شينجياڭ ۋاكىلدەر ۇيىرمەسى باس شۋجي شي جينپيڭنىڭ ساياسي كەڭەس مۇشەلەرىنە امانداسا بارعاندا، سونداي ـ اق ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا سويلەگەن ماڭىزدى سوزدەرىنىڭ رۋحىن جەتكىزدى، ۇيرەندى

پارتيا ٴۇشىن ادام تاربيەلەۋگە، مەملەكەت ٴۇشىن دارىندى تاربيەلەۋگە قۇلشىنىپ، مەملەكەت ستراتەگياسىنا جانە شينجياڭنىڭ وسىزامانداندىرۋ قۇرىلىسىنا اناعۇرلىم ويداعىداي قىزمەت وتەۋ جانە ونى قامتاماسىزداندىرۋ كەرەك

ما شيڭرۇي باسقاردى ٴارى ٴسوز سويلەدى

ەركىن تۇنياز، ٴزۇمىرات وبۇل، شاۋكەت يمىن، حى جۇڭيوۋ قاتىناستى

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 8 ـ كۇنى بەيجيڭنەن حابارلايدى. 3 ـ ايدىڭ 8 ـ كۇنى تۇستەن كەيىن 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىندەگى شينجياڭ ۋاكىلدەر ۇيىرمەسى باس شۋجي شي جينپيڭنىڭ ساياسي كەڭەس ماجىلىسىنە قاتىناسىپ جاتقان جۇڭگو دەموكراتيالىق وداعىنداعى، جۇڭگو دەموكراتيانى ىلگەرىلەتۋ قوعامىنداعى، وقۋ ـ اعارتۋ سالاسىنداعى مۇشەلەرگە امانداسا بارعاندا، سونداي ـ اق ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا سويلەگەن ماڭىزدى سوزدەرىنىڭ رۋحىن مۇقيات جەتكىزدى، ۇيرەندى. مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى ٴارى ٴسوز سويلەدى.

ەركىن تۇنياز، ٴزۇمىرات وبۇل، شاۋكەت يمىن، حى جۇڭيوۋ قاتىناستى.

ٴماجىلىستىڭ الدىندا، ما شيڭرۇي قاتارلى باسشى جولداستار ماجىلىستەگى ايەل ۋاكىل، ايەل قىزمەتكەر قاتارلىلارمەن شىن ىقىلاسپەن قول الىسىپ، ولارعا مەرەكە بايلانىسىمەن قۇتتى بولسىن ايتتى جانە تاماشا تىلەك ٴبىلدىردى.

ما شيڭرۇي بىلاي دەپ اتاپ كورسەتتى: باس شۋجي شي جينپيڭنىڭ ساياسي كەڭەس مۇشەلەرىنە امانداسا بارعاندا، سونداي ـ اق بىرىككەن گرۋپپا جيىنىنا قاتىناسقاندا سويلەگەن ماڭىزدى ٴسوزى جۇڭگو ۇلگىسىندەگى وسىزامانداندىرۋدىڭ وقۋ ـ اعارتۋ، عىلىم ـ تەحنولوگيا، دارىندى جونىندەگى سۇرانىسىن تياناق ەتىپ، ۇلتتىڭ گۇلدەنۋى اۋىر مىندەتىن ارقالاي الاتىن ٴداۋىردىڭ جاڭا ادامدارىن تاربيەلەۋدىڭ ماڭىزدىلىعىن تەرەڭ ٴتۇسىندىرىپ، جاڭا جورىقتا وقۋ ـ اعارتۋ قىزمەتىن ويداعىداي ىستەۋدىڭ، وقۋ ـ اعارتۋدا قۋاتتى ەل قۇرۋدىڭ نەگىزگى كۇش سالۋ بەتالىسىن ونان ارى ايقىندادى. باس شۋجي شي جينپيڭنىڭ ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسۋى ٴارى ماڭىزدى ٴسوز سويلەۋى باس شۋجيدىڭ ارميانىڭ باس قولباسشىسى رەتىندە، كورەگەندىگىن جانە ستراتەگيالىق جوباسىن تولىق ايگىلەدى. ”ەكىنى تۇراقتاندىرۋدى“ تاباندىلىقپەن قولداۋدىڭ، ”ەكىنى قورعاۋدى“ باتىل ورىنداۋ ساياسي بيىگىندە تۇرىپ، باس شۋجيدىڭ ماڭىزدى ٴسوزىنىڭ رۋحىن مۇقيات ۇيرەنىپ، ٴتۇسىنىپ، ٴتۇرلى قىزمەتتەردى تىڭعىلىقتى، ويداعىداي ىستەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى تىرەك ازىرلەۋىمىز كەرەك.

