— 2025 ـ جىلعى مەملەكەتتىك ەكى ٴماجىلىستىڭ اشىلۋى بايلانىسىمەن
شينحۋا اگەنتتىگىنىڭ تىلشىلەرى
تاعى ٴبىر كوكتەم، كۇللى جۇرت كوز تىككەن مەملەكەتتىك ەكى ٴماجىلىستىڭ شىمىلدىعى اشىلۋ الدىندا تۇر.
تاعى ٴبىر رەتكى باس قوسۋ، ۋاكىلدەر، مۇشەلەر ماڭىزدى تاپسىرمانى ارقالاپ، مەملەكەت ٴىسىن بىرگە اقىلداسادى.
جاڭا تاريحي كوورديناتا، جاڭا ٴداۋىر بورىشى —
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن كەيىنگى تۇڭعىش مەملەكەتتىك ەكى ٴماجىلىس؛
”14 ـ بەسجىلدىق“ جوبا جاقىندا اياقتالادى، ”15 ـ بەسجىلدىق“ جوبا جوسپارلانۋ الدىندا تۇر؛
2035 ـ جىلى سوتسياليستىك وسىزامانداندىرۋدى نەگىزىنەن جۇزەگە اسىرۋعا نەبارى 10 جىل عانا قالدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، 2025 ـ جىلعى مەملەكەتتىك ەكى ٴماجىلىس، ٴسوز جوق، ورتاق تانىمدى ۇيىستىرىپ، كۇش ـ قۋاتتى تاسقىنداتىپ، ميلليارد حالىقتى ىنتىماقتاستىرىپ، جۇڭگو ۇلگىسىندەگى وسىزامانداندىرۋدىڭ اناعۇرلىم ايبىندى دا كوركەم جاڭا تاراۋىن جازاتىن بولادى!
ورايدى مىقتاپ يگەرىپ، جۇڭگو ۇلگىسىندەگى وسىزامانداندىرۋدىڭ جاڭا ساپارىن باستادى
كوكتەم شۋاعى توگىلىپ، بار الاپ شىت جاڭا تۇسكە ەندى. جۇڭگونىڭ بايتاق دالاسىنداعى 48 مىڭ كيلومەترلىك جوعارى قارقىندى تەمىر جول جەلىسىندە پويەزدەر زىمىرادى.
مەملەكەتتىك حالىق قۇرىلتايىنىڭ ۋاكىلى، جۇڭگو جۇڭچى جارنا شەكتى سەرىكتەستىگىنىڭ ورىنباسار ٴتوراعاسى ۋاڭ فىڭ مىناداي قۋانىشتى حاباردى مەملەكەتتىك ەكى ماجىلىسكە جەتكىزۋدى جوسپارلادى: ”CR450 موتورلى ۆاگوندار قۇراماسىنىڭ قاتىناۋ ساعاتتىق جىلدامدىعى 400 كيلومەترگە جەتىپ، بۇكىل الەمدە ەڭ تەز بولادى“!
ۇزدىكسىز باسىپ وزدى، ومىرشەڭ كۇش تاسقىندادى.
2024 ـ جىلى ەكونوميكانىڭ جالپى مولشەرى 130 تريلليون يۋاننان اسىپ، سايكەس مەزگىلدەگىدەن %5 ارتتى؛ جاساۋ كاسىبىنىڭ جالپى تۇلعالىق كولەمى بۇكىل الەم بويىنشا بىرىنشىلىكتى ٴۇرتىس ساقتادى؛ سىرتقى ساۋدا كولەمى تاعى دا تىڭ دەڭگەي جاراتتى...ەلىمىز ٴالى دە دۇنيە ٴجۇزى ەكونوميكاسىنىڭ ارتۋىنداعى ماڭىزدى قوزعالتقىش.
جاڭا كوورديناتا كوزدەلەدى، جاڭا جوبا كەسكىندەلەدى، مەملەكەتتىك ەكى ٴماجىلىس — ٴارى كەلەلى ىستەردى اقىلداسىپ، ۇلى جوسپار جاساۋدىڭ ماڭىزدى تۇعىرى، ٴارى كەلەلى جاعدايدى بارلاپ، كەلەلى اۋقىمدى باعامداۋدىڭ شەشۋشى تەرەزەسى.
”اناعۇرلىم بەلسەندى دە ٴونىمدى ماكرولىق ساياسات اتقارىپ، ەكونوميكانىڭ ۇزدىكسىز قايتا ورلەۋىن، جاقسارۋىن ىلگەرىلەتۋ دالمە ـ ٴدال كۇش سالۋدى، سايكەسە كۇش سالۋدى، ۇزدىكسىز كۇش سالۋدى قاجەت ەتەدى“، ـ دەدى مەملەكەتتىك ساياسي كەڭەستىڭ مۇشەسى، جۇڭگو كاسىپورىندار قازىنا ىستەرىن باسقارۋ قوعامىنىڭ باستىعى جاڭ ليانچي.
