انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 8 ـ كۇنى بەيجيڭنەن حابارلايدى. 3 ـ ايدىڭ 8 ـ كۇنى تۇستەن كەيىن مەملەكەتتىك ساياسي كەڭەس 14 ـ كەزەكتى كوميتەتىنىڭ 3 ـ ماجىلىسىنە قاتىناسىپ جاتقان شينجياڭدا تۇراتىن مەملەكەتتىك ساياسي كەڭەستىڭ مۇشەلەرى جەكە ـ جەكە ٴارقايسى سالالىق گرۋپپالاردا ەڭ جوعارى حالىق سوتى مەكەمەسىنىڭ قىزمەت بايانداماسىن جانە ەڭ جوعارى حالىق پروكۋراتۋراسىنىڭ قىزمەت بايانداماسىن تالقىلادى. مەملەكەتتىك ساياسي كەڭەستىڭ مۇشەسى، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن گرۋپپا تالقىسىنا قاتىناستى.

مۇشەلەر تالقىدا بىلاي دەپ قارادى: ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت بايانداماسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ زاڭمەن باسقارۋ يدەياسىن ىشكەرىلەي دايەكتىلەندىرىپ، ناقتى ىستەۋ ارقىلى جاۋاپ قايتارعان، ناقتى ناتيجەلەر ارقىلى جاۋاپناما تاپسىرعان، قوعامدىق ىستىق تۇيىندەرگە جانە بۇقارانىڭ ارمان ـ تىلەگىنە بەلسەنە جاۋاپ بەرگەن، وندا تابىستار كورنەكتى، جارقىن تۇيىندەر بىرىنەن كەيىن ٴبىرى كورىنگەن، جاڭا داۋىردەگى زاڭمەن باسقارىلاتىن جۇڭگو قۇرىلىسىنىڭ تىڭ تابىستارى ايگىلەنگەن، ٴادىليا ورگاندارىنىڭ ادىلدىكتى، تۋراشىلدىقتى قورعاۋداعى مىندەت وتەپ، جاۋاپكەرشىلىك ارقالاۋىن ايگىلەگەن، زاڭمەن باسقارۋدىڭ جىلۋى، سەرپىنى جانە حالىقتىق سۇيىسپەنشىلىگى ايگىلەنگەن.

مۇشە دوۋ گاڭگۇي ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن مۇقيات تىڭداعاننان كەيىن مازمۇندا سونى لەپ اڭعارىلعاندىعىن، شارالاردىڭ جارقىن تۇيىندەرى بىرىنەن كەيىن ٴبىرى كورىنگەندىگىن، تابىستار جۇرت كوڭىلىن جەلپىندىرەتىندىگىن، ناقتى، تولىق ساندى مالىمەتتەر مەن تيپتىك دەلو مىسالدارى ارقىلى جۇڭگونىڭ زاڭمەن باسقارۋ قۇرىلىسىنىڭ نىق قادامىن نوبايلاپ، ٴادىليا رەفورماسى مەن حالىق ٴۇشىن ٴادىليا جۇرگىزۋدىڭ تەرەڭ ىقپالداستىعىن ايگىلەگەندىگىن سەزىندى. ەكى بايانداما نازاردى ”حالىق ٴۇشىن ٴادىليا جۇرگىزۋ“ ۇستانىمىنىڭ تەرەڭ امالياتىنا شوعىرلاندىرعان، ەڭ جوعارى حالىق سوتى مەكەمەسى تۇراقتاندىرعان جاڭا داۋىردەگى ”فىڭچياۋ تاجىريبەسى“ قايشىلىقتار مەن داۋ ـ شارلاردى قاينارىنان شەشۋدى ىلگەرىلەتتى؛ ەڭ جوعارى حالىق پروكۋراتۋراسى مىندەت وتەپ دەلو ٴبىتىرۋدىڭ ”سوڭعى جارتى جۇمىسىن“ ويداعىداي ىستەپ، ”الدىڭعى بۋىندى يگەرۋ، بايقالا قويماعان كىناراتتاردى جونگە سالۋ“، ت. ب لاردى جەبەدى، وسى جاسامپاز شارالار ٴادىليالىق قىزمەت وتەۋدى قوعامدىق باسقارۋدىڭ سوڭعى بۋىنىنا دەيىن كەڭەيتتى.

