شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار قاتىناستى
جاۋ لىجي مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى
ەڭ جوعارى حالىق سوتى مەكەمەسىنىڭ قىزمەت بايانداماسى جانە ەڭ جوعارى حالىق پروكۋراتۋراسىنىڭ قىزمەت بايانداماسى تىڭدالدى جانە قارالدى
3 ـ ايدىڭ 8 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى بەيجيڭ حالىق سارايىندا ەكىنشى جالپى جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى جاۋ لىجي ماجىلىسكە مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى.
□ سۋرەتتى شينحۋا اگەنتتىگىنىڭ ٴتىلشىسى ديڭ حايتاۋ تۇسىرگەن
شينحۋا اگەنتتىگىنىڭ 3 ـ ايدىڭ 8 ـ كۇنى بەيجيڭنەن بەرگەن حابارى. 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى 3 ـ ايدىڭ 8 ـ كۇنى تۇستەن بۇرىن بەيجيڭ حالىق سارايىندا ەكىنشى جالپى جيىنىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن جانە ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە قارادى.
شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار جيىنعا قاتىناستى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى جاۋ لىجي ماجىلىسكە مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. جاۋ لىجي باياندامادا بىلاي دەپ اتاپ كورسەتتى: 2024 ـ جىل — جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، مەملەكەتتىك حالىق قۇرىلتايى قۇرىلعاندىعىنىڭ 70 جىلدىعى. باس شۋجي شي جينپيڭ مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ جينالىسىندا ماڭىزدى ٴسوز سويلەپ، حالىق قۇرىلتايى ٴتۇزىمىنىڭ شۇعىلالى بارىسىن، كورنەكتى ارتىقشىلىعىن، قۇندى تاجىريبەسىن جانە امالياتتىق تالابىن تەرەڭ بايىمداپ، حالىق قۇرىلتايى تۇزىمىنە ويداعىداي تاباندى بولۋ، ونى ويداعىداي كەمەلدەندىرۋ، ويداعىداي جۇرگىزۋگە ٴتۇبىرلى بويسۇنۋ ولشەمىن ازىرلەدى.
جاۋ لىجي باياندامادا بىلاي دەپ اتاپ كورسەتتى: ٴبىر جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، شي جينپيڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ۇيرەنىپ، دايەكتىلەندىرىپ، پارتيا باسشىلىعىنىڭ، حالىقتىڭ وزىنە ـ ٴوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، جالپى بارىستىق حالىق دەموكراتياسىن امالياتتا ايگىلەپ، زاڭ بويىنشا مىندەت وتەپ، جاۋاپكەرشىلىك ارقالاپ، جاۋاپكەرشىلىگىن ادا ەتىپ، ٴتۇرلى قىزمەتتەردە جاڭا ىلگەرىلەۋشىلىكتەر مەن ونىمدىلىكتەرگە قول جەتكىزدى. ٴبىرىنشى، نەگىزگى زاڭدى اتقارۋدى جانە باقىلاۋدى كۇشەيتىپ، نەگىزگى زاڭنىڭ بەدەلى مەن ابىرويىن قورعادى. نەگىزگى زاڭعا قاتىستى