مۇشە ما حۋادۇڭ:

جوعارى ولشەممەن مىندەت اتقارىپ، جوعارى ساپالى دامۋعا كۇش قوسامىن

انار بۇلت \ شينجياڭ گازەتىنىڭ ٴتىلشىسى جاڭ يۇنمەي

”كومىر قاباتىنداعى گازدى كاسىپ سالالاندىرۋ، ساۋداعا سالۋ كولەمىن كەڭەيتۋدەگى بوگەت نە“؟ مەملەكەتتىك ەكى ٴماجىلىس تاياپ قالدى، مەملەكەتتىك ساياسي كەڭەستىڭ شينجياڭدا تۇراتىن مۇشەسى ما حۋادۇڭ ٴۇرىمجىنىڭ وڭتۇستىگىندەگى ساياپىل ويىعىنىڭ سولتۇستىك جيەگى، ٴۇرىمجى گوشىڭ حۇيدۇڭ جاڭا ەنەرگيا شەكتى سەرىكتەستىگى ميدۇڭ رايوندىق گاز جيناۋ پۋنكتى سياقتى جەرلەرگە بارىپ تەكسەرۋ ـ زەرتتەۋ جۇرگىزىپ، مەملەكەتتىك ساياسي كەڭەس 14 ـ كەزەكتى كوميتەتىنىڭ 3 ـ ماجىلىسىندە جوعارى ساپالى ۇسىنىس جوبا قويۋعا مۇقيات دايىندالدى.

ما حۋادۇڭ كەن بايلىعىن تەكسەرۋ جانە نەگىزدىك گەولوگيالىق زەرتتەۋ سالاسىنداعى عىلىم ـ تەحنولوگيا قىزمەتكەرى، تۇزدەگى ٴبىرىنشى شەپتە 30 جىلعا جۋىق قىزمەت ىستەپ، تيانشان الابىن دەرلىك ارالاپ شىققان، شينجياڭنىڭ كەن بايلىعى جاعدايىن بەس ساۋساعىنداي بىلەدى.

مەملەكەتتىك ساياسي كەڭەس 14 ـ كەزەكتى كوميتەتىنىڭ 1 ـ ماجىلىسىندە ما حۋادۇڭ باسقا مۇشەلەرمەن بىرلەسىپ، شينجياڭنىڭ كومىر قاباتىنداعى گازدى كولەمدەندىرىپ اشۋىن ىلگەرىلەتىپ، بايلىق ارتىقشىلىعىن ەكونوميكالىق دامۋ ارتىقشىلىعىنا اينالدىرۋعا ۇندەدى. كەلەسى جىلى ول شينجياڭنىڭ مايلى تاقتاتاسىن نەگىزگى شيكىزات ەتىپ، سورتاڭ جەرلەردى قۇنارلاندىرۋدى، سونىمەن بىرگە قاتىستى تەحنولوگيالىق زەرتتەۋدى جانە جالپىلاستىرۋدى كۇشەيتۋدى ۇسىنىس ەتتى.

2024 ـ جىلى شينجياڭنىڭ مۇناي ـ گاز ٴونىم مولشەرىنىڭ بالاماسى 66 ميلليون 640 مىڭ تونناعا جەتىپ، ٴۇرتىس 4 جىل مەملەكەت بويىنشا 1 ـ ورىندى يەلەدى. كوپ جەردە تەكسەرۋ ـ زەرتتەۋ جۇرگىزۋ ارقىلى بيىلعى مەملەكەتتىك ەكى ماجىلىستە ما حۋادۇڭ مۇناي ـ گاز قورىن مولايتىپ، ٴونىمىن ارتتىرۋدى بار كۇشپەن ىلگەرىلەتۋ سىندى نەگىزگى تاقىرىپتى ارقاۋ ەتىپ، مۇناي ـ گاز كەن ۇقىعىن ”تۇساۋدان بوساتۋ“ ساياساتى، مۇناي ـ گاز بارلاۋ الەۋمەتتىك يگىلىك سيپاتتى ماتەريالداردى اشىق ۇستاۋ، بىرگە يگىلىكتەنۋ بويىنشا اقىلى قىزمەت وتەۋ مەحانيزمىن ورناتۋ، سونداي ـ اق عىلىم ـ تەحنولوگيالىق تىرەكتى، فينانستىق تىرەكتى كۇشەيتۋ سياقتى كوپ جاقتاردا ناقتى ۇسىنىستار قويىپ، شينجياڭنىڭ ستراتەگيالىق كەن ىزدەۋ جاعىنداعى سەرپىلىسىن ىلگەرىلەتىپ، تىڭ ىلگەرىلەۋشىلىكتى جۇزەگە اسىرماق.

