ما شيڭرۇي، شوكىرات زاكىر، ەركىن تۇنياز، ٴزۇمىرات وبۇل، شاۋكەت يمىن باياندامانى قاراۋعا قاتىناستى، ساۋ شۋمين جيىنعا قاتىناسىپ پىكىرلەردى تىڭدادى، حى جۇڭيوۋ سىرتتاي قاتىناستى

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 5 ـ كۇنى بەيجيڭنەن حابارلايدى. 3 ـ ايدىڭ 5 ـ كۇنى تۇستەن كەيىن 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىنە قاتىناسقان شينجياڭ ۋاكىلدەر ۇيىرمەسى جالپى جيىن وتكىزىپ، ۇكىمەت قىزمەتىنەن باياندامانى قارادى. مەملەكەتتىك حالىق قۇرىلتايىنىڭ ۋاكىلدەرى ما شيڭرۇي، شوكىرات زاكىر، ەركىن تۇنياز، شاۋكەت يمىن باياندامانى قاراۋعا قاتىناستى، ٴزۇمىرات وبۇل جيىندى باسقاردى. ورتالىق كوميتەت ۇگىت ٴبولىمىنىڭ ورىنباسار باستىعى، مەملەكەتتىك راديو ـ تەلەۆيزيا باس مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى ساۋ شۋمين، مەملەكەتتىك كەڭەس كەڭسەسىندەگى، مەملەكەتتىك دامۋ جانە رەفورما كوميتەتىندەگى، قازىنا مينيسترلىگىندەگى، مەملەكەتتىك راديو ـ تەلەۆيزيا باس مەكەمەسىندەگى جانە قۇرىلتاي حاتشىلار باسقارماسىنداعى قاتىستى جولداستار جيىنعا بارىپ پىكىرلەردى تىڭدادى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ سىرتتاي قاتىناستى.

ۋاكىل ما شيڭرۇي بىلاي دەدى: ۇكىمەت قىزمەتىنەن باياندامانى بۇكىلدەي قۇپتايمىن. بايانداما — باستان ـ اياق شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەتتىڭ ەكونوميكالىق، قوعامدىق دامۋى جونىندەگى ستراتەگيالىق ويى، تەرەڭ تولعانىسى سىڭىرىلگەن، جۇرت كوڭىلىن جەلپىندىرەتىن، ادامدى العا باسۋعا جەبەيتىن جاقسى بايانداما. وتكەن ٴبىر جىلدا باس شۋجي شي جينپيڭ مەن پارتيا ورتالىق كوميتەتى تەرەڭ تولعانىپ، جوبا ـ جوسپار جاساپ، قامال الىپ قيىندىقتاردى جەڭىپ، ٴبىر قىدىرۋ تىڭنان قوسىلعان ساياساتتى باتىل العا قويىپ، پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسىن اشىپ، رەفورمانى ونان ارى جاپپاي تەرەڭدەتۋدى جۇيەلى ورنالاستىرىپ، جۇڭگو ەكونوميكاسىنىڭ العا ىلگەرىلەۋىندە رولدى مىقتى ۇستاپ، كۇشتى قوزعالىس قۋاتىن ۇستەپ، ەرەكشە كولەمدى ەكونوميكالىق تۇلعانى مەڭگەرەتىن، حاۋىپ ـ قاتەر مەن سىن ـ سايىستارعا توتەپ بەرەتىن ساياسي اقىل ـ پاراساتى مەن ەرەن قابىلەتىن ايگىلەدى. بۇل ناتيجەلەر شي جينپيڭ ەكونوميكا يدەياسىنىڭ امالياتتىق ۇلى كۇشىن تولىق ايگىلەدى، ”ەكىنى تۇراقتاندىرۋدى“ باتىل قولداۋ، ”ەكىنى قورعاۋدى“ باتىل ورىنداۋ جۇڭگو ۇلگىسىندەگى وسىزامانداندىرۋدىڭ جەڭىسپەن العا باسۋىنا جەتەكشىلىك ەتۋدىڭ ٴتۇبىرلى كەپىلى ەكەندىگىن تولىق دالەلدەدى. ٴبىز باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، مەملەكەتتىك ەكى ٴماجىلىستىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، جۇڭحۋا ۇلتى ورتاق تۇلعا تانىمىن بەكەمدەۋ قىزمەت نەگىزگى جەلىسىمەن تىعىز بايلانىستىرىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن كۇش سالا ىلگەرىلەتىپ، شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الۋىمىز كەرەك.