زاڭ ـ تۇزىمدەردى كەمەلدەندىرىپ جانە تياناقتاندىرىپ، باقىلاۋ زاڭىنا، باقىلاۋ ـ تەكسەرۋ زاڭىنا وزگەرىس ەنگىزىپ، ۋاكىلدەر زاڭىنىڭ تۇزەتۋ جوباسىن ەكى رەت قارادى ٴارى وسى رەتكى ٴماجىلىستىڭ قاراۋىنا ۇسىنۋدى ۇيعاردى. نەگىزگى زاڭعا سيىمدىلىعىن تەكسەرۋ، ارحيۆكە الدىرىپ تەكسەرۋ قىزمەتىن ىلگەرىلەتىپ، نەگىزگى زاڭ نازارياسىن زەرتتەۋدى جانە ۇگىت تاربيەنى كۇشەيتىپ، نەگىزگى زاڭدا، زاڭداردا حالىق قۇرىلتايىنا جۇكتەلگەن مىندەتكە تاعايىنداۋ جانە مىندەتتەن قالدىرۋ ۇقىعىن جۇرگىزدى. ەكىنشى، زاڭ شىعارۋ مىندەت جاۋاپكەرشىلىگىن مۇقيات اتقارىپ، جۇڭگوشا سوتسياليستىك زاڭ جۇيەسىن ۇزدىكسىز كەمەلدەندىردى. ٴبىر جىلدان بەرى، جيىنى 39 زاڭ جوباسىن قارادى، مۇنىڭ ىشىندە 24 زاڭ جوباسى ماقۇلداندى، بۇل 6 زاڭ شىعارۋدى، 14 زاڭعا وزگەرىس ەنگىزۋدى، زاڭدىق ماسەلەلەر مەن كەلەلى ماسەلەلەرگە قاتىستى 4 قاۋلى شىعارۋدى قامتيدى. ٴۇشىنشى، باقىلاۋ مىندەت ۇقىعىن زاڭ بويىنشا اتقارىپ، حالىق قۇرىلتايى باقىلاۋىنىڭ پارتيا مەن مەملەكەتتىڭ باقىلاۋ جۇيەسىندەگى ماڭىزدى رولىن ساۋلەلەندىردى. ”حالىق ۇكىمەتى، باقىلاۋ ـ تەكسەرۋ كوميتەتى، حالىق سوتى مەكەمەسى، حالىق پروكۋراتۋراسىنىڭ“ 21 بايانداماسىن تىڭدادى جانە قارادى، 5 زاڭنىڭ اتقارىلۋ احۋالىن تەكسەردى، 2 رەت ارناۋلى تاقىرىپتىق جاۋاپ الۋدى، 9 ٴتۇرلى ارناۋلى تاقىرىپتىق تەكسەرۋ ـ زەرتتەۋدى ۇيىمداستىرىپ ورىستەتتى، 2 قارار شىعاردى. ٴتورتىنشى، ۋاكىلدەر قىزمەتىن كۇشەيتىپ جانە جاقسارتىپ، ۋاكىلدەردىڭ زاڭ بويىنشا مىندەت وتەۋىنە قولداۋ كورسەتتى جانە ونى قامتاماسىز ەتتى. ۋاكىلدەردىڭ كەڭەستىك جوبا، ۇسىنىس بەرۋ قىزمەتىنىڭ ساپاسىن جوعارىلاتىپ، تۇراقتى كوميتەتتىڭ ۋاكىلدەرمەن بايلانىسىن جيىلەتىپ، ۋاكىلدەردىڭ حالىق بۇقاراسىمەن بايلانىسىن جيىلەتىپ، ۋاكىلدەردى قىزمەت وتەۋمەن قامتاماسىز ەتۋ قىزمەتىنىڭ دەڭگەيىن جوعارىلاتتى. بەسىنشى، حالىق قۇرىلتايىنىڭ شەتەلدەرمەن بارىس ـ كەلىسىن بەلسەندى، ٴونىمدى ورىستەتىپ، مەملەكەت ديپلوماتياسىنىڭ كەلەلى جاعدايىنا بەلسەنە قىزمەت وتەدى. التىنشى، تۇراقتى كوميتەتتىڭ وزىندىك قۇرىلىسىن جاپپاي كۇشەيتىپ، زاڭ بويىنشا مىندەت وتەۋ قابىلەتى مەن دەڭگەيىن جوعارىلاتتى.
باياندامادا جاۋ لىجي بىلاي دەپ اتاپ كورسەتتى: ٴبىز قىزمەتتە ٴالى دە ٴىشىنارا پارىقتاردىڭ جانە ولقىلىقتاردىڭ ورىن تەۋىپ وتىرعاندىعىن سەرگەكتىكپەن تانىپ جەتتىك. حالىقتىڭ باقىلاۋىن سانالىلىقپەن قابىلداپ، ۋاكىلدەردىڭ جانە ٴارقايسى جاقتاردىڭ پىكىر ـ ۇسىنىستارىنا كىشى پەيىلدىلىكپەن قۇلاق اسىپ، قىزمەتتەردى ۇزدىكسىز كۇشەيتەمىز جانە جاقسارتامىز.