جياڭسۋ تايساڭ پورتىندا 10 مىڭ شاقىرىمدىق چاڭجياڭ وزەنىنىڭ تەڭىزگە قۇيار ايلاعىندا جۇك كەمەلەرى ايالداپ ـ اتتانىپ، كۇنى ـ ٴتۇنى دامىل تاپپايدى.
”مىندەت وتە كوپ، ٴسوز جوق، ساپاسىنا، سانىنا كەپىلدىك ەتەمىز“. مەملەكەتتىك حالىق قۇرىلتايىنىڭ ۋاكىلى، سۋجوۋ پورتى توبى تايساڭ شينحاي كەمەجايى وركەندەتۋ شەكتى سەرىكتەستىگى كوتەرگىش كران ٴبانىنىڭ جەتەكشى بانجاڭى چۋ فىڭ ٴۇرتىس بىرنەشە كۇن ۇستەمە جۇمىس ىستەدى.
كيىم ـ كەشەك، ٴۇي جيھازدارى، ٴۇي ەلەكتر جابدىقتارى سياقتى ”كونە ٴۇش تۇردەن“ ەلەكترلى اۆتوكولىك، ليتي باتارەياسى، فوتوۆولت ونىمدەرى سياقتى ”جاڭا ٴۇش تۇرگە“ دەيىن ”جۇڭگو جاساۋى“ ”جۇڭگو زەردەلى جاساۋىنا“ تيپ جاڭالاپ، جەلكەن جايىپ تەڭىزگە شىعىپ تولقىن جاردى، ايانباي العا تارتتى.
2025 ـ جىلعى مەملەكەتتىك ەكى ٴماجىلىس جاڭا بورىش ـ مىندەت ارقالادى —
”پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسى 300دەن استام كەلەلى رەفورما شاراسىن ورنالاستىردى، مەملەكەتتىك ەكى ٴماجىلىس ’قۇرىلىس جۇرگىزۋ كارتاسىن‘ تاعى دا ەگجەي ـ تەگجەيلىلەندىرىپ، ’جاۋاپكەرشىلىك حاتىن‘ بەلگىلەيدى“، ـ دەدى گۋاڭدۇڭ ولكەلىك جاڭا قوعامدىق جىك قايراتكەرلەرى بىرلەستىگىنىڭ باستىعى، ۋاكىل حۋاڭ شيچين.
مەملەكەتتىك حالىق قۇرىلتايىنىڭ وسى ۋاكىلى تۇرعان شىنجىن قالاسىنىڭ باسقارۋىنداعى حالىق سانى 20 ميلليوننان اسادى. ”@ شىنجىن — جۇرت قالاۋى بويىنشا تەز ٴبىتىرۋ“ تۇعىرى 24 ساعات جىلدام ٴۇن قوسۋ مەحانيزمىن ورناتىپ، كەمەلدەندىرىپ، اسا ۇلكەن قالانى باسقارۋ وزگەرىسىنىڭ جاڭا ۇلگىسى جونىندە ىزدەنىس جاسادى.
وزگەرىس بارىسىندا وراي قاراستىرىپ، قيىنشىلىق بارىسىندا ىلگەرىلەۋگە ۇمتىلدى.
ەۆروپا، امەريكا بازارىندا ساۋدا قامالى ىقپالىنا ۇشىراعاننان كەيىن، گۋاڭشي سانحۋان كاسىپورىن توبى جارنا شەكتى سەرىكتەستىگى ”ٴبىر بەلدەۋ، ٴبىر جولدان“ قۋات الىپ، دۋباي بازارىندا تياناقتاپ تۇردى، جەرگىلىكتى ورىندا بيىل ساتىلۋ سوماسىنىڭ 25 ميلليون دوللاردان اساتىندىعى مەجەلەنىپ وتىر.
”قازىر ەلىمىزدىڭ حالىقتىق شارۋاشىلىعى نەداۋىر كولەم قالىپتاستىرىپ، اسا زور ۇلەس يەلەپ، حالىقتىق شارۋاشىلىقتىڭ جوعارى ساپالى دامۋىن ىلگەرىلەتۋگە بەرىك نەگىز قالادى“.