ۋاكىل شوكىرات زاكىر بىلاي دەدى: ۇكىمەت قىزمەتىنەن باياندامانى بۇكىلدەي قۇپتايمىن. باياندامادا ناتيجەلەر جان ـ جاقتى، وبيەكتيۆ، شىندىقتى ٴىس جۇزىنەن ىزدەي وتىرىپ قورىتىندىلانعان، ورنالاستىرىلعان قىزمەتتەر عىلمي، ۇيلەسىمدى، ماڭىزدى تۇيىندەر كورنەكتىلەنگەن، اسا كۇشتى جەتەكشىلىك سيپاتقا، باعىتتامالىلىق سيپاتقا جانە امالياتتىق سيپاتقا يە. ٴبىر جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، وزگەرىسكە سابىرلىلىقپەن توتەپ بەرىپ، كەشەندى شارا قولدانىپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستاۋدى ىلگەرىلەتىپ، جاڭا داۋىردەگى جاڭا جورىقتا جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتۋ بەكىمىمىز بەن ەركىمىزدى اناعۇرلىم بەكەمدەدى. ٴبىز ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە ۇكىمەت قىزمەتىنەن باياندامادا بەلگىلەنگەن نىسانا ـ مىندەتتەردى شىن مانىندە ويداعىداي ٴتۇسىنۋىمىز، ويداعىداي دايەكتىلەندىرۋىمىز، ويداعىداي تياناقتاندىرۋىمىز كەرەك. وتكەن ٴبىر جىلدا شينجياڭنىڭ ەكونوميكالىق، قوعامدىق دامۋىنىڭ ”ورنىقتىلىق“ نەگىزى اناعۇرلىم بەكەمدەلىپ، ”ىلگەرىلەۋ“ قوزعالىس قۋاتى ۇزدىكسىز كۇشەيىپ، ”جاڭا بولۋ“ ساپا ونىمدىلىگى زور مولشەردە جوعارىلاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە بەلسەندى شارت ـ جاعداي جانە ٴتيىمدى فاكتور ازىرلەدى. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، پارتيا ورتالىق كوميتەتى مىندەتتەگەن ”بەس ۇلكەن ستراتەگيالىق ورىندى“ كوزدەپ، جۇمىستى ماڭداي الدى ورىنعا قويىپ، قايراتتانا ٴىس تىندىرىپ، ”15 ـ بەسجىلدىق“ جوبانى تىڭعىلىقتى ويداعىداي جاساپ، شينجياڭنىڭ ەكونوميكالىق، قوعامدىق دامۋىنىڭ تاعى دا تىڭ ساتىعا كوتەرىلۋىن قۇلشىنا ىلگەرىلەتۋىمىز كەرەك.

ۋاكىل ەركىن تۇنياز بىلاي دەدى: ۇكىمەت قىزمەتىنەن باياندامادا ناتيجەلەر شىندىقتى ٴىس جۇزىنەن ىزدەي وتىرىپ قورىتىندىلانعان، مىندەتتەردى ورنالاستىرۋدا ٴتۇيىن كورنەكتىلەنگەن، حالىققا بەرگەن ۋادەسى ارىندى، بۇكىلدەي قولدايمىن جانە قۇپتايمىن. وتكەن ٴبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، قامال الىپ قيىندىقتاردى جەڭىپ، قايراتتانا العا ۇمتىلدى، ەلىمىزدىڭ ەكونوميكالىق ناقتى قۋاتى، عىلىم ـ تەحنولوگيالىق ناقتى قۋاتى، جالپىلىق مەملەكەت قۋاتى ۇزدىكسىز كۇشەيىپ، جۇڭگو ۇلگىسىندەگى وسىزامانداندىرۋدا جاڭادان نىق قادام تاستالدى. بۇكىل شينجياڭدا جوعارىدان تومەنگە دەيىن تاپسىرمانى ەستە بەرىك ساقتاپ، العىس ايتىپ، ۇدەرە العا تارتىپ، شينجياڭنىڭ رەفورما، دامۋ، ورنىقتىلىق ىستەرىندە تىڭ تابىستارعا قول جەتكىزۋدى ىلگەرىلەتتى. ٴبىز پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، مەملەكەتتىك ەكى ٴماجىلىستىڭ رۋحىن تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نازاردى اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ ورنالاستىرۋلارىنا شوعىرلاندىرىپ، سەنىمدى، بەكىمدى نىعايتىپ، حاۋىپ ـ قاتەردەن، سىن ـ سايىستاردان تايسالماي، مەملەكەتكە قىزمەت وتەۋ، كاسىپ سالاسىن دامىتۋ، رەفورما جاساۋ، ەسىك اشۋ، ىشكى سۇرانىستى ۇلعايتۋ، جاڭالىق اشۋ ارقىلى دەم بەرۋ، وڭتۇستىك شينجياڭنىڭ دامۋى، حالىق تۇرمىسىن قامتاماسىز ەتۋ، حاۋىپسىز دامۋ سياقتى جاقتاردا تىڭ تابىستارعا قول جەتكىزۋگە قۇلشىنىپ، پارتيا ورتالىق كوميتەتى مەن ٴار ۇلت بۇقاراسىنا اناعۇرلىم ۇزدىك ناتيجەلەرمەن قاناعاتتانارلىقتاي جاۋاپ قايتارۋىمىز كەرەك.

