ما شيڭرۇي، شوكىرات زاكىر، ەركىن تۇنياز، ٴزۇمىرات وبۇل، شاۋكەت يمىن باياندامانى قاراۋعا قاتىناستى، گۋان جى ـ وۋ جيىنعا قاتىناسىپ پىكىر تىڭدادى، حى جۇڭيوۋ سىرتتاي قاتىناستى

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 6 ـ كۇنى بەيجيڭنەن حابارلايدى. 3 ـ ايدىڭ 6 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىنە قاتىناسقان شينجياڭ ۋاكىلدەر ۇيىرمەسى ۇكىمەت قىزمەتىنەن باياندامانى ۇزدىكسىز قارادى، جوسپار بايانداماسىن جانە مەجە ەسەپ بايانداماسىن قاراپ تەكسەردى. مەملەكەتتىك حالىق قۇرىلتايىنىڭ ۋاكىلدەرى ما شيڭرۇي، شوكىرات زاكىر، ەركىن تۇنياز، ٴزۇمىرات وبۇل، شاۋكەت يمىن باياندامانى قاراۋعا قاتىناستى. جاراتىلىستىق بايلىق مينيسترلىگى پارتيا باسشىلىق گرۋپپاسىنىڭ شۋجيى، مينيستر گۋان جى ـ وۋ جيىنعا قاتىناسىپ پىكىر تىڭدادى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ سىرتتاي قاتىناستى.

مادەنيەت جانە ساياحات مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر راۋ چۋان، قازىنا مينيسترلىگى پارتيا باسشىلىق گرۋپپاسىنىڭ مۇشەسى، مينيستردىڭ كومەكشىسى شۋ حۇيحاۋ، مەملەكەتتىك كەڭەس كەڭسەسىنىڭ، مەملەكەتتىك دامۋ جانە رەفورما كوميتەتىنىڭ، قازىنا مينيسترلىگىنىڭ، جاراتىلىستىق بايلىق مينيسترلىگىنىڭ، مادەنيەت جانە ساياحات مينيسترلىگىنىڭ جانە ٴماجىلىس حاتشىلار باسقارماسىنىڭ قاتىستى جولداستارى جيىنعا قاتىناسىپ پىكىر تىڭدادى.

ۋاكىل لي شيانفا بىلاي دەدى: ۇكىمەت قىزمەتىنەن باياندامانى بۇكىلدەي قۇپتايمىن. وتكەن جىلى ەلىمىزدىڭ دامۋىندا قول جەتكەن كەلەلى تابىستار، باس شۋجي شي جينپيڭ نۇسقاعان بەتالىستان بۇلجىماي باستان ـ اياق العا باسساق بولعانى، ٴسوز جوق، جەڭىسكە جەتە الاتىندىعىمىزدى تولىق دالەلدەدى. ٴبىز ”ەكىنى تۇراقتاندىرۋدى“ تاباندىلىقپەن قولداۋدى، ”ەكىنى قورعاۋدى“ باتىل ورىنداۋدى دايەكتىلەندىرۋدە، تياناقتاندىرۋدا ايگىلەۋىمىز، قىزمەت ونىمدىلىگىندە ايگىلەۋىمىز، كۇندەلىكتى ٴسوز ـ ارەكەتتە ايگىلەۋىمىز كەرەك. بيىل _ ”14 ـ بەسجىلدىق“ جوبا اياقتالاتىن جىل، رەفورمانى ونان ارى جاپپاي تەرەڭدەتۋدەگى ماڭىزدى ٴبىر جىل. ٴبىز جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ ساياسي حاۋىپسىزدىگىن جانە شينجياڭنىڭ قوعام ورنىقتىلىعىن باتىل قورعاپ، شينجياڭدى جاپپاي زاڭمەن باسقارۋدى ۇزدىكسىز تەرەڭدەتىپ، شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الۋىمىز كەرەك.

