ياڭ شيۋلي ٴماجىلىستى باسقاردى

ىلە قازاق اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ٴماجىلىسىنىڭ جابىلۋ ٴساتى. لاي يۇينيڭ، جاڭ چيڭحۋا فوتوسى.

تىلشىلەرىمىز ما چىڭلۋ، لاي يۇينيڭ، جاڭ چيڭحۋا، لي يافىڭ، چين لەي، يۇڭ شۇيفىڭ، شاۋكەت، رىن جيالي حابارلايدى. 1 - ايدىڭ 15 - كۇنى تۇستەن بۇرىن، ىلە قازاق اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ٴماجىلىسى الدىن الا بەلگىلەنگەن ٴتۇرلى مىندەتتەرىن تابىسپەن ورىنداپ، ىلە وبلىستىق مادەنيەت - كوركەمونەر قيمىل ورتالىعىندا جەڭىسپەن جابىلدى. 

سول كۇنگى 3 - رەتكى جالپى جيىنعا قاتىناسۋعا ٴتيىستى ۋاكىل 447 ادام، قاتىناسقان ۋاكىل 376 ادام، زاڭدا بەلگىلەنگەن ادام سانىنا ۇيلەسەدى.

ٴماجىلىستىڭ اتقارۋشى ٴتوراعالارى ياڭ شيۋلي، نياز اشىم، رازيا ابليز، اقجول انەش ۇلى، ابليكىم نۇرانبەك، سۇن پىڭ، سۇن حۇي، جاڭارسىن نۇراش ۇلى ٴتوراعالار مىنبەسىنىڭ الدىڭعى قاتارىنان ورىن الدى. ياڭ شيۋلي ٴماجىلىستى باسقاردى.

 حۋ كايجياڭ، سەرجان ۇعىباي ۇلى، لي چىڭشىڭ، جاۋ سۇيفاڭ، ٴامينا ٴۋالقان قىزى، سەرىك قابىكەن ۇلى، جياڭ حايجۇن، لي رۇڭنيان، ياڭ شينپيڭ، قايرات اشىك ۇلى، جۋ داگاڭ، لي ۋي، فىڭ جو قاتارلى باسشىلار، وبلىستىق سوت مەكەمەسىنىڭ، وبلىستىق پروكۋراتۋرانىڭ نەگىزگى جاۋاپتى جولداستارى جانە ٴماجىلىس ٴتوراعالار القاسىنىڭ باسقا دا مۇشەلەرى ٴتوراعالار مىنبەسىنەن ورىن الدى. 

ٴماجىلىس باس بەلەت باقىلاۋشىنىڭ، بەلەت باقىلاۋشىلاردىڭ ەسىمدىگىن داۋىسقا سالىپ ماقۇلدادى. اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ باس حاتشىسىن، جورالارىن تولىقتاپ سايلادى. بەلەت تاستاۋ اياقتاعاننان كەيىن، باس بەلەت باقىلاۋشى بەلەت ەسەپتەۋ ناتيجەسىن مالىمدەدى. ياڭ شيۋلي پان جۇنچيڭنىڭ اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ باس حاتشىلىعىنا، جارقىن توتاي ۇلى قاتارلى 10 ادامنىڭ اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ مۇشەلىگىنە سايلانعاندىعىن جاريالادى.

ٴماجىلىس ۇكىمەت قىزمەتىنەن بايانداما جونىندەگى قاۋلىنى داۋىسقا سالىپ ماقۇلدادى؛ 2024 - جىلعى اۆتونوميالى وبلىستىڭ حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2025 - جىلعى اۆتونوميالى وبلىستىڭ حالىق شارۋاشىلىعى مەن قوعامدىق دامۋ جوسپارى جونىندەگى قاۋلىنى داۋىسقا سالىپ ماقۇلدادى؛ 2024 - جىلعى اۆتونوميالى وبلىستىڭ مەجە ەسەبىنىڭ اتقارىلۋ احۋالى جانە 2025 - جىلعى اۆتونوميالى وبلىستىڭ مەجە ەسەبى جونىندەگى قاۋلىنى داۋىسقا سالىپ ماقۇلدادى؛ اۆتونوميالى وبلىستىق حالىق قۇرىلتايى تۇراقتى كوميتەتىنىڭ، اۆتونوميالى رايوندىق جوعارى حالىق سوتى مەكەمەسى ىلە قازاق اۆتونوميالى وبلىستىق بولىمشەسىنىڭ، اۆتونوميالى وبلىستىق حالىق پروكۋراتۋراسىنىڭ قىزمەت بايانداماسى جونىندەگى قاۋلىنى داۋىسقا سالىپ ماقۇلدادى؛ «ىلە قازاق اۆتونوميالى وبلىستىق حالىق قۇرىلتايى جانە ونىڭ تۇراقتى كوميتەتىنىڭ زاڭ شىعارۋ ەرەجەسىن» داۋىسقا سالىپ ماقۇلدادى، جاڭادان سايلانعان اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ باس حاتشىسى، مۇشەلەرى نەگىزگى زاڭعا سەرت بەردى.

