تىلشىلەرىمىز لي يافىڭ، يۇڭ شۇيفىڭ حابارلايدى. 1 - ايدىڭ 13 - كۇنى تۇستەن بۇرىن اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ٴماجىلىسى قازىنا - ەكونوميكا كوميتەتىنىڭ جيىنىن اشتى.

اۆتونوميالى وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، قازىنا - ەكونوميكا كوميتەتىنىڭ مەڭگەرۋشى مۇشەسى ابليكىم نۇرانبەك جيىندى باسقاردى.

جيىن اۆتونوميالى وبلىستىق حالىق ۇكىمەتى العا قويعان «اۆتونوميالى وبلىستىڭ 2024 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2025 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى بايانداماسىن»، «اۆتونوميالى وبلىستىڭ 2024 - جىلعى مەجە ەسەبىنىڭ اتقارىلۋ احۋالى جانە 2025 - جىلعى مەجە ەسەپ جوباسى جونىندەگى بايانداماسىن»، سونداي - اق 2025 - جىلعى اۆتونوميالى وبلىس دارەجەلى مەجە ەسەپ جوباسىن قارادى، جوسپار، مەجە ەسەپتى قاراۋ باياندامالارىن جەكە - جەكە العا قويدى ٴارى ٴتوراعالار القاسىنىڭ 3 - جيىنىنىڭ قاراۋىنا ۇسىنۋدى تاپسىردى.