اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل

2024 ـ جىل — مەملەكەتتىك حالىق قۇرىلتايى قۇرىلعاندىعىنىڭ 70 جىلدىعى جانە جەرگىلىكتى حالىق قۇرىلتايلارىندا تۇراقتى كوميتەت قۇرىلعاندىعىنىڭ 45 جىلدىعى. باس شۋجي شي جينپيڭ مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ جينالىسىندا ماڭىزدى ٴسوز سويلەپ، جاڭا تاريحي باستامادا حالىق قۇرىلتايى تۇزىمىنە ويداعىداي تاباندى بولۋ، ونى ويداعىداي كەمەلدەندىرۋ، ويداعىداي جۇرگىزۋ جونىندە جاپپاي ورنالاستىرۋ جاساپ، ايقىن تالاپ قويدى. اۆتونوميالى رايوندىق پارتكومنىڭ باسشىلىعىندا، اۆتونوميالى رايوندىق حالىق قۇرىلتايىنىڭ تۇراقتى كوميتەتى باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، تاماشا زاڭ ەرەجە شىعارىپ، باقىلاۋدى كۇشەيتىپ، حالىق تىلەگىن ۇيىستىرىپ، دامۋدى جەبەپ، شەبەرلىكپەن باسقارۋدى قامتاماسىز ەتىپ، حالىق قۇرىلتايى قىزمەتىنىڭ جوعارى ساپالى دامۋىن ورنىقتىلىق بارىسىندا ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ ٴۇشىن پارمەندى زاڭمەن باسقارۋ تىرەگىن ازىرلەدى. ٴبىز مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ بۇلجىماي كوزدەپ، نازاردى اۆتونوميالى رايوننىڭ ”ون ٴىرى كاسىپ سالاسى شوعىرى“، جىبەك جولى ەكونوميكالىق بەلدەۋىنىڭ وزەكتى رايونى، ەركىن ساۋدا سىناق رايونى قۇرىلىسى سياقتى كەلەلى مىندەتتەرگە شوعىرلاندىرىپ، پارتكوم باسشىلىق ەتەتىن، حالىق قۇرىلتايى باستاماشى بولاتىن، ۇكىمەت سۇيەنىش بولاتىن، ٴار جاق ات سالىساتىن زاڭ ەرەجە شىعارۋ قىزمەتى ارناسىن مۇقيات تياناقتاندىرىپ، عىلمي زاڭ ەرەجە شىعارۋدى، دەموكراتيالى زاڭ ەرەجە شىعارۋدى، زاڭ بويىنشا زاڭ ەرەجە شىعارۋدى ىشكەرىلەي ىلگەرىلەتىپ، جالپى 26 جەرگىلىكتى زاڭ ەرەجەنى جانە قاۋلى ـ قاراردى قاراپ ماقۇلداپ، بەكىتۋگە جولدانعان 39 زاڭ ەرەجەنى تەكسەرىپ بەكىتىپ، شينجياڭ ەرەكشەلىگىنە يە جەرگىلىكتى زاڭ ەرەجە جۇيەسىن ۇزدىكسىز اقاۋسىزداندىردىق، اسىرەسە، كەن بايلىعىن بارلاۋ ـ تەكسەرۋ ۇسىنىلىمىن باقىلاۋ ـ باسقارۋ بەلگىلەمەسىن جاساپ، اۆتونوميالى رايوننىڭ بايلىق سالىعىنىڭ ناقتى قولدانىلاتىن سالىق مولشەرى، ەسەپتەپ الۋ ٴادىسى جانە سالىقتى ازايتۋ، كەشىرىم ەتۋ ٴادىسى جونىندەگى قاۋلىسىن تۇزەتىپ، قوعامدىق سەنىمدىلىك ەرەجەسىن، ساپانى جەبەۋ ەرەجەسىن جاساپ، عىلىم ـ تەحنولوگيا قوعامىنىڭ ەرەجەسى سياقتىلارعا تۇزەتۋ ەنگىزىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ زاڭمەن باسقارۋ نەگىزىن ونان ارى بەكەمدەدىك. ٴبىز جاڭادان وزگەرىس ەنگىزىلگەن باقىلاۋ زاڭىن دايەكتىلەندىرىپ، اۆتونوميالى رايوندىق پارتكومنىڭ وزەكتى قىزمەتىنە ٴجىتى ىلەسىپ، بۇقارانىڭ ويلاعانىمەن، اڭساعانىمەن، تىلەگەنىمەن تىعىز بايلانىستىرىپ، نازاردى ەكونوميكانىڭ دامۋى، ورنىقتىلىقتى قورعاۋ، ۇلتتار ىنتىماعى، شينجياڭدى مادەنيەتپەن نارلەندىرۋ، ەكولوگيالىق ورتانى قورعاۋ سياقتى ٴتۇيىندى سالالارعا شوعىرلاندىرىپ، دۇرىس باقىلاۋ، ٴونىمدى باقىلاۋ، زاڭ بويىنشا باقىلاۋ جۇرگىزدىك. ”ۇكىمەتتىڭ، جوعارى حالىق سوتى مەكەمەسىنىڭ، حالىق پروكۋراتۋراسىنىڭ“ 17 ارناۋلى بايانداماسىن تىڭداپ، قاراپ، 13 رەت زاڭ اتقارۋ بويىنشا تەكسەرۋ، كوزدەن كەشىرۋ، 13 ٴتۇرلى تەكسەرۋ ـ زەرتتەۋ، 3 رەت ارناۋلى تاقىرىپتىق جاۋاپ الۋ ورىستەتىپ، قاتىستى جاقتاردى جۇڭحۋا ۇلتى ورتاق تۇلعا قۇرىلىسى، ٴبىر قىدىرۋ تىڭنان قوسىلعان ساياساتتى جاپپاي تياناقتاندىرۋ، ”ون ٴىرى كاسىپ سالاسى شوعىرى“ قۇرىلىسىن جەدەلدەتۋ، قۇمايتتانۋدان ساقتانىپ، قۇمدى تىزگىندەۋ سەرپىنىن ارتتىرۋ سياقتىلاردى ىلگەرىلەتۋگە قۋزاپ، ەكونوميكانىڭ قايتا ورلەۋىن، جاقسارۋىن ىلگەرىلەتىپ، شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، ورنىقتىلىق نەگىزىن ونان ارى بەكەمدەپ، ەكولوگيالىق ورتانى ۇزدىكسىز جاقسارتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ ٴۇشىن تاماشا زاڭمەن باسقارۋ ورتاسىن قالىپتاستىردىق.

2025 ـ جىل — اۆتونوميالى رايون قۇرىلعاندىعىنىڭ 70 جىلدىعى، سونداي ـ اق ”14 ـ بەسجىلدىق“ جوبا اياقتالاتىن جىل، رەفورمانى ونان ارى جاپپاي تەرەڭدەتۋدەگى ماڭىزدى جىل. اۆتونوميالى رايوندىق حالىق قۇرىلتايىنىڭ تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نازاردى جۇڭحۋا ۇلتى ورتاق تۇلعا تانىمىن بەكەمدەۋ سىندى قىزمەت نەگىزگى جەلىسىنە شوعىرلاندىرىپ، حالىق قۇرىلتايىنىڭ زاڭ ەرەجە شىعارۋ، باقىلاۋ، ۋاكىلدەر، سىرتپەن بارىس ـ كەلىس جاساۋ جانە وزىندىك قۇرىلىس سياقتى قىزمەتتەرىن اۆتونوميالى رايوندىق پارتكومنىڭ وزەكتى قىزمەتىن تىعىز ارقاۋ ەتىپ جوسپارلاپ جانە ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ ٴۇشىن حالىق قۇرىلتايىنىڭ كۇش ـ قۋاتىن قوسادى.

وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدە جاڭا جاۋاپكەرشىلىك ارقالاۋدى ايگىلەيمىز. وزەكتى ارقاۋ ەتۋ، كەلەلى جاعدايعا قىزمەت وتەۋ — حالىق قۇرىلتايى قىزمەتىنىڭ قىزمەت جاۋاپكەرشىلىگى. اۆتونوميالى رايوندىق حالىق قۇرىلتايى جانە ونىڭ تۇراقتى كوميتەتى ”ەكىنى تۇراقتاندىرۋدى“ تاباندىلىقپەن قورعاپ، ”ەكىنى قورعاۋدى“ باتىل ورىنداپ، پارتيانىڭ باسشىلىعىن حالىق قۇرىلتايىنىڭ زاڭ بويىنشا مىندەت اتقارۋىنىڭ ٴارقايسى جاقتارىنا، جالپى بارىسىنا سىڭىرۋگە تاباندى بولىپ، حالىق قۇرىلتايى قىزمەتىنىڭ دۇرىس ساياسي بەتالىسىنا شىنايى كەپىلدىك ەتەدى. قاجىماي ـ تالماي اۆتونوميالى رايوندىق پارتكومنىڭ وزەكتى قىزمەتىن ارقاۋ ەتىپ، زاڭ ەرەجە شىعارۋ، باقىلاۋ، كەلەلى ىستەرگە شەشىم جاساۋ، كادرلاردى مىندەتكە تاعايىنداۋ، مىندەتىنەن قالدىرۋ سياقتى قىزمەت ۇقىعىن زاڭ بويىنشا اتقارىپ، حالىق قۇرىلتايى قىزمەتىنىڭ باستان ـ اياق پارتكومنىڭ وزەكتى قىزمەتىمەن نيەتتەس، ۇندەس بولىپ، ٴبىر باعىتتا بىرگە كۇش سالۋىنا شىنايى كەپىلدىك ەتەدى. نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، حالىق قۇرىلتايى قىزمەتىن اۆتونوميالى رايوندىق پارتكومنىڭ شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى كوركەيتۋدى، شينجياڭدى باياندى كوركەيتۋدى ٴبىر تۇتاس جوسپارلاپ ىلگەرىلەتۋ سىندى ورنالاستىرۋىن، تالابىن تىعىز ارقاۋ ەتىپ جوسپارلاپ جانە ىلگەرىلەتىپ، حالىق قۇرىلتايى قىزمەتىن وزەكپەن اناعۇرلىم ويداعىداي تىعىز بايلانىستىرىپ، وزەككە قىزمەت ەتتىرىپ، حالىق قۇرىلتايىنىڭ رولى ارقىلى پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ جانە اۆتونوميالى رايوندىق پارتكومنىڭ قىزمەت ورنالاستىرۋلارىنىڭ جاپپاي دايەكتىلەندىرىلۋىن، تياناقتاندىرىلۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي كوركەيتەدى.

زاڭ بويىنشا مىندەت اتقارۋعا تاباندى بولىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ بارىسىندا جاڭا ىسكەرلىكتى ايگىلەيمىز. زاڭ بويىنشا مىندەت اتقارۋعا تاباندى بولۋ — حالىق قۇرىلتايى قىزمەتىنىڭ كەلەلى پرينسيبى جانە ماندىك تالابى. اۆتونوميالى رايوندىق حالىق قۇرىلتايى جانە ونىڭ تۇراقتى كوميتەتى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن زاڭمەن