− ىلە قازاق اۆتونوميالى وبلىستىق 15 - كەزەكتى حالىق قۇرىلتايى 4 - ٴماجىلىسىنىڭ اشىلۋىنان ەستەلىك

ٴتىلشىمىز لي يافىڭ

ۋاقىت جاڭالانىپ، ماداق جىرلار جاڭعىرادى، جاسقا جاس قوسىلعاندا ونىڭ وزىندىك شاتتىعى بولادى.

1 - ايدىڭ 12 - كۇنى قوعام جاعدايى مەن حالىق رايىن جەتكىزىپ، دۇرىس كوزقاراس بىلدىرگەن، دامۋدىڭ قوزعاۋشى كۇشىن دەر شاعىندا ۇيىستىرعان زور جينالىس − ىلە قازاق اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ٴماجىلىسى اشىلدى. بۇكىل وبلىستاعى ٴار سالا، ٴار كاسىپتەن كەلگەن وبلىستىق حالىق قۇرىلتايىنىڭ ۋاكىلدەرى حالىقتىڭ ٴۇنىن جەتكىزۋ ٴۇشىن حالىق تىلەگىن ارقالاپ، تولىق سەنىممەن، نىق قاداممەن ىلە وبلىستىق مادەنيەت - كوركەمونەر قيمىل ورتالىعىنا قادام تاستاپ، حالىق جۇكتەگەن ۇقىقتارىن اتقارىپ، دامۋدىڭ ۇلى جوباسىن بىرگە جاسادى.

”مىندەتىمىزدى، ٴسوزجوق، مۇقيات اتقارىپ، باياندامالاردى ويداعىداي قارايمىز“. ”بۇل رەتكى ماجىلىستە جاڭاشا وندىرگىش كۇشتەردى جەتىلدىرۋ، دامىتۋ جاعىنداعى كەڭەستىك جوبالاردى العا قويماقپىن“. ٴماجىلىس الاڭىنا كىرەردەن بۇرىن، ۋاكىلدەردىڭ جىگەرلەرى تاسقىنداپ، جۇرە ٴجۇرىپ، وزدەرى كوڭىل بولگەن تۇيىندەردى اڭگىمەلەدى.

تۇستەن بۇرىن ساعات 10 نان 30 مينۋت وتكەندە، ايبىندى مەملەكەت انىمەن وبلىستىق 15 - كەزەكتى حالىق قۇرىلتايىنىڭ 4 - ٴماجىلىسى اشىلدى.

دۋ شاپالاق ٴۇنى ىشىندە وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى بايانداما جاساۋ مىنبەسىنە شىعىپ، وبلىستىق حالىق ۇكىمەتى اتىنان ماجىلىسكە ۇكىمەت قىزمەتىنەن بايانداما جاسادى.

ول بىلاي دەدى: 2024 - جىلى اۆتونوميالى رايوندىق پارتكوم مەن ۇكىمەتتىڭ جانە اۆتونوميالى وبلىستىق پارتكومنىڭ دۇرىس باسشىلىعىندا، بۇكىل وبلىس بويىنشا جوعارىدان تومەنگە دەيىن جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنا تاباندى  بولىپ، جوعارى ساپالى دامۋ سىندى ماڭداي الدى مىندەتتى تىعىز ارقاۋ ەتىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى جوعارى ونىمدىلىكپەن ٴبىر تۇتاس جوسپارلاپ، ەكونوميكانىڭ تومەندەۋ سوققىسى مەن سىناعىن قۇلشىنا جەڭىپ، قيىنشىلىقتاردى جەڭىپ، جىگەرلەنە العا باسىپ، ەكونوميكانىڭ دامۋ ساپاسىن ورنىقتى جوعارىلاتىپ، قوعامدىق جالپى جاعدايدىڭ ورنىقتىلىعىن ساقتاپ، حالىق تۇرمىسى ىستەرىندە تىڭ ىلگەرىلەۋشىلىككە قول جەتكىزىپ، اۆتونوميالى وبلىستىڭ رەفورما، دامۋ، ورنىقتىلىق ىستەرىندە جاڭا جاعداي اشتىق.  

