ٴتىلشىمىز حان شاشا حابارلايدى. ساياسي كەڭەس ىلە وبلىستىق 14 - كەزەكتى كوميتەتى 3 - ٴماجىلىسىنىڭ ۇسىنىس جوبالاردى تەكسەرۋ كوميسسياسىنىڭ جيىنى 1 - ايدىڭ 19 - كۇنى اشىلدى، وبلىستىق ساياسي كەڭەس پارتيا باسشىلىق گرۋپپاسىنىڭ مۇشەسى، ورىنباسار ٴتوراعاسى، ۇسىنىس جوبالاردى تەكسەرۋ كوميسسياسىنىڭ مەڭگەرۋشىسى نۇراحىمەت زۇنۇن جيىندى باسقاردى، ۇسىنىس جوبالاردى تەكسەرۋ كوميسسياسىنداعى بارلىق مۇشەلەر جيىنعا قاتىناستى.

جيىن مۇشەلەردىڭ ۇسىنىس جوبالارىن تەكسەرىپ تۇراقتاندىردى؛ ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتى 3 - ٴماجىلىسىنىڭ ساياسي كەڭەس 14 - كەزەكتى كوميتەتى 3 - ٴماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسىن (جوبا نۇسقا) كەڭەسىپ قارادى.

ساياسي كەڭەس ىلە وبلىستىق 14 - كەزەكتى كوميتەتىنىڭ 3 - ٴماجىلىسى كەزىندە ساياسي كەڭەس مۇشەلەرى، ساياسي كەڭەسكە قاتىناسقان ورىندار جانە ارناۋلى كوميتەتتەر وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن ارناۋلى كەڭەس قۇرىلىمىنىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرۋدەگى ماڭىزدى رولىن تولىق ساۋلەلەندىرىپ، وبلىستىق پارتكوم مەن ۇكىمەتتىڭ وزەكتى قىزمەتىن تىعىز ارقاۋ ەتىپ، حالىق بۇقاراسى جاپپاي كوڭىل بولگەن، قوعام جاپپاي نازار اۋدارعان ماسەلەلەرمەن تىعىز ۇشتاستىرىپ، ىشكەرىلەي وي جۇگىرتىپ، تاقىرىپتى دەن قويا تاڭداپ، بەلسەنە اقىل - كەڭەس بەردى.

2024 - جىلى 1 - ايدىڭ 19 - كۇنى ساعات 18 گە دەيىن جالپى 265 ۇسىنىس جوبا تاپسىرىپ الىندى، تەكسەرۋ ارقىلى 254 ۇسىنىس جوبا ەستەلىككە الىنىپ، ەستەلىككە الىنۋ مولشەرى %95.8 كە جەتتى. ەستەلىككە الىنعان ۇسىنىس جوبالاردىڭ ىشىندە ەكونوميكالىق قۇرىلىس تۇرىندەگى ۇسىنىس جوبا 111 نۇسقا بولىپ، ەستەلىككە الىنعان جالپى ۇسىنىس جوبانىڭ %43.7 ىن ۇستادى؛ ساياسي قۇرىلىس تۇرىندەگى ۇسىنىس جوبا 34 نۇسقا بولىپ، %13.4 ىن ۇستادى؛ مادەنيەت قۇرىلىسى تۇرىندەگى ۇسىنىس جوبا 14 نۇسقا بولىپ، %5.5 ىن ۇستادى؛ قوعامدىق قۇرىلىس تۇرىندەگى ۇسىنىس جوبا 75 نۇسقا بولىپ، %29.5 ىن ۇستادى؛ ەكولوگيالىق وركەنيەت قۇرىلىسى تۇرىندەگى ۇسىنىس جوبا 20 نۇسقا بولىپ، %7.9 ىن ۇستادى. جالپى جاقتان قاراعاندا، ۇسىنىس جوبالاردىڭ تاقىرىبى كەڭ، ۇسىنىسى ناقتى، مەڭگەرىمدىلىگى كۇشتى، ساپاسى ٴبىرشاما جوعارى بولعان، اسىرەسە، سالالار قويعان ۇسىنىس جوبالار مەن كوللەكتيۆ ۇسىنىس جوبالار وتكەن جىلداعىدان كوبەيگەن.

ٴماجىلىس جابىلعاننان كەيىن ىلە وبلىستىق ساياسي كەڭەس ۇسىنىس جوبالاردى قايتا قاراۋ جيىنى مەن ۇسىنىس جوبالاردى ٴبىر جاقتى ەتۋگە تاپسىرۋ جيىنىن اشىپ، وسى رەتكى ٴماجىلىس كەزىندە ەستەلىككە الىنعان ۇسىنىس جوبالاردى وبلىستىق پارتكوم مەن ۇكىمەتتىڭ قاتىستى تاراۋلارىنىڭ ٴبىر جاقتى ەتۋىنە تاپسىرادى. ٴماجىلىس اياقتالعاننان كەيىن تاپسىرىپ العان ۇسىنىس جوبالاردى جايشىلىقتاعى ۇسىنىس جوبا رەتىندە ٴبىر جاقتى ەتەدى، ىلە وبلىستىق ساياسي كەڭەستىڭ ۇسىنىس جوبا كوميتەتى دەر كەزىندە تەكسەرىپ، ەستەلىككە الادى ٴارى قاتىستى تاراۋلاردىڭ ٴبىر جاقتى ەتۋىنە تاپسىرادى.