− ىلە وبلىستىق 15 ـ كەزەكتى حالىق قۇرىلتايى 4 ـ ٴماجىلىسىنىڭ اشىلعاندىعىن قىزۋ قۇتتىقتايمىز

باسماقالا

بار الاپ جاڭارىپ، تىرشىلىك تىنىسى جالىنداعان وسى تاماشا ساتتە، ىلە قازاق اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ٴماجىلىسى 1 - ايدىڭ 12 - كۇنى قۇلجا قالاسىندا سالتاناتپەن اشىلدى. وسى رەتكى ٴماجىلىستىڭ اشىلۋى ىلە وبلىسىنىڭ ساياسي ومىرىندەگى ٴىرى ٴىس بولىپ قالماستان، بۇكىل وبلىستاعى ٴار ۇلت حالقى دامۋدىڭ ۇلى جوسپارىن بىرگە اقىلداساتىن، تاماشا جوبانى بىرگە جاسايتىن ماڭىزدى ٴسات. ٴبىز ٴماجىلىستىڭ اشىلعاندىعىن قىزۋ قۇتتىقتايمىز!

1 - ايدىڭ 10 - كۇنى اشىلعان اۆتونوميالى وبلىستىق پارتكومنىڭ قىزمەت ٴماجىلىسى 2024 - جىلعى قىزمەتتەردى جان - جاقتى قورىتىندىلاپ، 2025 - جىلعى ٴتۇيىندى مىندەتتەردى ورنالاستىرىپ، ٴبىزدىڭ بيىلعى قىزمەتتەردى ويداعىداي ىستەۋىمىزگە ايقىن بەتالىس نۇسقاپ، ”قۇرىلىس چەرتوجىن“ سىزىپ، ”مىندەت حاتىن“ بەلگىلەپ بەردى. بۇكىل وبلىستىڭ ٴارقايسى شەبىنەن، ٴار سالا، ٴار كاسىبىنەن كەلگەن ۋاكىلدەر حالىقتىڭ ماڭىزدى تاپسىرماسى مەن ٴۇمىتىن ارقالاپ، ٴبىر ارادا باس قوسىپ، ىلە وبلىسىنىڭ جوعارى ساپالى دامۋىنىڭ جاڭا تاراۋىن اقىلداسادى. ولار وبلىستىق پارتكوم مەن وبلىستىق ۇكىمەتتىڭ شەشىمدەرى مەن ورنالاستىرۋلارىن ارقاۋ ەتىپ، قايتكەندە ەكونوميكا مەن قوعامنىڭ دامۋىن ونان ارى ىلگەرىلەتۋگە، حالىق تۇرمىسىنىڭ قۇت - ىرىسىن جاقسارتۋعا، ۇلتتار ىنتىماعىن كۇشەيتۋگە، قوعام ورنىقتىلىعىن قورعاۋعا  بولادى دەگەن سياقتى كەلەلى ماسەلەلەردى ىشكەرىلەي تالقىلاپ، ىلە وبلىسىنىڭ گۇلدەنۋى مەن دامۋىنا اقىل - پاراساتتارى مەن كۇش - قۋاتتارىن ارنايدى.

وتكەن ٴبىر جىلدا قاتاڭ دا كۇردەلى ىشكى ـ سىرتقى ورتا مەن ىركەس ـ تىركەس كەلگەن حاۋىپ ـ قاتەرلەر مەن سىن ـ سايىستار الدىندا، اۆتونوميالى رايوندىق پارتكومنىڭ پارمەندى باسشىلىعىندا، وبلىستىق پارتكوم ٴار ۇلت حالقىن ىنتىماقتاستىرىپ جانە باستاپ، ٴبىر نيەتپەن ىنتىماقتاسىپ، قيىندىقتاردان قامال الىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىردى، جۇڭحۋا ۇلتى ورتاق تۇلعا قۇرىلىسىن جاپپاي ىشكەرىلەي ىلگەرىلەتىپ، رەفورمانى ونان ارى جاپپاي تەرەڭدەتىپ، ەكونوميكالىق، قوعامدىق دامۋدا كورنەكتى تابىستارعا قول جەتكىزدى. وسى ناتيجەلەرگە قول جەتكىزىلۋىن وبلىستىق پارتكوم مەن وبلىستىق ۇكىمەتتىڭ دۇرىس باسشىلىعىنان، بۇكىل وبلىستاعى ٴار ۇلت حالقىنىڭ ورتاق قۇلشىنىسىنان، سونداي - اق حالىق قۇرىلتايى ۋاكىلدەرىنىڭ قاجىرلى ەڭبەگى مەن بەلسەنە ٴىس تىندىرۋىنان بولە قاراۋعا بولمايدى.

