ساياسي كەڭەس ىلە وبلىستىق 14 - كەزەكتى كوميتەتىنىڭ 4 - ٴماجىلىسى اشىلدى

ياڭ شيۋلي، ەلشات تۇرسىنباي ۇلى، نياز اشىم، لي چىڭشىڭ، جاۋ سۇيفاڭ ماجىلىسكە قاتىناسىپ قۇتتىقتادى

ٴماجىلىستى حۋ كايجياڭ باسقاردى، سەرجان ۇعىباي ۇلى ىلە وبلىستىق ساياسي كەڭەس 14 - كەزەكتى كوميتەتى تۇراقتى كوميتەتىنىڭ قىزمەتىنەن بايانداما جاسادى

جياۋ شياۋفان ۇسىنىس جوبا قىزمەتىنىڭ احۋالىنان بايانداما جاسادى

سۋرەتتە: 1 - ايدىڭ 11 - كۇنى ساياسي كەڭەس ىلە وبلىستىق 14 - كەزەكتى كوميتەتىنىڭ 4 - ٴماجىلىسىنىڭ اشىلۋ سالتى. ليۋ چىڭگاڭ فوتوسى

تىلشىلەرىمىز لۋ جۇڭ، ليۋ چىڭگاڭ حابارلايدى. زەيىن - زەردەنى ۇيىستىرىپ، كۇشتى شوعىرلاندىرىپ، جاڭا داۋىردە ەكپىندەي ىلگەرىلەپ، ٴورىس اشا جاڭالىق اشىپ، جاڭا جاۋاپكەرشىلىك ارقالاۋدى ايگىلەدى. 1 - ايدىڭ 11 - كۇنى تۇستەن بۇرىن ساياسي كەڭەس ىلە وبلىستىق 14 - كەزەكتى كوميتەتىنىڭ 4 - ٴماجىلىسى ىلە وبلىستىق مادەنيەت - كوركەمونەر قيمىل ورتالىعىندا سالتاناتپەن اشىلدى.

ٴماجىلىس الاڭى دۋماندى دا سالتاناتتى تۇسكە ەنىپ، ٴتوراعالار مىنبەسىنىڭ تورىنە ىلىنگەن جۇڭگو حالىق ساياسي ٴماسليحات كەڭەسىنىڭ گەربى شۇعىلا شاشىپ تۇردى، ون نارت قىزىل تۋ ونىڭ ەكى جاعىنا قويىلدى.

ىلە وبلىستىق ساياسي كەڭەس پارتيا باسشىلىق گرۋپپاسىنىڭ شۋجيى، ورىنباسار ٴتوراعاسى حۋ كايجياڭ، وبلىستىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعا سەرجان ۇعىباي ۇلى، وبلىستىق ساياسي كەڭەستىڭ بـاسشىلارىنـان مامەتجان داۋىت، جياۋ شياۋفان، جـوۋ ليشيـن، چۇي حۇڭ، باعجان قالىمبەك ۇلى، اسپيدەن سىمەت ۇلى، كۇڭ ليڭشىڭ ٴتوراعالار مىنبەسىنىڭ الدىڭعى قاتارىنان ورىن الدى.

يـاڭ شيـۋلـي، ەلشات تـۇرسىنباي ۇلـى، نـيـاز اشـىم، لي چىڭشىڭ، جـاۋ سـۇيفاڭ، لـي رۇڭنيـان، ۋاڭ شينجۇن، ياڭ شينپيڭ، قايرات اشىك ۇلى، لي ۋي، فىڭ جو ٴتوراعالار مىنبەسىنەن ورىن الىپ، ٴماجىلىستىڭ اشىلعاندىعىن قۇتتىقتادى. وبلىستىق حالىق قۇرىلتايىنىڭ، ۇكىمەتتىڭ، سوت مەكەمەسىنىڭ، پروكۋراتۋرا مەكەمەسىنىڭ نەگىزگى باسشىلارى ٴتوراعالار مىنبەسىنەن ورىن الدى. ساياسي كەڭەس تارباعاتاي ايماقتىق، التاي ايماقتىق قىزمەت كوميتەتتەرىنىڭ نەگىزگى باسشىلارى ماجىلىسكە قاتىناستى ٴارى ٴتوراعالار مىنبەسىنەن ورىن الدى.

ساياسي كەڭەس وبلىستىق 14 - كەزەكتى كوميتەتىنىڭ 4 - ماجىلىسىنە قاتىناسۋعا ٴتيىستى مۇشە 300 ادام، ناقتى قاتىناسقانى 274 ادام، بۇل بەلگىلەمەدەگى ادام سانىنا ۇيلەسەدى.