باس شۋجي شي جينپيڭنىڭ حالىقتىق كاسىپورىندار اڭگىمە ماجىلىسىندەگى ماڭىزدى ٴسوزى مەملەكەتتىك حالىق قۇرىلتايىنىڭ ۋاكىلى، گۋاڭشي سانحۋان كاسىپورىن توبى جارنا شەكتى سەرىكتەستىگىنىڭ باس جوراسى چىن چىڭدى ايرىقشا شابىتتاندىردى. ”جاڭا وي جەلىسى جاڭا شىعار جولدى بەلگىلەيدى، مەملەكەتتىك ەكى ماجىلىستە جاڭا نىسانا العا قويىلۋىن، جاڭا ورنالاستىرۋ جاسالۋىن كۇتەمىز“، ـ دەدى چىن چىڭ.
سەنىمدى كۇشەيتىپ، قيىندىققا قارسى اتتانىپ، العا ىلگەرىلەۋگە بەرىك قادام تاستادى
ەلىمىزدەگى ەڭ ۇلكەن قايراڭ فوتوۆولتتىق ەنەرگيا ساقتاۋ ەلەكتر ستانسياسى وندىرىسكە قوسىلىپ ەلەكتر تاراتتى؛ ادام بەينەلى قۇلتەمىر كاسىپ سالاسى ۇدەرە العا تارتتى؛ DeepSeek وتاندىق ٴونىم ٴىرى مودەلى دۇنيە ٴجۇزىن ٴتانتى ەتتى؛ كارتون ونەركاسىبى «نىجا 2نىڭ» بەلەت ساتىلىم سوماسىندا ارت ـ ارتىنان رەكورد جاراتۋىنا دەم بەردى...
بارعان سايىن قوردالانىپ، كۇشتى سەرپىنمەن بيىككە بوي سوزدى، سالماقتى كوتەرىلدى.
مەملەكەتتىك حالىق قۇرىلتايىنىڭ ۋاكىلى، جۇڭگو عىلىم اكادەمياسى عىلىم ـ تەحنولوگيا ستراتەگيالىق كەڭەس بەرۋ زەرتتەۋ ورنىنىڭ باستىعى پان جياۋفىڭ بىلاي دەدى: ”عىلىم ـ تەحنولوگيا الدا ٴجۇرۋى كەرەك“، مەملەكەتتىك ەكى ٴماجىلىس تاعى ٴتىپتى دە كوپ سيگنال تاراتىپ، جۇڭگو ۇلگىسىندەگى وسىزامانداندىرۋعا ”جاڭا قوزعالتقىش“ ورناتىپ، جاڭا قوزعاۋشى كۇش ۇستەيدى.
العا باسۋ جولى ەشقاشان داڭعىل بولعان ەمەس. سىرتقا كوز جىبەرسەك، حالىقارالىق ورتا اناعۇرلىم قاتاڭ دا كۇردەلى، الەم ەكونوميكاسىنىڭ ارتۋ قوزعالىس قۋاتى جەتكىلىكسىز؛ ىشكە نازار سالساق، ىشكى ٴونىمدى سۇرانىس جەتكىلىكسىز، ٴىشىنارا كاسىپورىنداردىڭ ٴوندىرىس ـ شارۋاشىلىعى قيىنشىلىققا جولىقتى.
”پارتيانىڭ ەكونوميكالىق قىزمەتكە باسشىلىعىن كۇشەيتىپ، ناقتى ىستەۋدى ماڭداي الدى ورىنعا قويۋعا تاباندى بولىپ، سەنىمدى كۇشەيتىپ، قيىندىققا قارسى اتتانىپ، قايراتتانا العا ۇمتىلىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى تياناقتانۋىنا شىنايى كەپىلدىك ەتۋ كەرەك“، ـ دەدى 2024 ـ جىلى 12 ـ ايدا ورتالىقتىڭ ەكونوميكالىق قىزمەت ماجىلىسىندە جەر ـ جەردىڭ، تاراۋلاردىڭ، ٴار جاقتىڭ جاۋاپتى جولداستارى الدىندا باس شۋجي شي جينپيڭ تەرەڭ ماعىنادا.
اۋقىمدى اڭعارىپ، ورنىقتىلىق بارىسىندا ىلگەرىلەۋ تاباندىلىعىن ساقتادى —
مەملەكەتتىك حالىق قۇرىلتايىنىڭ ۋاكىلى، لياۋنيڭ داشۋەسىنىڭ باستىعى يۇي مياۋجيە بىلاي دەدى: كوپتەگەن كاسىپ سالاسى بازار سۇرانىسى قىسپاعىنا جانە بىرتەكتىلەندىرۋ باسەكەسىنە ٴدوپ كەلىپ وتىر، جوعارى دەڭگەيلىلەندىرۋ، زەردەلىلەندىرۋ، جاسىلداندىرۋ جاعىندا كۇش سالۋ توتەنشە قاجەت.
