ياڭ شيۋلي ىلە وبلىستىق 15 - كەزەكتى حالىق قۇرىلتايى 4 - ٴماجىلىسىنىڭ گرۋپپالارعا ٴبولىنىپ باياندامانى قاراۋىنا قاتىناسقان كەزدە بىلاي دەپ باسا دارىپتەدى
ٴار جاقتىڭ بەلسەندى فاكتورلارىن دامۋدىڭ ناقتى ناتيجەسىنە اينالدىرۋعا قۇلشىنۋ كەرەك
سۋرەتتە: گرۋپپالارعا ٴبولىنىپ باياندامانى قاراۋ الاڭى. لاي يۇينيڭ، جاڭ چيڭحۋا فوتوسى
تىلشىلەرىمىز ما چىڭلۋ، لاي يۇينيڭ، جاڭ چيڭحۋا، چين لەي حابارلايدى. 1 - ايدىڭ 12 - كۇنى تۇستەن كەيىن ىلە وبلىستىق 15 - كەزەكتى حالىق قۇرىلتايىنىڭ 4 - ٴماجىلىسى گرۋپپالارعا ٴبولىنىپ ۇكىمەت قىزمەتىنەن باياندامانى قارادى، ىلە وبلىستىق پارتكومنىڭ شۋجيى ياڭ شيۋلي قۇلجا قالالىق ۋاكىلدەر ۇيىرمەسىنە كەلىپ، گرۋپپالارعا ٴبولىنىپ باياندامانى قاراۋعا قاتىناسىپ، پىكىر جانە ۇسىنىستاردى تىڭدادى.
ٴماجىلىس الاڭى قىزۋ مەرەيگە شومدى، ۋاكىلدەر تالاسا - تارماسا سوزگە شىعىپ، اسەرلەرىن اڭگىمەلەپ، ماسەلەلەردى ايتىپ، ۇسىنىستار قويدى، كەرىم ابدۇسالام، باۋ شياۋيىڭ، تاڭ شيا، ياڭ جيانشين، جەڭىسگۇل نۇرداناقىن قىزى، ياڭ فان قاتارلى حالىق قۇرىلتايى ۋاكىلدەرى وزدەرىنىڭ قىزمەت امالياتىن شىعار ٴتۇيىن ەتىپ، اۋىل ـ قىستاقتى گۇلدەندىرۋ، قۇرىلىس، ٴۇي ماتەريالدارى بازارىن دامىتۋ، جۇپار ٴشوپ مانەرلەۋ، ۇستا دارىندىلاردى ەنگىزۋ، كاسىپ شوعىرىنىڭ ونىمدىلىگىن كەڭەيتۋ سياقتى جاقتاردى ارقاۋ ەتىپ، مىندەت اتقارۋ رولىن بەلسەنە ساۋلەلەندىرىپ، حالىق جاعدايىن، حالىق رايىن جەتكىزدى.
”كيىم - كەشەكتەر قايدا ساتىلادى؟ ٴونىم قۇنى قانشالىق؟ «ۇكىمەت قىزمەتىنەن باياندامانى» تىڭداعان سوڭ، ەندى قالاي ىستەۋ ويىڭ بار؟“ ياڭ شيۋلي دەن قويا تىڭداپ، ٴالسىن - ٴالى ۋاكىلدەرمەن پىكىر اۋىستىرىپ، ۋاكىلدەر العا قويعان ۇسىنىستار مەن پىكىرلەرگە مۇقيات جاۋاپ قايتاردى. ۋاكىلدەردىڭ ٴسوزىن تىڭداعاننان كەيىن ياڭ شيۋلي وبلىستىق پارتكوم اتىنان بۇكىل وبلىستاعى ٴار دارەجەلى حالىق قۇرىلتايلارى مەن حالىق قۇرىلتايى ۋاكىلدەرىنىڭ ىلەنىڭ ەكونوميكالىق، قوعامدىق دامۋىنا قوسقان ۇلەسىنە العىس ايتتى.
ياڭ شيۋلي مىنالاردى اتاپ كورسەتتى: 2024 - جىلى اۆتونوميالى رايوندىق پارتكومنىڭ دۇرىس باسشىلىعىندا، بۇكىل وبلىستا جوعارىدان تومەنگە دەيىن جۇڭحۋا ۇلتى ورتاق تۇلعا تانىمى نەگىزگى جەلىسىن مىقتاپ ارقاۋ ەتىپ، ىلەنىڭ مەملەكەت جالپى جاعدايىنداعى جانە شينجياڭنىڭ كەلەلى جاعدايىنداعى ستراتەگيالىق ورنىن مىقتاپ يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرۋدىڭ باياندى مەحانيزمىن بەلسەنە قاراستىرىپ، ”16661“ ٴتۇيىندى شاراسىن جاپپاي تياناقتاندىرىپ، يدەيانى ازات ەتىپ، جاڭالىق اشا ناقتى ىستەپ، ۇزاق بولاشاققا ساياتىن ٴبىر تـوپ ٴىرى، ماڭىزدى ىستەردى، قيىن ىستەردى ىستەپ، ٴتۇرلى ىستەردە تىڭ ىلگەرىلەۋشىلىككە، تىڭ ونىمدىلىككە قول جەتكىزدىك. 2025 - جىل − ”14 - بەسجىلدىق“ جوبانىڭ اياقتالاتىن جىلى، سونداي - اق اۆتونوميالى رايون قۇرىلعاندىعىنىڭ 70 جىلدىعى، بيىلعى قىزمەتتەردى ويداعىداي ىستەۋ توتەنشە ماڭىزدى، ماڭىزى زور. ٴبىز باسىمدىقتاردىڭ قاباتتاسۋ اسەرىن اناعۇرلىم ويداعىداي ساۋلەلەندىرىپ، قوزعاۋشى كۇشتىڭ كومەسكى رولىن تولىق ساۋلەلەندىرىپ، ٴار جاقتاعى بەلسەندى فاكتورلاردى دامۋدىڭ ناقتى ناتيجەسىنە اينالدىرۋعا قۇلشىنۋىمىز كەرەك.
