تىلشىلەرىمىز جاۋ شياۋفاڭ، ناديرا حابارلايدى. 1 - ايدىڭ 13 - كۇنى تۇستەن بۇرىن ساياسي كەڭەس ىلە وبلىستىق 14 - كەزەكتى كوميتەتى 4 - ٴماجىلىسىنىڭ گرۋپپالار تالقىسىندا ساياسي كەڭەس مۇشەلەرى وبلىستىق ۇكىمەتتىڭ قىزمەت بايانداماسى مەن باسقا دا قاتىستى قىزمەت باياندامالارى توڭىرەگىندە قىزۋ تالقى ورىستەتتى.

وبلىستىق ساياسي كەڭەستىڭ مۇشەسى، وبلىستىق پارتكوم بىرلىكساپ ٴبولىمىنىڭ ورىنباسار باستىعى، وبلىستىق ٴدىن ىستەرى مەكەمەسىنىڭ ورىنباسار باستىعى شياۋ گى بىلاي دەدى: ”ۇكىمەت قىزمەتىنەن بايانداما ادامدى العاباسۋعا جەبەيدى، بۇل ٴبىزدى بارىنشا شابىتتاندىرىپ، ايرىقشا جەلپىندىردى. بيىلعى ٴتۇيىندى مىندەتتەر مەن ورنالاستىرۋلاردىڭ نەگىزگى تاقىرىبى ايقىن، شارالارى ناقتى، اسىرەسە، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولۋ باسا دارىپتەلىپ، بۇكىل وبلىسىمىزدىڭ ٴتۇرلى قىزمەتتەرىنىڭ ىشكەرىلەي ورىستەتىلۋىنە ايقىن باعدار كورسەتتى. بىرلىكساپ ٴبولىمى رەتىندە، ٴبىز نازاردى ناقتى، جاندى، ٴونىمدى بولۋعا شوعىرلاندىرىپ، ساياسي يدەيالىق جەتەكشىلىكتى بارىنشا كۇشەيتىپ، جۇڭحۋا ۇلتى ورتاق تۇلعا تانىمى ٴتۇزىمى مەحانيزمىن اقاۋسىزداندىرىپ، جۇڭحۋا ۇلتى ورتاق تۇلعا تانىمىن بەكەمدەۋدەن ۇلگى كورسەتۋ ۇگىت - لەكسيا قيمىلىن ۇزدىكسىز ورىستەتىپ، جۇڭحۋا ۇلتى ورتاق تۇلعا تانىمىن بەكەمدەيتىن شينجياڭ حيكاياسىن، ىلە حيكاياسىن ويداعىداي باياندايمىز.

وبلىستىق ساياسي كەڭەستىڭ مۇشەسى، التاي قالاسى قاندىعاتى اۋىلى جاتاقتى مەكتەبىنىڭ وقىتۋشىسى بۇكمىرگىن بۇيۇنتا بىلاي دەدى: ۇكىمەت قىزمەتىنەن باياندامادا حالىق رازى بولاتىن وقۋ - اعارتۋدى ويداعىداي جۇرگىزىپ، ايتۋلى مەكتەپ باستىعى، ايتۋلى وقىتۋشى، ايتۋلى كلاس جەتەكشىسى قىزمەت كەڭسەسىن بەلسەنە قۇرىپ، ٴبىر توپ تاڭداۋلى ۇستاز، ايتۋلى مۇعالىم جانە كاسىپتىك كوشباسشى دارىندىلارىن كۇش سالا باۋلىپ، ٴار دارەجەلى مەكتەپتەردىڭ ٴتۇرلى وقۋ - وقىتۋ ساپاسىن ۇزدىكسىز جوعارىلاتىپ، ۇستازدىق ٴمورال، ۇستازدىق ستيل قۇرىلىسىن كۇشەيتىپ، ورتا، باستاۋىش مەكتەپ وقۋشىلارىنىڭ پسيحيكالىق اقاۋسىزدىعى تاربيەسىن كۇشەيتىپ، ”ەكىنى ازايتۋدىڭ“ تابىستارىن ۇزدىكسىز بەكەمدەپ، وقۋ - اعارتۋ ىستەرىنىڭ ۇزدىكسىز العا باسۋىن ىلگەرىلەتۋ كەرەكتىگى العا قويىلدى. الداعى قىزمەت بارىسىندا ٴوز قىزمەت ورىنىمدى تياناق ەتىپ، وقۋ ـ وقىتۋ دەڭگەيىن قۇلشىنا جوعارىلاتىپ، ٴمورال، اقىل ـ وي، دەنە، ەستەتيكا، ەڭبەك جاقتارىنان جان ـ جاقتى جەتىلگەن سوتسياليزمنىڭ قۇرىلىسشىلارى مەن ٴىزباسارلارىن جەتىلدىرۋگە ٴوز ۇلەسىمدى قوسامىن. سونىمەن بىرگە، ٴبىرىنشى شەپتەگى نەگىزگى ساتى وقىتۋشىسى رەتىندە، ٴبىز وقۋشىلاردىڭ پسيحيكالىق اقاۋسىزدىعىنا قاي ـ قاشان دا نازار اۋدارىپ، بالالاردىڭ اقاۋسىز، كوڭىلدى ەسەيىپ ـ ەرجەتۋىنە مۇمكىندىك جاسايمىز.