بيىل 1 ـ ايدا باس شۋجي شي جينپيڭ لياۋنيڭ بىنشيگە بارىپ، انگاڭ توبىنا قاراستى بىنگاڭ تاقتايشا ماتەريالداردى سۋىقتاي پىشىندەۋ باس زاۆودىنىڭ سۋىقتاي پىشىندەۋ 3 ـ زاۆودىندا قىزمەت تەكسەرىپ، كاسىپورىننىڭ تيپ جاڭالاپ دارەجەسىن ٴوسىرۋدى جەدەلدەتۋ، جوعارى ساپالى دامۋدى ىلگەرىلەتۋ سياقتى جاعدايلارىن ۇعىستى.
باس شۋجي بىلاي دەپ اتاپ كورسەتتى: ”ۇزدىكسىز قۇلشىنىپ، ولقىلىقتاردى تولىقتاپ، قۇرىلىمدى رەتتەپ ـ ساپالىلاندىرىپ، جۇڭگو ۇلگىسىندەگى وسىزامانداندىرۋ ٴۇشىن ۇزدىكسىز كوبىرەك ۇلەس قوسۋ كەرەك“.
مەملەكەتتىك حالىق قۇرىلتايىنىڭ ۋاكىلى، انگاڭ توبى شەكتى سەرىكتەستىگىنىڭ باس جوراسى تان چىڭشۇي بىلاي دەدى: باس شۋجي قىزمەت تەكسەرگەن سۋىقتاي پىشىندەۋ زاۆودىنىڭ شوعىرلى مەڭگەرۋ ورتالىعى پايدالانۋعا بەرىلگەن سوڭ، ەڭبەك ٴوندىرىس ونىمدىلىگىن %65، ٴونىم مولشەرىن %25 جوعارىلاتتى. سيفرلانا، زەردەلىلەنە دامۋ اۋقىمىن مىقتاپ يگەرگەن شىعىس سولتۇستىك بايىرعى ونەركاسىپ بازاسى بولاشاقتاعى جاساۋ ىستەرىنە قاراي جىلدام قادام تاستاۋدا.
جاڭالىق اشۋ ارقىلى جەتەكشىلىك ەتىپ، باتىلدىقپەن ويلاۋ، باتىلدىقپەن ىستەۋ ومىرشەڭ كۇشىن تاسقىنداتتى —
كوپتەگەن ۋاكىل، مۇشە مىنالاردى ٴبىلدىردى: جەرگىلىكتى ورىننىڭ ەكى ماجىلىسىنەن مەملەكەتتىك ەكى ماجىلىسكە دەيىن جەرگىلىكتى جاعدايعا قاراي جاڭاشا وندىرگىش كۇشتى دامىتۋ قىزۋ ورلەۋى ۇزدىكسىز ساقتالدى، ٴتىپتى دە كوپ جاڭا ساياساتتىڭ جارىققا شىعۋىنان ٴۇمىت بار.
كوكتەم مەرەكەسىنەن كەيىنگى تۇڭعىش قىزمەت كۇنىندە شاڭحاي شارۋاشىلىق ـ ساۋدا ورتاسىن ساپالىلاندىرۋ جينالىسىن اشىپ، كاسىپورىندارعا تۇتاس تۇلعالىق قىزمەت وتەۋدى ساپالىلاندىرۋ، كاسىپورىندارعا ساياتىن باقىلاۋ ـ باسقارۋدى، تەكسەرۋدى ساپالىلاندىرۋ سياقتى جاقتاردا 58 ٴتۇرلى مىندەت، شارا اتقارۋدى ايقىندادى.
مەملەكەتتىك حالىق قۇرىلتايىنىڭ ۋاكىلى، شاڭحاي قالالىق دامۋ جانە رەفورما كوميتەتىنىڭ مەڭگەرۋشىسى گۋ جۇن مىنالاردى ٴبىلدىردى: نازاردى كاسىپورىندار ٴجىتى قاداعالاپ وتىرعان كورنەكتى ماسەلەلەرگە شوعىرلاندىرىپ، نەگىزگى ساتى شارۋاشىلىق ـ ساۋدا ورتاسىنىڭ ”ەڭ سوڭعى ٴبىر كيلومەترىن“ ىركىلىسسىزدەندىرەمىز؛ شاڭحاي قالاسىنىڭ شارۋاشىلىق ـ ساۋدا ورتاسىن ساپالىلاندىرۋ ەرەجەسىنە وزگەرىس ەنگىزۋدى ۇدايىلاندىرىپ ورىستەتىپ، كاسىپورىندارعا ورنىقتى، ٴادىل، اشىق، مەجەلەۋگە بولاتىن دامۋ ورتاسىن تۇلعالايمىز.