ۋاكىل ٴزۇمىرات وبۇل بىلاي دەدى: ۇكىمەت قىزمەتىنەن بايانداما پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جاپپاي دايەكتىلەندىرىپ، جۇڭگو ەكونوميكاسىنىڭ بولاشاعى نۇرلى نازارياسىن اسقاقتاتىپ، حالىقتى وزەك ەتكەن دامۋ يدەياسىن ايگىلەدى، ادامدى جەلپىندىرەدى، العا باسۋعا جەبەيدى، بۇكىلدەي قۇپتايمىن. ٴبىر جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ”جۇڭگو“ اتتى الىپ كەمە تولقىن جارا العا تارتىپ، ورنىقتى قاداممەن العا ىلگەرىلەپ، ”ەكى ۇلكەن كەرەمەتتىڭ“ جاڭا تاراۋىن ۇزدىكسىز جازدى. باس شۋجي مەن پارتيا ورتالىق كوميتەتىنىڭ شىنايى قامقورلىعىندا، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا نىق قادام تاستالدى. مەملەكەتتىك ەكى ٴماجىلىستىڭ رۋحىن ىشكەرىلەي دايەكتىلەندىرىپ، ۇكىمەت قىزمەتىنەن باياندامادا العا قويىلعان نىسانا، مىندەت، شارالاردى ارقاۋ ەتىپ، اۆتونوميالى رايوندىق پارتكومنىڭ ورنالاستىرۋلارى مەن تالاپتارى بويىنشا جالپى بارىستىق حالىق دەموكراتياسىن بەلسەنە امالياتتا ايگىلەپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، نازاردى شينجياڭنىڭ رەفورما، دامۋ، ورنىقتىلىق ىستەرىندەگى ٴتۇيىندى قىزمەتتەرگە شوعىرلاندىرىپ، زاڭ ەرەجە شىعارۋعا تىرەك بولۋ، باقىلاۋدى قامتاماسىز ەتۋ، ۋاكىلدەردىڭ كۇش ـ قۋاتىن شوعىرلاندىرۋ رولىمىزدى اناعۇرلىم ويداعىداي ساۋلەلەندىرىپ، اۆتونوميالى رايون قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الامىز.