باسقارۋ ارقىلى قورعاۋ سىندى قىزمەت جاۋاپكەرشىلىگىن، بورىشىن قايراتتانا ارقالاپ، حالىق قۇرىلتايىنىڭ زاڭ ەرەجە شىعارۋ قىزمەتىندەگى جەتەكشىلىك رولىن تولىق ساۋلەلەندىرىپ، زاڭ ەرەجە شىعارۋ بويىنشا زەرتتەۋدى مۇقيات ورىستەتىپ، زاڭ ەرەجە شىعارۋ سۇرانىسىن ٴدال تاۋىپ، جەتەكشىلىك سيپاتقا، باستاماشىلدىق سيپاتقا، بولجامپازدىق سيپاتقا يە جەرگىلىكتى زاڭ ەرەجە شىعارۋدى ورىستەتۋ جونىندە ىزدەنىس جاساپ، شينجياڭ ەركىن ساۋدا سىناق رايونى ەرەجەسى، شەكارا وتكەلى ەكونوميكاسىن دامىتۋ، جەبەۋ ەرەجەسى، ساندى مالىمەت ەرەجەسى، عىلىم ـ تەحنولوگيادا جاڭالىق اشۋ ەرەجەسى، شارۋاشىلىق ـ ساۋدا ورتاسىن ساپالىلاندىرۋ ەرەجەسى، تارىم وزەنى الابىن قورعاۋ ەرەجەسى سياقتى ٴبىر توپ ماڭىزدى زاڭ ەرەجەلەردى جاساۋ، تۇزەتۋ ەنگىزۋ قىزمەتتەرىن ٴتۇيىندى تۇردە ويداعىداي يگەرىپ، زاڭ ەرەجەنىڭ باستاماشى بولۋ، ارناعا ٴتۇسىرۋ، قامتاماسىزداندىرۋ جانە ىلگەرىلەتۋ رولىن كۇش سالا ساۋلەلەندىرەدى؛ حالىق قۇرىلتايى باقىلاۋىنىڭ پارتيا مەن مەملەكەتتىڭ باقىلاۋ جۇيەسىندەگى ماڭىزدى رولىن تولىق ساۋلەلەندىرىپ، رەفورمانى ونان ارى جاپپاي تەرەڭدەتۋ، ”ون ٴىرى كاسىپ سالاسى شوعىرىن“ قۇرۋ، ىشكە، سىرتقا ەسىك اشۋدىڭ تىڭ باسىمدىعىن سومداۋ سياقتى وزەكتى قىزمەتتەردى تىعىز ارقاۋ ەتىپ، نازاردى ٴار ۇلت بۇقاراسى جاپپاي كوڭىل ٴبولىپ وتىرعان قولامتالى ماسەلەلەرگە شوعىرلاندىرىپ، باقىلاۋ ٴتۇرىن عىلمي تاڭداپ، باقىلاۋ ٴتۇيىنىن ايقىنداپ، باقىلاۋدىڭ ونىمدىلىگىن ارتتىرىپ، ٴتۇيىندى تۇردە جۇڭحۋا ۇلتى ورتاق تۇلعا تانىمىن بەكەمدەۋ، ۇلتتار ىنتىماعى، ٴدىن ىستەرىن باسقارۋ، ”15 ـ بەسجىلدىق“ جوبانى جاساۋ، اۋىل ـ قىستاقتى جاپپاي گۇلدەندىرۋ، ەكولوگيالىق ورتانى قورعاۋ، نەگىزگى ساتىنى باسقارۋ جانە بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن وڭاۋ سياقتى قىزمەتتەر جونىندەگى باقىلاۋدى كۇشەيتىپ، جوعارى ساپالى باقىلاۋ ارقىلى پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ، اۆتونوميالى رايوندىق پارتكومنىڭ قىزمەت ورنالاستىرۋلارىنىڭ تياناقتانۋىن، ونىمدىلىك كورسەتۋىن ىلگەرىلەتىپ، باقىلاۋ قىزمەتىنىڭ ٴىس جۇزىندىك ونىمدىلىگى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ تەرەڭدەۋىنە، ناقتىلانۋىنا دەم بەرەدى.

