تىلشىلەرىمىز لي جيان، ياڭ جيڭ - ي، مىڭ شيا، لۋ جۇڭ، شۇي جيەجى حابارلايدى. 1 - ايدىڭ 19 - كۇنى ساياسي كەڭەس ىلە وبلىستىق 14 - كەزەكتى كوميتەتىنىڭ 3 - ماجىلىسىنە قاتىناسقان ساياسي كەڭەس مۇشەلەرى ىلە قازاق اۆتونوميالى وبلىستىق 14 - كەزەكتى كوميتەتى تۇراقتى كوميتەتىنىڭ قىزمەت بايانداماسى مەن ساياسي كەڭەس ىلە وبلىستىق 14 - كەزەكتى كوميتەتىنىڭ 2 - ماجىلىسىنەن بەرگى ۇسىنىس جوبا قىزمەتىنىڭ جاعدايى جونىندەگى باياندامانى توڭىرەكتەي گرۋپپالارعا ٴبولىنىپ تالقى جۇرگىزدى.

مۇشەلەر ٴبىر اۋىزدان بىلاي دەپ قارادى: ەكى بايانداما ساياسي كەڭەس ىلە وبلىستىق 14 - كەزەكتى كوميتەتىنىڭ 2 - ماجىلىسىنەن بەرگى ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىىناسۋ، كەڭەس بەرۋ سياقتى جاقتاردا قول جەتكىزگەن قىزمەت ناتيجەلەرىن جان - جاقتى كورسەتىپ، ساياسي كەڭەستىڭ جاۋاپكەرشىلىگى مەن ىسكەرلىگىن تولىق ايگىلەدى. ولار جاپپاي مىنانى ٴبىلدىردى: وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن ۇزدىكسىز بەلسەنە اقىل - كەڭەس بەرىپ، ساياسي كەڭەس قىزمەتىنىڭ داۋىرمەن بىرگە العا باسۋىن ىلگەرىلەتىپ، كورىكتى ىلە قۇرۋعا اقىل - پاراساتىمىز بەن كۇش - قۋاتىمىزدى ارنايمىز.

”مەنىڭشە، بيىل ورىستەتىلگەن مۇشەلەر قىزمەت پۋنكتى جارقىن ٴتۇيىن بولدى، ول ساياسي كەڭەس كەڭەستىك دەموكراتياسىنىڭ نەگىزگى ساتىعا كەڭەيۋىن ىلگەرىلەتىپ، بۇقاراعا ساياسي كەڭەستىڭ وزدەرىنە وتە جاقىن ەكەنىن، ساياسي كەڭەس مۇشەلەرىنىڭ جانىمىزدا ەكەنىن شىنايى سەزىندىردى. ٴبىزدىڭ مىندەت اتقارۋىمىزعا ٴتىپتى دە جاقسى تۇعىر ازىرلەپ، ساياسي كەڭەس مۇشەلەرىنىڭ جاۋاپكەرشىلىك سەزىمىن، بورىشتىلىق سەزىمىن جانە داڭق سەزىمىن اناعۇرلىم كۇشەيتتى“ دەدى مەملەكەتتىك ساياسي كەڭەستىڭ مۇشەسى، وبلىستىق ساياسي كەڭەستىڭ مۇشەسى، چاپچال سىبە اۆتونوميالى اۋداندىق وقۋ - اعارتۋ مەكەمەسى وقۋشى قابىلداۋ، ەمتيحان الۋ ورتالىعىنىڭ مەڭگەرۋشىسى گۋان فاڭفاڭ. ول تاعى بىلاي دەدى: ”وبلىستىق ساياسي كەڭەستىڭ اۋداندىق، قالالىق ساياسي كەڭەس مۇشەلەرى قىزمەت پۋنكتىنىڭ جاۋاپتىلارىن تاربيەلەۋ قىزمەتىن كۇشەيتىپ، قىزمەت پۋنكتىنىڭ باسقارۋ دەڭگەيىن اناعۇرلىم جوعارىلاتىپ، ٴتۇزىم مەن مەحانيزمدى كەمەلدەندىرىپ، رولىن اناعۇرلىم ويداعىداي ساۋلەلەندىرىپ، قالىڭ بۇقاراعا ناقتى ىستەر ىستەۋىن ٴۇمىت ەتەمىن“.