مەملەكەت ىستەرىنەن قام جەپ، حالىق تۇرمىسىنا كوڭىل ٴبولدى؛ حالىق تىلەگىن توعىستىرىپ، كۇش - قۋات ۇيىستىردى. اۆتونوميالى وبلىستىق 15 - كەزەكتى حالىق قۇرىلتايى مەن ونىڭ تۇراقتى كوميتەتى پارتيا باسشىلىعىنىڭ، حالىقتىڭ ٴوز - وزىنە قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىن حالىق قۇرىلتايى قىزمەتىمەن باستان - اياق ساباقتاستىرىپ، حالىقتى وزەك ەتۋدەن جازباي، جالپى بارىستىق حالىق دەموكراتياسىن بەلسەنە امالياتتا ايگىلەپ، حالىق بۇقاراسىنىڭ ٴتۇبىرلى مۇددەسىن زاڭ بويىنشا قورعادى؛ نەگىزگى زاڭ مەن زاڭداردا جۇكتەلگەن مىندەتىن اتقارۋعا تاباندى بولىپ، ۋاكىلدەردىڭ بۇكىل وبلىستىڭ ەكونوميكاسى مەن قوعامىنىڭ جوعارى ساپالى دامۋىن جەدەلدەتۋدى كۇش سالۋ ٴتۇيىنى، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋدى شىعار ٴتۇيىن ەتىپ، نەگىزگى ساتىعا ىشكەرىلەي ارالاسىپ، ناقتى جاعدايدى تەكسەرىپ - زەرتتەپ، بەلسەنە اقىل - كەڭەس بەرۋىن جەبەدى. بۇكىل وبلىس قىزمەتىنىڭ جالپى جاعدايى مەن حالىق بۇقاراسى نازار اۋدارعان قولامتالى، قيىن ماسەلەلەردى تىعىز ارقاۋ ەتىپ، 4 كەڭەس جوبا، 168 ۇسىنىس، سىن جانە پىكىر اۆتونوميالى وبلىستىق حالىق قۇرىلتايى تۇراقتى كوميتەتىنىڭ باقىلاۋى مەن جەتەكشىلىگىندە ٴبىر جاقتى ەتىلىپ، جاۋاپ قايتارۋ مولشەرى، ريزا بولۋ مولشەرى %100 بولىپ، ىلە وبلىسىنىڭ ٴتۇرلى ىستەرىنىڭ دامۋىن جەبەۋگە ماڭىزدى ۇلەس قوستى.

2025 - جىل − ”14 - بەسجىلدىق“ جوبانىڭ اياقتالار جىلى، سونداي - اق اۆتونوميالى رايونىمىز قۇرىلعاندىعىنىڭ 70 جىلدىعى، بيىلعى قىزمەتتەردى ويداعىداي ىستەۋ توتەنشە ماڭىزدى ٴارى ٴمانى زور. جاڭا تاريحي باستامادا ٴبىز شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتى ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، رەفورمانى اناعۇرلىم جاپپاي تەرەڭدەتۋدى قوزعاۋشى كۇش ەتىپ، ”14  ـ بەسجىلدىق“ جوباداعى نىسانا ـ مىندەتتەردى جوعارى ساپامەن ورىنداپ، يدەيانى ازات ەتىپ، شىنايى، ناقتى ىستەپ، ۇزدىك بولۋعا ۇمتىلىپ، جۇڭگو ۇلگىسىندەگى وسىزامانداندىرۋدى جەبەۋدىڭ ىلە امالياتىندا تىڭ تابىستارعا قول جەتكىزەمىز.

جەل وڭىنان تۇرىپ، جەلكەن جايۋدىڭ تاماشا ٴساتى كەلدى. ماجىلىسكە قاتىناسقان بارلىق ۋاكىلدەردىڭ حالىقتان كەلگەن، حالىققا تامىر تارتقان ابزالدىلىعىن تولىق ساۋلەلەندىرىپ، بۇقارامەن ەتەنە بولىپ، حالىقتىڭ جاعدايىن ۇعىسىپ، حالىقتىڭ اقىل - پاراساتىن شوعىرلاندىرىپ، مىندەتىن مۇقيات اتقارىپ، جاۋاپكەرشىلىگىن ادا ەتىپ، اقىل - پاراساتى مەن كۇش - قۋاتىن بەلسەنە ارناپ، حالىقتىڭ ٴۇمىتىن اقتاپ، وسى رەتكى ٴماجىلىستى دەموكراتيالى، ىنتىماقتى، شىندىققا تالپىنعان، العا باسقان ٴماجىلىس ەتىپ اشىپ، بۇكىل وبلىستاعى ٴار ۇلت حالقىنىڭ ىنتىماقتاسا كۇرەس جاسايتىن قۇدىرەتتى كۇشىن ۇيىستىرۋىن، جۇڭگو ۇلگىسىندەگى وسىزامانداندىرۋ بارىسىندا كورىكتى ىلە قۇرۋ ٴۇشىن تىڭ ۇلەس قوسىپ، ەرەن ناتيجەمەن اۆتونوميالى رايون قۇرىلعاندىعىنىڭ 70 جىلدىعىن قارسى الۋلارىن ٴۇمىت ەتەمىز.

وسى رەتكى ٴماجىلىستىڭ تابىستى بولۋىن تىلەيمىز!