ٴماجىلىس ٴتۇرلى كۇن تارتىپتەرىن ورىنداعاننان كەيىن ياڭ شيۋلي ٴسوز سويلەدى. ول بىلاي دەدى: ىلە قازاق اۆتونوميالى وبلىستىق 15 ـ كەزەكتى حالىق قۇرىلتايىنىڭ 4 ـ ٴماجىلىسى ٴتۇرلى كۇن تارتىپتەرىن تابىسپەن ورىندادى. ٴماجىلىس كەزىندە ۋاكىلدەر وسكەلەڭ ساياسي جاۋاپكەرشىلىكپەن، پاك تە شىنايى سۇيىسپەنشىلىك جانە قايراتتانا ٴىس تىندىرۋداي تاماشا رۋحاني بەينەمەن، مىندەتىن زاڭ بويىنشا اتقارىپ، بەلسەنە اقىل ـ كەڭەس بەرىپ، ٴتۇرلى قىزمەت باياندامالارى مەن قاۋلىلاردى، ۇيعارىمداردى (جوبا نۇسقا)، سونداي - اق «ىلە قازاق اۆتونوميالى وبلىستىق حالىق قۇرىلتايى مەن ونىڭ تۇراقتى كوميتەتىنىڭ زاڭ شىعارۋ ەرەجەسىن» مۇقيات تىڭداپ جانە قاراپ ماقۇلداپ، اۆتونوميالى وبلىستىڭ رەفورما، دامۋ، ورنىقتىلىق ىستەرىنە جانە حالىق بۇقاراسىنىڭ ٴتول مۇددەسىنە ساياتىن كەلەلى ماسەلەلەر جونىندە كوپتەگەن قۇندى پىكىرلەر مەن ۇسىنىستاردى العا قويدى؛ اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ باس حاتشىسىن، مۇشەلەرىن تولىقتاپ سايلادى. ٴماجىلىستىڭ اشىلۋى وتە تابىستى بولىپ، قوماقتى ناتيجەگە قول جەتكىزىپ، تۋدى بيىك ۇستاعان، جۇرت تىلەگىن ۇيىستىرعان ٴماجىلىس، دەموكراتيانى ساۋلەلەندىرگەن، ىنتىماقتاسا العا ۇمتىلعان ٴماجىلىس، شىندىققا جۇگىنىپ، ناقتى ىستەگەن، ستيلى پاك، سالتى دۇرىس ٴماجىلىس بولدى.

ياڭ شيۋلي بىلاي دەپ اتاپ كورسەتتى: بيىل − ”14 ـ بەسجىلدىق“ جوبا اياقتالاتىن جىل، اۆتونوميالى رايون قۇرىلعاندىعىنىڭ 70 جىلدىعى، بيىلعى قىزمەتتەردى ويداعىداي ىستەۋدىڭ ماڭىزى زور. بۇكىل وبلىستاعى ٴار دارەجەلى حالىق قۇرىلتايى ۇيىمدارى مەن حالىق قۇرىلتايى ۋاكىلدەرى پارتيا 20 - قۇرىلتايىنىڭ جانە 20 - كەزەكتى ورتالىق كوميتەتىنىڭ ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورتالىقتىڭ ەكونوميكالىق قىزمەت ٴماجىلىسىنىڭ جانە اۋىل - قىستاق قىزمەتى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، اۆتونوميالى رايوندىق 10 - كەزەكتى پارتكوم ون ٴۇشىنشى جالپى ٴماجىلىسىنىڭ ورنالاستىرۋلارى مەن تالاپتارى بويىنشا، پارتيا ورتالىق كوميتەتى شينجياڭعا بەرگەن ”بەس ٴىرى ستراتەگيالىق ورنىن تۇراقتاندىرۋدى“ كوزدەپ، بۇكىل شينجياڭنىڭ، بۇكىل وبلىستىڭ جالپى جاعدايىنا سانالى تۇردە سايكەسىپ، حالىق بۇقاراسىنىڭ تاماشا تۇرمىسقا دەگەن تىڭ تىلەگىنە تىعىز سايكەسىپ، مىندەتىن قۇلشىنا اتقارىپ، جاۋاپكەرشىلىكتى ادا ەتىپ، ۇزدىكسىز كۇرەس جۇرگىزىپ، اۆتونوميالى وبلىستىڭ ەكونوميكاسى مەن قوعامىنىڭ جوعارى ساپالى دامۋىن ىلگەرىلەتۋ بارىسىندا تاعى دا تىڭ ۇلەس قوسىپ، تاعى دا تاماشا ناتيجە جاراتۋعا قۇلشىنۋ كەرەك. پارتيانىڭ باسشىلىعىنا تاباندى بولۋدان تيتتەي دە اۋىتقىماي، حالىق قۇرىلتايى قىزمەتىنىڭ باستان - اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك. وزەكتى جالپى جاعدايعا قىزمەت وتەۋ جاعىندا ىرىقتىلىقپەن جاۋاپكەرشىلىك ارقالاپ، رەفورمانى يگەرۋدىڭ، دامۋدى جەبەۋدىڭ، ورنىقتىلىقتى ساقتاۋدىڭ قۋاتتى بىرىككەن كۇشىن شىن مانىندە ۇيىستىرۋ كەرەك. حالىقتىق تۇرعىدا بەرىك تۇرۋدا جاقسى ۇلگى ورناتىپ، جالپى بارىستىق حالىق دەموكراتياسىن ىشكەرىلەي امالياتتا ايگىلەپ، باستان - اياق حالىقتى باقىتقا كەنەلتۋدى ەڭ ماڭىزدى ساياسي ناتيجە ەتىپ، پارتكومنىڭ، ۇكىمەتتىڭ حالىق بۇقاراسىمەن بايلانىس ورناتۋداعى ”جۇرەكتەستەر كوپىرىن“ شىن مانىندە ويداعىداي ورناتۋ كەرەك. وزىندىك قۇرىلىستى كۇشەيتۋدە قاتاڭ، شىنايى بولىپ، بۇكىل وبلىستاعى ٴار دارەجەلى حالىق قۇرىلتايى ۇيىمدارى ”ٴتورت ورگاننىڭ“ تالابىنا ىرىقتىلىقپەن تۋرالانىپ جانە ونى تياناقتاندىرىپ، حالىق قۇرىلتايى قىزمەتىنىڭ ساپاسى مەن دەڭگەيىن ۇزدىكسىز جوعارىلاتۋ كەرەك. ٴار دارەجەلى حالىق قۇرىلتايى ۋاكىلدەرى ۋاكىلدىك بەدەلدەرىن قاستەرلەپ، مىندەت وتەۋ قابىلەتىن جوعارىلاتىپ، كورىكتى ىلە قۇرىلىسىنا دەم بەرۋدىڭ جاندى امالياتى بارىسىندا ۋاكىلدەردىڭ كەلبەتىن ايگىلەۋى كەرەك.

