ۋاكىل ٴزۇمىرات وبۇل قاتارلىلار كەڭەستىك جوبا ۇسىندى:

مەملەكەتتە ٴبىر تۇتاس قولدانىلاتىن ٴتىل ـ جازۋ زاڭىنا وزگەرىس ەنگىزۋدى جەدەلدەتىپ، مەملەكەتتى شىنايى مويىنداۋدى كۇشەيتۋ كەرەك

انار بۇلت \ شينجياڭ گازەتىنىڭ ٴتىلشىسى جاڭ يانفاڭ 3 ـ ايدىڭ 9 ـ كۇنى بەيجيڭنەن حابارلايدى. ەلىمىز — ٴبىر تۇتاس كوپ ۇلتتى مەملەكەت، جازۋى ۇقساس، ٴتىلى ۇقساس، ادامدارى جۇرەكتەس، مەملەكەتتە ٴبىر تۇتاس قولدانىلاتىن ٴتىل ـ جازۋدى جالپىلاستىرۋ، قولدانۋ — ۇلتتاردىڭ مەملەكەتتى شىنايى مويىنداۋىن كۇشەيتۋدىڭ ماڭىزدى نەگىزى ٴارى جۇڭحۋا ۇلتى ورتاق تۇلعا تانىمىن بەكەمدەۋدىڭ قاجەتتى تالابى. 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى كەزىندە مەملەكەتتىك حالىق قۇرىلتايىنىڭ ۋاكىلى ٴزۇمىرات وبۇل باسقا 30 ۋاكىلمەن بىرلەسىپ ماجىلىسكە كەڭەستىك جوبا تاپسىرىپ، مەملەكەتتە ٴبىر تۇتاس قولدانىلاتىن ٴتىل ـ جازۋ زاڭىنا وزگەرىس ەنگىزۋدى جەدەلدەتۋگە ۇندەدى.

بۇل زاڭ 2001 ـ جىلى اتقارىلعاننان بەرى، 20 نەشە جىل جۇرگىزىلدى، ٴبىر ٴبولىم تارماقتارى زاڭ شىعارۋدىڭ جەتەكشى يدەياسى، نىسانالىق ورنى، ۇقىق پەن جاۋاپكەرشىلىكتى ٴبولۋ جانە زاڭدىق جاۋاپكەرشىلىك سياقتى جاقتاردا جاڭا ٴداۋىردىڭ تالابىنا ۇيلەسە الماي، تۇزەتىپ كەمەلدەندىرۋدى شۇعىل قاجەت ەتىپ وتىر.

سوڭعى جىلدارى شينجياڭ سياقتى ۇلتتىق اۆتونوميالى وڭىرلەر مەملەكەتتە ٴبىر تۇتاس قولدانىلاتىن ٴتىل ـ جازۋدى بەلسەنە كەڭەيتىپ جانە جالپىلاستىرىپ، وتان تۇتاستىعىن قورعاۋ جانە جۇڭحۋا ۇلتى ورتاق تۇلعا تانىمىن بەكەمدەۋ، ٴار ۇلت بۇقاراسىنىڭ عىلىم، مادەنيەت ساپاسىن جوعارىلاتۋ سياقتى جاقتاردا مول امالياتتىق تاجىريبە توپتادى ٴارى زاڭعا وزگەرىس ەنگىزۋگە جاڭا وي جەلىسى مەن بەتالىس ازىرلەدى.

ۋاكىل ٴزۇمىرات وبۇل بىلاي دەپ قارادى: مەملەكەتتە ٴبىر تۇتاس قولدانىلاتىن ٴتىل ـ جازۋ زاڭىنا وزگەرىس ەنگىزۋ جۇڭحۋا ۇلتى ورتاق تۇلعا قۇرىلىسىن ىلگەرىلەتۋدە، ۇلتتاردىڭ ارالاسۋىن، ىشتەسۋىن، توعىسۋىن جەبەۋدە ماڭىزدى ٴمان الادى. قازىر بۇل زاڭعا وزگەرىس ەنگىزۋ 14 ـ كەزەكتى مەملەكەتتىك حالىق قۇرىلتايى تۇراقتى كوميتەتىنىڭ زاڭ شىعارۋ جوباسىنا ەنگىزىلدى.

