— مەملەكەتتىك ساياسي كەڭەس 14 ـ كەزەكتى كوميتەتى 3 ـ ٴماجىلىسىنىڭ اشىلعاندىعىن قىزۋ قۇتتىقتايمىز

حالىق گازەتى باسماقالاسى

كوكتەم لەبى ەسكەن تاماشا مەزگىلدە مەملەكەتتىك ساياسي كەڭەس 14 ـ كەزەكتى كوميتەتى 3 ـ ٴماجىلىسى سالتاناتپەن اشىلدى، مەملەكەتتىك ساياسي كەڭەستىڭ 34 سالادان كەلگەن 2100دەن استام مۇشەسى استانادا باس قوسىپ، مەملەكەت ٴىسىن بىرگە اقىلداسادى. ٴبىز ٴماجىلىستىڭ اشىلعاندىعىن قىزۋ قۇتتىقتايمىز!

2024 ـ جىل وزگەشە جىل بولدى، داۋىل مەن نوسەر قاباتتاسقان سىن ـ سىناقتار بار، مۇنان دا ماڭىزدىسى، بوران ـ شاشىندا دا بوگەلمەيتىن كۇرەسكەرلىك بار. سىرتتا قىسىم ارتقان، ىشتە قيىنشىلىق كوبەيگەن كۇردەلى دە قاتاڭ جاعداي الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، وزگەرىستەرگە بايىپتىلىقپەن توتەپ بەرىپ، كەشەندى شارالار قولدانىپ، قامال الىپ قيىندىقتاردى جەڭىپ، ەكپىندەي العا ىلگەرىلەپ، رەفورمانى جاپپاي تەرەڭدەتىپ، سىرتقا ەسىك اشۋدى كەڭەيتىپ، جوعارى ساپالى دامۋدى تىڭعىلىقتى ىلگەرىلەتتى، جاڭاشا وندىرگىش كۇشتەر نىق قاداممەن دامىپ، حالىق تۇرمىسىن قامتاماسىز ەتۋ تىڭعىلىقتى، پارمەندى بولىپ، تۇتاس جىلدىق ەكونوميكالىق، قوعامدىق دامۋدىڭ باستى نىسانا ـ مىندەتتەرى ٴساتتى ورىندالىپ، جۇڭگو ۇلگىسىندەگى وسىزامانداندىرۋدا جاڭا نىق قادام تاستالدى. ەلىمىزدىڭ دامۋدا قول جەتكىزگەن ناتيجەلەرىنە وڭاي ـ وسپاق قول جەتكەن جوق، كىسىنى جەلپىندىرەدى، بۇل پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعى بارلىق قىزمەتتى ويداعىداي ىستەۋدىڭ ٴتۇبىرلى كەپىلى ەكەندىگىن تولىق دالەلدەدى. ٴبىر ميلليارد 400 ميلليوننان استام حالىق پارتيانىڭ باسشىلىعىندا سەنىمدى بەكەمدەپ، ٴبىر نيەتپەن ىنتىماقتاسىپ، ٴار جاقتاعى بەلسەندى فاكتورلاردى دامۋ ناقتى ناتيجەسىنە قۇلشىنا اينالدىرسا بولعانى، جۇڭگو ۇلگىسىندەگى وسىزامانداندىرۋ كەمەسى، ٴسوز جوق، تولقىن جارا ىلگەرىلەپ، نىق قاداممەن الىستارعا جەتە الادى.