ساعات 10 نان 30 مينۋت وتكەندە، حۋ كايجياڭ ٴماجىلىستىڭ باستالعاندىعىن جاريالادى، زالداعىلار تۇگەل ورىندارىنان تۇرىپ، مەملەكەت ٴانىن اسقاقتاتا شىرقادى.

قىزۋ شاپالاق ٴۇنى ىشىندە سەرجان ۇعىباي ۇلى ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى.

سەرجان ۇعىباي ۇلى بىلاي دەدى: 2024 ـ جىل − جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋداعى شەشۋشى جىل ٴارى حالىق ساياسي كەڭەسى قۇرىلعاندىعىنىڭ 75 جىلدىعى، ىلە قازاق اۆتونوميالى وبلىسى قۇرىلعاندىعىنىڭ 70 جىلدىعى. شي جينپيڭ جولداستى ۇيتقى ەتكەن پارتيا ورتالىق كوميتەتى رول ۇستاپ، جول باستاپ، جالپى جاعدايدى يگەرىپ، ٴداۋىر بولگىشتىك، بەلەستىك مانگە يە پارتيا 20 - كەزەكتى ورتالىق كوميتەتىنىڭ ٴۇشىنشى جالپى ٴماجىلىسىن اشىپ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ستراتەگيالىق شارالارىن كەسكىندەپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ كۇرەس نىساناسىن، ارەكەت باعدارناماسىن بەلگىلەدى. ٴبىر جىلدان بەرى، اۆتونوميالى رايوندىق ساياسي كەڭەستىڭ پارمەندى جەتەكشىلىگىندە، وبلىستىق پارتكومنىڭ پارمەندى باسشىلىعىندا، بۇكىل وبلىستاعى ٴار دارەجەلى ساياسي كەڭەس ۇيىمدارى جالپى بارىستىق حالىق دەموكراتياسىن بەلسەنە امالياتتا ايگىلەپ، ارناۋلى كەڭەس قۇرىلىمىندىق رولىن تولىق ساۋلەلەندىرىپ، كەڭەسۋ ٴتاسىلى مەن تۇعىرىن ۇزدىكسىز كەڭەيتىپ، كەڭەستىك دەموكراتيانىڭ نەگىزگى ساتىعا قاراي كەڭەيۋىن ىلگەرىلەتىپ، بۇكىل شينجياڭدا ”ساياسي كەڭەس مۇشەلەرى قىزمەت پۋنكتى“ قۇرىلىسىن الدىمەن جاپپاي اتقاردى، مۇشەلەر قىزمەت پۋنكتى قۇرىلىسى مەن مۇشەلەردىڭ پۋنكتكە كەلىپ مىندەت اتقارۋى سىندى ”ەكىنى جاپپاي قامتۋدى“ جۇزەگە اسىرىپ، نەگىزگى ساتى ساياسي كەڭەس قىزمەتىندە بۇكىل شينجياڭ بويىنشا الدىڭعى لەكتە ٴجۇرۋدى بەكەمدەدى. ٴبىر جىلدان بەرى، ىلە وبلىستىق ساياسي كەڭەس تۋدى بيىك ۇستاپ، بەتالىستان اۋىتقىماي، ساياسي ادالدىقتى بەكەمدەۋدە تىڭ دەڭگەيگە كوتەرىلۋدى جۇزەگە اسىردى؛ وزەكتى ارقاۋ ەتىپ، ىشكەرىلەي ۇسىنىس - پىكىر بەرىپ، جالپى جاعدايعا كۇش سالا قىزمەت وتەۋ جاعىندا تىڭ ىسكەرلىك كورسەتتى؛ دەموكراتيانى ساۋلەلەندىرىپ، ىنتىماقتى نىعايتىپ، ورتاق تانىم ۇيىستىرىپ، بىرىككەن كۇش قالىپتاستىرۋ جاعىندا تىڭ قادام تاستادى؛ نەگىزدى بەكەمدەپ، تۋراشىلدىقتان اينىماي، جاڭالىق اشىپ، وزىندىك قۇرىلىستى كۇشەيتۋ جاعىندا تىڭ بەت - بەينە كورسەتتى.

سەرجان ۇعىباي ۇلى بىلاي دەدى: 2025 ـ جىل ”14 ـ بەسجىلدىق“ جوبا اياقتالاتىن جىل، اۆتونوميالى رايون قۇرىلعاندىعىنىڭ 70 جىلدىعى.

