نياز اشىم باسقاردى، ەلشات تۇرسىنباي ۇلى ۇكىمەت قىزمەتىنەن بايانداما جاسادى
سۋرەتتە: ٴماجىلىس الاڭى. لاي يۇينيڭ، جاڭ چيڭحۋا فوتوسى
تىلشىلەرىمىز ما چىڭلۋ، لاي يۇينيڭ، جاڭ چيڭحۋا، لي يافىڭ، ۋاڭ ليلي، چين لەي، يۇڭ شۇيفىڭ، رىن جيالي، شاۋكەت حابارلايدى. ىلە قازاق اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ٴماجىلىسى 1 - ايدىڭ 12 - كۇنى تۇستەن بۇرىن ىلە وبلىستىق مادەنيەت - كوركەمونەر قيمىل ورتالىعىندا اشىلدى.
وبلىستىق مادەنيەت - كوركەمونەر قيمىل ورتالىعىنىڭ ٴماجىلىس زالى ايبىندى دا سالتاناتتى بەينەگە ەندى، مەملەكەت گەربى ٴتوراعالار مىنبەسىنىڭ ورتاسىنا ٴىلىنىپ، ەكى جاعىنا ون نارت قىزىل تۋ قويىلدى. وبلىسقا توتە قاراستى ورىنداردان، تارباعاتاي، التاي ايماقتارىنان كەلگەن اۆتونوميالى وبلىستىق حالىق قۇرىلتايىنىڭ ۋاكىلدەرى بۇكىل وبلىستاعى ٴار ۇلت حالقىنىڭ ماڭىزدى تاپسىرماسىن ارقالاپ ماجىلىسكە قاتىناسىپ، قاسيەتتى قىزمەت جاۋاپكەرشىلىكتەرىن زاڭ بويىنشا اتقارىپ، ىلەنىڭ جوعارى ساپالى دامۋدا تىڭ تابىستارعا قول جەتكىزۋىن ۇزدىكسىز ىلگەرىلەتۋ ٴۇشىن اقىل - پاراسات جانە كۇش - قۋات قوسادى.
ٴماجىلىستىڭ اتقارۋشى ٴتوراعالارى ياڭ شيۋلي، نياز اشىم، رازيا ابليز، اقجول انەش ۇلى، ابليكىم نۇرانبەك، سۇن پىڭ، سۇن حۇي، جاڭارسىن نۇراش ۇلى ٴتوراعالار مىنبەسىنىڭ الدىڭعى قاتارىنان ورىن الدى.
ەلشات تۇرسىنباي ۇلى، حۋ كايجياڭ، سەرجان ۇعىباي ۇلى، جى شيانۋي، ايدىن تولەۋقان ۇلى، جەڭىس قادىس ۇلى، لي چىڭشىڭ، جاۋ سۇيفاڭ، ٴامينا ٴۋالقان قىزى، سەرىك قابىكەن ۇلى، جياڭ حايجۇن، مامەتجان داۋىت، لي رۇڭنيان، ۋاڭ شينجۇن، ياڭ شينپيڭ، قايرات اشىك ۇلى، لي ۋي، فىڭ جو قاتارلى اۆتونوميالى وبلىستىڭ ٴتورت باسشىلىق القاسىنىڭ باسشىلارى جانە تارباعاتاي، التاي ايماقتارىنىڭ قاتىستى باسشىلارى، ازاتتىق ارميانىڭ، قارۋلى ساقشى بولىمدەرىنىڭ باسشىلارى، وبلىستىق سوتتىڭ، پروكۋراتۋرانىڭ نەگىزگى جاۋاپتى جولداستارى جانە ٴماجىلىس ٴتوراعالار القاسىنىڭ باسقا دا مۇشەلەرى ٴتوراعالار مىنبەسىنەن ورىن الدى.
اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ماجىلىسىنە قاتىناسۋعا ٴتيىستى ۋاكىل 447 ادام. سول كۇنگى ماجىلىسكە قاتىناسقانى 388 ادام، بۇل زاڭدا بەلگىلەنگەن ادام سانىنا ۇيلەسەدى.
ساعات 10 نان 30 مينۋت وتكەندە ٴماجىلىستى باسقارۋشى نياز اشىم ىلە قازاق اۆتونوميالى وبلىستىق 15 - كەزەكتى حالىق قۇرىلتايى 4 - ٴماجىلىسىنىڭ اشىلعاندىعىن جاريالادى. كوپشىلىك ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ٴانىن ورىندادى.