ۋاكىل تيان شياڭلي بىلاي دەدى: ۇكىمەت قىزمەتىنەن بايانداما ”ەكىنى تۇراقتاندىرۋدى“ تاباندىلىقپەن قولداۋدى، ”ەكىنى قورعاۋدى“ باتىل ورىنداۋدى تولىق ايگىلەدى، بۇكىلدەي قۇپتايمىن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىز تۇتاس جىلداعى ەكونوميكالىق، قوعامدىق دامۋدىڭ باستى نىسانا ـ مىندەتتەرىن ٴساتتى ورىنداپ، بۇكىل پارتيانىڭ، بۇكىل ەلدەگى ٴار ۇلت حالقىنىڭ سەنىمىن، ۇيىسۋ قۋاتىن جانە سەنترگە تارتۋ كۇشىن بارىنشا كۇشەيتتى. شينجياڭنىڭ جوعارى ساپالى دامۋىنىڭ سۇبەلى تابىستارى باس شۋجي شي جينپيڭ مەن پارتيا ورتالىق كوميتەتىنىڭ دانىشپاندىق شەشىمدەرىنىڭ عىلمي، وبيەكتيۆ، دۇرىس ەكەندىگىن تولىق دالەلدەدى. شينجياڭنىڭ ٴتارتىپ تەكسەرۋ، باقىلاۋ ـ تەكسەرۋ ورگاندارى باستان ـ اياق وزەكتى ارقاۋ ەتىپ، جالپى جاعدايعا قىزمەت وتەپ، رەفورما رۋحىمەن جانە قاتاڭ ولشەممەن پارتيانى باسقارىپ، پارتيانى جونگە سالىپ، پارتيانى جاپپاي قاتاڭ باسقارۋدىڭ جاڭا ناتيجەلەرى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى كەپىلدىك ازىرلەيدى.

ۋاكىل سارقىت اقان بىلاي دەدى: ۇكىمەت قىزمەتىنەن بايانداما _ ۇيتقىنى قورعايتىن، سەنىمدى بەكەمدەيتىن، حالىق تىلەگىنە سايكەسەتىن جاقسى بايانداما، بۇكىلدەي قۇپتايمىن. وتكەن ٴبىر جىلداعى ناتيجەلەرگە، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رول ۇستاپ، جول باستاۋىندا، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە قول جەتتى. شينجياڭنىڭ رەفورما، دامۋ، ورنىقتىلىق ىستەرىندە قول جەتكىزگەن كورنەكتى تابىستارى اۆتونوميالى رايوندىق پارتكومنىڭ ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرگەندىگىن تولىق ايگىلەدى. پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتىپ، ۇزدىك جاۋاپ قايتارۋعا قۇلشىنامىز.

ۋاكىل ٴمامتىمىن قادىر بىلاي دەدى: ۇكىمەت قىزمەتىنەن بايانداما ناتيجەلەردى جان ـ جاقتى، وبيەكتيۆ تۇردە قورىتىندىلاپ، مىندەتتەردى عىلمي، ناقتى ورنالاستىردى، بۇكىلدەي قۇپتايمىن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ ەكونوميكالىق ناقتى قۋاتى، عىلىم ـ تەحنولوگيالىق ناقتى قۋاتى، جالپىلىق مەملەكەت قۋاتى ۇزدىكسىز كۇشەيىپ، جاڭا داۋىردەگى جاڭا جورىقتا جاپپاي سوتسياليستىك وسىزاماندانعان مەملەكەت قۇرۋ بەكىمىمىز بەن سەنىمىمىزدى اناعۇرلىم نىعايتتى. پارتيانىڭ حالىق قۇرىلتايى قىزمەتىنە باسشىلىعىنا تاباندى بولىپ، مەملەكەتتىك ەكى ٴماجىلىستىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا شينجياڭدى جاپپاي زاڭمەن باسقارۋدى بۇلجىماي ىلگەرىلەتىپ، ورنىقتىلىق بارىسىندا ىلگەرىلەپ، شينجياڭ حالىق قۇرىلتايى قىزمەتىنىڭ جوعارى ساپالى دامۋىن جەبەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋگە ۇلەس قوسامىز.

