايبىندى بەينەمەن اتتاندى. جاڭا جورىقتا ەكپىندەي ىلگەرىلەۋدە حالىق ساياسي كەڭەسى ٴىرى ىستەردى ىستەۋى ٴارى كەلەلى ىستەردى دە تىندىرۋى ٴتيىس. كۇش ىنتىماقتان تۋادى، باقىت كۇرەستەن كەلەدى! ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ىلە وبلىستىق پارتكومنىڭ پارمەندى باسشىلىعىندا، سەنىمدى بەكەمدەپ، قاجىرلىلىقپەن ناقتى ىستەپ، بەلگىلەنگەن نىساناعا قاراي قول ۇستاسا العا باسىپ، ىنتىماقتاسا كۇرەس جۇرگىزىپ، ىلە وبلىسىنىڭ باياندى تىنىشتىعى مەن جوعارى ساپالى دامۋىنا اقىل ـ پاراساتىمىز بـەن كـۇش ـ قۋاتىمىزدى ارنايىق! ٴماجىلىستىڭ تولىق تابىستى بولۋىن تىلەيمىز!