ما شيڭرۇي بىلاي دەپ باسا دارىپتەدى: وقۋ ـ اعارتۋدىڭ ساياسي سيپاتىن مىقتاپ يگەرىپ، پارتيا ٴۇشىن ادام تاربيەلەۋگە، مەملەكەت ٴۇشىن دارىندى تاربيەلەۋگە قۇلشىنۋ كەرەك. سوتسياليستىك وقىتۋ جۇرگىزۋ بەتالىسىنا تاباندى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن قاجىماي ـ تالماي رۋحتى سومداپ، ادام تاربيەلەپ، جوعارى، ورتا، باستاۋىش مەكتەپتەردىڭ يدەيا ـ ساياسي ساباعىن ٴبىر تۇلعالاندىرۋ رەفورماسىندا جاڭالىق اشۋدى ىلگەرىلەتىپ، جاستار مەن ورەندەردىڭ ”نەگىز قالاۋ“ ينجەنەرياسىن جوعارى ساپامەن ىلگەرىلەتىپ، مەملەكەتتە ٴبىر تۇتاس قولدانىلاتىن ٴتىل ـ جازۋ تاربيەسىنىڭ جەتىستىگىن بەكەمدەپ، دارەجەسىن جوعارىلاتىپ، ٴار ۇلت جاستارى مەن ورەندەرىن مۇرات ـ سەنىمدى كۇشەيتۋگە، جۇڭحۋا ۇلتى ورتاق تۇلعا تانىمىن بەكەمدەۋگە، احىلاق، اقىل ـ وي، دەنە، ەستەتيكا، ەڭبەك جاقتارىندا جان ـ جاقتى دامۋعا تاباندى بولۋعا جەتەكتەۋ كەرەك. وقۋ ـ اعارتۋدىڭ حالىقتىق سيپاتىن مىقتاپ يگەرىپ، وقۋ ـ اعارتۋ جالپىلىق رەفورماسىن تەرەڭدەتۋ كەرەك. نەگىزدىك وقۋ ـ اعارتۋدى، جوعارى وقۋ ـ اعارتۋدى، كاسىپتىك وقۋ ـ اعارتۋدى ٴبىر تۇتاس جوسپارلاپ، رەفورمانى ونان ارى جاپپاي تەرەڭدەتۋ ارقىلى وقۋ ـ اعارتۋدى باعالاۋ جۇيەسىن، مەكتەپ باسقارۋ جۇيەسىن كەمەلدەندىرىپ، اناعۇرلىم ۇيلەسىمدى، جوعارى ٴونىمدى وقۋ ـ اعارتۋ بايلىعىن ۇلەستىرۋ مەحانيزمىن ورناتۋ، اقاۋسىزداندىرۋ كەرەك. وڭتۇستىك شينجياڭنىڭ وقۋ ـ اعارتۋىن كورنەكتىلەندىرە ويداعىداي جۇرگىزىپ، ”شاحمات كوزىن“ جانداندىرۋعا پارمەندى تىرەك ازىرلەۋ كەرەك. وقۋ ـ اعارتۋدىڭ ستراتەگيالىق سيپاتىن مىقتاپ يگەرىپ، وقۋ ـ اعارتۋ، عىلىم ـ تەحنولوگيا، دارىندىلار ىستەرىنىڭ دامۋىن ٴبىر تۇلعالى ىلگەرىلەتۋ كەرەك. وقۋ ـ اعارتۋدى الدىمەن دامىتۋ ستراتەگياسىنا تاباندى بولىپ، وقۋ ـ اعارتۋدى دامىتۋدى، عىلىم ـ تەحنولوگيادا جاڭالىق