ۋاكىل ٴزۇمىرات وبۇل قاتارلىلار بىلاي دەپ ۇسىنىس قويدى: زاڭعا وزگەرىس ەنگىزۋ اياق الىسىن تەزدەتۋ ٴارى مىنا بىرنەشە جاقتان باسا ىلگەرىلەتۋ كەرەك: جەتەكشى يدەيانى ايقىنداپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ باسشىلىعىنا تاباندى بولىپ، حالىقتى بارىنەن جوعارى قويۋعا تاباندى بولىپ، زاڭمەن باسقارۋ قۇرىلىسىن كۇشەيتىپ، جۇڭحۋا ۇلتى ورتاق تۇلعا تانىمىن بەكەمدەپ، مەملەكەتتە ٴبىر تۇتاس قولدانىلاتىن ٴتىل ـ جازۋ جونىندە زاڭ شىعارۋ مازمۇنىنداعى جۇڭگوشا ەرەكشەلىكتى ايگىلەۋ؛ تۇلعالىق ورنى مەن زاڭ شىعارۋ ماقساتىن ايقىنداپ، مەملەكەتتە ٴبىر تۇتاس قولدانىلاتىن ٴتىل ـ جازۋدىڭ تۇلعالىق ورنىن زاڭ بويىنشا بەرىك تۇراقتاندىرىپ، مەملەكەتتە ٴبىر تۇتاس قولدانىلاتىن ٴتىل ـ جازۋدى كەڭەيتۋگە، جالپىلاستىرۋعا زاڭدىق تىرەك ازىرلەۋ. كەڭەيتۋدى، جالپىلاستىرۋدى ٴتۇيىن ەتىپ، مەملەكەتتە ٴبىر تۇتاس قولدانىلاتىن ٴتىل ـ جازۋدى ارناعا ٴتۇسىرۋ، ولشەمدەندىرۋ جانە ينفورماتسيالاندىرۋ قۇرىلىسىن كۇشەيتۋ؛ تاربيەلەۋ، جالپىلاستىرۋدى كۇشەيتىپ، مەكتەپ سياقتىلاردى تاربيەلەۋدىڭ نەگىزگى شەبى ەتىپ، ٴار ۇلت بۇقاراسىنىڭ عىلىم، مادەنيەت ساپاسىن ۇزدىكسىز جوعارىلاتىپ، مەملەكەتتە ٴبىر تۇتاس قولدانىلاتىن ٴتىل ـ جازۋدى قولدانۋدى جۇڭگو ۇلگىسىندەگى وسىزامانداندىرۋ قۇرىلىسىنا قىزمەت ەتتىرۋ؛ مادەنيەت سەنىمىن بەكەمدەپ، مەملەكەتتە ٴبىر تۇتاس قولدانىلاتىن ٴتىل ـ جازۋدى جالعاستىرۋ جانە دامىتۋ ارقىلى ادامدى مادەنيەتپەن باۋلۋ، ادامدى مادەنيەتپەن تاربيەلەۋ، مادەنيەت ارقىلى نەگىز جەتىلدىرۋ نىساناسىن جۇزەگە اسىرۋ؛ مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنۋ جانە قولدانۋ — ازاماتتاردىڭ نەگىزگى ۇقىعى مەن بورىشى ەكەندىگىن باسا دارىپتەۋ، سونداي ـ اق ٴار دارەجەلى ۇكىمەتتەر مەن تاراۋلاردىڭ مىندەت ٴبولىسىن ونان ارى ايقىنداپ، سيلاۋ جانە جازالاۋ شارالارىن ەگجەي ـ تەگجەيلىلەندىرۋ كەرەك.

وسى جولى ۋاكىل ٴزۇمىرات وبۇل قاتارلىلار ورتاعا قويعان كەڭەستىك جوبا نازاردى مەملەكەتتە ٴبىر تۇتاس قولدانىلاتىن ٴتىل ـ جازۋ زاڭىنا وزگەرىس ەنگىزۋگە شوعىرلاندىردى، مۇنداعى ماقسات — جاڭا داۋىردەگى مەملەكەتتە ٴبىر تۇتاس قولدانىلاتىن ٴتىل ـ جازۋ قىزمەتىن اناعۇرلىم كەمەلدى زاڭدىق تىرەكپەن قامداپ، ٴتىلدىڭ توعىسۋى ارقىلى ٴار ۇلت بۇقاراسىنىڭ جۇرەكتەرىنىڭ توعىسۋىن، تاعدىرلاس بولۋىن جەبەۋ.