جاڭا ورايدى يگەرىپ، جاڭا بورىشتى ارقالاپ، تىڭ ىسكەرلىك كورسەتتى

ساياسي كەڭەس ىلە وبلىستىق 14 - كەزەكتى كوميتەتىنىڭ 4 - ٴماجىلىسى 2 - جالپى جيىنىن وتكىزدى

تىلشىلەرىمىز لۋ جۇڭ، سۇن ي ـ نان حابارلايدى. ساياسي كەڭەس ىلە وبلىستىق 14 ـ كەزەكتى كوميتەتىنىڭ 4 ـ ٴماجىلىسى 1 ـ ايدىڭ 12 ـ كۇنى 2 - جالپى جيىنىن وتكىزدى، ساياسي كەڭەستىڭ 10 مۇشەسى ماجىلىستە ٴسوز سويلەدى، ساياسي كەڭەستىڭ قالعان مۇشەلەرى جازباشا ٴسوز ماتەريالىن تاپسىردى. 

وبلىستىق پارتكومنىڭ شۋجيى ياڭ شيۋلي ماجىلىسكە قاتىناستى ٴارى ٴسوز سويلەدى.

وبلىستىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعاسى سەرجان ۇعىباي ۇلى ٴماجىلىستى باسقاردى. وبلىستىق ساياسي كەڭەس پارتيا باسشىلىق گرۋپپاسىنىڭ شۋجيى، ساياسي كەڭەستىڭ ورىنباسار ٴتوراعاسى حۋ كايجياڭ، وبلىستىق پارتكومنىڭ تۇراقتى مۇشەسى فىڭ جو، وبلىستىڭ ورىنباسار باستىعى ليۋ چيڭحۋا، دالەلبەك كەنجەقان ۇلى، ليۋ جيانلين جانە وبلىستىق ساياسي كەڭەس باسشىلىق القاسىنىڭ مۇشەلەرى، تارباعاتاي، التاي ايماقتىق ساياسي كەڭەس قىزمەت كوميتەتىنىڭ، بيڭتۋان 4 - شىسىنىڭ باسشىلارى، سونداي - اق بارلىق ساياسي كەڭەس مۇشەلەرى، ماجىلىسكە سىرتتاي قاتىناسۋشىلار ماجىلىسكە قاتىناستى.

وبلىستىق ساياسي كەڭەستىڭ مۇشەسى جۇماقازى قادىربەك ۇلى وڭىرلىك باسىمدىقتى ارقاۋ ەتىپ، ەكونوميكانىڭ جوعارى ساپالى دامۋىن ىلگەرىلەتۋدى؛ سەرىك ماقات ۇلى كومەسكى كۇشتەردى اشىپ، زاپاس ساقتاۋدى، قۋاتتى ارتتىرۋدى، ونىمدىلىكتى ارتتىرۋدى تىرەك ەتىپ، جاسىل كەن كاسىبىنىڭ دامۋىن جانە تيبىن وزگەرتىپ، دارەجەسىن جوعارىلاتۋدى جەدەلدەتۋدى؛ زوۋ جىگاڭ مادەنيەت، ساياحات كاسىبىنىڭ ىشكەرىلەي  توعىسۋىن جەدەلدەتىپ، 100 ميلليارد يۋان دارەجەلى ساياحات كاسىپ سالاسىنىڭ دامۋىنا دەم بەرۋدى؛ سۇلتان نۇرمامەت رەفورمانىڭ بوگەتتى تۇيىندەرىن اشىپ، اناعۇرلىم جوعارى دەڭگەيدەگى ەركىن ساۋدا سىناق رايونىن قۇرۋعا قۇلشىنۋدى؛ بەردىبەك تۇرسىنباي ۇلى وسى زامانعى جىلقى شارۋاشىلىعى كاسىپ سالاسىن دەن قويا ىستەپ، مال شارۋاشىلىعىنىڭ جوعارى ساپالى دامۋىن ىلگەرىلەتۋدى؛ حۋا جياكۇي قۇلجا قالاسىنىڭ قاتىناس كەپتەلىسى ماسەلەسىن شەشۋدى؛ لي شوۋحۋا ىلە وبلىسىنىڭ سيفرلى كاسىپ سالاسىنىڭ دامۋىن جەدەلدەتۋدى؛ يۇي چىڭجۇڭ حالىقتىق شارۋاشىلىقتىڭ دامۋىنداعى ”بوگەتتەردى، قيىنشىلىقتاردى، سىزداۋ تۇيىندەرىن“ جويىپ، حالىقتىق كاسىپورىنداردىڭ دامۋىنا، زورايۋىنا دەم بەرۋدى؛ حۋ جياڭجيە تاريحي مادەنيەت مۇرالارىن قورعاۋ، مۇراگەرلىك ەتۋ، پايدالانۋ ورەسىن جوعارىلاتىپ جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى بەكەمدەۋدى؛ جوۋ ۋيدۇڭ اماناتتاپ تاربيەلەۋگە قىزمەت وتەۋ جۇيەسى قۇرىلىسىن اناعۇرلىم كۇشەيتۋدى ارقاۋ ەتە وتىرىپ، ماجىلىستە جەكە - جەكە سوزگە شىقتى. 

جۇماعازى قادىربەك ۇلى بىلاي دەدى: سوڭعى جىلداردان بەرى ىلە وڭىرلىك باسىمدىعىن، بايلىق باسىمدىعىن، ساياسات باسىمدىعىن ساۋلەلەندىرىپ، ەسىك اشۋ سىناق رايونىنىڭ دامۋ ورايىن مىقتاپ يگەرىپ، اۆتونوميالى رايوننىڭ ” 10 ٴىرى كاسىپ سالاسى شوعىرىمەن“ بەلسەنە توعىسىپ، ەكونوميكانىڭ دامۋىندا قۇرىلىمى ساپالى، قوزعاۋشى كۇشى جەتكىلىكتى، ارتۋ جىلدامدىعى تەز بولۋداي تاماشا اۋقىم جارىققا شىقتى، يدەيانى ونان ارى ازات ەتىپ، شارۋاشىلىق ـ ساۋدا ورتاسىن ساپالىلاندىرىپ، باسىمدىققا يە بايلىقتى كادەگە جاراتىپ، ەسىك اشۋ تۇعىرىن كەڭەيتىپ، نەگىزدىك قۇرىلعىلاردى كەمەلدەندىرىپ، سىناق رايونىنىڭ دامۋىن بار كۇشپەن قولداۋ كەرەك. سەرىك ماقات ۇلى بىلاي دەدى: جاسىل ٴتۇس ــ كەن كاسىبىن  جوعارى ساپالى دامىتۋدىڭ نەگىزى، جۇڭگو ۇلگىسىندەگى وسىزاماندانعان كەن كاسىبىن قۇرۋدىڭ تابيعي تالابى. سوڭعى جىلداردان بەرى ىلە وبلىسى اۆتونوميالى رايوننىڭ ”10 ٴىرى كاسىپ سالاسى شوعىرى“ قۇرىلىسىمەن بەلسەنە توعىسىپ، جاسىل كەن كاسىبىن 4 ۇلكەن بولىكتىڭ نەگىزگى قامال الۋ بەتالىسى ەتىپ، جاڭا كەزەكتى كەن بارلاۋدان قامال الۋ ستراتەگياسىن كۇش سالا اتقارىپ، كەن بايلىعى تىزبەگىن ۇزارتۋدى، تولىقتاۋدى ۇزدىكسىز ىلگەرىلەتىپ، جاسىل كەن كاسىبىنىڭ جوعارى ساپالى دامۋىن جەبەدى. جاڭا كەزەكتى كەن بارلاۋدىڭ ستراتەگيالىق ارەكەتىنەن قامال الىپ، كومەسكى كۇشتەردى اشۋ تەبىنىن ارتتىرىپ، بايلىقتى ساپالى ورنالاستىرۋدى سۇيەنىش ەتىپ، ەنەرگيانى، ٴونىمدى ارتتىرىپ، دارەجەسىن جوعارىلاتىپ، سايكەستى قامتاماسىزداندىرۋ قۇرىلىسىن كەمەلدەندىرۋدى تىرەك ەتىپ، دامۋدىڭ تيپىن وزگەرتۋدى جەدەلدەتىپ، جاسىل، سايكەستى دامۋدى نىسانا ەتىپ، باياندى دامۋدى جەبەۋى كەرەك. زوۋ جىگاڭ بىلاي دەدى: سوڭعى جىلداردان بەرى، ىلە وبلىسى ”ساياحات ارقىلى شينجياڭدى گۇلدەندىرۋ“ ستراتەگياسىن ارقاۋ ەتىپ، ”مادەنيەت ارقىلى ساياحاتتى سومداۋعا، ساياحات ارقىلى مادەنيەتتى ايگىلەۋگە“ تاباندى بولىپ، مادەنيەت پەن ساياحاتتى توعىستىرۋدى ۇزدىكسىز تەرەڭدەتۋدى زور كۇشپەن ىلگەرىلەتىپ، دۇنيە جۇزىلىك دەڭگەيدەگى ساياحات نىسانالى جەرىن جەدەل قۇرىپ، 100 ميلليارد يۋاندىق ساياحات كاسىپ سالاسىن جەتىلدىرىپ، زورايتىپ، مادەنيەت - ساياحات كاسىپ سالاسىنىڭ جوعارى ساپالى دامۋىن ٴونىمدى ىلگەرىلەتتى، كاسىپ سالاسىنىڭ توعىسپالى دامۋىن ونان ارى ىلگەرىلەتىپ، ساياحاتقا قىزمەت وتەۋ ساپاسىنىڭ دەڭگەيىن جوعارىلاتىپ، سيفرلى مادەنيەت ـ ساياحات قۇرىلىسىن جەدەلدەتىپ، ساياحات مادەنيەتىنىڭ ىقپالىن جوعارىلاتىپ، ساياحات  تيجاراتى ۇگىتىن جەبەپ، ىلەنىڭ مادەنيەت ـ ساياحات وبرازىنىڭ اتاق ـ ابىرويى مەن داڭقىن جوعارىلاتۋ كەرەك.