قىزۋ شاپالاق ٴۇنى ىشىندە وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى اۆتونوميالى وبلىستىق حالىق ۇكىمەتى اتىنان ماجىلىسكە ۇكىمەت قىزمەتىنەن بايانداما جاسادى.
بايانداما جالپى ٴۇش بولىمگە بولىنگەن: ٴبىرىنشى، 2024 - جىلعى قىزمەتتەرگە شولۋ؛ ەكىنشى، 2025 - جىلعى قىزمەت ورنالاستىرۋى؛ ٴۇشىنشى، ۇكىمەتتىڭ وزىندىك قۇرىلىسىن شىنايى كۇشەيتۋ.
ەلشات تۇرسىنباي ۇلى باياندى تىنىشتىقتىڭ نەگىزى ۇزدىكسىز بەكەمدەلدى؛ كاسىپ سالاسى شوعىرى جەدەل قۇرىلدى؛ قالا مەن اۋىلدىڭ توعىسپالى دامۋىندا تىڭ قادام تاستالدى؛ نەگىزدىك قۇرىلعىلارداعى ولقىلىقتار جەدەل تولىقتاندى؛ فاكتورلاردى ورنالاستىرۋ قامتاماسىزدىعى ٴونىمدى كۇشەيتىلدى؛ وقۋ ـ اعارتۋ، عىلىم ـ تەحنيكا دارىندىلارى ٴبىر تۇلعادا ىلگەرىلەتىلدى؛ شارۋاشىلىق - ساۋدا ورتاسى ساپالىلاندىرىلدى جانە دارەجەسى جوعارىلاتىلدى؛ دامۋدىڭ ومىرشەڭدىك كۇشى جەدەل جارىققا شىعارىلدى؛ ەركىن ساۋدا سىناق رايونى جاڭالىق اشا دامىتىلدى؛ ەسىك اشۋدىڭ جاڭا جاعدايى جەدەل قالىپتاستىرىلدى؛ وڭىرلىك تىرەك ۇزدىكسىز كۇشەيتىلدى؛ ەكولوگيالىق وركەنيەت قۇرىلىسىنىڭ ونىمدىلىگى كورنەكتىلەندىرىلدى؛ حالىق تۇرمىسىن جاقسارتۋدا جاڭا جاۋاپناما تاپسىرىلدى؛ ۇكىمەتتىڭ وزىندىك قۇرىلىسى ۇزدىكسىز كۇشەيتىلدى سىندى 14 جاقتان 2024 - جىلعى قىزمەتتەردى جۇيەلى قورىتىندىلادى.
ەلشات تۇرسىنباي ۇلى مىنالاردى اتاپ كورسەتتى: ٴبىر جىلدان بەرى اۆتونوميالى رايوندىق پارتكومنىڭ، ۇكىمەتتىڭ جانە اۆتونوميالى وبلىستىق پارتكومنىڭ دۇرىس باسشىلىعىندا، ٴبىز شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ٴۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرىپ، تياناقتاندىرىپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ون ٴبىرىنشى، ون ەكىنشى، ون ٴۇشىنشى جالپى ماجىلىستەرىنىڭ رۋحىن مۇقيات تياناقتاندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى ساپالى دامۋ سىندى ماڭداي الدى مىندەتتى تىعىز ارقاۋ ەتىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى جوعارى ونىمدىلىكپەن ٴبىر تۇتاس جوسپارلاپ، ەكونوميكانىڭ تومەندەۋ سوققىسى مەن سىناعىن قۇلشىنا جەڭىپ، قيىنشىلىقتاردى جەڭىپ، جىگەرلەنە العا باسىپ، ەكونوميكانىڭ دامۋ ساپاسىن ورنىقتى جوعارىلاتىپ، قوعامدىق جالپى جاعدايدىڭ ورنىقتىلىعىن ساقتاپ، حالىق تۇرمىسى ىستەرىندە تىڭ ىلگەرىلەۋشىلىككە قول جەتكىزىپ، اۆتونوميالى وبلىستىڭ رەفورما، دامۋ، ورنىقتىلىق ىستەرىندە جاڭا جاعداي اشتىق.
