(2025 - جىلى 1 - ايدىڭ 15 - كۇنى ىلە قازاق اۆتونوميالى وبلىستىق 15 - كەزەكتى حالىق قۇرىلتايى 4 - ٴماجىلىسىنىڭ 3 - جالپى جيىنىندا ماقۇلداندى)

ىلە قازاق اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ٴماجىلىسى اۆتونوميالى وبلىستىڭ باستىعى ەلشات تۇرسىنباي ۇلى جاساعان «ۇكىمەت قىزمەتىنەن باياندامانى» تىڭدادى جانە قارادى.  اۆتونوميالى وبلىستىق 15 - كەزەكتى حالىق ۇكىمەتىنىڭ وتكەن ٴبىر جىلداعى قىزمەتتەرىن تولىق تۇراقتاندىرىپ، باياندامادا العا قويىلعان 2025 - جىلعى قىزمەت جالپى تالاپتارىنا، ەكونوميكالىق، قوعامدىق دامۋدىڭ باستى مەجەلى نىساناسى مەن ٴتۇيىندى قىزمەت ورنالاستىرۋلارىنا قوسىلىپ، وسى باياندامانى بەكىتۋدى ۇيعاردى.

ٴماجىلىس مىناعان ۇندەدى: بۇكىل وبلىستاعى ٴار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ، ۇكىمەتتىڭ جانە وبلىستىق پارتكومنىڭ دۇرىس باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى باسقارۋ  جالپى جوباسىن تولىق، دالمە ـ ٴدال، جاپپاي دايەكتىلەندىرىپ، يدەيانى ازات ەتىپ، شىنايى ىستەپ، قايراتتانا العا ۇمتىلىپ، ۇزدىك بولۋعا ۇمتىلىپ، رەفورمانىڭ، دامۋدىڭ، ورنىقتىلىقتىڭ جاڭا جاعدايىن ۇزدىكسىز اشىپ، جۇڭگو ۇلگىسىندەگى  وسىزامانداندىرۋ بارىسىندا اۆتونوميالى وبلىستىڭ جاڭا تاراۋىن جازۋعا كۇش سالىپ، اۆتونوميالى رايون قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الۋ كەرەك.