بيىلعى ساياسي كەڭەس قىزمەتىن جاقسى ىستەۋدە شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتىنىڭ ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، اسىرەسە، باس شۋجي شي جينپيڭنىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ رۋحىن، اۆتونوميالى رايوندىق 10 - كەزەكتى پارتكوم ون ٴۇشىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى نەگىزگى جەلى ەتىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاپ، وبلىستىق پارتكوم العا قويعان ”16661“ ٴتۇيىندى شاراسىنا ساي، پارتيانىڭ ساياسي قۇرىلىسىن ٴبىر تۇتاس باسشىلىققا الىپ، كىتاپ وقۋ مەرەيىنە شومعان ساياسي كەڭەس، ومىرشەڭدىككە يە ساياسي كەڭەس، جاراسىمدى ساياسي كەڭەس، پاراساتتى ساياسي كەڭەس، يقۋاتتى ساياسي كەڭەس سىندى بەس ساياسي كەڭەس قۇرىلىسىن تۇتقا ەتىپ، ساياسي بەتالىستى مىقتى يگەرىپ، ورتاق يدەيالىق ساياسي نەگىزدى ۇزدىكسىز بەكەمدەپ، وزەكتى جالپى جاعدايعا قىزمەت وتەپ، جۇڭگو ۇلگىسىندەگى وسىزامانداندىرۋدىڭ ىلە امالياتىنا دەم بەرىپ، ىنتىماقتى، دەموكراتيانى كوزدە ۇستاپ، ورتاق تانىمدى كەڭىنەن ۇيىستىرىپ، قۇدىرەتتى بىرىككەن كۇش قالىپتاستىرىپ، نەگىزدى كۇشەيتۋگە، نەگىزدى بەكەمدەۋگە تاباندى بولىپ، ارناۋلى كەڭەس قۇرىلىمىنىڭ ونىمدىلىگىن جاپپاي جوعارىلاتىپ، ىلەنىڭ رەفورما، دامۋ، ورنىقتىلىق ىستەرىنە اقىل - پاراسات جانە كۇش - قۋات توپتاۋ كەرەك.

ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتى تۇراقتى كوميتەتىنىڭ تاپسىرۋىمەن جياۋ شياۋفان ماجىلىستە 14 - كەزەكتى كوميتەتتىڭ 3 - ماجىلىسىنەن بەرگى ۇسىنىس جوبا قىزمەتىنىڭ احۋالىنان بايانداما جاسادى.

جياۋ شياۋفان بىلاي دەدى: ساياسي كەڭەس وبلىستىق 14 - كەزەكتى كوميتەتىنىڭ 3 - ماجىلىسىنەن بەرى، قالىڭ ساياسي كەڭەس مۇشەلەرى وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن پارتكوم مەن ۇكىمەتتىڭ وزەكتى قىزمەتىن ارقاۋ ەتىپ، ەكونوميكانىڭ جوعارى ساپالى دامۋى، قوعامدىق جالپى جاعدايدىڭ ورنىقتىلىعى، حالىق تۇرمىسىن جاقسارتۋ سياقتى ٴتۇبىرلى، نەگىزدىك، ۇزاق بولاشاقتىق سيپاتتى ماسەلەلەرمەن جانە حالىق بۇقاراسى جاپپاي كوڭىل بولگەن قولامتالى، قيىن ماسەلەلەرمەن تىعىز بايلانىستىرا ۇسىنىس جوبا قويىپ، شىنايى پىكىر بەرىپ، ناقتى شارا قولدانىپ، ورتاق تانىم ۇيىستىردى. ساياسي كەڭەس وبلىستىق 14 - كەزەكتى كوميتەتىنىڭ 3 - ماجىلىسىنەن بەرى 302 ۇسىنىس جـوبا، ەستەلىككە الىندى، اۆتونوميالى وبلىستىق ساياسي كەڭەس تۇراقتى كوميتەتىنىڭ باقىلاۋى مەن جەتەكشىلىگىندە جاۋاپ قايتارۋ مولشەرى %100، رازىلىق مولشەرى %100 بولدى. وبلىستىق ساياسي كەڭەس قاتىستى جاقتارمەن بىرگە ىشكەرىلەي كەڭەس وتكىزىپ، ۇسىنىس جوباداعى كوپتەگەن پىكىر - ۇسىنىستاردى تياناقتاندىردى، كەيبىر پىكىر - ۇسىنىستار قاتىستى ساياساتتار مەن شارالاردا بەينەلەنىپ، ساياسي كەڭەستىڭ ۇسىنىس جوبالارىنىڭ تۇتاس بارىستىق حالىق دەموكراتياسىن دامىتۋ، ەكونوميكالىق، قوعامدىق دامۋدى ىلگەرىلەتۋ بارىسىنداعى ابزالدىلىعى مەن رولى تولىق ساۋلەلەندىرىلىپ، اۆتونوميالى وبلىستىڭ ەكونوميكاسى مەن قوعامىنىڭ جوعارى ساپالى دامۋىنا اقىل - پاراساتى مەن كۇش - قۋاتىن ارنادى.