كوكتەمدە جاڭا ساپار باستاپ، ۇكىمەت ىسىنە اقىل - كەڭەس بەرىپ، جاڭا تاراۋ جازدى

− ساياسي كەڭەس ىلە وبلىستىق 14 - كەزەكتى كوميتەتى 3 - ٴماجىلىسىنىڭ اشىلۋى جونىندە ەستەلىك

ٴتىلشىمىز مىڭ شيا

قارلى قىستىڭ ىزعارى قايتىپ، كوكتەم سامالى ەستى.

ىلە وبلىسىنداعى حالىقتىڭ جۇرەك ٴۇنىن، قوعامداعى ٴار سالانىڭ ٴۇمىتى مەن تاپسىرماسىن ارقالاعان 275 ساياسي كەڭەس مۇشەسى نىق قاداممەن ىلە وبلىستىق ساياسي كەڭەس 14 - كەزەكتى كوميتەتى 3 - ٴماجىلىسى اشىلعان ورىنعا كەلدى.

2024 - جىل − ”14 - بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋداعى شەشۋشى جىل ٴارى حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعى. جاڭا بەتالىس، جاڭا بورىش ارقالاعان اۆتونوميالى وبلىستىڭ بيىلعى ەكى ٴماجىلىسى جۇرت نازارىن ايرىقشا اۋداردى.

ٴماجىلىس زالىندا ساياسي كەڭەس مۇشەلەرى باياندامانى مۇقيات تىڭدادى. ٴاربىر سويلەم ٴسوز، ٴاربىر ساندى مالىمەتتەر، اۋىق - اۋىق سوعىلعان شاپالاق ٴۇنى ولاردىڭ كوڭىلىنە جىلۋ سيلادى، ىلە وبلىستىق ساياسي كەڭەس جانە ونىڭ تۇراقتى كوميتەتى وزەكتى جالپى جاعدايدى ارقاۋ ەتۋگە، اقىل - پاراسات پەن كۇش - قۋاتتى شوعىرلاندىرۋعا تاباندى بولىپ، ۇكىمەت ىسىنە كەڭەس بەرىپ، دامۋعا قىزمەت وتەپ، حالىق تۇرمىسىنا شىن نيەتىمەن، شىنايى سۇيىسپەنشىلىكپەن نازار اۋداردى... قۇلشىنا مىندەت اتقارعان كورىنىستەر كوپشىلىكتىڭ كوز الدىندا تۇردى.

2023 - جىلى ىلە وبلىستىق ساياسي كەڭەس مۇشەلەرىنىڭ تەكسەرىپ، ارحيۆكە الدىرعان 353 ۇسىنىسىنىڭ ٴبىتىرۋ، جاۋاپ قايتارۋ مولشەرى %100 كە، ريزا بولۋ مولشەرى %100 كە جەتتى. تۇراقتى كوميتەتتىڭ قىزمەت بايانداماسىنداعى ٴاربىر ناتيجە، سان - سيفرلار مۇشەلەردىڭ مىندەتىن شىنايى اتقارعاندىعىنىڭ كۋاسى بولدى.

”ۇسىنىس جوباعا مۇشەلەردىڭ ەڭبەگى،  بۇقارانىڭ ٴۇمىتى مەن تىلەگى سىڭىرىلگەن، ول ەكونوميكانىڭ دامۋى مەن حالىق تۇرمىسىنىڭ كۇي ـ جايىنا سايادى“.  وبلىستىق ساياسي كەڭەستىڭ مۇشەسى، تارباعاتاي ايماقتىق حالىق شيپاحاناسى سۇيەك اۋرۋلار ٴبولىمىنىڭ سەستراسى مارحابا وشۇر ەرەكشە شابىتتانىپ بىلاي دەدى: ”باياندامانى تىڭداپ، مىندەت وتەگەندە وزەكتى جالپى جاعدايمەن تىعىز بايلانىستىرىپ، نازاردى بۇقاراعا كوڭىل بولۋگە شوعىرلاندىرۋ كەرەكتىگىن جەتە تانىدىم“.