بيىلعى ٴتۇيىندى قىزمەتتەردى ورنالاستىرعاندا ەلشات تۇرسىنباي ۇلى اۆتونوميالى وبلىسىمىز بۇكىل ەل، بۇكىل رايون جاعدايىندا ٴدوپ كەلگەن ٴتيىمدى شارت - جاعداي مەن ابزالدىققا تالداۋ جاساۋ نەگىزىندە، 2025 - جىلعى ۇكىمەت قىزمەتىنىڭ جالپى تۇلعالىق تالابى مەن باستى مەجەلى نىساناسىن بايىمدادى. ول مىنالاردى اتاپ كورسەتتى: ٴبىز، ٴسوز جوق، ”مەملەكەتتىڭ زور ٴىسىن“ ەستە بەرىك ساقتاپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرۋدى، تياناقتاندىرۋدى باستان - اياق ماڭداي الدى ساياسي مىندەت ەتىپ، ستراتەگيالىق تۇراقتىلىقتى ساقتاپ، ٴسوزسىز، جەڭىسكە جەتۋ سەنىمىن بەكەمدەپ، ”ورنىقتىلىق بارىسىندا ىلگەرىلەۋ، ىلگەرىلەۋ ارقىلى ورنىقتىلىقتى جەبەۋ، تۋراشىلدىقتان اينىماي جاڭالىق اشۋ، الدىمەن ورناتىپ، ونان سوڭ كۇشىنەن قالدىرۋ، جۇيەلى شوعىرلاندىرۋ، سايكەسە سەلبەسۋ“ قىزمەت تالابى مەن بەس جۇپ ”ٴسوز جوق، ويداعىداي ٴبىر تۇتاس جوسپارلاۋدىڭ“ ماڭىزدى قاتىناسىن دالمە - ٴدال يگەرىپ، حاۋىپ - قاتەر مەن سىن - سايىستاردى اناعۇرلىم قاتاڭىراق ويلاستىرىپ، ساياسات - شارا جاعىنان اناعۇرلىم تولىق دايىندالىپ، بارلىق ٴتيىمدى ورايدى مىقتى يگەرىپ، بارلىق ٴتيىمدى شارت - جاعدايلاردان پايدالانىپ، زەيىن - زەردەنى شوعىرلاندىرىپ ٴوز ٴىسىمىزدى ويداعىداي ىستەپ، ٴوز قىزمەتىمىزدىڭ ايقىندىعى ارقىلى جاعداي وزگەرىسىنىڭ ايقىنسىزدىعىنا توتەپ بەرىپ، اۆتونوميالى وبلىستىڭ جوعارى ساپالى دامۋى سىندى كەمەنىڭ ەكپىندەي العا ىلگەرىلەۋىنە، نىق قاداممەن الىسقا جەتۋىنە كەپىلدىك ەتۋىمىز كەرەك.
ەلشات تۇرسىنباي ۇلى بىلاي دەدى: بيىلعى ۇكىمەت قىزمەتىن ويداعىداي ىستەۋدە اۆتونوميالى وبلىستىق پارتكومنىڭ ورنالاستىرۋلارى مەن تالاپتارىنا ساي، مىنا 13 جاقتاعى قىزمەتتى كۇش سالا ويداعىداي يگەرەمىز: ٴبىرىنشى، رەفورمانى جاپپاي تەرەڭدەتۋگە كۇش سالىپ، دامۋدىڭ ومىرشەڭدىك كۇشىن ۇزدىكسىز كۇشەيتەمىز؛ ەكىنشى، ىشكى سۇرانىستىڭ كومەسكى كۇشىن كۇش سالا اشىپ، تۇتىنۋ مەن قارجى قوسۋدىڭ تاماشا اينالىمىن ىلگەرىلەتەمىز؛ ٴۇشىنشى، اۋىل شارۋاشىلىعىندا قۋاتتى وبلىس قۇرۋ ستراتەگياسىن كۇش سالا اتقارىپ، اۋىل - قىستاقتى جاپپاي گۇلدەندىرۋدى ىلگەرىلەتەمىز؛ ٴتورتىنشى، وبلىستى ونەركاسىپ ارقىلى بايىتۋ ستراتەگياسىن كۇش سالا اتقارىپ، وسى زامانعى كاسىپ سالاسى جۇيەسىن جەدەل ورناتامىز؛ بەسىنشى، وبلىستى مادەنيەت، ساياحات ارقىلى گۇلدەندىرۋ ستراتەگياسىن كۇش سالا جۇرگىزىپ، جالپى وڭىرلىك ساياحاتتىڭ جاڭا جاعدايىن قالىپتاستىرامىز؛ التىنشى، باسىمدىققا يە بايلىقتى كادەگە جاراتۋدى كۇش سالا ىلگەرىلەتىپ، كۇشتى