ۋاكىل شاۋكەت يمىن بىلاي دەدى: ۇكىمەت قىزمەتىنەن باياندامانى بۇكىلدەي قۇپتايمىن. باياندامانىڭ ساياسي دەڭگەيى جوعارى، ناتيجەلەردى قورىتىندىلاۋى شىنايى، ماسەلەلەرگە تالداۋ جاساۋى دالمە ـ ٴدال، جوبا ـ جوسپارلارى جاڭا، حالىق تۇرمىسىن قامتاماسىز ەتۋى جەتكىلىكتى، ادامدى جەلپىندىرەدى، العا باسۋعا جەبەيدى. وتكەن ٴبىر جىلدا قول جەتكىزگەن تابىستار وڭاي ـ وسپاق كەلگەن جوق، ول شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جالپى جاعدايدى ٴبىر تۇتاس مەڭگەرۋىنىڭ، عىلمي شەشىم جاساۋىنىڭ ناتيجەسى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ، دۇرىس جەتەكشىلىگىنىڭ ناتيجەسى، بۇكىل پارتيانىڭ، بۇكىل ەلدەگى ٴار ۇلت حالقىنىڭ ٴبىر نيەتپەن سەلبەسىپ، ٴورىس اشا العا ىلگەرىلەۋىنىڭ ناتيجەسى. شينجياڭنىڭ ەكونوميكالىق، قوعامدىق دامۋدا تىڭ دا كورنەكتى تابىستارعا قول جەتكىزۋى — مەملەكەت دامۋىنىڭ جاندى دا ىقشام كورىنىسى. ٴبىز مەملەكەتتىك ەكى ٴماجىلىستىڭ رۋحىن ىشكەرىلەي دايەكتىلەندىرىپ، جاڭا دامۋ ۇستانىمىنا تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شىنايى يگەرىپ ناقتى ىستەپ، ٴورىس اشا العا ىلگەرىلەپ، شينجياڭنىڭ ەكونوميكاسى مەن قوعامىنىڭ جوعارى ساپالى دامۋىن ىلگەرىلەتىپ، بۇكىل ەلدىڭ دامۋ جالپى جاعدايىنا اناعۇرلىم ويداعىداي قىزمەت وتەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە شينجياڭ ۇلەسىن قوسۋىمىز كەرەك.

ۋاكىل چىن ۋيجۇن بىلاي دەدى: ۇكىمەت قىزمەتىنەن بايانداما — تۋدى بيىك ۇستاپ جۇرت تىلەگىن ۇيىستىرعان، نازار اۋدارىپ وتىرعان ماسەلەلەرگە جاۋاپ قايتارىپ جۇرت كوڭىلىن جەلپىندىرگەن، دامۋعا جەتەكشىلىك ەتىپ سەنىمدى بەكەمدەگەن تاماشا بايانداما، بۇكىلدەي قۇپتايمىن. وتكەن ٴبىر جىلدا شينجياڭ پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتىپ، ٴتۇرلى قىزمەتتەردە ىرىقتىلىقپەن ىسكەرلىك كورسەتىپ ويداعىداي يگەردى، ەكونوميكالىق، قوعامدىق دامۋدىڭ ناتيجەسى مەن اۋقىمى مەجەدەگىدەن جاقسى بولدى. ۇكىمەت قىزمەتىنەن بايانداما رۋحىن مۇقيات تياناقتاندىرىپ، بيىلعى ەكونوميكالىق، قوعامدىق دامۋدىڭ جالپى تۇلعالىق تالابى مەن ساياساتتىق بەتالىسىن دۇرىس تۇسىنۋگە، يگەرۋگە كۇش سالىپ، ستراتەگيالىق ورىن تۇراقتاندىرۋ مەن قىزمەت جاۋاپكەرشىلىگىن، بورىشىن دۇرىس تۇسىنۋگە، يگەرۋگە كۇش سالىپ، ٴتۇيىندى مىندەتتەر مەن قىزمەت تالاپتارىن دۇرىس تۇسىنۋگە، مەڭگەرۋگە كۇش سالىپ، شينجياڭ ەكونوميكاسىنىڭ ساپاسىنىڭ ٴونىمدى جوعارىلاۋى مەن مولشەرىنىڭ ۇيلەسىمدى ارتۋىن ۇزدىكسىز ىلگەرىلەتىپ، مەملەكەتتىڭ دامۋ ستراتەگياسى جالپى جاعدايىنا اناعۇرلىم ويداعىداي قىزمەت وتەيمىز.