باياندامادا جاۋ لىجي بىلاي دەپ اتاپ كورسەتتى: 2025 ـ جىل — ”14 ـ بەسجىلدىق“ جوبا اياقتالاتىن جىل. مەملەكەتتىك حالىق قۇرىلتايى تۇراقتى كوميتەتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جالپى بارىستىق حالىق دەموكراتياسىن دامىتىپ، نەگىزگى زاڭدا، زاڭداردا جۇكتەلگەن زاڭ شىعارۋ ۇقىعىن، باقىلاۋ ۇقىعىن، ۇيعارىم جاساۋ ۇقىعىن، مىندەتكە تاعايىنداۋ جانە مىندەتتەن قالدىرۋ ۇقىعىن مۇقيات جۇرگىزىپ، حالىق قۇرىلتايى قىزمەتىنىڭ جوعارى ساپالى دامۋىن ورنىقتىلىق بارىسىندا ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە تىڭ ۇلەس قوسۋى كەرەك.
جاۋ لىجي باياندامادا الداعى ٴبىر جىلداعى مىندەتتەردى ورنالاستىردى: نەگىزگى زاڭدى اتقارۋ جانە باقىلاۋ مىندەت جاۋاپكەرشىلىگىن وتەۋ؛ زاڭ شىعارۋ قىزمەتىن جوعارى ساپامەن ىلگەرىلەتۋ؛ كەلەلى جاعدايدى ارقاۋ ەتە وتىرىپ باقىلاۋ قىزمەتىن ويداعىداي ىستەۋ؛ حالىق قۇرىلتايى ۋاكىلدەرىنىڭ رولىن تولىق ساۋلەلەندىرۋ؛ حالىق قۇرىلتايىنىڭ شەتەلدەرمەن بارىس ـ كەلىسىن كۇشەيتۋ؛ ”ٴتورت ورگان“ قۇرىلىسىن تىڭعىلىقتى ىلگەرىلەتۋ.
ەڭ جوعارى حالىق سوتى مەكەمەسىنىڭ باستىعى جاڭ جۇن ەڭ جوعارى حالىق سوتى مەكەمەسىنىڭ قىزمەت بايانداماسىندا بىلاي دەپ اتاپ كورسەتتى: 2024 ـ جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەڭ جوعارى حالىق سوتى مەكەمەسى نەگىزگى زاڭدا، زاڭداردا جۇكتەلگەن مىندەت جاۋاپكەرشىلىگىن ادالدىقپەن اتقارىپ، ٴتۇرلى قىزمەتتەردە جاڭا ىلگەرىلەۋشىلىككە قول جەتكىزدى. ەڭ جوعارى حالىق سوتى مەكەمەسى 34 مىڭ 898 دەلونى قابىلداپ، 32 مىڭ 539 دەلونى قاراپ اياقتاتتى، بۇل سايكەس مەزگىلدەگىدەن جەكە ـ جەكە %65.5، %82.2 ارتتى. بۇكىل ەلدەگى ٴار دارەجەلى سوت مەكەمەلەرى 46 ميلليون 18 مىڭ دەلونى قابىلداپ، 45 ميلليون 419 مىڭ دەلونى قاراپ اياقتاتتى.
باياندامادا جاڭ جۇن 2024 ـ جىلعى قىزمەتتەرگە 5 جاقتان ايالدادى: ٴبىرىنشى، ٴادىليانى قاتاڭ، ٴادىل جۇرگىزۋ ارقىلى مەملەكەت حاۋىپسىزدىگىن جانە قوعام ورنىقتىلىعىن قورعادىق؛ ەكىنشى، ٴادىليانى قاتاڭ، ٴادىل جۇرگىزۋ ارقىلى جوعارى ساپالى دامۋعا قىزمەت وتەدىك؛ ٴۇشىنشى، ٴادىليانى قاتاڭ، ٴادىل جۇرگىزۋ ارقىلى حالىق تۇرمىسىنىڭ قۇت ـ ىرىسىن قامتاماسىز ەتتىك؛ ٴتورتىنشى، رەفورمانى يگەرىپ، باسقارۋدى جەبەپ، قوسىندى كۇشەيتۋ ارقىلى ٴادىليانىڭ قاتاڭ، ٴادىل ٴجۇرىلۋىن قامتاماسىز ەتتىك؛ بەسىنشى، باقىلاۋدى سانالىلىقپەن قابىلدادىق.
