ما شيڭرۇي، ەركىن تۇنياز، ٴزۇمىرات وبۇل، شاۋكەت يمىن باياندامانى قاراۋعا قاتىناستى، حى جۇڭيوۋ سىرتتاي قاتىناستى

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 8 ـ كۇنى بەيجيڭنەن حابارلايدى. 3 ـ ايدىڭ 8 ـ كۇنى تۇستەن كەيىن 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارادى. مەملەكەتتىك حالىق قۇرىلتايىنىڭ ۋاكىلدەرى ما شيڭرۇي، ەركىن تۇنياز، ٴزۇمىرات وبۇل، شاۋكەت يمىن باياندامانى قاراۋعا قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ سىرتتاي قاتىناستى.

ٴىشىنارا ۋاكىلدەر باياندامانى قاراۋ بارىسىندا ٴسوز سويلەدى. ۋاكىل ۋاڭ ميڭشان بىلاي دەدى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىندا شي جينپيڭ جاڭا ٴداۋىر جۇڭگوشا سوتسياليزم يدەياسى باستان ـ اياق ساباقتاستىرىلعان، وتكەن ٴبىر جىلداعى مەملەكەتتىك حالىق قۇرىلتايى تۇراقتى كوميتەتىنىڭ مىندەت وتەۋ جەتىستىكتەرى جان ـ جاقتى ايگىلەنگەن، حالىقتىڭ ارمان ـ تىلەگىنە ۇيلەسە وتىرىپ ٴتۇيىندى قىزمەتتەر ورنالاستىرىلعان، مەن باياندامانى بۇكىلدەي قۇپتايمىن. باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭنىڭ رەفورما، دامۋ، ورنىقتىلىق ٴتۇيىندى قىزمەتتەرىمەن جانە ٴار ۇلت بۇقاراسى قام قىلىپ وتىرعان حالىق تۇرمىسىنا قاتىستى ماسەلەلەرمەن تىعىز بايلانىستىرا وتىرىپ، حالىق قۇرىلتايىنىڭ زاڭ شىعارۋ، باقىلاۋ، ۋاكىلدەر قىزمەتتەرىن تىڭعىلىقتى ويداعىداي ىستەپ، جاڭا ٴداۋىردىڭ جاڭا جورىعىندا حالىق قۇرىلتايى تۇزىمىنە ويداعىداي تاباندى بولىپ، ويداعىداي كەمەلدەندىرىپ، ويداعىداي جۇرگىزىپ، شينجياڭنىڭ جوعارى ساپالى دامۋىنا حالىق قۇرىلتايىنىڭ كۇش ـ قۋاتىن ارنايمىز.

مەملەكەتتىك حالىق قۇرىلتايىنىڭ ۋاكىلدەرى مۇساجان ٴعايرات، مامەت جۇما، ۋ ۋىنشيۋ، گۇلميرا داۋلەت، لي يۇنفي، جۋ گۋاڭلان، گو حۇڭچۋان باياندامانى قاراعاندا بىلاي دەپ قارادى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىنىڭ ساياسي دەڭگەيى جوعارى، قىزمەتتى قورىتىندىلاۋى ناقتى، وي جەلىسى، شارالارى ايقىن، پارتيا باسشىلىعىنىڭ، حالىقتىڭ وزىنە ـ ٴوزى قوجايىن بولۋىنىڭ جانە مەملەكەتتى زاڭمەن باسقارۋدىڭ ورگانيكالى بىرلىگى تولىق ايگىلەنگەن، ٴتۇزىم سەنىمى، زاڭمەن باسقارۋ رۋحى جانە حالىققا سۇيىسپەنشىلىك تولىق ايگىلەنگەن، ٴبىز بۇل باياندامانى قۇپتايمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى شي جينپيڭ زاڭمەن باسقارۋ يدەياسىن ىشكەرىلەي دايەكتىلەندىرىپ، بورىشتى، جاۋاپكەرشىلىكتى كۇشەيتىپ، تىڭعىلىقتى مىندەت وتەپ، جاۋاپكەرشىلىكتى ادا ەتىپ، ٴتۇرلى جاقتاعى قىزمەتتەردە تىڭ ىلگەرىلەۋشىلىككە جانە تابىستارعا قول جەتكىزدى. ساياسي دەڭگەيدى ونان ارى جوعارىلاتىپ، جاڭا ٴداۋىردىڭ جاڭا جورىعىنداعى حالىق قۇرىلتايى قىزمەتىنىڭ بورىشىن، مىندەتىن اناعۇرلىم دالمە ـ ٴدال يگەرىپ، سەنىمدى بەكەمدەپ، قايراتتانا العا ۇمتىلىپ، نەگىزگى زاڭدا، زاڭداردا جۇكتەلگەن مىندەت جاۋاپكەرشىلىگىمىزدى مۇقيات اتقارىپ، شينجياڭدى جاپپاي زاڭمەن باسقارۋدى تەرەڭدەتۋگە، جاڭا داۋىردەگى شينجياڭنىڭ حالىق قۇرىلتايى قىزمەتىندە جاڭا جاعداي اشۋعا اقىل ـ پاراسات جانە كۇش ـ قۋات ارناۋعا قۇلشىنامىز. كوپشىلىك تاعى وزدەرىنىڭ مىندەت وتەۋ ٴىس جۇزىندىك جاعدايىمەن ۇشتاستىرا وتىرىپ قىزمەت ۇسىنىسىن بەرىپ، مىندەت وتەۋ قابىلەتى دەڭگەيىن قۇلشىنا جوعارىلاتىپ، نەگىزگى ساتىنى ىشكەرىلەي ارالاپ، تىڭعىلىقتى تەكسەرۋ ـ زەرتتەۋ جۇرگىزىپ، دالمە ـ ٴدال اقىل ـ كەڭەس بەرىپ، دامۋ جونىندە ۇسىنىس قويۋ، حالىق ٴۇشىن مىندەت وتەۋ جاڭا جاۋاپكەرشىلىك، جاڭا ىسكەرلىك ارقىلى حالىق قۇرىلتايى ۋاكىلدەرىنىڭ داڭقتى بورىشىن اناعۇرلىم ويداعىداي ارقالايتىندىقتارىن ٴبىلدىردى.

مەملەكەتتىك حالىق قۇرىلتايىنىڭ ۋاكىلدەرى لي شيانفا، تيان شياڭلي، چىن ۋيجۇن، سارقىت اقان، ٴمامتىمىن قادىر، شۋە بين، جين جىجىن، باتۋ، شى گاڭ، ٴدىلشات سايىم، گاۋ جيميڭ قاتارلىلار جيىنعا قاتىناستى. جياڭ شينجۇن، دۋ حۇڭيان قاتارلىلار جيىنعا سىرتتاي قاتىناستى.