مۇشە گۋان فاڭفاڭ بىلاي دەدى: ەڭ جوعارى حالىق سوتى مەكەمەسىنىڭ قىزمەت بايانداماسىندا زاڭمەن باسقارۋدى مەكتەپتەرگە ەنگىزۋدى ۇدايىلاندىرا ورىستەتۋ، بۇكىل ەلدەگى سوت مەكەمەلەرىندەگى 40 مىڭعا تارتا زاڭمەن باسقارۋعا جاۋاپتى ورىنباسار مەكتەپ باستىعىنىڭ قورعاۋ جاۋاپكەرشىلىگىن شىن مانىندە ارقالاۋى كەرەكتىگى ورتاعا قويىلدى. ”زاڭمەن باسقارۋعا جاۋاپتى ورىنباسار مەكتەپ باستىقتارىن قويۋ وقۋشىلاردىڭ ۇقىق ـ مۇددەسىن قورعاۋدى جانە مەكتەپ اۋلاسىنىڭ حاۋىپسىزدىگىن، ورنىقتىلىعىن جەبەيتىن ماڭىزدى ٴتۇزىم جاسامپازدىعى عانا ەمەس، سونداي ـ اق ساياسي ـ زاڭ تاراۋلارىنىڭ مەكتەپتەردىڭ زاڭمەن باسقارۋ قۇرىلىسىنا، مەكتەپتى زاڭمەن باسقارۋدى ىلگەرىلەتۋگە ات سالىسىپ، قولداۋ كورسەتۋىندەگى ٴتۇزىم دانەكەرى“. زاڭمەن باسقارۋعا جاۋاپتى ورىنباسار مەكتەپ باستىقتارى قىزمەتىن بىرتىندەپ كەمەلدەندىرۋ ارقىلى پارتيا مەن مەملەكەتتىڭ ازامات جاسىنا تولماعانداردى قورعاۋ قىزمەتىنە ٴمان بەرۋى مەن بەكىمىن ٴاربىر وتباسىنا، ٴار تۇسقا جەتكىزىپ، ازامات جاسىنا تولماعان وقۋشىلاردىڭ اقاۋسىز ەرجەتۋىنە تاماشا ورتا ازىرلەۋىن ٴۇمىت ەتەمىن.

مۇشە مۇحتابار ابدۇل بىلاي دەدى: بيىلعى ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى جوعارىدا ساياساتپەن سايكەسىپ، شي جينپيڭ زاڭمەن باسقارۋ يدەياسىن جانە پارتيا 20 ـ قۇرىلتايىنىڭ مەملەكەتتى زاڭمەن باسقارۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرگەن، تياناقتاندىرعان، ساياسي دەڭگەيى جوعارى، ورىن بەلگىلەۋى دالمە ـ ٴدال بولعان؛ تومەندە امالياتپەن جاناسىپ، قىرۋار فاكت، ساندى مالىمەت، تيپتىك ٴارى جاندى دەلو مىسالدارى ارقىلى ٴبىر جىلدان بەرگى مىندەت وتەۋ تابىستارىن تولىق ايگىلەگەن، حالىق رايىن، حالىق تىلەگىن ايگىلەگەن، حالىق بۇقاراسى ٴجىتى قاداعالاپ وتىرعان ادىلدىك، تۋراشىلدىق جونىندەگى ماسەلەلەرگە جاۋاپ قايتارعان. باياندامادا ايەلدەردىڭ زاڭدى ۇقىق ـ مۇددەسىن زاڭ بويىنشا قورعاۋ، تەرەزەسى تەڭ جۇمىستانۋ، انا ـ بالانىڭ ۇقىق ـ مۇددەسى قاتارلى الەۋمەتتىك يگىلىك ارىز ـ شاعىم، زاڭمەن باسقارۋ كۇشى ارقىلى ”جارتى الەمدى“ قورعاۋ، ەڭبەكشىلەر مەن ەرەكشە قاۋىمنىڭ ۇقىق ـ مۇددەسىن قامتاماسىز ەتۋدى كۇشەيتۋ، ت. ب ايتىلىپ، ٴادىليانىڭ قويۋ جىلى مەيىرى ايگىلەنگەن، ادامدى تەبىرەنتەدى.

مەملەكەتتىك ساياسي كەڭەستىڭ مۇشەلەرى ليۋ ۋانلۇڭ، ەلزات احمەتجان، قادىلبەك قامزا، جاروللا يسامدين، ابدۇرىقىپ ٴتومۇرنياز، ليۋ جيانميڭ، حالمۇرات ابدىراحمان قاتارلىلار گرۋپپالاردا جەكە ـ جەكە تالقىعا قاتىناستى.