جالپى بارىستىق حالىق دەموكراتياسىن امالياتتا ايگىلەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدە جاڭا بەينە ايگىلەيمىز. اۆتونوميالى رايوندىق حالىق قۇرىلتايى جانە ونىڭ تۇراقتى كوميتەتى حالىقتى وزەك ەتكەن دامۋ يدەياسىنا تاباندى بولىپ، جالپى بارىستىق حالىق دەموكراتياسى ۇستانىمىن جانە تالابىن زاڭ ەرەجە شىعارۋدىڭ، باقىلاۋدىڭ، ۋاكىلدەر قىزمەتىنىڭ ٴارقايسى بۋىندارىنا ٴسىڭىرىپ، زاڭ ەرەجە شىعارۋ قىزمەتىنە حالىق تۇرمىسى نەگىزگى جەلىسىن سىڭىرۋگە، باقىلاۋ قىزمەتىندە حالىق تۇرمىسى ماسەلەلەرىن كورنەكتىلەندىرۋگە، ۋاكىلدەر قىزمەتىندە نازاردى حالىق تۇرمىسى بەتالىسىنا شوعىرلاندىرۋعا تاباندى بولىپ، حالىقتىڭ قاجەتىن بىلۋگە، حالىقتان اقىل سۇراۋعا، حالىقتان ونىمدىلىگىن ۇعىسۋعا تاباندى بولىپ، زاڭ ەرەجە شىعارۋ، باقىلاۋ جانە ۋاكىلدەر قىزمەتتەرىن ورىستەتۋ بارىسىن حالىقتىڭ ۇنىنە قۇلاق ٴتۇرۋ، حالىق رايىن بەينەلەۋ، حالىقتىڭ اقىل ـ پاراساتىن شوعىرلاندىرۋ بارىسىنا اينالدىرادى. ”ەكى بايلانىستى“ تۇتقا ەتىپ، ۋاكىلدەر قىزمەتىن تەرەڭدەتىپ، كەڭەيتىپ، حالىق رايىن قابىلداۋ، حالىقتىڭ اقىل ـ پاراساتىن شوعىرلاندىرۋ قىزمەت مەحانيزمىن ۇزدىكسىز اقاۋسىزداندىرىپ، ۋاكىلدەردىڭ رولىن ساۋلەلەندىرۋدى حالىقتىڭ ٴوز ـ وزىنە قوجايىن بولۋىنىڭ ماڭىزدى بەينەسى ەتەدى. ۋاكىلدەرمەن بايلانىس جاساۋ پۋنكتىن، نەگىزگى ساتىداعى زاڭ ەرەجە شىعارۋ بايلانىس ٴتۇيىنىن ويداعىداي قۇرۋدى، ويداعىداي قولدانۋدى جالپى بارىستىق حالىق دەموكراتياسىن امالياتتا ايگىلەۋدىڭ ٴونىمدى دانەكەرى جانە تۇعىرى ەتۋگە تاباندى بولىپ، ۇزدىكسىز ورنالاسىمىن ساپالىلاندىرىپ، فۋنكتسياسىن كەڭەيتىپ، قىزمەت ٴتۇزىمىن جۇيەلىلەندىرىپ، قيمىلدى ۇدايىلاندىرا ورىستەتىپ، حالىق قۇرىلتايى قىزمەتىنىڭ حالىق رايى نەگىزىن ۇزدىكسىز بەكەمدەيدى. ۋاكىلدەردىڭ مىندەت اتقارۋىن شينجياڭ قىزمەتىنىڭ كەلەلى جاعدايىنا قىزمەت وتەۋمەن ۇشتاستىرۋعا تاباندى بولىپ، ”10 مىڭ ۋاكىل 10 مىڭ وتباسىنا بارۋ“ نەگىزگى تاقىرىپتىق امالياتتىق قيمىلىن ٴۇرتىس ورىستەتىپ، كاسىپ جانە كاسىپ سالاسى ۋاكىلدەر بايلانىس ٴتۇيىنىن قۇرۋ جونىندە ىزدەنىس جاساپ، كاسىپ ۋاكىلدەرى گرۋپپاسىن قۇرىپ، ۋاكىلدەردىڭ ماماندىق ارتىقشىلىعىن ساۋلەلەندىرىپ، كاسىپ سالالارىنىڭ دامۋى مەن ۋاكىلدەردىڭ مىندەت اتقارۋىنىڭ ٴبىرىن ـ ٴبىرى جەبەپ، بىرگە العا باسۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ تەلەگەي كۇشىن ۇيىستىرادى.