”شينجياڭدا مۇناي ـ گاز بايلىعى ٴبىرشاما مول، قازىر انىقتالعان جانە اشىلعانى %20كە دە جەتپەيدى“. ما حۋادۇڭ بىلاي دەدى: شينجياڭنىڭ بايلىق قاسيەتى ارتىقشىلىعىن ساۋلەلەندىرىپ، تاماشا ساياساتتىق قولداۋدان پايدالانىپ، شينجياڭنىڭ مۇناي ـ گاز قورىن جەدەل مولايتىپ، ٴونىمىن ارتتىرۋعا بولادى.

كەن توڭىرەگىندە عانا اقىل ـ كەڭەس بەرىپ قانا قويماي، وسى بىرنەشە جىلدا ما حۋادۇڭ تاعى شينجياڭنىڭ وسى زامانعى اۋىل شارۋاشىلىعى، مادەنيەت ساياحاتى، وقۋ ـ اعارتۋ، عىلىم ـ تەحنولوگيا دارىندىلارىن ٴبىر تۇلعالى دامىتۋ سياقتى جاقتاردا بەلسەنە تەكسەرۋ ـ زەرتتەۋ جۇرگىزىپ، ۇسىنىس جوبا دايىندادى.

مەملەكەتتىك ساياسي كەڭەس 14 ـ كەزەكتى كوميتەتىنىڭ 1 ـ ماجىلىسىندە ما حۋادۇڭ ”شينجياڭنىڭ دوكتورلىق عىلمي اتاق بەرىلەتىن پاندەردى ورنالاستىرۋىن كەمەلدەندىرىپ، دارىندىلاردى دەربەس تاربيەلەۋ دەڭگەيىن جوعارىلاتۋدى“ توڭىرەكتەي وتىرىپ مىناداي ۇسىنىس قويدى: شينجياڭدا دوكتورلىق عىلمي اتاق بەرۋ ۇقىعى بار ورىندار مەن دوكتورلىق عىلمي اتاق بەرۋ ۇقىعى بار ٴبىرىنشى دارەجەلى ٴپان تۇيىندەرىن قولداۋ جوسپارىن مەملەكەتتىك ستراتەگيالىق دەڭگەيگە كوتەرىپ، دەربەس كوبەيتىپ، شينجياڭنىڭ جوعارى دەڭگەيلى دارىندىلاردى باۋلۋىن، اسىرەسە، دوكتور اسپيرانتتاردى باۋلۋىن قولداۋ سەرپىنىن بىرتىندەپ ارتتىرۋ كەرەك.

ما حۋادۇڭنىڭ ۇسىنىسى وقۋ ـ اعارتۋ مينيسترلىگىنىڭ ايرىقشا ٴمان بەرۋىنە جانە بىتىرۋىنە يە بولىپ، ساياساتتىق قولداۋ جاعىندا شينجياڭعا ٴتۇيىندى تۇردە بەيىمدەلدى. 2024 ـ جىلى بۇكىل شينجياڭداعى جوعارى مەكتەپتەردە جاڭادان 17 دوكتور تاربيەلەۋ ورنى، 45 ماگيستر تاربيەلەۋ ورنى قوسىلىپ، ٴپان ماماندىقتارىن ورنالاستىرۋ ”ون ٴىرى كاسىپ سالاسى شوعىرىن“ دامىتۋمەن اناعۇرلىم قابىستى؛ جاڭادان 13 پوسدوكتور قىزمەت پۋنكتى، 10 پوسدوكتور جاڭالىق اشۋ امالياتى بازاسى قۇرىلىپ، ٴبىر توپ اكادەميك، مامان جانە ولاردىڭ ۇجىمدارى شينجياڭعا كەلىپ ەسە قوسىپ، ەڭبەك ٴسىڭىردى.