2024 - جىلى وبلىستىڭ وڭىرلىك ٴوندىرىس جالپى ٴونىم قۇنى %5.8 مولشەرىندە، ادەتتەگى الەۋمەتتىك مەجە ەسەپ كىرىسى %13.2، كولەمنەن جوعارى ونەركاسىپتىڭ ارتقان قۇنى %5.1 مولشەرىندە...... ۇكىمەت قىزمەتىنەن باياندامانىڭ ٴسوز - سويلەمدەرىندە دامۋ مەن ٴۇمىت شوعىرلانعان، سوزىندە ٴنار، سوزىندە ٴمان، سوزىندە ىقىلاس بار.

ۇكىمەت قىزمەتىنىڭ ٴبىر قىدىرۋ شارالارى مەن ناتيجەلەرى ٴبىر - بىرلەپ العا قويىلدى، ٴاربىر سيفردىڭ استارىندا ىلەنىڭ دامۋىنىڭ نىق قادامى، بۇقارانىڭ تۇرمىسى شىنايى جاقسارعاندىعى بەينەلەنگەن. ۋاكىلدەر دەن قويا تىڭداپ، ەستەلىكتەر الدى، ساندى مالىمەتتەر ادامدى شابىتتاندىرىپ، تابىستار ادامدى العا باسۋعا جەبەپ، شارالار ادامنىڭ كوڭىلىن جەلپىندىردى، كوپشىلىك قىزۋ شاپالاق ارقىلى قۋانىشتارى مەن قۇپتاۋلارىن ٴبىلدىردى.

بيىل − رەفورمانى اناعۇرلىم جاپپاي تەرەڭدەتۋدەگى ماڭىزدى جىل ٴارى ”14 ـ بەسجىلدىق“ جوبا اياقتالاتىن جىل جانە ”15 ـ بەسجىلدىق“ جوبا جاساۋعا ازىرلەنەتىن شەشۋشى جىل. وراي مەن جاعدايعا عىلمي تۇجىرىم جاساپ، ورنىقتىلىق پەن ىلگەرىلەۋدى مىقتى يگەرىپ، ورناتۋ مەن كۇشىنەن قالدىرۋدى ٴبىر تۇتاس جوسپارلاپ، سونداي - اق قازىرگى مەن ۇزاق بولاشاققا تەڭ ٴمان بەرىپ تۇراقتاندىرىلعان اۆتونوميالى وبلىستىڭ بيىلعى ەكونوميكالىق، قوعامدىق دامۋىنىڭ باستى مەجەلى نىساناسى جۇرتتى جىگەرلەندىردى.

ناتيجە سەنىمدى كۇشەيتەدى، نىسانا ادامدى العا باسۋعا جەبەيدى. بايانداماداعى بيىلعى قىزمەتتەرگە جاسالعان ورنالاستىرۋ جونىندە ۋاكىلدەر ”قاۋىرت ىستەۋگە“ دايىندالىپ بولدى.

”وبلىس باستىعى جاساعان ۇكىمەت قىزمەتىنەن باياندامانى تىڭداعاننان كەيىن ەرەكشە جەلپىندىم، بۇل ۇكىمەت قىزمەتىنەن باياندامادا ىلە ەكونوميكاسىنىڭ دامۋى، حالىق تۇرمىسىن جاقسارتۋ جانە مادەنيەت، ساياحات سياقتى 14 جاقتان ماقتانارلىق ناتيجەگە قول جەتكىزگەندىگى قورىتىندىلانعان، بۇل ٴبىزدىڭ مۇنان بىلايعى قىزمەتتەرىمىزدى جاڭا بەتالىس پەن نىساناعا يە ەتتى“ دەدى وبلىستىق حالىق قۇرىلتايىنىڭ ۋاكىلى، دۋلات وتكەلى قارجى قوسۋدى جەبەۋ ورتالىعىنىڭ مەڭگەرۋشىسى جين چاڭحاۋ.