ياڭ شيۋلي كەزەكتە اۆتونوميالى رايون، اۆتونوميالى وبلىس ٴدوپ كەلگەن دامۋ باسىمدىعى مەن ٴتيىمدى شارت ـ جاعدايلارعا مۇقيات تالداۋ جاساپ، ساياحات كاسىبى، اۋىل شارۋاشىلىعى، جاسىل كەن شارۋاشىلىعى، شەكارا وتكەلى ەكونوميكاسى سياقتى سالالاردىڭ دامۋىن ارقاۋ ەتىپ، قازىرگى قوعامدىق، ەكونوميكالىق دامۋ جاعدايى مەن وزگەرىسىنە ىشكەرىلەي تالداۋ جاساپ، ماجىلىسكە قاتىناسقان ۋاكىلدەردىڭ بيىلعى قىزمەتتەردىڭ ٴتۇيىنىن دۇرىس تۇسىنۋىنە، يگەرۋىنە ٴادىس ۇيرەتىپ، شىعار جول قاراستىردى. ول بىلاي دەپ باسا دارىپتەدى: حاۋىپسىزدىك پەن ورنىقتىلىق − دامۋدىڭ العى شارتى، دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، جوعارى ساپالى دامۋعا تاباندى بولۋدى جاڭا ٴداۋىردىڭ بۇلجىماس قاعيداسى ەتىپ، جاڭا ىسكەرلىك ارقىلى جوعارى ساپالى دامۋدى ىلگەرىلەتۋدە تىڭ ناتيجەگە قول جەتكىزۋ كەرەك. اۋدان، قالالار، ورىندار، بازار تۇلعالارى يدەيانى ونان ارى ازات ەتىپ، كوز ايانى كەڭەيتىپ، بازاردى ىشكەرىلەي بايقاپ، باسىمدىقتارعا تالداۋ جاساپ، قىزمەتتەگى قامال الۋ تۇيىندەرى مەن ولقىلىقتاردى ٴداپ باسىپ تاۋىپ، ٴداۋىردىڭ اياق الىسىنا ىلەسىپ، ۇيرەنۋدى ۇزدىكسىز كۇشەيتىپ، مي جۇمساپ، ٴبىلىمدى، ۇستانىمدى جاڭالاپ، جاڭا قوزعاۋشى كۇشتى جەتىلدىرۋ مەن كونە قوزعاۋشى كۇشتى جاڭالاۋدىڭ قاتىناسىن ٴبىر تۇتاس جوسپارلاپ، ىلە وبلىسىنىڭ وزگەشە بايلىق باسىمدىلىعىن تولىق ساۋلەلەندىرۋ كەرەك. وڭىرلىك باسىمدىقتى، بايلىق باسىمدىعىن ەكونوميكالىق باسىمدىققا اينالدىرىپ، دامۋ بارىسىندا ٴادىس - امال قاراستىرىپ، ناقتى شارا قولدانىپ، ىلە ەكونوميكاسىنىڭ دامۋىنا پارمەندى قوزعاۋشى كۇش ۇستەۋ كەرەك.
ياڭ شيۋلي ۋاكىلدەردىڭ وزەكتى ۇزدىكسىز ارقاۋ ەتىپ، جالپى جاعدايعا قىزمەت ەتىپ، اۆتونوميالى رايوندىق 10 - كەزەكتى پ−ارتكوم ون ٴۇشىنشى جالپى ٴماجىلىسى ورنالاستىرعان جوعارى ساپالى دامۋدىڭ ٴتۇيىندى مىندەتتەرى مەن اۆتونوميالى وبلىستىق پارتكوم، ۇكىمەت تۇراقتاندىرعان ٴتۇيىندى شارالاردى تىعىز ارقاۋ ەتىپ، مىندەتتەرىن بەلسەنە اتقارىپ، جاۋاپكەرلىكتەرىن ادا ەتىپ، حالىقتى وزەك ەتكەن دامۋ يدەياسىنا تاباندى بولىپ، حالىق ٴۇشىن قىزمەت ەتىپ، مىندەت اتقارۋ قابىلەتىن ۇزدىكسىز كۇشەيتىپ، جاڭالىق اشۋ شارالارىن كوبىرەك قاراستىرۋىن، حالىق قۇرىلتايى ۋاكىلدەرىنىڭ كوپىرلىك، دانەكەرلىك رولىن تولىق ساۋلەلەندىرىپ، حالىق جاعدايىن اناعۇرلىم جاقسى ۇعىسىپ، حالىق تىلەگىنە دەن قويا قۇلاق اسىپ، بۇقارا ٴۇشىن شىنايى ناقتى ىستەر، يگى ىستەر ىستەپ، ىلە وبلىسىنىڭ ٴتۇرلى قىزمەتتەرىنىڭ تىڭ ساتىعا كوتەرىلۋىن ونان ارى ىلگەرىلەتۋىن ٴۇمىت ەتتى.
وبلىستىق پارتكومنىڭ تۇراقتى مۇشەسى، قۇلجا قالالىق پارتكومنىڭ شۋجيى لي ۋي ماجىلىسكە قاتىناستى.