داۋىرمەن تەڭ قادام باسىپ، وتانمەن بىرگە ەكپىندەي ىلگەرىلەپ، 75 جىلدىق شۇعىلالى بارىستى باسىپ وتكەن حالىق ساياسي كەڭەسى قاۋلاعان ومىرشەڭدىگىن ۇزدىكسىز ايگىلەدى. وتكەن ٴبىر جىلدا ”مەملەكەتتىڭ زور ىسىمەن“ تىعىز بايلانىستىرا وتىرىپ ٴتۇرلى ۇكىمەت ٴىسىن كەڭەسۋ قيمىلدارىن ۇيىمداستىرىپ ورىستەتۋدەن مۇشەلەردىڭ مىندەت وتەۋى بويىنشا 6000نان استام ”حالىق ٴۇشىن قىزمەت ەتۋ“ قيمىلىن ىشكەرىلەي ورىستەتۋگە دەيىن، حالىق ساياسي كەڭەسى پارتيانىڭ باسشىلىعىنا تاباندى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن باستان ـ اياق جەتەكشى ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ ماڭىزدى نۇسقاۋلارىن جانە حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىق ساياسي كەڭەسىنىڭ سيپاتىنا، ورنىنا تاباندى بولىپ، ارناۋلى كەڭەس قۇرىلىمىندىق رولىن ساۋلەلەندىرۋگە تاباندى بولىپ، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرا وتىرىپ مىندەت وتەپ، جاۋاپكەرشىلىكتى ادا ەتىپ، رەفورما جاساۋ، جاڭالىق اشۋ رۋحى ارقىلى مىندەت وتەۋ قابىلەتى قۇرىلىسىن ىلگەرىلەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ٴىسىن كەڭەسۋ دەڭگەيىن جوعارىلاتىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى. اماليات حالىق ساياسي كەڭەسىنىڭ جۇڭگو كوممۋنيستىك پارتياسىنىڭ باسشىلىعىنداعى ساياسي ۇيىم رەتىندە، عىلمي، ٴونىمدى، جارامدى ٴتۇزىم ورنالاستىرۋى ەكەندىگىن، تەرەڭ مادەنيەت نەگىزىنە، نازاريا نەگىزىنە، اماليات نەگىزىنە يە، ايقىن جۇڭگوشا ەرەكشەلىككە جانە كورنەكتى ساياسي ارتىقشىلىققا يە ەكەندىگىن كورسەتتى.

باس شۋجي شي جينپيڭ: ”جۇڭگو ۇلگىسىندەگى وسىزامانداندىرۋ بارىسىندا ارايلى كۇندەر عانا ەمەس، داۋىلدى نوسەر، اۋەلى، سۇراپىل تولقىن دا بولادى. ٴبىز ستراتەگيالىق تاباندىلىقتى ساقتاپ، بۇكىل جۇڭحۋا پەرزەنتتەرىنىڭ ىنتىماقتاسا كۇرەس جاسايتىن قۋاتتى بىرىككەن كۇشىن ۇيىستىرۋىمىز كەرەك“ دەپ باسا دارىپتەدى. قازىر دۇنيە ٴجۇزىنىڭ وزگەرىسى، ٴداۋىردىڭ وزگەرىسى، تاريحتىڭ وزگەرىسى ۇزدىكسىز كەڭدىككە جانە تەرەڭدىككە قاراي كەڭەيۋدە، ەلىمىزدىڭ رەفورما، دامۋ، ورنىقتىلىق مىندەتتەرىنىڭ جاپالىلىعى، اۋىرلىعى بۇرىن بولىپ كورىلمەگەن، بۇل زەيىن ـ زەردەنى، كۇش ـ قۋاتتى ونان ارى شوعىرلاندىرىپ، بۇكىل ەلدەگى ٴار ۇلت حالقىنىڭ ۇلى ىنتىماعىن ۇزدىكسىز بەكەمدەپ، ەل ٴىشى ـ سىرتىنداعى جۇڭحۋا ۇلاندارىنىڭ ۇلى ىنتىماعىن كۇشەيتۋدى شۇعىل قاجەت ەتەدى. ەڭ كەڭ كولەمدى وتانشىلدىق بىرلىكساپ ۇيىمى رەتىندە، حالىق ساياسي كەڭەسىنىڭ بورىشى داڭقتى، جاۋاپكەرشىلىك ارقالاپ وتىر. ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، حالىق ساياسي كەڭەسىنىڭ كورنەكتى ساياسي ارتىقشىلىعىن اناعۇرلىم تولىق ساۋلەلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەس قىزمەتى جونىندەگى تالاپتارىن تياناقتاندىرۋ، ەل ٴىشى ـ سىرتىنداعى جۇڭحۋا ۇلاندارىنىڭ اقىل ـ پاراساتى مەن كۇش ـ قۋاتىن ۇيىستىرۋ ساياسي جاۋاپكەرشىلىگىن شىن مانىندە ارقالاعاندا، ٴسوز جوق، جۇڭگو ۇلگىسىندەگى وسىزامانداندىرۋدى ىلگەرىلەتۋگە اناعۇرلىم كەڭ كولەمدە جۇرت تىلەگىن ۇيىستىرۋعا، ورتاق تانىم ۇيىستىرۋعا، اقىل ـ پاراسات ۇيىستىرۋعا، كۇش ـ قۋات ۇيىستىرۋعا بولادى.