ياڭ شيۋلي مىنالاردى باسا دارىپتەدى: بۇكىل وبلىستاعى ٴار دارەجەلى پارتكومدار حالىق قۇرىلتايى قىزمەتىنە جاپپاي باسشىلىقتى كۇشەيتىپ جانە جاقسارتىپ، حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ قىزمەت مالىمەتىن مەرزىم بويىنشا تىڭداپ، حالىق قۇرىلتايى قىزمەتىندەگى كەلەلى ماسەلەلەردى اقىلداسىپ شەشىپ، حالىق قۇرىلتايى مەن ونىڭ تۇراقتى كوميتەتىنىڭ قىزمەت ۇقىعىن زاڭ بويىنشا اتقارىپ، قىزمەتتى ورىستەتۋىن بار كۇشپەن قولداپ، حالىق قۇرىلتايى ٴتۇزىمىنىڭ ابزالدىلىعىن دامۋ مۇمكىندىگى مەن جونگە سالۋ ونىمدىلىگىنە شىنايى اينالدىرۋ كەرەك. ۇكىمەت، ٴتارتىپ تەكسەرۋ، باقىلاۋ - تەكسەرۋ كوميتەتى، سوت، پروكۋراتۋرا مەكەمەلەرى حالىق قۇرىلتايىنىڭ باقىلاۋىن سانالىلىقپەن قابىلداپ جانە وعان بەلسەنە سايكەسىپ، حالىق قۇرىلتايىنىڭ قاۋلىلارىن، ۇيعارىمدارىن قاتاڭ اتقارىپ، حالىق قۇرىلتايىنا زاڭ بويىنشا جاۋاپتى بولىپ جانە قىزمەتىنەن مالىمەت بەرىپ، زاڭ بويىنشا اكىمشىلىك جۇرگىزۋ، زاڭ بويىنشا باقىلاۋ جانە ٴادىليادا ٴادىل بولۋ قابىلەتىن، دەڭگەيىن ۇزدىكسىز جوعارىلاتۋ كەرەك. تاراۋلار، ورىندار حالىق قۇرىلتايىنداعى قاتىستى جاقتارمەن سايكەسۋدى، سەلبەسۋدى كۇشەيتىپ، حالىق قۇرىلتايى ۋاكىلدەرىنىڭ كەڭەس جوبالارىن، ۇسىنىستارىن مۇقيات ٴبىر جاقتى ەتىپ، ۋاكىلدەردىڭ مىندەت وتەۋىنە ىرىقتىلىقپەن تاماشا شارت - جاعداي ازىرلەپ، حالىق قۇرىلتايى قىزمەتىنە بەرىك قامتاماسىزدىق ازىرلەۋ كەرەك. سەنىمدى بەكەمدەپ، شىنايى ىستەپ، ىنتىماقتاسا كۇرەس جۇرگىزىپ، قايراتتانا العا ۇمتىلىپ، جۇڭگو ۇلگىسىندەگى وسىزامانداندىرۋدىڭ ىلە امالياتىندا تىڭ داستان جازۋعا كۇش سالۋ كەرەك.