ياڭ شيۋلي ساياسي كەڭەس اۆتونوميالى وبلىستىق 14 - كەزەكتى كوميتەتى 4 - ٴماجىلىسىنىڭ گرۋپپالار تالقىسىنا قاتىناسقاندا بىلاي دەپ باسا دارىپتەدى 

جوعارى ساپالى دامۋدىڭ جاڭا جاعدايىن ونان ارى اشۋ كەرەك

تىلشىلەرىمىز لۋ جۇڭ، سۇن ي - نان، اراي حابارلايدى. 1 - ايدىڭ 13 - كۇنى تۇستەن كەيىن، ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ 4 -ٴماجىلىسى گرۋپپالار تالقىسىن وتكىزدى، وبلىستىق پارتكومنىڭ شۋجيى ياڭ شيۋلي ەكونوميكا سالاسى، ساۋدا - ونەركاسىپشىلەر بىرلەستىگى بىرلەسكەن گرۋپپا تالقىسىنا قاتىناسىپ، پىكىر جانە ۇسىنىستاردى تىڭدادى.

تالقى الاڭى قىزۋ مەرەيگە شومدى، يىن شىڭ، يۇي چىڭجۇڭ، جين دىڭلياڭ، ۋاڭ تاۋ، گى چۋانحۇي، ساۋ ۋيدۇڭ، حۋا جياكۇي، ما پيڭ، لي چۇنيۇي قاتارلى مۇشەلەر ٴوز سالالارىنىڭ ەرەكشەلىگىمەن، قىزمەت ٴىس جۇزىندىگىمەن ۇشتاستىرىپ، ٴۇش كاسىپتى توعىستىرۋ، جوعارى ساپامەن سىرتقا ەسىك اشۋ، شارۋاشىلىق - ساۋدا ورتاسىن ساپالىلاندىرۋ، كاسىپتىك دارىندىلاردى باۋلۋ، ەركىن ساۋدا سىناق رايونى قۇرىلىسى، شاعىن، ۇساق كاسىپورىنداردىڭ دامۋىنا، سۋ ونىمدەرى كاسىبىنىڭ دامۋىنا قولداۋ كورسەتۋ سياقتى جاقتاردى ارقاۋ ەتىپ سىندارلى اقىل - كەڭەس بەردى. ياڭ شيۋلي تىڭداي وتىرىپ ەستەلىك الىپ، ارەدىك مۇشەلەردىڭ ۇسىنىس - پىكىرلەرىنە جاۋاپ قايتارىپ وتىردى.

مۇشەلەردىڭ ٴسوزىن تىڭداعاننان كەيىن، ياڭ شيۋلي كاسىپورىنداردىڭ ىلەنىڭ ەكونوميكاسىنىڭ جوعارى ساپالى دامۋىندا تىرەكتىك رول اتقارعانىن ايتىپ، كاسىپورىنداردىڭ ەكونوميكانىڭ باسەڭدەۋ قىسىمىنا توتەپ بەرۋدە كورسەتكەن توزىمدىلىگى مەن ومىرشەڭدىك قۋاتىن القاپ، كوپشىلىك العا قويعان ۇسىنىستار مەن پىكىرلەر ٴىس جۇزىندىككە جاناسىمدى، توتەنشە ورىندى بولىپ، مۇشەلەردىڭ وسكەلەڭ كاسىپتىك رۋحىن، نازاريالىق ساپاسىن جانە ۇكىمەت ىسىنە ارالاسۋ، كەڭەس بەرۋ ورەسىن ايگىلەدى دەپ قارادى ٴارى وبلىستىق پارتكوم اتىنان تۇتاس وبلىستاعى ٴار دارەجەلى ساياسي كەڭەس ۇيىمدارى مەن قالىڭ ساياسي كەڭەس مۇشەلەرىنىڭ ىلەنىڭ ەكونوميكالىق، قوعامدىق دامۋىنا قوسقان ۇلەسىنە العىس ايتتى. 

