تىلشىلەرىمىز حان شاشا، جاڭ لياڭ حابارلايدى. ساياسي كەڭەس ىلە وبلىستىق 14 - كەزەكتى كوميتەتى 4 - ٴماجىلىسىنىڭ ۇسىنىس جوبالاردى تەكسەرۋ كوميسسياسىنىڭ جيىنى 1 - ايدىڭ 11 - كۇنى اشىلدى، ٴماجىلىستى وبلىستىق ساياسي كەڭەس پارتيا باسشىلىق گرۋپپاسىنىڭ مۇشەسى، ورىنباسار ٴتوراعا جياۋ شياۋفان باسقاردى، ۇسىنىس جوبالاردى تەكسەرۋ كوميسسياسىنداعى بارلىق مۇشە جيىنعا قاتىناستى.

جيىن مۇشەلەردىڭ ۇسىنىس جوبالارىن تەكسەرىپ تۇراقتاندىردى؛ ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتى 4 - ٴماجىلىسىنىڭ ساياسي كەڭەس 14 - كەزەكتى كوميتەتى 4 - ٴماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسىن (جوبا) كەڭەسىپ قارادى.

ساياسي كەڭەس ىلە وبلىستىق 14 - كەزەكتى كوميتەتىنىڭ 4 - ٴماجىلىسى كەزىندە ساياسي كەڭەس مۇشەلەرى، ساياسي كەڭەسكە قاتىناسقان ورىندار جانە ارناۋلى كوميتەتتەر وسكەلەڭ ساياسي جاۋاپكەرلىك سەزىممەن جانە بورىشتىلىق سەزىممەن ۇسىنىس جوبانىڭ قاتىناستاردى سايكەستىرۋ، كۇش توپتاۋ، اقىل - كەڭەس بەرۋ، جالپى جاعدايعا قىزمەت وتەۋ جاعىنداعى ماڭىزدى رولىن تولىق ساۋلەلەندىرىپ، وبلىستىق پارتكوم مەن ۇكىمەتتىڭ وزەكتى قىزمەتىن تىعىز توڭىرەكتەپ، حالىق بۇقاراسى جاپپاي كوڭىل بولگەن، قوعام جاپپاي نازار اۋدارعان ماسەلەلەردى تىعىز ارقاۋ ەتىپ، ىشكەرىلەي وي جۇگىرتىپ، تاقىرىپتى دەن قويا تاڭداپ، بەلسەنە اقىل - كەڭەس بەردى.

2025 - جىلى 1 - ايدىڭ 11 - كۇنى ساعات 18 گە دەيىن جالپى 290 ۇسىنىس جوبا تاپسىرىپ الىندى، تەكسەرۋ ارقىلى 238 ۇسىنىس جوبا ەستەلىككە الىنىپ، ەستەلىككە الىنۋ مولشەرى %82.07 كە جەتتى. ەستەلىككە الىنعان ۇسىنىس جوبالاردىڭ ىشىندە ەكونوميكالىق قۇرىلىس تۇرىندەگى ۇسىنىس جوبا 120 نۇسقا بولىپ، ەستەلىككە الىنعان جالپى ۇسىنىس جوبانىڭ %50.42 ىن ۇستادى؛ ساياسي قۇرىلىس تۇرىندەگى ۇسىنىس جوبا 25 نۇسقا بولىپ، %10.5 ىن ۇستادى؛ مادەنيەت قۇرىلىسى تۇرىندەگى ۇسىنىس جوبا 53 نۇسقا بولىپ، %22.27 ىن ۇستادى؛ قوعامدىق قۇرىلىس تۇرىندەگى ۇسىنىس جوبا 26 نۇسقا بولىپ، %10.92 ىن ۇستادى؛ ەكولوگيالىق وركەنيەت قۇرىلىسى تۇرىندەگى ۇسىنىس جوبا 14 نۇسقا بولىپ، %5.89 ىن ۇستادى.

ٴماجىلىس جابىلعاننان كەيىن ىلە وبلىستىق ساياسي كەڭەس ۇسىنىس جوبالاردى قايتا قاراۋ جيىنى مەن ۇسىنىس جوبالاردى ٴبىر جاقتى ەتۋگە تاپسىرۋ جيىنىن اشىپ، وسى رەتكى ٴماجىلىس كەزىندە ەستەلىككە الىنعان ۇسىنىس جوبالاردى وبلىستىق پارتكوم مەن ۇكىمەتتىڭ قاتىستى تاراۋلارىنىڭ ٴبىر جاقتى ەتۋىنە تاپسىرادى. ٴماجىلىس اياقتالعاننان كەيىن تاپسىرىپ العان ۇسىنىس جوبالاردى جاي ۇسىنىس جوبا رەتىندە ٴبىر جاقتى ەتەدى، وبلىستىق ساياسي كەڭەستىڭ ۇسىنىس جوبا كوميتەتى دەر كەزىندە تەكسەرىپ، ەستەلىككە الادى ٴارى قاتىستى تاراۋلاردىڭ ٴبىر جاقتى ەتۋىنە تاپسىرادى.