تىلشىلەرىمىز لي جيان، ليۋ چۇنشيڭ حابارلايدى. ىلە وبلىستىق ۇكىمەتتىڭ قىزمەت بايانداماسىنىڭ 2025 - جىلعى قىزمەت ورنالاستىرۋىندا بىلاي دەپ اتاپ كورسەتىلدى: وسىزاماندانعان ستەرەولدى قاتىناس جۇيەسىن كۇش سالا قۇرىپ، قۇلجا - اقسۋ تەمىر جولىنىڭ جۇمىس باستاۋىنا كەپىلدىك ەتۋ كەرەك.

ٴتىلشىنىڭ ىلە وبلىستىق حالىق قۇرىلتايىنىڭ ۋاكىلى، وبلىستىق دامۋ - رەفورما كوميتەتىنىڭ مەڭگەرۋشىسى چىن ۋيچياڭنان ۇعىسۋىنشا، قۇلجا - اقسۋ تەمىر جولى قۇرىلىسىندا 2025 - جىلى جۇمىس باستالادى دەپ بەلگىلەنگەن، بۇل تەمىر جول جىڭ - قۇلجا - قورعاس تەمىر جولىنىڭ بولەكەي ايالداماسىنان باستالىپ، جول بويى توعىزتاراۋ اۋدانىن، كۇنەس اۋدانىن باسىپ ٴوتىپ، ەڭ سوڭىندا اقسۋ قالاسىنا جەتەدى ەكەن.

چىن ۋيچياڭ بىلاي دەدى: بۇل تەمىر جولدىڭ سالىنۋى ىلە اڭعارىنان وڭتۇستىك شينجياڭعا دەيىنگى ماڭىزدى قاتىناس جەلىسىن اشىپ قانا قويماي، جىڭ ـ قۇلجا ـ قورعاس تەمىر جولىمەن تۇتاساتىن جەلى بولىپ، وڭتۇستىك، سولتۇستىك شينجياڭ ساياحات اينالما جەلىسىن قالىپتاستىرىپ، ىلە وبلىسىنىڭ ساياحات، ساۋدا، زات اينالىمى سياقتى كاسىپتەرىنىڭ دامۋىن بارىنشا ىلگەرىلەتەدى.

بۇدان سىرت، چىن ۋيچياڭنىڭ تانىستىرۋىنا قاراعاندا، قۇلجا ـ اقسۋ تەمىر جولى سالىنعاننان كەيىن، قۇلجا قالاسىنان اقسۋ قالاسىنا دەيىنگى تەمىر جول ارالىعى كەمىندە 700 كيلومەتر قىسقارىپ، ساپار ۋاقىتى ۇشتەن بىرىنەن استامعا ازايادى ەكەن.