ياڭ شيۋلي مىنالاردى اتاپ كورسەتتى: 2024 - جىلى اۆتونوميالى رايوندىق پارتكومنىڭ دۇرىس باسشىلىعىندا، بۇكىل وبلىس بويىنشا جوعارىدان تومەنگە دەيىن جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن مىقتاپ ارقاۋ ەتىپ، ىلەنىڭ مەملەكەت جالپى جاعدايىنداعى جانە شينجياڭنىڭ كەلەلى جاعدايىنداعى ستراتەگيالىق ورنىن مىقتاپ يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال جاپپاي دايەكتىلەندىرىپ، ”16661“ ٴتۇيىندى شاراسىن جاپپاي تياناقتاندىرىپ، يدەيانى ازات ەتىپ، جاڭالىق اشا ناقتى ىستەپ، ٴتۇرلى ىستەردە تىڭ ىلگەرىلەۋشىلىكتەر مەن تىڭ تابىستارعا قول جەتكىزدىك. جاڭا ٴبىر جىلدا جاڭا جورىقتا جاڭا كۇرەس نىساناسىن ورىنداۋدا ەرىك - جىگەردى، تانىمدى، ارەكەتتى بىرلىككە كەلتىرىپ، باسىمدىلىقتى ساۋلەلەندىرىپ، ٴالسىز بۋىنداردى كۇشەيتىپ، باتىلدىقپەن اۆانگارد بولۋعا ۇمتىلىپ، رەفورما جاساۋ، جاڭالىق اشۋدى قوزعاۋشى كۇش ەتىپ، جۇڭگو ۇلگىسىندەگى وسىزامانداندىرۋدىڭ ىلە امالياتىن ىلگەرىلەتۋدە تىڭ تابىستارعا قول جەتكىزۋ كەرەك. جوعارى ساپالى دامۋ سىندى ماڭداي الدى مىندەتكە تاباندى بولىپ، قارجى قوسۋدى، تۇتىنۋدى جانداندىرۋدى بەلسەنە كەڭەيتىپ، عىلىم ـ تەحنيكادا جاڭالىق اشۋدىڭ، كاسىپ سالاسىندا جاڭالىق اشۋدىڭ توعىسا دامۋىن ىلگەرىلەتىپ، شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، سىرتقى ساۋدانى دامىتىپ، زورايتىپ، دامۋ مەن حاۋىپسىزدىكتى ٴبىر تۇتاس، ويداعىداي جوسپارلاپ، حالىق تۇرمىسى قىزمەتىن شىن مانىندە ويداعىداي ىستەپ، جوعارى ساپالى دامۋدىڭ جاڭا جاعدايىن ونان ارى اشۋ كەرەك.