اشۋدى، دارىندىلاردى باۋلۋدى ٴبىر تۇلعالى ىلگەرىلەتىپ، دارىندى باۋلۋ مەن ەكونوميكالىق، قوعامدىق دامۋدى سايكەستىرۋ مەحانيزمىن ۇزدىكسىز كەمەلدەندىرىپ، ٴار ۇلگىدەگى، ٴار جىكتەگى دارىندىلاردىڭ باسەكەلەسە مولىنان جارىققا شىعۋىن جەبەپ، مەملەكەت ستراتەگياسىنا جانە شينجياڭنىڭ وسىزامانداندىرۋ قۇرىلىسىنا اناعۇرلىم ويداعىداي قىزمەت وتەۋ جانە ونى قامتاماسىزداندىرۋ كەرەك. پارتيانىڭ وقۋ ـ اعارتۋ قىزمەتىنە جاپپاي باسشىلىعىنا تاباندى بولىپ، قىزمەت مەحانيزمىن اقاۋسىزداندىرۋ، كەمەلدەندىرۋ كەرەك. ٴار دارەجەلى پارتكوم مەن ۇكىمەتتىڭ ساياسي جاۋاپكەرشىلىگىن قاتايتىپ، ناقتىلاندىرىپ، وقۋ ـ اعارتۋدى الدىمەن دامىتۋدى زور كۇشپەن قامتاماسىز ەتىپ، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن جانە جۇڭگو دەموكراتيالىق وداعىنىڭ، جۇڭگو دەموكراتيانى ىلگەرىلەتۋ قوعامىنىڭ، وقۋ ـ اعارتۋ سالاسىنىڭ ٴار جاقتاعى باسىمدىقتارىن ساۋلەلەندىرۋگە كوڭىل ٴبولىپ، وقۋ ـ اعارتۋدا قۋاتتى رايون قۇرۋدىڭ كۇشتى بىرىككەن كۇشىن ۇيىستىرۋ كەرەك. ”ارميا مەن جەرگىلىكتى ورىن ٴبىر تۇتاس جۇيە“ دەگەنگە تاباندى بولىپ، مەملەكەت قورعانىسى مەن ارميانى وسىزامانداندىرۋ قۇرىلىسىنا بار كۇشپەن قىزمەت وتەۋ كەرەك. شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگياسى باعىتىن دايەكتىلەندىرىپ، شينجياڭدا تۇراتىن اسكەري بولىمدەردىڭ اسكەر جاتتىقتىرۋ، سوعىسقا دايىندالۋ، سوعىس جۇرگىزۋ قابىلەتىن ارتتىرۋدى بار كۇشپەن قولداپ، قوس قولداۋ قىزمەتىن ىشكەرىلەي ويداعىداي ىستەپ، ارميا مەن ۇكىمەتتىڭ، ارميا مەن حالىقتىڭ مىزعىماس بەرىك قاتىناسىن بەكەمدەۋ جانە دامىتۋ كەرەك.

لي شيانفا، تيان شياڭلي، چىن ۋيجۇن، سارقىت اقان، ۋاڭ ميڭشان، ٴمامتىمىن قادىر، شۋە بين، جين جىجىن، باتۋ، شى گاڭ، جياڭ شينجۇن، ٴدىلشات سايىم، گاۋ جيميڭ، دۋ حۇڭيان قاتارلىلار ماجىلىسكە قاتىناستى.