ۋاكىل شۋە بين بىلاي دەدى: ۇكىمەت قىزمەتىنەن باياندامانى بۇكىلدەي قۇپتايمىن. باس شۋجي شي جينپيڭ مەن پارتيا ورتالىق كوميتەتى الىستى بولجاپ، جوبا ـ جوسپار جاساپ، 2024 ـ جىلعى ەلىمىزدىڭ ەكونوميكالىق، قوعامدىق دامۋىنداعى باستى نىسانا ـ مىندەتتەردىڭ ٴساتتى ورىندالۋىن جەبەپ، ”ەكىنى تۇراقتاندىرۋدىڭ“ پارتيا مەن مەملەكەت ىستەرىنىڭ گۇلدەنىپ ـ كوركەيۋىنىڭ ٴتۇبىرلى كەپىلى ەكەندىگىن تولىق دالەلدەدى. ٴبىر جىلدان بەرى، شينجياڭنىڭ ەكونوميكالىق، قوعامدىق دامۋ جەتىستىكتەرى جۇرتقا ايان، بيڭتۋاننىڭ ەكونوميكالىق اينالىمى ورنىقتىلىق بارىسىندا جاقساردى. مەملەكەتتىك ەكى ٴماجىلىستىڭ رۋحىن ىشكەرىلەي دايەكتىلەندىرىپ، دەڭگەيدى جوعارىلاتىپ، تياناقتاندىرۋدى مىقتى يگەرىپ، بيڭتۋاننىڭ شينجياڭ قىزمەتىنىڭ باس نىساناسىن جۇزەگە اسىرۋ بارىسىندا اناعۇرلىم زور ۇلەس قوسۋىن ىلگەرىلەتەمىز. جوسپار بايانداماسى مەن مەجە ەسەپ بايانداماسى جوعارى ساپالى دامۋدى ىلگەرىلەتۋدەگى وسكەلەڭ ساياسي سانالىلىق پەن كۇشتى جاۋاپكەرشىلىكتى ايگىلەدى، بۇعان بۇكىلدەي قوسىلامىن.

ۋاكىل جين جىجىن بىلاي دەدى: ۇكىمەت قىزمەتىنەن باياندامانى جانە جوسپار بايانداماسىن، مەجە ەسەپ بايانداماسىن بۇكىلدەي قۇپتايمىن. وتكەن ٴبىر جىلداعى تابىستار ادامدى شابىتتاندىرىپ، العا باسۋعا جىگەرلەندىرەدى، بۇل ٴىس جۇزىندىك ارەكەت ارقىلى ”ەكىنى تۇراقتاندىرۋدى“ باتىل قولداۋدىڭ، ”ەكىنى قورعاۋدى“ باتىل ورىنداۋدىڭ توتەنشە ماڭىزدىلىعىن تولىق دالەلدەپ وتىر. اۆتونوميالى رايوندىق پارتكوم جوعارى ساپالى دامۋدىڭ ماڭداي الدى مىندەتىن مىقتى يگەرىپ، ماسەلەنى باعدار ەتۋگە، جالپى جاعداي كوز اياسىنا، ناقتى ٴىس ىستەۋ ستيلىنە تاباندى بولىپ، ەكونوميكالىق، قوعامدىق دامۋدا كورنەكتى ونىمدىلىككە قول جەتكىزۋدى ىلگەرىلەتىپ، بۇكىل شينجياڭدا جوعارىدان تومەنگە دەيىن جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ اياق الىسىن اناعۇرلىم بەكەمدەدى. مەملەكەتتىك ەكى ٴماجىلىستىڭ قىزمەت ورنالاستىرۋلارىن ىشكەرىلەي تياناقتاندىرىپ، ايتارلىقتاي جارامدى ارەكەتشى، ىسكەر بولىپ، شينجياڭنىڭ مەملەكەت مەنشىگىندەگى مال ـ مۇلىكتى، مەملەكەت مەنشىگىندەگى كاسىپورىنداردى كۇشەيتۋىن، ساپالىلاندىرۋىن تىڭعىلىقتى ىلگەرىلەتىپ، جوعارى ساپالى دامۋعا اناعۇرلىم ويداعىداي تىرەك بولامىز.