ماجىلىسكە قاتىناسۋدان ىلگەرى مارحابا وشۇر كۇندەلىكتى قىزمەتكە بار ىنتاسىمەن كىرىسۋدەن سىرت، بۇقارانىڭ جۇڭگوشا شيپاگەرلىكتى دامىتۋ جونىندەگى پىكىرلەرى مەن قاجەتىن ىشكەرىلەي ۇعىستى. ”جۇڭگوشا شيپاگەرلىكتە كاسىپتىك دارىندىلاردىڭ جەتكىلىكسىز، كۇتىمدەۋ تەحنيكاسىن يگەرۋ دەڭگەيى تومەن“ بولۋ جاعدايىنا قاراتا ول ۇسىنىس جوباسىندا: ”فۋنكتسيالىق تاراۋلار مەن جۇڭگوشا شيپاگەرلىك ەرەكشەلىگىندەگى شيپاحانالاردى تەز ارادا تاجىريبە قورىتىندىلاپ، جۇڭگوشا شيپاگەرلىك پەن ٴدارى ـ دارمەكتەردى دامىتۋعا قولداۋ كورسەتىپ، دارىندىلاردى ەنگىزۋ تەبىنىن ارتتىرىپ، قىزمەت وتەۋ ورەسىن قۇلشىنا جوعارىلاتۋعا“ ۇندەدى. 

”ەستەلىككە الىنعان 353 ۇسىنىس جوباعا تۇگەلدەي جاۋاپ قايتارىلدى“ − تۇراقتى كوميتەتتىڭ قىزمەت بايانداماسىنداعى بىلتىرعى ۇسىنىس جوبا قىزمەتىنىڭ ساندى مالىمەتتەرى جونىندە وبلىستىق ساياسي كەڭەستىڭ مۇشەسى، وبلىستىق بازار باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ميحراي ابدىقادىردىڭ اسەرى تەرەڭ. ٴماجىلىستىڭ اشىلۋ سالتىندا ساياسي كەڭەس ىلە وبلىستىق 14 - كەزەكتى كوميتەتىنىڭ 2 - ماجىلىسىنەن بەرگى تاڭداۋلى ۇسىنىستار جونىندەگى حابارلاندىرۋدا ول قاتىناسقان ۇسىنىس جوبالار بار ەدى.

”ٴبىر جىلدان بەرى مەن ىلە وبلىسىنىڭ شارۋاشىلىق - ساۋدا ورتاسىن ساپالىلاندىرۋدا قول جەتكىزگەن سۇبەلى تابىستارىن شىنايى سەزىنىپ، ايرىقشا قۋاندىم. ۇسىنىس جوبامنىڭ ماداقتالۋى − داڭق، ونان دا ماڭىزدىسى − جاۋاپكەرشىلىك، ول مەنى قىزمەت مىندەتىمدى اناعۇرلىم جاقسى وتەۋگە ىنتالاندىرادى“ دەگەن ميحراي ابدىقادىر مۇشەلىك سالاۋاتىن ەرەكشە قاستەرلەيتىن، بيىل ول «ىلەنىڭ جۇپار ٴشوپ ەفير مايىنىڭ فارماكولوگيالىق ونىمدىلىگىن سارالاپ، قۇن كومەسكى كۇشىن اشىپ، كاسىپ سالاسىنىڭ جوعارى ساپالى دامۋىن جەبەۋ جونىندەگى ۇسىنىسىن» دايىنداعان، ول وسى ارقىلى كاسىپورىندارعا تيىمدىلىك جاساۋ ساياساتىن تياناقتاندىرۋدى، اۋىل شارۋاشىلىعى تۇتاس كاسىپ تىزبەگىنىڭ دامۋىن ىلگەرىلەتۋدى ٴۇمىت ەتتى.

”حالىق بۇقاراسىنا ٴتىپتى دە جاناسۋ كەرەك!“ بۇل كوپتەگەن ساياسي كەڭەس مۇشەلەرىنىڭ تىلشىلەردىڭ سۇحباتىن قابىلداعانداعى ورتاق تىلەگى، ولار بۇقارانىڭ ارمان - تىلەگىن ارقاۋ ەتىپ، بەلسەنە اقىل - كەڭەس بەرەتىندىكتەرىن جابال ٴبىلدىردى.