شوعىرلاندىرىپ ”بەستە قامال الۋدى“ جۇزەگە اسىرامىز؛ جەتىنشى، وڭىرلەردىڭ سايكەستى ىقپالداستىعىن كۇش سالا ىلگەرىلەتىپ، جان - جاقتى توعىسا دامۋدى تەرەڭدەتەمىز؛ سەگىزىنشى، تۇزىمدە جاڭالىق اشۋدى كۇش سالا ىلگەرىلەتىپ، جوعارى دەڭگەيدە ەسىك اشۋدى ۇزدىكسىز تەرەڭدەتەمىز؛ توعىزىنشى، جاڭالىق اشۋ ارقىلى دەم بەرۋدى بارىنشا كۇشەيتىپ، جوعارى ساپالى دامۋدىڭ قوزعاۋشى كۇشىن قاۋلاتامىز؛ ونىنشى، كومىر قىشقىل گازىنىڭ شىعارىلۋىن ازايتۋ، لاستانۋدى ازايتۋ، جاسىلدىقتى كەڭەيتۋگە كۇش سالىپ، ەكولوگيالىق وركەنيەت قۇرىلىسىن تىڭعىلىقتى ىلگەرىلەتەمىز؛ ون ٴبىرىنشى، جۇڭحۋا ۇلتى ورتاق تۇلعا قۇرىلىسىن كۇش سالا ىلگەرىلەتىپ، ۇلتتار ىنتىماعى، العاباسارلىعى ىستەرىن بەكەمدەيمىز؛ ون ەكىنشى، حالىق تۇرمىسىن جاقسارتۋدى كۇش سالا قامتاماسىز ەتىپ، حالىق بۇقاراسىنىڭ تۇرمىس ساپاسىن ۇزدىكسىز جوعارىلاتامىز؛ ون ٴۇشىنشى، حاۋىپسىزدىكتىڭ تومەنگى شەگىن كۇش سالا ساقتاپ، ورنىقتى، جاراسىمدى قوعامدىق ورتا جاراتۋعا كۇش سالامىز.
ەلشات تۇرسىنباي ۇلى تاعى ادالدىق رۋحىن بەرىك ورناتىپ، تۋى ايقىن تۇردە ساياسيدى دارىپتەۋ؛ زاڭمەن باسقارۋدىڭ نەگىزىن بەكەمدەپ، زاڭعا بويسۇنۋ، زاڭعا قۇرمەت ەتۋ ارقىلى شەبەرلىكپەن زاڭمەن باسقارۋدى جەبەۋ؛ حالىق ٴۇشىن جاۋاپكەرشىلىكتى ادا ەتىپ، بۇكىل ىنتا - پەيىلمەن حالىق تۇرمىسىنا تيىمدىلىك جاساۋ؛ تياناقتاندىرۋدىڭ ماڭىزدى مىندەتىن باتىلدىقپەن ارقالاپ، ستيلدى جاقسارتىپ، دامۋدى يگەرۋ؛ بيلىك جۇرگىزۋ نەگىزىن بەكەمدەپ، پاك، كىرشىكسىز بولۋ قاسيەتىنەن اينىماۋ سىندى 5 جاقتان ۇكىمەتتىڭ وزىندىك قۇرىلىسىن شىن مانىندە كۇشەيتۋ جونىندە بايىمداۋ جاسادى.
ٴماجىلىستىڭ كۇنتارتىبىنە ساي، ٴماجىلىس «اۆتونوميالى وبلىستىڭ 2024 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە اۆتونوميالى وبلىستىڭ 2025 - جىلعى حالىق شارۋاشىلىعى مەن قوعامدىق دامۋ جوسپارىنىڭ جوباسى جونىندەگى باياندامانى» جازباشا قارادى، «اۆتونوميالى وبلىستىڭ 2024 - جىلعى مەجە ەسەبىنىڭ اتقارىلۋ احۋالى جانە اۆتونوميالى وبلىستىڭ 2025 - جىلعى مەجە ەسەپ جوباسى جونىندەگى باياندامانى» قارادى؛ وبلىستىق حالىق قۇرىلتايى زاڭ - ٴتۇزىم كوميتەتىنىڭ «ىلە قازاق اۆتونوميالى وبلىستىق حالىق قۇرىلتايى جانە ونىڭ تۇراقتى كوميتەتىنىڭ زاڭ شىعارۋ ەرەجەسى (جوبا نۇسقا)» جونىندەگى تۇسىنىگىن تىڭدادى، داۋىسقا سالۋ ارقىلى ٴماجىلىستىڭ سايلاۋ جانە داۋىسقا سالۋ ٴادىسىن ماقۇلدادى.
ىلە وبلىستىق ساياسي كەڭەس 14 - كەزەكتى كوميتەتىنىڭ 4 - ماجىلىسىنە قاتىناسقان ساياسي كەڭەس مۇشەلەرى ماجىلىسكە سىرتتاي قاتىناستى.