10 مۇشەنىڭ ٴسوزىن تىڭداعاننان كەيىن، ياڭ شيۋلي ولارعا جوعارى باعا بەرىپ، كوپشىلىكتىڭ پىكىر - ۇسىنىستارىنىڭ نەگىزگى تاقىرىبى كورنەكتى، كوزقاراسى ايقىن، ٴىس جۇزىندىككە ۇيلەسەدى، وسكەلەڭ كاسىپتىك رۋحتى، نازاريالىق ساپانى جانە ۇكىمەت ىسىنە ارالاسۋ، كەڭەس بەرۋ دەڭگەيىن ايگىلەدى دەپ قارادى.

ياڭ شيۋلي بىلاي دەدى: ٴبىر جىلدان بەرى بۇكىل وبلىستاعى ٴار دارەجەلى ساياسي كەڭەس ۇيىمدارى مەن قالىڭ ساياسي كەڭەس مۇشەلەرى سانالى تۇردە پارتيانىڭ باسشىلىعىندا، دەموكراتيانى ساۋلەلەندىرۋ مەن ىنتىماقتى جەبەۋدى ٴوزارا توعىستىرۋدا تاباندى بولىپ، اقىل - كەڭەس بەرۋ مەن ورتاق تانىم ۇيىستىرۋ سىندى قوس باعىتتا كۇش سالعاندىقتان، ساياسي كەڭەستىڭ ”ساليقالى ٴۇنى“ بارعان سايىن اسقاقتاپ، ىنتىماقتىڭ ”سەنترلەس شەڭبەرىن“ بارعان سايىن زورايتىپ، اۆتونوميالى وبلىستىڭ جوعارى ساپالى دامۋىن ىلگەرىلەتۋگە ماڭىزدى ۇلەس قوستى.

ياڭ شيۋلي مىنالاردى اتاپ كورسەتتى: ساياسي كەڭەس قىزمەتى − پارتيا جالپى جاعدايى قىزمەتىنىڭ ماڭىزدى قۇرامداس بولىگى، بۇكىل وبلىستاعى ٴار دارەجەلى ساياسي كەڭەس ۇيىمدارى مەن قالىڭ ساياسي كەڭەس مۇشەلەرىنىڭ ساياسي دەڭگەيدى جوعارىلاتىپ، سەنىمدى، بەكىمدى نىعايتىپ، ساياسيدى دارىپتەپ، جالپى جاعدايمەن ساناسۋىن؛ ورنىقتىلىقتى قورعاپ، ىنتىماقتى جەبەۋىن؛ دامۋدى كوزدەپ، ومىرشەڭدىك كۇشتى ارتتىرۋىن؛ ناقتى ٴىس تىندىرىپ، حالىق تۇرمىسىنا تيىمدىلىك جەتكىزۋىن؛ ستيلدە بۇرىلىس جاساپ، قابىلەتتى كۇشەيتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە اۆتونوميالى رايوندىق پارتكومنىڭ قىزمەت تالاپتارىن تياناقتاندىرىپ، ٴار جاقتىڭ اقىل ـ پاراساتى مەن كۇش ـ قۋاتىن ۇيىستىرۋ ساياسي جاۋاپكەرشىلىگىن شىنايى ارقالاپ، مىندەت اتقارىپ، جاۋاپكەرشىلىكتى ادا ەتۋدىڭ كۇش سالۋ ٴتۇيىنىن، كۇش ٴتۇسۋ ٴتۇيىنىن ٴداپ باسىپ تاۋىپ، ساياسي كەڭەس قىزمەتىنىڭ جوعارى ساپالى دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ ىلە امالياتىن ىلگەرىلەتۋگە اناعۇرلىم زور ۇلەس قوسىپ، جۇڭگو ۇلگىسىندەگى وسىزامانداندىرۋ بارىسىندا ساياسي كەڭەس قىزمەتىنىڭ تىڭ تاراۋىن جازۋىن ٴۇمىت ەتەمىز.