جاڭ جۇن باياندامادا مىنالاردى ٴبىلدىردى: 2025 ـ جىلى حالىق سوتى مەكەمەسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ زاڭمەن باسقارۋ يدەياسىن جانە جالپى تۇلعالىق مەملەكەت حاۋىپسىزدىگى كوزقاراسىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعى سىندى ەڭ جوعارى ساياسي پرينسيپكە تاباندى بولىپ، جاڭا ٴداۋىر سوتتاۋ قىزمەتىن ۇزدىكسىز كۇشەيتىپ، ”14 ـ بەسجىلدىق“ جوبانىڭ نىسانا ـ مىندەتتەرىن جوعارى ساپامەن ورىنداپ، ”15 ـ بەسجىلدىقتىڭ“ تاماشا باستاماسىن اشۋعا بەرىك نەگىز قالاۋعا پارمەندى ٴادىليالىق قىزمەت وتەۋ ازىرلەۋى كەرەك. ورنىقتىلىق بارىسىندا ىلگەرىلەپ، جۇڭگو ۇلگىسىندەگى وسىزامانداندىرۋدى ىلگەرىلەتۋمەن تىعىز بايلانىستىرا وتىرىپ مىندەت وتەپ، جاۋاپكەرشىلىگىن ادا ەتۋ؛ تۋراشىلدىقتان اينىماي جاڭالىق اشىپ، ٴادىليانى ٴادىل جۇرگىزۋ ٴتۇزىلىس ـ مەحانيزمىن اقاۋسىزداندىرۋ؛ قاتاڭ باسقارىپ جانە قامقورلىق جاساپ، ادال، كىرشىكسىز، جاۋاپكەرشىلىك ارقالايتىن جاڭا ٴداۋىر سوت مەكەمەسى قۇرىش قوسىنىن سومداۋ كەرەك. سەنىمدى بەكەمدەپ، ناقتى ىستەۋدى ماڭداي الدى ورىنعا قويىپ، سوتتاۋدىڭ فۋنكتسيالىق رولىن تولىق ساۋلەلەندىرىپ، مەملەكەتتى جاپپاي زاڭمەن باسقارۋدى ىلگەرىلەتۋگە، اناعۇرلىم جوعارى دەڭگەيدەگى سوتسياليستىك زاڭمەن باسقارىلاتىن مەملەكەت قۇرۋعا، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋ كەرەك.
ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ ەڭ جوعارى حالىق پروكۋراتۋراسىنىڭ قىزمەت بايانداماسىندا بىلاي دەپ اتاپ كورسەتتى: 2024 ـ جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى مەن ونىڭ تۇراقتى كوميتەتىنىڭ پارمەندى باقىلاۋىندا، ەڭ جوعارى حالىق پروكۋراتۋراسى كەلەلى جاعدايعا قىزمەت وتەپ، حالىق ٴۇشىن ٴادىليا جۇرگىزىپ، زاڭمەن باسقارۋ ٴۇشىن جاۋاپكەرشىلىك ارقالاپ، پروكۋراتۋرا قىزمەتتەرىندە تىڭ ناتيجەگە قول جەتكىزدى. بۇكىل ەلدەگى پروكۋراتۋرا ورگاندارى ٴتۇرلى دەلودان جيىنى 4 ميلليون 99 مىڭ 600 دەلونى ٴبىتىردى، مۇندا ەڭ جوعارى حالىق پروكۋراتۋراسى 8980 دەلونى ٴبىتىردى.
باياندامادا يىڭ يۇڭ 2024 ـ جىلعى قىزمەتتەرگە ايالدادى: ٴبىرىنشى، پروكۋراتۋرانىڭ مىندەت وتەۋىن كۇشەيتىپ، اناعۇرلىم جوعارى دەڭگەيدەگى تىنىش جۇڭگو قۇرىلىسىن جەبەدىك؛ ەكىنشى، پروكۋراتۋرا فۋنكتسياسىن ساۋلەلەندىرىپ، ەكونوميكانىڭ، قوعامنىڭ جوعارى ساپالى دامۋىنا قىزمەت وتەدىك؛ ٴۇشىنشى، پروكۋراتۋرانى حالىق ٴۇشىن جۇرگىزۋدى ناقتىلاندىرىپ، حالىق تۇرمىسىنىڭ قۇت ـ ىرىسىن قامتاماسىز ەتتىك؛ ٴتورتىنشى، پروكۋراتۋرالىق باقىلاۋدى كۇشەيتىپ، زاڭ اتقارۋدىڭ، ٴادىليانىڭ ادىلدىگىن قورعادىق؛ بەسىنشى، باقىلاۋدى سانالىلىقپەن قابىلداپ، پروكۋراتۋرا ۇقىعىنىڭ زاڭ بويىنشا ٴادىل، جوعارى ٴونىمدى، پاك جۇرگىزىلۋىنە شىنايى كەپىلدىك ەتتىك؛ التىنشى، وزىندىك قۇرىلىستى كۇشەيتىپ، ادال، كىرشىكسىز، جاۋاپكەرشىلىك ارقالايتىن ىسىلعان پروكۋراتۋرا قوسىنىن سومدادىق.