”مەن ىلە وبلىسىنىڭ ٴارقايسى اۋداندارىنداعى اۋىل ـ قىستاقتار ٴۇشىن كوبىرەك ٴۇن قاتامىن“ دەدى وبلىستىق ساياسي كەڭەستىڭ مۇشەسى، كۇنەس نالا بىنيۋان ٴسۇت شارۋاشىلىعى شەكتى سەرىكتەستىگىنىڭ باس القاسى جاڭ زۇڭجيە تولىق سەنىممەن. جىل ٴولاراسىندا مۇشە جاڭ زۇڭجيەنىڭ اۋىلىنان كەلگەن ٴتۇرلى ٴسۇت ونىمدەرى توراپ تەكشەسىندە ٴوتىمدى بولدى. ”مال باعىمشىلىعىنا سۇيەنىپ، ٴسۇت ونىمدەرىن زەرتتەپ اشۋعا كۇش سالىپ، ٴوندىرۋ مەن ساتۋ ٴبىر تۇلعالاندىرىلعان تۇتاس كاسىپ تىزبەگىندە ەرەكشە ٴسۇت ونىمدەرىن وندىرەتىن كاسىپورىن قۇردىق، وسى ارقىلى توڭىرەكتەگى بىرنەشە اۋىل ـ قىستاق دامۋدىڭ جەدەل ارناسىنا ٴتۇستى“. مۇشە جاڭ زۇڭجيە بىلاي دەدى: قازىر كاسىپورىن 600 دەن استام جەرگىلىكتى قىستاق تۇرعىنىن جۇمىستاندىرۋمەن بىرگە، توڭىرەكتەگى مال شارۋاشىلىق باعىمشىلىعى، جەم ـ ٴشوپ ەگۋ، مادەنيەت - ساياحات ونىمدەرىن اشۋ سياقتى قاتىستى كاسىپتەردىڭ دامۋىن جەبەۋدە.

جوعارى ساپالى دامۋ قۇرىلىسىندا كاسىپ سالاسىنىڭ تەرەڭدىگى مەن كەڭدىگى ماڭىزدى ٴارى قيىن ٴتۇيىن. ”قايتكەندە تاۋلى وڭىردەگى اۋدان، اۋىل، قىستاقتاردىڭ ٴوز بايلىق قاينارىنا سۇيەنىپ، ۇيلەسىمدى كاسىپتەن قامال الۋ ٴتۇيىنىن تابۋ، مەنىڭ وسى رەتكى ماجىلىستە ەڭ نازار اۋدارعان تاقىرىبىم“.

”كورەگەندىككە، ستراتەگيالىققا، باعىتتامالىلىققا يە پىكىر - ۇسىنىستار قويۋ − باياندامادا مۇشەلەردەن كۇتىلگەن ٴۇمىت“. وبلىستىق ساياسي كەڭەستىڭ مۇشەسى، تارباعاتاي ايماعى قوبىقسارى موڭعۇل اۆتونوميالى اۋداندىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعاسى اسىلبەك سىلامبەك ۇلى ەرەكشە رۋحتى بەينەدە بىلاي دەدى: ”كوپشىلىك اڭگىمەلەسۋ بارىسىندا پىكىر اۋىستىرىپ، كوزقاراستاردى توعىستىرىپ، ورتاق تانىم قالىپتاستىردى“.

اشىلۋ سالتىنىڭ ٴماجىلىس الاڭىنان شىققان ىلە وبلىستىق ساياسي كەڭەستىڭ مۇشەسى، التاي ايماعى قابا اۋدانى كوركەمونەر ۇيىرمەسىنىڭ ورىنباسار باستىعى مانات قاسەن ۇلىنىڭ كوڭىلى تولقىپ، سەنىمى ارتا ٴتۇستى. ول اسەرلى سەزىممەن: ”ٴبىز ادەبيەت ـ كوركەمونەر قىزمەتكەرلەرى زەيىن ـ زەردەنى، كۇش ـ قۋاتتى شوعىرلاندىرىپ، جەدەل قيمىلداپ، ۇلى داۋىرگە ۇيلەسەتىن سارا تۋىندىلار جاراتىپ، جاڭا داۋىردە ىلەدەگى ٴار ۇلت حالقى قايراتتانا العا ۇمتىلعان رۋحاني بەت ـ بەينەنى ايگىلەۋىمز كەرەك“ دەدى. 

حالىقتىڭ ماڭىزدى تاپسىرماسىنىڭ جاۋاپكەرشىلىگى تاۋداي. حالىقتىڭ تاپسىرماسىن ارقالاعان ىلە وبلىستىق ساياسي كەڭەستىڭ مۇشەلەرى الداعى 4 كۇندە مەملەكەت ٴىسىن بىرگە اقىلداسىپ، ۇكىمەت ىسىنە اقىل - كەڭەس بەرىپ، جاڭا ٴداۋىردىڭ ىنتىماق جانە دەموكراتيا جىرىن اسقاقتاتا شىرقاپ، ىلە وبلىسى ەكونوميكاسىنىڭ دامۋىن، حالىق تۇرمىسىنىڭ جاقسارۋىن جانە قوعامنىڭ جاراسىمدىلىعى مەن ورنىقتىلىعىن جەبەۋدىڭ تاماشا جاۋابىن تاپسىرماق.