مىندەتىن بەلسەنە اتقارىپ، سۇبەلى تابىستارعا قول جەتكىزدى. بيىل 1 ـ ايدا ما حۋادۇڭ وقۋ ـ اعارتۋ مينيسترلىگى كەڭسەسىنەن ”ٴسىزدىڭ وقۋ ـ اعارتۋ قىزمەتىنە بۇرىنعىداي كوڭىل ٴبولىپ، قولداۋ كورسەتىپ، حالىق ريزا بولاتىن وقۋ ـ اعارتۋدى ويداعىداي جۇرگىزۋ، وقۋ ـ اعارتۋدا قۋاتتى ەل قۇرۋ جولىندا بىرگە قۇلشىنا كۇرەس جۇرگىزۋىڭىزدى شىن جۇرەكتەن ٴۇمىت ەتەمىز“ دەگەن العىس حاتىن تاپسىرىپ الدى.

”بۇل مەن ٴۇشىن ٴارى تۇراقتاندىرۋ، ٴارى جەبەۋ بولدى“. ما حۋادۇڭ بىلاي دەدى: حالىق ٴۇشىن مىندەت اتقارۋ باس ماقساتىن ەستە بەرىك ساقتاپ، تەكسەرىپ ـ زەرتتەمەي تۇرىپ ۇسىنىس قويماۋعا تاباندى بولىپ، شينجياڭنىڭ دامۋىنداعى ولقىلىقتاردى، ماسەلەلەردى جانە تۇيىنشەكتەردى ۇزدىكسىز قاراستىرىپ، ۇسىنىستى ٴدال، ناقتى العا قويىپ، جوعارى ولشەمدى مىندەت اتقارۋ ارقىلى جوعارى ساپالى دامۋعا دەم بەرۋگە قۇلشىنامىن.

ءتىلشى اسەرى

تەكسەرىپ ـ زەرتتەمەي تۇرىپ ۇسىنىس قويماۋ

تەكسەرۋ ـ زەرتتەۋ _ ىستەردى كەڭەسۋدىڭ نەگىزى، ىستەردى تىندىرۋدىڭ جولى.

مەملەكەتتىك ساياسي كەڭەستىڭ شينجياڭدا تۇراتىن مۇشەسى ما حۋادۇڭ تەكسەرىپ ـ زەرتتەمەي تۇرىپ ۇسىنىس قويماۋعا تاباندى بولىپ، ۇسىنىس جوبانىڭ ساپاسىنا ايرىقشا جاۋاپتى بولاتىندىعىن جانە شينجياڭنىڭ دامۋى جونىندەگى شىن نيەتىن ايگىلەدى.

ٴبىرىنشى شەپكە ۇزاق ۋاقىت تامىر تارتقان عىلىم ـ تەحنولوگيا قىزمەتكەرى رەتىندە، ما حۋادۇڭ جوعارى ساپالى اقىل ـ كەڭەس بەرۋ تىڭعىلىقتى تەكسەرۋ ـ زەرتتەۋدەن ايرىلا المايتىندىعىن ابدەن بىلەدى. ول سول جەردىڭ وزىندە احۋال ۇعىسۋ، نەگىزگى ساتىنى ىشكەرىلەي ارالاۋ ارقىلى شينجياڭنىڭ كەن بايلىعى، وقۋ ـ اعارتۋ، عىلىم ـ تەحنولوگيا، وسى زامانعى اۋىل شارۋاشىلىعى سياقتى سالالارداعى ولقىلىقتارى مەن قاجەتىن دالمە ـ ٴدال يگەرىپ، كوپتەگەن شىنايى، جارامدى ۇسىنىستار قويدى. ۇسىنىس مەملەكەتتىڭ قاتىستى مينيسترلىكتەرىنىڭ، كوميتەتتەرىنىڭ ايرىقشا ٴمان بەرۋىنە جانە تياناقتاندىرۋىنا يە بولىپ، شينجياڭنىڭ بايلىق ارتىقشىلىعىنىڭ ەكونوميكالىق ارتىقشىلىققا اينالۋىن ىلگەرىلەتۋمەن بىرگە، جوعارى دەڭگەيلى دارىندىلاردى باۋلۋعا جانە عىلىم ـ تەحنولوگيادا جاڭالىق اشۋعا تىڭ قوزعاۋشى كۇش قوستى.

ٴبىرىنشى شەپكە ىشكەرىلەي ارالاسىپ، ٴىس جۇزىندىك جاعدايدى ۇعىسقاندا عانا شىنايى ماسەلەلەردى بايقاپ، شىنايى شارالاردى العا قويۋعا بولادى. بايتاق دالادا ”مۇشەلىك تاپسىرمانى“ مۇقيات ورىنداعان ساياسي كەڭەس مۇشەلەرىنە القاۋ ايتامىز.