”ەكىنى جاڭالاۋ“ ساياساتىن اتقارۋدىڭ كولەمى بارىنشا كەڭەيدى، مەملەكەتتىك ٴبىر تۇتاس ۇلكەن بازار قۇرىلىسى نۇسقاۋى (سىناق رەتىندە اتقارىلادى) جاريالاندى، ورتا، ۇزاق مەرزىمدىك قارجىنى جارنا بازارىنا كىرگىزۋدى ىلگەرىلەتۋدىڭ اتقارۋ جوباسى باسىپ تاراتىلدى...
بەلگى سيپاتتى ٴبىر قىدىرۋ رەفورما شارالارىنىڭ ٴجيى شىعارىلۋى مەملەكەتتىك ساياسي كەڭەستىڭ مۇشەسى، نانفاڭ عىلىم ـ تەحنولوگيا داشۋەسىنىڭ ورىنباسار باستىعى جين ليدى ايرىقشا جەلپىندىردى: ”ٴبىز مۇرات ـ سەنىمدى بەكەمدەپ، اۋىتقىماي، قايشىلىققا، ماسەلەگە تىكە قاراۋدان تايساقتاماي، حاۋىپ ـ قاتەرگە، سىن ـ سايىسقا توتەپ بەرۋدەن يمەنبەي، رەفورمانىڭ، دامۋدىڭ تىڭ ٴورىسىن اشامىز!“
جورىققا اتتانۋدىڭ دابىلىن قاعىپ، باعىتتاس، ساپارلاس بولۋدىڭ بىرىككەن كۇشىن ۇيىستىردى —
بەيجيڭگە بارىپ ماجىلىسكە قاتىناسۋ قارساڭىندا مەملەكەتتىك حالىق قۇرىلتايىنىڭ ۋاكىلى، انحۇي ولكەسى حۋاڭشان قالاسى شيۋنيڭ اۋدانى حىچىڭ اۋىلى شين ـ انيۋان قىستاعى پارتيا باس ياچەيكاسىنىڭ شۋجيى لي فاچۋان بۇكىل قىستاقتاعى پارتيا مۇشەلەرىن، بۇقارانى باستاپ، ورتالىقتىڭ 1 ـ ٴنومىرلى حۇجاتىن بىرگە ۇيرەندى.
”حۇجاتتا ’اۋىل شارۋاشىلىعىنىڭ ونىمدىلىگىن ارتتىرۋدى، اۋىل ـ قىستاقتاردىڭ ومىرشەڭدىگىن ارتتىرۋدى، شارۋالاردىڭ كىرىسىن ارتتىرۋدى ٴار ٴتۇرلى شارا قولدانىپ ىلگەرىلەتۋ كەرەك‘ دەپ العا قويىلدى، بۇل ٴبىزدىڭ قۇلشىنىس جاساۋ بەتالىسىمىز“. لي فاچۋان بىلاي دەدى: بيىل شاي جانە توررەي اعاشى ەگىمشىلىگىن ونان ارى دامىتىپ، ٴبىر توپ تاڭداۋلى ساياحات جەلىسىن تۇلعالاپ، اۋىلداستاردىڭ تۇرمىسىن ٴتىپتى دە جاقسارتامىز!
حالىقتىڭ اقىل ـ پاراساتىن شوعىرلاندىرىپ، ”جۇڭگو باسقارۋىنىڭ“ بەرىك ىرگە تاسىن قالادى
”جارىس الاڭىنان ٴماجىلىس الاڭىنا دەيىن كوپتىڭ اقىل ـ پاراساتىن توپتاۋ، كوپتىڭ كۇش ـ قۋاتىن شوعىرلاندىرۋ جەڭىسكە جەتۋ اسىلى سانالادى“. تاياۋدا وتكىزىلگەن حاربين ازيا قىسقى سپورت جارىسىنىڭ باستالۋ سالتىندا مەملەكەتتىك ساياسي كەڭەستىڭ مۇشەسى، ەلىمىزدىڭ قىسقى وليمپيادا سپورت جارىسىنىڭ تەز سىرعاناۋ تۇرىندە تۇڭعىش التىن مەدال يەگەرى جاڭ حۇڭ ٴار سالا، ٴار كاسىپتەگى 100دەن استام الاۋگەر كۇش جالعاپ جەتكىزگەن الاۋمەن نەگىزگى الاۋ مۇناراسىنا وت تۇتاندىردى. بيىلعى مەملەكەتتىك ەكى ماجىلىستە ول بەلسەنە ۇسىنىس قويىپ، ەلىمىزدىڭ ”قار ـ مۇز ورلەۋىنە“ تاعى دا ”ٴبىر الاۋ“ قوسۋدى ٴۇمىت ەتتى.