ۋاكىل باتۋ بىلاي دەدى: ۇكىمەت قىزمەتىنەن باياندامادا ناتيجەلەر جان ـ جاقتى، وبيەكتيۆ قورىتىندىلانعان، بيىلعى قىزمەتتەردى ورنالاستىرۋدا بەلسەندى ساياساتتىق بەتالىس، ىشكى سۇرانىستى كەڭەيتۋ، دامۋ ۇلگىسىندە جاڭالىق اشۋ، حاۋىپ ـ قاتەردەن ساقتانۋ جانە ونى تىزگىندەۋدى كۇشەيتۋ، حالىق تۇرمىسىن قامتاماسىز ەتۋ، جاقسارتۋ كورنەكتىلەندىرىلگەن، بۇل ەلىمىزدىڭ ەكونوميكالىق، قوعامدىق دامۋىنىڭ ىشكى تالابىنا ۇيلەسەدى، بۇكىلدەي قۇپتايمىن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ٴبىر قىدىرۋ كەلەلى شارالاردى اتقارىپ، جوعارى ساپالى دامۋدىڭ تىڭ ساتىعا كوتەرىلۋىن ىلگەرىلەتتى. ۇكىمەت قىزمەتىنەن باياندامادا بەلگىلەنگەن ٴتۇرلى نىسانا ـ مىندەتتەردى ارقاۋ ەتىپ، رەفورمانى كۇش سالا يگەرىپ، دامۋدى جەبەپ، ورنىقتىلىقتى ساقتاپ، شينجياڭنىڭ وسىزامانداندىرۋ قۇرىلىسىندا اناعۇرلىم زور ىسكەرلىك كورسەتەمىز.

مەملەكەتتىك حالىق قۇرىلتايىنىڭ ۋاكىلدەرى جىڭ جۇن، شيڭ گۋاڭچىڭ، مىڭ نان، قۇربان نياز، زويا باقىت، ٴميناۋار ابەيبوللا، ٴدىلشات پارحات، ايدىن تولەۋقان، كۇڭ فيفي، ٴدىلمۇرات اسىمەتۇللا لەبىز ٴبىلدىرىپ، بىلاي دەپ قارادى: ۇكىمەت قىزمەتىنەن بايانداما تۋدى بيىك ۇستاعان، ٴورىس اشا العا ىلگەرىلەگەن، زەيىن ـ زەردەنى، كۇش ـ قۋاتتى شوعىرلاندىرعان تاماشا بايانداما، بۇكىلدەي قۇپتايمىز. كوپشىلىك شينجياڭنىڭ رەفورما، دامۋ، ورنىقتىلىق ٴتۇيىندى مىندەتتەرىن تىعىز ارقاۋ ەتىپ، ٴوز قىزمەتتەرىنىڭ ٴىس جۇزىندىك جاعدايىمەن ۇشتاستىرىپ، تانىمدارىن، ويلارىن اقتارىلا اڭگىمەلەدى ٴارى ەرەكشەلىككە، باسىمدىققا يە كاسىپ سالالارىن جەتىلدىرۋ، زورايتۋ، شينجياڭدى مادەنيەتپەن نارلەندىرۋ، حالىق تۇرمىسى ىستەرىن دامىتۋ سياقتىلاردى ارقاۋ ەتە وتىرىپ ناقتى ۇسىنىستار قويدى.

ۋاڭ كۇيران، ليۋ حۇڭتاۋ، عۇلامجان رەيىم، ماحمۇت ٴومارجان قاتارلى ۋاكىلدەر لەبىز ٴبىلدىرىپ بىلاي دەدى: جوسپار بايانداماسى مەن مەجە ەسەپ بايانداماسى ورتالىقتىڭ ەكونوميكالىق قىزمەت ٴماجىلىسىنىڭ رۋحىن دايەكتىلەندىرىپ، تياناقتاندىرىپ، ۇكىمەت قىزمەتىنەن باياندامامەن تامىرلاسىپ، كەزەكتەگى ەكونوميكالىق دامۋدىڭ ورايىن، جاعدايىن دۇرىس يگەرىپ، كەلەلى ساياساتتاردىڭ پايداسىن ايگىلەدى، ”14 ـ بەسجىلدىق“ جوبانىڭ ٴتۇرلى نىسانا ـ مىندەتتەرىن جوعارى ساپامەن ورىنداۋعا دالمە ـ ٴدال جەتەكشىلىك ەتتى، ەكى بايانداماعا قوسىلامىز.

مەملەكەتتىك حالىق قۇرىلتايىنىڭ ۋاكىلدەرى چىن ۋيجۇن، ۋاڭ ميڭشان، شى گاڭ، ٴدىلشات سايىم، گاۋ جيميڭ قاتارلىلار جيىنعا قاتىناستى. جياڭ شينجۇن، دۋ حۇڭيان قاتارلىلار جيىنعا سىرتتاي قاتىناستى.