وبلىستىق ساياسي كەڭەستىڭ مۇشەسى، قورعاس كەدەنى 4 - دارەجەلى جوعارى دارەجەلى باسقارۋشىسى چىن فاڭ 2023 - جىلى جياڭسۋدىڭ ۋشيندا، قۇلجا قالاسىندا، قورعاس قالاسىندا ٴۇي - جاي كۋالىگىن ٴبىتىرۋ جونىندە تەكسەرۋ ـ زەرتتەۋ جۇرگىزۋگە قاتىناسقاندا 3 جەردىڭ تەرەزەلىك ورىندارىنىڭ جۇمىس ٴبىتىرۋ بارىسىن كورگەندە، تۇرلىشە شارۋاشىلىق - ساۋدا ورتاسىنىڭ ەكونوميكالىق دامۋعا جاسايتىن ىقپالىن شىنايى سەزىندى. ول بىلاي دەدى: ”وسى رەتكى باياندامادا مەن شارۋاشىلىق - ساۋدا ورتاسىن ساپالىلاندىرۋ تاقىرىبىنا ايرىقشا نازار اۋداردىم. شارۋاشىلىق - ساۋدا ورتاسىنىڭ جاقسارۋى جەرگىلىكتى ۇكىمەتتىڭ الەۋمەتتىك قىزمەت وتەۋ دەڭگەيىنىڭ ساپالىلانعانىن، دارەجەسىنىڭ جوعارىلاعانىن بىلدىرەدى، ول ٴتۇرلى كاپيتالدى قارجى قوسۋعا باۋراپ، وزگەشە قىزمەت وتەۋمەن قامداپ، حالىقتىڭ تۇرمىس ساپاسى مەن باقىت كورسەتكىشىن جوعارىلاتىپ، قالانىڭ جاڭالىق اشا، سايكەستى، جاسىل، اشىق جانە تەڭ يگىلىككە كەنەلە دامۋىندا اسا زور جەبەۋ رولىن اتقارادى“. ول ٴار دارەجەلى تاراۋلاردىڭ شارۋاشىلىق - ساۋدا ورتاسىن ساپالىلاندىرۋ شارالارىن قۇلشىنا ىلگەرىلەتىپ، نازىك بۋىندارعا دەيىن نازار اۋدارىپ، تياناقتاندىرىپ، ناقتىلاندىرىپ، ىلە وبلىسى ەكونوميكاسىنىڭ جوعارى ساپالى دامۋىنا دەم بەرۋىن ٴۇمىت ەتتى.

وبلىستىق ساياسي كەڭەستىڭ مۇشەسى، موڭعۇلكۇرە اۋداندىق قامداۋ - ساتۋ كووپەراتيۆىنىڭ ورىنباسار مەڭگەرۋشىسى گىڭ جىنيۇي بىلاي دەدى: ”وسى رەتكى قىزمەت بايانداماسى شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىك سيپاتىن تولىق ايگىلەدى. ساياسي كەڭەس مۇشەسى رەتىندە، مەن ساياسي كەڭەس مۇشەسىنىڭ قىزمەت جاۋاپكەرشىلىگىن، بورىشىن ەستە بەرىك ساقتاپ، جاۋاپكەرشىلىك ارقالاۋدى كۇشەيتىپ، ىلەنىڭ ەكونوميكاسى مەن قوعامىنىڭ دامۋىنا بەلسەنە ۇلەس قوسامىن“.

”مەيلى ۇلتتىق وڭىرلەردىڭ دامۋىن ىلگەرىلەتۋدە بولسىن، الدە ۇلتتار ىنتىماعىن جەبەۋدە بولسىن، ۇلتتار ىنتىماعى، العاباسارلىعى تاربيەسىن تەرەڭدەتۋدە بولسىن، جۇڭحۋا ۇلتى ورتاق تۇلعا تانىمىن بەرىك ورناتۋ سىندى وسى نەگىزگى جەلىنى ارقاۋ ەتىپ، كورنەكتىلەندىرىپ، بارلىق اقىل - پاراساتتى، بارلىق بايلىقتى وسى نەگىزگى جەلىگە شوعىرلاندىرۋعا كۇش سالامىز“ دەدى وبلىستىق ساياسي كەڭەس پارتيا باسشىلىق گرۋپپاسىنىڭ مۇشەسى، ورىنباسار ٴتوراعاسى لي شينجۇن باياندامانىڭ مازمۇنىمەن ۇشتاستىرىپ. ول تاعى بىلاي دەدى: ”ٴبىز ەلىمىزدىڭ ٴبىر تۇتاس كوپ ۇلتتى مەملەكەت سىندى نەگىزگى مەملەكەت جاعدايىن باستان - اياق ەستە بەرىك ساقتاپ، ۇلتتار ىنتىماعى مەن مەملەكەتتىڭ تۇتاستىعىن قورعاۋدى ٴار ۇلتتىڭ ەڭ جوعارى مۇددەسى ەتۋگە تاباندى بولىپ، جۇڭحۋا ۇلتىنىڭ كەڭ پەيىلدىلىگى اناعۇرلىم كۇشتى، ۇيىسۋ قۋاتى اناعۇرلىم زور تاعدىرلاس ورتاق تۇلعا بولۋعا بەت الۋىن ىلگەرىلەتۋىمىز كەرەك“.