مىندەت اتقارىپ، جاۋاپكەرشىلىكتى ادا ەتىپ، نازاردى حالىق تۇرمىسىنا شوعىرلاندىردى —
مەملەكەتتىك ەكى ماجىلىسكە قاتىناساتىن ۋاكىلدەر مەن مۇشەلەردىڭ كەيبىرەۋى اتىز باسىن ارالاپ، عىلىم ـ تەحنولوگيا ارقىلى اۋىل شارۋاشىلىعىنا دەم بەرۋدىڭ، اۋىل ـ قىستاقتى گۇلدەندىرۋدىڭ جاقسى ٴادىس ـ امالدارىن تاپتى؛ كەيبىرەۋى الەۋمەتتىك اۋماق، زاۆودتاردى ارالاپ، بۇقارانىڭ ۇلكەندى ـ كىشىلى ىستەرىن ەستەلىككە الدى؛ كەيبىرەۋى ”سۇحبات“، ”پوچتا ساندىعىن“ اشىپ، جەلىدە جانە جەلىدەن تىس حالىق تىلەگىن جينادى...
”ٴتۇرلى ٴادىس ـ امال قولدانا وتىرىپ بۇقارا اراسىنا بارعاندا عانا ۇسىنىس بەرىپ، ۇكىمەت ٴىسىن كەڭەسۋ اناعۇرلىم پارمەندى بولادى“. مەملەكەتتىك ساياسي كەڭەستىڭ مۇشەسى، ىشكى موڭعۇل اۆتونوميالى رايونى مانجوۋلي قالالىق ساياسي كەڭەستىڭ ورىنباسار ٴتوراعاسى دۋ ميڭيان تەرەڭ اسەر الدى.
حالىق ٴۇن قاتسا بولعانى، ۇكىمەت جاۋاپ قايتاردى —
بىلتىر مەملەكەتتىك حالىق قۇرىلتايىنىڭ ۋاكىلى، انحۇي جۇڭي شيپاگەرلىگى، دارىگەرلىگى داشۋەسىنە قاراستى 2 ـ شيپاحانا شۇعىل ەمدەۋ ٴبولىمىنىڭ تەتە اعا شيپاگەرى شۇي شياۋچاننىڭ العا قويعان دارەجەگە ٴبولىپ دياگنوز قويۋ ـ ەمدەۋ بارىسىندا نەگىزگى ساتىنىڭ ەمدەۋ قابىلەتىن جوعارىلاتۋ جونىندەگى ۇسىنىسى قاتىستى تاراۋلاردىڭ نازارىن اۋداردى. وسى رەتكى مەملەكەتتىك ەكى ماجىلىستە ول ٴوزى نەگىزگى ساتىدا تەكسەرۋ ـ زەرتتەۋ جۇرگىزگەن ەڭ جاڭا جاعدايلار جونىندە قاتىستى ۇسىنىستار قويادى.
” ’ناۋقاستى كورسەتە الۋدان‘ ’ناۋقاستى جاقسى ەمدەتۋگە‘ دەيىن سالاماتتى جۇڭگودا ٴبارىمىز بارمىز، بىرگە قۇرىپ، بىرگە يگىلىكتەنەمىز“، ـ دەدى ول.
”14 ـ بەسجىلدىق“ مەزگىلىندەگى جۇڭگونىڭ ەكونوميكالىق، قوعامدىق دامۋ باستى كورسەتكىشتەرىندە حالىق تۇرمىسى قۇت ـ ىرىسى تۇرلەرىنىڭ ۇستاعان سالىستىرماسى ۇشتەن بىرىنەن اسىپ، ٴار كەزەكتى 5 جىلدىق جوبانىڭ ىشىندەگى ەڭ جوعارى دەڭگەيگە جەتتى.
مەملەكەتتىك ساياسي كەڭەستىڭ مۇشەسى، حاينان ولكەلىك ايەلدەر مەن بالالار مەديتسينا ورتالىعى ٴوسىپ ـ ٴوربۋ مەديتسينا ورتالىعىنىڭ باس مامانى لۋ ۋييىڭ بىلاي دەپ قارادى: ”14 ـ بەسجىلدىق“ جوبادا ٴار 1000 ادامنىڭ ىشىندە 3 جاستان تومەنگى نارەستەلەر مەن سابيلەردى اماناتتاپ باعۋ سانىن 4.5كە جەتكىزۋ كورسەتكىشى تىڭنان قوسىلدى، بۇدان پارتيا مەن مەملەكەتتىڭ ايرىقشا مان بەرگەندىگىن ابدەن بايقاۋعا بولادى، وسى رەتكى مەملەكەتتىك ەكى ماجىلىستە حالىق تۇرمىسىن قامتاماسىزداندىراتىن ٴتىپتى دە كوپ ساياسات ـ شارالاردىڭ العا قويىلۋىن كۇتەمىز.