ۋاكىل شى گاڭ بىلاي دەدى: ۇكىمەت قىزمەتىنەن باياندامادا ”ورنىقتىلىق“ جانە ”ىلگەرىلەۋ“ سىندى ەكى جاقتان وتكەن ٴبىر جىلداعى ەلىمىزدىڭ ەكونوميكالىق، قوعامدىق دامۋدا قول جەتكىزگەن سۇبەلى تابىستارى جيناقتالدى، ادامدى جەلپىندىرەدى، العا باسۋعا جەبەيدى، بۇكىلدەي قۇپتايمىن. باس شۋجي شي جينپيڭ مەن پارتيا ورتالىق كوميتەتىنىڭ پارمەندى باسشىلىعىندا، شينجياڭ دامۋ مەن حاۋىپسىزدىكتى ٴبىر تۇتاس جوسپارلاپ، ەكونوميكانىڭ، قوعامنىڭ جوعارى ساپالى دامۋىن تىڭعىلىقتى ىلگەرىلەتىپ، كوپتەگەن سالادا تىڭ ىلگەرىلەۋشىلىككە قول جەتكىزىپ، مەملەكەتتىڭ ستراتەگيالىق جالپى جاعدايىنا قىزمەت وتەۋگە بەلسەندى ۇلەس قوستى. مەملەكەتتىك ەكى ٴماجىلىستىڭ ورنالاستىرۋلارىن، تالاپتارىن مۇقيات تياناقتاندىرىپ، جوعارى ساپالى دامۋدىڭ ماڭداي الدى مىندەتتەرىن كوزدەپ، يدەيانى ازات ەتىپ، رەفورما جاساپ، جاڭالىق اشىپ، شىنايى يگەرىپ ناقتى ىستەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ بارىسىندا اناعۇرلىم زور ىسكەرلىك كورسەتەمىز.

مەملەكەتتىك حالىق قۇرىلتايىنىڭ ۋاكىلدەرى ەلشات تۇرسىنباي، ٴانۋار تۇرسۇن ۇكىمەت قىزمەتىنەن باياندامادا جوعارى ساپاعا، رەفورمانى يگەرۋگە، حالىق تۇرمىسىنا تيىمدىلىك جەتكىزۋگە، سەنىمدى كۇشەيتۋگە ەرەكشە ٴمان بەرىلدى دەپ قاراپ، باياندامانى بۇكىلدەي قۇپتادى، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ جاعدايىن، مىندەتىن ىشكەرىلەي يگەرىپ، اۆتونوميالى رايوندىق پارتكومنىڭ ورنالاستىرۋلارىن تياناقتاندىرىپ، رەفورما، دامۋ، ورنىقتىلىق مىندەتتەرىن ناقتى، ەگجەي ـ تەگجەيلى يگەرىپ، جوعارى ساپالى دامۋدا تىڭ تابىستارعا، ونىمدىلىكتەرگە قول جەتكىزۋدى ىلگەرىلەتەتىندىكتەرىن ٴبىلدىردى.

مەملەكەتتىك حالىق قۇرىلتايىنىڭ ۋاكىلدەرى ياڭ ليچياڭ، جاڭ شين مىنالاردى ٴبىلدىردى: ۇكىمەت قىزمەتىنەن باياندامادا سەنىمدى ارتتىرۋعا ەرەكشە ٴمان بەرىلىپ، ەكونوميكانىڭ ٴۇرتىس قالپىنا كەلۋىن، جاقسارۋىن ىلگەرىلەتۋدەگى بەرىك بەكىم ايگىلەندى، بۇكىلدەي قۇپتايمىز. كاسىپورىنداردىڭ باسىمدىعىن تولىق ساۋلەلەندىرىپ، شينجياڭنىڭ مۇناي ـ تابيعي گاز زاپاس قورىن مولايتىپ، ٴونىمىن ارتتىرۋعا جانە جاڭاشا ەلەكتر قۋاتى جۇيەسى قۇرىلىسىنا بەلسەنە قىزمەت وتەپ، ”ون ٴىرى كاسىپ سالاسى شوعىرى“ قۇرىلىسىنىڭ ساپاسىن جوعارىلاتىپ، ونىمدىلىگىن ارتتىرۋعا اناعۇرلىم ويداعىداي تىرەك بولامىز.

مەملەكەتتىك حالىق قۇرىلتايىنىڭ ۋاكىلدەرى لي شيانفا، تيان شياڭلي، سارقىت اقان، ۋاڭ ميڭشان، ٴمامتىمىن قادىر، شۋە بين، جين جىجىن، باتۋ، ٴدىلشات سايىم، گاۋ جيميڭ قاتارلىلار جيىنعا قاتىناستى. جياڭ شينجۇن، دۋ حۇڭيان قاتارلىلار جيىنعا سىرتتاي قاتىناستى.