كەڭ كولەمدە ورتاق تانىم ۇيىستىرىپ، پارمەندى بىرىككەن كۇش توپتاۋدىڭ تەتىگى _ وزەكتى ارقاۋ ەتۋگە، كەلەلى جاعدايعا قىزمەت ەتۋگە تاباندى بولۋ. بيىل ”14 ـ بەسجىلدىق“ جوبا اياقتالاتىن جىل، ٴبىز ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى ساپالى دامۋدى بار زەيىنمەن ويداعىداي يگەرىپ، جوعارى دەڭگەيلى عىلىم ـ تەحنولوگيادا ٴوز كۇشىنە سۇيەنۋدى، ٴوزىن الۋەتتەندىرۋدى ىلگەرىلەتىپ، ەكونوميكالىق، قوعامدىق دامۋدىڭ تاماشا تەبىنىن ساقتاپ، ”14 ـ بەسجىلدىق“ جوباداعى نىسانا ـ مىندەتتەردى جوعارى ساپالى ورىنداپ، ”15 ـ بەسجىلدىقتىڭ“ تاماشا باستاماسىن جۇزەگە اسىرۋعا نەگىز قالاۋىمىز كەرەك. بۇل حالىق ساياسي كەڭەسىنىڭ مىندەت وتەپ، جاۋاپكەرشىلىگىن ادا ەتۋى، رولىن ساۋلەلەندىرۋى جونىندە تىڭ دا اناعۇرلىم جوعارى تالاپ قويدى. حالىق ساياسي كەڭەسى دارىندىلار توپتالۋ، پاراسات شوعىرلانۋ سىندى ارتىقشىلىققا يە، ساياسي كەڭەس مۇشەلەرى _ پارتيا مەن ۇكىمەتتىڭ ٴار سالاداعى بۇقارامەن بايلانىس جاسايتىن كوپىرى، دانەكەرى. قالىڭ ساياسي كەڭەس مۇشەلەرىنىڭ وتان ٴۇشىن مىندەت اتقارۋ، حالىق ٴۇشىن جاۋاپكەرشىلىكتى ادا ەتۋ ىنتا ـ ىقىلاسىنان جازباي، ٴىستى كوڭىل تورىنە قويىپ، جاۋاپكەرشىلىك ارقالاپ، زەيىن ـ زەردە، كۇش ـ قۋات ۇيىستىرۋدىڭ، شەشىم جاساۋعا اقىل ـ كەڭەس بەرۋدىڭ، كەڭەستىك دەموكراتيانىڭ، مەملەكەتتى باسقارۋدىڭ ٴبىرىنشى شەبىندەگى ناقتى امالياتقا سانالىلىقپەن ات سالىسىپ، رەفورمانى ونان ارى جاپپاي تەرەڭدەتۋ، جوعارى ساپالى دامۋدى ىلگەرىلەتۋ سياقتىلاردى تىعىز ارقاۋ ەتە وتىرىپ ىشكەرىلەي تەكسەرۋ ـ زەرتتەۋ جۇرگىزىپ، ۇكىمەت ٴىسىن كەڭەسىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە شىنايى ۇسىنىس قويىپ، تاماشا كەڭەس بەرىپ، ناقتى شارا ۇسىنۋىن كۇتەمىز.

ەل بىرلىگىمەن اسقار شىڭداردان جول اشىپ، ٴبىر نيەتپەن سان مىڭ وتكەلدەن وتەمىز. قازىر جۇڭگو ۇلگىسىندەگى وسىزامانداندىرۋ جاپپاي ىلگەرىلەۋدە، جۇڭحۋا ۇلتى بوگەۋ بەرمەس قاداممەن ۇلى گۇلدەنۋگە قاراي بەت الۋدا. ٴداۋىر كوكىرەك كەرە جاۋاپكەرشىلىك ارقالاۋعا شاقىرىپ، ٴجۇز ميلليونداعان جۇڭحۋا ۇلاندارىن قول ۇستاسا بىرگە ىلگەرىلەۋگە ۇندەدى. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، ٴبىر نيەت، ٴبىر تىلەكپەن كوپ بولىپ كۇش سالىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن ۇزدىكسىز العا ىلگەرىلەتۋىمىز كەرەك!

ٴماجىلىستىڭ تولىق تابىستى بولۋىن تىلەيمىز!

(شينحۋا اگەنتتىگىنىڭ 3 ـ ايدىڭ 3 ـ كۇنى بەيجيڭنەن بەرگەن حابارى)