يىڭ يۇڭ باياندامادا بىلاي دەپ اتاپ كورسەتتى: 2025 ـ جىلى بۇكىل ەلدەگى پروكۋراتۋرا ورگاندارى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋى ۇردىسىمەن بەلسەنە توعىسىپ، زاڭدى باقىلاۋ مىندەت جاۋاپكەرشىلىگىن زاڭ بويىنشا اتقارىپ، شي جينپيڭ زاڭمەن باسقارۋ يدەياسىنىڭ پروكۋراتۋرا امالياتىن ۇزدىكسىز ىلگەرىلەتۋى كەرەك. پارتيانىڭ پروكۋراتۋرا قىزمەتىنە شارتسىز باسشىلىعىنا باستان ـ اياق تاباندى بولىپ، مەملەكەت حاۋىپسىزدىگى مەن قوعام ورنىقتىلىعىن باتىل قورعاپ، ەكونوميكانىڭ، قوعامنىڭ جوعارى ساپالى دامۋىنا بار كۇشپەن قىزمەت وتەپ، پروكۋراتۋرانى حالىق ٴۇشىن جۇرگىزۋدى ۇزدىكسىز ناقتىلاندىرىپ، زاڭدى باقىلاۋ ساپاسى مەن ونىمدىلىگىن كۇش سالا جوعارىلاتىپ، پروكۋراتۋرا رەفورماسىن جاپپاي تەرەڭدەتىپ، وزىندىك قۇرىلىستى تاباندىلىقپەن كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە اناعۇرلىم زور ۇلەس قوسۋعا قۇلشىنۋ كەرەك.
جيىنعا قاتىناسۋعا ٴتيىستى ۋاكىل 2929، قاتىناسقان ۋاكىل 2869، 60 ۋاكىل قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جيىندى ٴماجىلىس ٴتوراعالار القاسىنىڭ تۇراقتى ٴتوراعاسى، اتقارۋشى ٴتوراعاسى لي حۇڭجۇڭ باسقاردى.
بۇگىن ”8 ـ ناۋرىز“ حالىقارالىق ەڭبەكشى ايەلدەر مەرەكەسى، جيىن ٴماجىلىس ٴتوراعالار القاسى اتىنان ايەل ۋاكىلدەرگە، ايەل مۇشەلەرگە، ايەل قىزمەتكەرلەرگە، بۇكىل ەلدەگى ٴار ۇلت، ٴار سالاداعى ايەلدەرگە، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى، تايۋان رايونىنداعى ايەل باۋىرلاستارعا جانە شەتەلدەگى ايەل چياۋباۋلارعا، دۇنيە جۇزىندەگى ٴار ەلدەگى ايەلدەرگە مەرەكەلىك قۇتتىقتاۋ جانە ىزگى تىلەك جولدادى.
ٴماجىلىستىڭ اتقارۋشى ٴتوراعالارى ما فىڭگو، ۋاڭ جۇنجىڭ، ۋاڭ جيۇڭ، يىن حۇڭ، ليۋ نيڭ، شۇي چين، لي يفي، ياڭ جىن ـ ۋ، شىن شياۋميڭ، چىن گاڭ، جىن جيانمين، حاۋ پىڭ، حۋ چاڭشىڭ، جۇڭ شان، شين چاڭشيڭ، شين چۇنيىڭ، لوۋ چينجيان، شۇي لين، تاڭ دىڭجيە، لۋ شينشى، لياڭ يانشۇن، يۇي يۇنلين ٴتوراعالار مىنبەسىندەگى اتقارۋشى ٴتوراعالار ورنىنا جايعاستى.