جەدەل جەتكىزۋشىدەن مەملەكەتتىك حالىق قۇرىلتايىنىڭ ۋاكىلى بولىپ جەتىلگەن ۋحان شۇنحىڭ تەز تاسىمال شەكتى سەرىكتەستىگى جياڭحان بولىمشەسىنىڭ ديرەكتورى ۋاڭ يۇڭ يكەمدى جۇمىستانۋشىلاردىڭ قوعامدىق قامتاماسىزداندىرۋ ماسەلەسىنە ايرىقشا كوڭىل ٴبولدى.
”قازىر يكەمدى جۇمىستانۋشىلار سىندى وسى شوعىردا شامامەن 200 ميلليون ادام بار، مەملەكەت ساياساتىنىڭ بارعان سايىن جاقسارىپ، كوپشىلىكتىڭ تۇرمىسى اناعۇرلىم الاڭسىز، قىزمەتى اناعۇرلىم مەيىرگە تولى بولاتىندىعىنا سەنەمىن“.
دەموكراتيا مەن حالىق تۇرمىسى توعىسىپ، ۇندەستىك تاپتى —
مەملەكەتتىك حالىق قۇرىلتايىنىڭ ۋاكىلى، شاڭحاي قالاسى چاڭنيڭ رايونى حۇڭچياۋ ٴمالىسى گۋبەي رۇڭحۋا 4 ـ تۇرعىندار رايونى پارتيا باس ياچەيكاسىنىڭ شۋجيى شىڭ حۇڭنىڭ قول تەلەفونىنداعى ٴبىر پارشا سۋرەتتەگى قالىڭ حۇجات نەگىزگى ساتى حالىق تىلەگىنىڭ مەملەكەتتىڭ زاڭ شىعارۋ ”توتە كولىگىنەن“ پايدالانعاندىعىنىڭ جاندى ىزىنە كۋا.
مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتى قۇرعان تۇڭعىش توپتاعى 4 نەگىزگى ساتى زاڭ شىعارۋ بايلانىس ٴتۇيىنىنىڭ ٴبىرى رەتىندە، حۇڭچياۋ ٴمالىسى نەگىزگى ساتى زاڭ شىعارۋ بايلانىس ٴتۇيىنى جيىنى 103 مەملەكەت زاڭ جوباسىن تىڭداپ، جوعارىعا 3771 ۇسىنىس جولدادى، مۇنىڭ ىشىندە 337 ۇسىنىس قابىلداندى.
”جالپى بارىستىق حالىق دەموكراتياسى اشەكەي بۇيىم ەمەس، مەملەكەتتىڭ ۇلكەن كارتيناسىن حالىق بۇقاراسىنىڭ شاعىن نىساناسىمەن تىعىز بايلانىستىرعان“. شىڭ حۇڭ بىلاي دەدى: ٴجۇز ميلليونداعان حالىقتىڭ شىنايى دەموكراتياسى ”جۇڭگو باسقارۋىنىڭ“ ”بەرىك نەگىزىن“ قالادى.
كوپتەگەن ۋاكىل مەن مۇشە مىنالاردى ٴبىلدىردى: الدا اشىلاتىن مەملەكەتتىك ەكى ٴماجىلىس، ٴسوز جوق، پارتيا تىلەگى مەن حالىق تىلەگىنىڭ تەڭ جيىلىكتە، ورتاق تەربەلىستە بولۋىن ونان ارى جەبەپ، حالىق دەموكراتياسىنىڭ تۇزىمدىك ابزالدىلىعىن مەملەكەتتى باسقارۋ ونىمدىلىگىنە ۇزدىكسىز اينالدىرىپ، جالپى حالىقتى وسىزامانداندىرۋ قۇرىلىسىنا قوجايىندىق بەينەمەن ات سالىسۋعا ەڭ كەڭ كولەمدە اتتانىسقا كەلتىرەدى.
”العىسىمىزدى، ٴسوز جوق، استاناعا جەتكىزىڭىزدەر»، «كوپشىلىككە تۇرمىسىمىزدىڭ، ٴسوز جوق، بۇرىنعىدان دا جاقسى بولاتىندىعىن ايتىڭىز“...
وسى كۇندەرى مەملەكەتتىك ساياسي كەڭەستىڭ مۇشەسى، شيزاڭ رىكازى قالالىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى نيماچيۇڭلا وسىنداي كوپتەگەن حاباردى ارت ـ ارتىنان تاپسىرىپ الدى.
2025 ـ جىلى 1 ـ ايدا رىكازى قالاسى ديڭرى اۋدانىندا 6.8 بال جەر سىلكىنىسى تۋىلدى. پارتيا مەن ۇكىمەتتىڭ جانە قوعامداعى ٴار سالانىڭ ورتاق كوڭىل بولۋىندە، ٴبىر ايعا جەتپەيتىن ۋاقىتتا اپاتقا ۇشىراعان رايونداعى بۇقارانى وتپەلى ورنالاستىرۋ جۇمىسى تولىق اياقتالدى.