وبلىستىق حالىق قۇرىلتايىنىڭ ۋاكىلى، وبلىستىق ساۋدا مەكەمەسى ورگان پارتكومىنىڭ ارناۋلى ورىنباسار شۋجيى ياڭ شياۋرۋ ۇكىمەت قىزمەتىنەن باياندامادا تۇتىنۋدى سەرپىلتۋ ارناۋلى قيمىلىن كۇش سالا اتقارۋ اتاپ كورسەتىلگەندىگىن، ول ٴماجىلىس رۋحىن ٴتۇيىندى قىزمەت مىندەتتەرىمەن بەلسەنە توعىستىرىپ، اۆتوكولىكتەردى جاراقسىزعا شىعارىپ جاڭادان ساتىپ الۋ، اۋىستىرىپ جاڭالاۋ، وتباسى ەلەكتر جابدىقتارى مەن ەلەكتروندىق ونىمدەردىڭ كونەسىنىڭ ورنىنا جاڭاسىن اۋىستىرۋ، ٴۇي اشەكەيلەۋ، اسحانا، تازالىق ٴۇيى جابدىقتارىن جاڭالاۋ سياقتى ساياساتتاردى سايكەستىرىپ تياناقتاندىرىپ، 2025 - جىلعى تۇتىنۋدى جوعارىلاتۋ جىلىنىڭ جەلىلەس قيمىلدارىن ويداعىداي وتكىزىپ، كەشكى ەكونوميكانىڭ كوپ نەگىزدەنۋىن جەبەپ، وڭىرلىك تۇتىنۋدىڭ شوعىرلانعان وڭىرلەرىن جەتىلدىرىپ، تۇتىنۋمەن قامداۋدى اناعۇرلىم ساپالىلاندىرىپ، ەكونوميكانىڭ جوعارى ٴونىمدى اينالىمىن جەبەيتىندىگىن ٴبىلدىردى.

وبلىستىق حالىق قۇرىلتايىنىڭ ۋاكىلى، قۇلجا اۋدانى ساميۇزى قالاشىعى حالىق قۇرىلتايىنىڭ ٴتوراعاسى وسمان يسىما بىلاي دەدى: ”ۇكىمەت قىزمەتىنەن باياندامانى تىڭداعان سوڭ قاتتى شابىتتانىپ، ەرەكشە جەلپىندىم. باياندامانىڭ ويى اسقاق، وي جەلىسى ايقىن، ٴتۇيىنى كورنەكتى، تۇرعىسى ايقىن بولىپ، ورتالىقتىڭ رۋحىن دايەكتى تياناقتاندىرۋمەن بىرگە، ىلەنىڭ ٴىس جۇزىندىگىنە وتە ۇيلەسكەن. اۋىل - قالاشىق حالىق قۇرىلتايىنىڭ ٴتوراعاسى بولعاندىقتان، مەن ٴىس جۇزىندىكپەن تىعىز ۇشتاستىرىپ، وسى رەتكى ٴماجىلىستىڭ رۋحىن ىشكەرىلەي ويداعىداي ۇيرەنەمىن، ۇگىتتەيمىن، دايەكتىلەندىرەمىن. ونان دا ماڭىزدىسى، ىرىقتىلىقپەن ٴىس تىندىرىپ، قالاشىقتاعى ٴار دارەجەلى حالىق قۇرىلتايى ۋاكىلدەرىن مىندەتىن مۇقيات اتقارۋعا ىنتىماقتاستىرىپ جانە باستاپ، حالىق قۇرىلتايى ۋاكىلدەرىنىڭ جاۋاپكەرشىلىك سەزىمى مەن بورىشتىلىق سەزىمىن شىنايى كۇشەيتىپ، حالىق قۇرىلتايى ۋاكىلدەرىنىڭ مىندەتىن زاڭ بويىنشا اتقارۋ قابىلەتىن كۇشەيتىپ، جەرگىلىكتى ورىننىڭ ەكونوميكاسىنىڭ، قوعامىنىڭ جوعارى ساپالى دامۋىن جەبەپ، قۇدىرەتتى بىرىككەن كۇش ۇيىستىرامىن“.

ۋاكىلدەر جابال مىنانى ٴبىلدىردى: كوتەرىڭكى رۋحاني كۇيدى ۇزدىكسىز ساقتاپ، ٴتۇرلى باياندامالاردى ويداعىداي قاراپ، جاقسى ۇسىنىستار مەن پىكىرلەردى العا قويىپ، جۇڭگو ۇلگىسىندەگى وسىزامانداندىرۋدىڭ ىلە امالياتىن ىلگەرىلەتىپ، تىڭ قامال الۋدى جۇزەگە اسىرۋعا  ٴوز ۇلەستەرىمىزدى قوسامىز.