ياڭ شيۋلي شينجياڭنىڭ بۇكىل ەلدەگى ”بەس ٴىرى ستراتەگيالىق ورنى“ مەن قازىرگى اۆتونوميالى وبلىسىمىزدىڭ دامۋ ابزالدىعىنا، ٴتيىمدى شارت - جاعدايىنا مۇقيات تالداۋ جاساپ، بىلاي دەپ اتاپ كورسەتتى: ورنىقتىلىقتى قورعاۋدىڭ ٴتۇيىنى نەگىزگى ساتىدا، دامۋ ٴتۇيىنى باقشا رايوندارى مەن كاسىپورىنداردا. ىلە وبلىسى ازيا ـ ەۆروپا التىن ارناسىنىڭ تورابى جانە باتىسقا ەسىك اشۋدىڭ الدىڭعى شەبى رەتىندە ساياحات كاسىبى، اۋىل شارۋاشىلىعى، جاسىل كەن كاسىبى، باس شتاب ەكونوميكاسى، شەكارا وتكەلى ەكونوميكاسى سياقتى جاقتاردا زور رول اتقارادى، ساۋدا ورايى شەكسىز. ىلەنىڭ جوعارى ساپالى دامۋى كاسىپورىنشىلاردىڭ ات سالىسۋى مەن ىلگەرىلەتۋىنەن ايرىلا المايدى، دامۋدىڭ ٴادىسى مەن جولىن تاۋىپ، قازىرگى جاعداي مەن ٴتيىمدى ساياسات ورايىن دۇرىس يگەرىپ، شارۋاشىلىق باسقارۋ ورەسى مەن بازار اشۋ قابىلەتىن ۇزدىكسىز جوعارىلاتۋ كەرەك. ساۋدا ورتاسىن جاقسارتۋ قاعاز بەتىندە توقتاپ قالماۋى، ارەكەت جاعىندا مەرزىم بويىنشا كاسىپورىنشىلارمەن اڭگىمەلەسىپ، پىكىر اۋىستىرىپ، ورىن تەپكەن ماسەلەلەرگە باعىتتاپ، ٴبىر توبىن رەتتەپ، ٴبىر توبىن شەشىپ، باياندى مەحانيزم قالىپتاستىرىپ، كاسىپورىنداردىڭ دامۋىنا تاماشا ساۋدا ورتاسىن جاراتۋ كەرەك. بۇكىل وبلىستاعى قاتىستى تاراۋلار ”بىرەۋى ارقىلى بارلىعىن اتتانىسقا كەلتىرەتىن“ ٴتۇيىندى قىزمەتتەردى مىقتى يگەرىپ، يدەيانى ونان ارى ازات ەتىپ، مي جۇمساپ، قىزمەت ستيلىندە بۇرىلىس جاساپ، قىزمەت وتەۋ تانىمىن كۇشەيتۋى كەرەك. بۇكىل وبلىستاعى ٴار دارەجەلى ساياسي كەڭەس ۇيىمدارى مەن بارشا ساياسي كەڭەس مۇشەلەرىنىڭ مىندەتىن اتقارىپ، جاۋاپكەرشىلىگىن ادا ەتۋدىڭ كۇش سالۋ ٴتۇيىنىن ٴداپ باسىپ تاۋىپ، بۇكىل وبلىستىڭ دامۋىنا بەلسەنە اقىل - كەڭەس بەرىپ، جۇڭگو ۇلگىسىندەگى وسىزامانداندىرۋدىڭ ىلە امالياتىن ىلگەرىلەتۋگە اناعۇرلىم زور ۇلەس قوسۋىن ٴۇمىت ەتەمىن.

وبلىستىق ساياسي كەڭەس پارتيا باسشىلىق گرۋپپاسىنىڭ شۋجيى، ورىنباسار ٴتوراعاسى حۋ كايجياڭ مىنالاردى ٴبىلدىردى: ياڭ شيۋلي شۋجي گرۋپپالار تالقىسىن تىڭداپ، شىنايى ٴۇمىت ارتىپ، بۇكىل وبلىستاعى ٴار دارەجەلى ساياسي كەڭەس ۇيىمدارى مەن قالىڭ ساياسي كەڭەس مۇشەلەرىنە ايقىن باعدار كورسەتىپ، تالاپ قويىپ، وبلىستىق پارتكومنىڭ ساياسي كەڭەس قىزمەتىنە وسكەلەڭ ٴمان بەرەتىندىگىن جانە زور كۇشپەن قولداۋ كورسەتەتىندىگىن ايگىلەدى. بۇدان بىلاي ٴار دارەجەلى ساياسي كەڭەس ۇيىمدارى مەن قالىڭ ساياسي كەڭەس مۇشەلەرى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، وبلىستىق پارتكوم تۇراقتاندىرعان ٴتۇيىندى قىزمەت مىندەتتەرىن تىعىز ارقاۋ ەتىپ، دەموكراتيانى ساۋلەلەندىرۋ مەن ىنتىماقتى كۇشەيتۋدىڭ ٴوزارا توعىسۋىنا تاباندى بـولىپ، ۇكىمـەت ىسىنە اقـىل ـ كەڭەس بەرۋ مەن ورتاق تانىمدى ۇيىستىرۋعا قوس باعىتتا كۇش سالۋعا تاباندى بولىپ، ٴبىر جاعادان باس، ٴبىر جەڭنەن قول شىعارىپ، وبلىستىق پارتكوم جاساعان ”جاڭا جوبانى“ ”قۇرىلىس جۇرگىزۋ كارتاسىنا“ اينالدىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا كورىكتى ىلە قۇرۋعا ساياسي كەڭەستىڭ اقىل - پاراساتى مەن كۇش - قۋاتىن ارناۋ كەرەك.