وسى رەت جولعا شىعۋدان بۇرىن نيماچيۇڭلا ورنالاستىرۋ تۇيىنىنە تاعى دا ارناۋلى باردى: تاپ ـ تۇيناقتاي تاقتاي ۇيلەر قاتار سالىنىپ، سۋ، ەلەكتر، تور تولىق جەتكىزىلىپتى.
”مەن اۋىلداعى اۋىلداستاردىڭ جۇرەك ٴسوزىن الا كەلدىم، ٴبىزدىڭ جاڭا مەكەنىمىز ’قۇرىلۋ‘ ۇستىندە، جۇڭحۋا ۇلتىنىڭ ۇلى مەكەنى دە بارعان سايىن كوركەيە تۇسەدى“!
زەيىن ـ زەردەنى، كۇش ـ قۋاتتى ۇيىستىرىپ، بولاشاقتى بىرگە جاراتامىز —
جىلان جىلى باستالدى، مەملەكەتتىك حالىق قۇرىلتايىنىڭ ۋاكىلى، گۋاڭجوۋ مايپۋ قايتا تۋىندايتىن مەديتسينا عىلىم ـ تەحنولوگيا جارنا شەكتى سەرىكتەستىگىنىڭ باس جوراسى يۋان يۇييۇي ۇيىرمە باستاپ ەمدەۋ جابدىقتارىندا جاڭالىق اشىپ، ٴوندىرۋ، وقىتۋ، زەرتتەۋ توعىسپالى تەكسەرۋ ـ زەرتتەۋىن جۇرگىزدى.
”داۋىل تۇرىپ، اساۋ تولقىن كوتەرىلۋىنەن قورىقپاي، ٴوتىپ كەتسەك بولعانى، بولاشاق جاراتۋعا بولادى“! كەزىندە باس شۋجي شي جينپيڭمەن جۇزدەسىپ، باس شۋجيدىڭ شابىتتاندىرۋىنا يە بولعان ”80 ـ جىلداردىڭ تۇلەگى“، شەتەلدەن ورالعان وسى شارۋاشىلىق قۇرۋشى دامۋعا جاڭالىق اشۋ ارقىلى دەم بەرۋ جولىمەن جۇرۋگە تاباندى بولعاندا ۇلتتىڭ گۇلدەنۋ ارمانى مەن جەكە ادامنىڭ كاسىپ ارمانىنىڭ، ٴسوز جوق، بىردەي ورىندالاتىندىعىنا كامىل سەنەدى.
”ٴبىز ەجەلدەن بوران ـ شاشىننىڭ سىناعى بارىسىندا جەتىلىپ، سىناقتان سۇرىنبەي ٴوتۋ بارىسىندا زورايىپ كەلەمىز، كوپشىلىك تولىق سەنىم ارتۋى كەرەك“.
باس شۋجي شي جينپيڭنىڭ ۇندەۋى مەن ۋاكىلدەردىڭ، مۇشەلەردىڭ جۇرەك ٴۇنى توعىسىپ، قايراتتانا العا ۇمتىلۋدىڭ نەگىزگى اۋەنىنە اينالدى —
تىڭعىلىقتى ىستەپ، ۇزدىكسىز قاجىماي كۇش سالعاندا عانا جاڭا قارىشتاۋدى جۇزەگە اسىرۋعا بولادى.
ەڭ ۇلكەن سەنترلەس شەڭبەر سىزىپ، رەفورما مەن دامۋعا قۇدىرەتتى وڭ ەنەرگيا ۇستەيمىز.
كوكتەم سامالىمەن اۋقىمعا قاراي العا ۇمتىلىپ، جاڭا جورىقتا ارشىندى قاداممەن العا باسايىق!
...
2025 ـ جىلعى مەملەكەتتىك ەكى ٴماجىلىستىڭ جۇڭگو سەنىمىن كورسەتىپ، نۇرلى بولاشاقتى ايگىلەۋى بۇكىل ەل حالقىن اقىل ـ پاراسات پەن كۇش ـ قۋاتتى پارتيا ورتالىق كوميتەتى بەلگىلەگەن ستراتەگيالىق ورنالاستىرۋلارعا شوعىرلاندىرىپ، جۇڭگو ۇلگىسىندەگى وسىزامانداندىرۋعا قاراي قۇلشىنا ىلگەرىلەۋگە ىنتالاندىراتىندىعى ٴشۇباسىز!
(تىلشىلەر ۋ جيڭ، دۇڭ رۇيفىڭ، گاۋ لەي، ۋي يۇيكۇن)
(شينحۋا اگەنتتىگىنىڭ 3 ـ ايدىڭ 3 ـ كۇنى بەيجيڭنەن بەرگەن حابارى)