ٴزۇمىرات وبۇل ۋاكىلدەر ۇيىرمەسىنىڭ باستىقتىعىنا، ەركىن تۇنياز ورىنباسار باستىقتىعىنا سايلاندى

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 3 ـ كۇنى بەيجيڭنەن حابارلايدى. ٴماجىلىستىڭ ٴبىر تۇتاس ورنالاستىرۋى بويىنشا، 3 ـ ايدىڭ 3 ـ كۇنى تۇستەن كەيىن 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىنە قاتىناساتىن شينجياڭ ۋاكىلدەر ۇيىرمەسى وزدەرى تۇرعان ورىندا جالپى جيىن وتكىزدى، ٴزۇمىرات وبۇل ۋاكىلدەر ۇيىرمەسىنىڭ باستىقتىعىنا، ەركىن تۇنياز ورىنباسار باستىقتىعىنا سايلاندى.

جيىن 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسى ٴتوراعالار القاسىنىڭ جانە باس حاتشىسىنىڭ ەسىمدىگى جوباسىن، ٴماجىلىستىڭ كەڭەستىك ٴتارتىپ جوباسىن قارادى.

جيىن مىنالاردى باسا دارىپتەدى: بيىل _ ”14 ـ بەسجىلدىق“ جوبا اياقتالاتىن جىل، سونداي ـ اق رەفورمانى ونان ارى جاپپاي تەرەڭدەتۋدەگى ماڭىزدى ٴبىر جىل. 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىن ويداعىداي اشۋ بۇكىل ەلدەگى ٴار ۇلت حالقىن زەيىن ـ زەردەنى ۇيىستىرىپ، كۇش ـ قۋاتتى شوعىرلاندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋگە جۇمىلدىرىپ، 2025 ـ جىلعى ٴتۇرلى قىزمەتتى تىڭعىلىقتى ويداعىداي ىستەپ، ”14 ـ بەسجىلدىق“ جوبانىڭ نىسانا ـ مىندەتتەرىن جوعارى ساپامەن ورىنداپ، ”15 ـ بەسجىلدىقتا“ جاقسى باستاما اشۋدى جۇزەگە اسىرۋعا بەرىك نەگىز قالاۋ جونىنەن ماڭىزدى ٴمان الادى. ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان ـ اياق وسكەلەڭ ٴبىر اۋىزدىلىقتى ساقتاپ، ”ەكى كەلەلى جاعدايدى“ كوكەيدەن شىعارماي، ”مەملەكەتتىڭ زور ٴىسىن“ ەستە بەرىك ساقتاپ، كۇشتى ساياسي جاۋاپكەرشىلىك سەزىمى جانە تاريحي بورىشتىلىق سەزىمى ارقىلى وسى رەتكى ٴماجىلىستى ويداعىداي اشۋ كەرەك. حالىقتىڭ مۇددەسىنە ادالدىقپەن ۋاكىلدىك ەتىپ، زاڭدا بەلگىلەنگەن مىندەت جاۋاپكەرشىلىگىن مۇقيات اتقارىپ، ٴماجىلىستىڭ ٴتۇرلى باياندامالارىن جانە كەڭەس جوبالارىن دەن قويا تىڭداپ، تالقىلاپ، قاراپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە ٴماجىلىستىڭ ٴتۇرلى مىندەتىن تىعىز ارقاۋ ەتە وتىرىپ، نازاردى شينجياڭ قىزمەتىنىڭ وزەكتى كەلەلى جاعدايىنا شوعىرلاندىرىپ، سىندارلى پىكىر، ورەلى كەڭەس بەرىپ، قاراۋ، تالقىلاۋ بارىسىن تۋدى بيىك ۇستاپ، سەنىمدى بەكەمدەپ، زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرىپ، ىنتىماقتاسا ەكپىندەي ىلگەرىلەۋ بارىسىنا اينالدىرۋ كەرەك. ساياسي ٴتارتىپ پەن ساياسي قاعيداعا قاتاڭ بويسۇنىپ، ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىن باتىل دايەكتىلەندىرىپ، اتقارىپ، ٴماجىلىستىڭ ٴتۇرلى تارتىبىنە سانالىلىقپەن بويسۇنىپ، سالتى پاك، ستيلى دۇرىس، ناقتى ىستەيتىن، جوعارى ٴونىمدى، حاۋىپسىز، ٴتارتىپتى تاماشا رايدى بىرگە قالىپتاستىرۋ كەرەك. ماجىلىسكە قىزمەت وتەۋ، قامتاماسىز ەتۋ قىزمەتىن ەگجەي ـ تەگجەيلى، تىڭعىلىقتى، ويداعىداي ىستەپ، نۇسقاۋ سۇراۋ، مالىمەت بەرۋ ٴتۇزىمىن قاتايتىپ، ٴماجىلىستىڭ ٴتۇرلى مىندەتىن تابىسپەن ورىنداۋعا شىنايى كەپىلدىك ەتۋ كەرەك.