نياز اشىم باسقاردى، ەلشات تۇرسىنباي ۇلى ۇكىمەت قىزمەتىنەن بايانداما جاسادى

سۋرەتتە: ٴماجىلىس الاڭى            ليۋ چىڭگاڭ فوتوسى

تىلشىلەرىمىز لي يافىڭ، ما چىڭلۋ حابارلايدى. ىلە قازاق اۆتونوميالى وبلىستىق 15 - كەزەكتى حالىق قۇرىلتايىنىڭ 3 - ٴماجىلىسى 1 - ايدىڭ 20 - كۇنى تۇستەن بۇرىن قۇلجا قالاسىندا سالتاناتپەن اشىلدى.

وبلىستىق مادەنيەت - كوركەمونەر قيمىل ورتالىعىنىڭ ٴماجىلىس زالى ايبىندى دا سالتاناتتى بەينەگە ەندى، مەملەكەت گەربى ٴتوراعالار مىنبەسىنىڭ ورتاسىنا ٴىلىنىپ، ەكى جاعىنا بەستەن نارت قىزىل تۋ قويىلدى. وبلىسقا توتە قاراستى ورىنداردان، تارباعاتاي، التاي ايماقتارىنان كەلگەن اۆتونوميالى وبلىستىق حالىق قۇرىلتايىنىڭ ۋاكىلدەرى بۇكىل وبلىستاعى ٴار ۇلت حالقىنىڭ ماڭىزدى تاپسىرماسىن ارقالاپ ماجىلىسكە قاتىناسىپ، نازاردى دامۋ ۇلى جوسپارىنا شوعىرلاندىرىپ، كۇرەستىڭ جاڭا داستانىن بىرگە جازدى.

ٴماجىلىستىڭ اتقارۋشى ٴتوراعالارى ياڭ شيۋلي، جياۋ ي - مين، نياز اشىم، رازيا ابليز، اقجول انەش ۇلى، ابليكىم نۇرانبەك، سۇن پىڭ، سۇن حۇي، جاڭارسىن نۇراش ۇلى ٴتوراعالار مىنبەسىنىڭ الدىڭعى قاتارىنان ورىن الدى.

ەلشات تۇرسىنباي ۇلى، حۋ كايجياڭ، سەرجان ۇعىباي ۇلى، ايدىن تولەۋقان ۇلى، جەڭىس قادىس ۇلى، جاۋ سۇيفاڭ، ٴامينا ٴۋالقان قىزى، ٴسابيت قازەز ۇلى، لو چيۇڭ - ي، جياڭ حايجۇن، مامەتجان داۋىت، لي رۇڭنيان، ۋاڭ شينجۇن، ياڭ شينپيڭ، قايرات اشىك ۇلى، جۋ داگاڭ، لي ۋي قاتارلى اۆتونوميالى وبلىستىڭ ٴتورت باسشىلىق القاسىنىڭ باسشىلارى جانە تارباعاتاي، التاي ايماقتارىنىڭ قاتىستى باسشىلارى، ازاتتىق ارميانىڭ، قارۋلى ساقشى بولىمدەرىنىڭ باسشىلارى، وبلىستىق سوتتىڭ، پروكۋراتۋرانىڭ نەگىزگى جاۋاپتى جولداستارى جانە ٴماجىلىس ٴتوراعالار القاسىنىڭ باسقا دا مۇشەلەرى ٴتوراعالار مىنبەسىنەن ورىن الدى.

اۆتونوميالى وبلىستىق 15 - كەزەكتى حالىق قۇرىلتايىنىڭ 3 - ماجىلىسىنە قاتىناسۋعا ٴتيىستى ۋاكىل 448 ادام. سول كۇنگى ماجىلىسكە قاتىناسقانى 408 ادام، بۇل زاڭدا بەلگىلەنگەن ادام سانىنا ۇيلەسەدى.

ساعات 10 نان 30 مينۋت وتكەندە ٴماجىلىستى باسقارۋشى نياز اشىم ىلە قازاق اۆتونوميالى وبلىستىق 15 - كەزەكتى حالىق قۇرىلتايى 3 - ٴماجىلىسىنىڭ اشىلعاندىعىن جاريالادى. كوپشىلىك ورىندارىنان تۇرىپ، مەملەكەت ٴانىن اسقاقتاتا شىرقادى.

قىزۋ شاپالاق ٴۇنى ىشىندە وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى اۆتونوميالى وبلىستىق حالىق ۇكىمەتى اتىنان ماجىلىسكە ۇكىمەت قىزمەتىنەن بايانداما جاسادى.

بايانداما جالپى ٴۇش بولىمگە بولىنگەن: ٴبىرىنشى، 2023 - جىلعى قىزمەتتەرگە شولۋ؛ ەكىنشى، 2024 - جىلعى قىزمەت ورنالاستىرۋى؛ ٴۇشىنشى، ۇكىمەتتىڭ وزىندىك قۇرىلىسىن كۇشەيتۋ. ەلشات تۇرسىنباي ۇلى كۇش - قۋاتتى شوعىرلاندىرىپ، باسىمدىقتى ساۋلەلەندىرىپ، نەگىزدى بەكەمدەپ، ونىمدىلىكتى ارتتىرىپ، كاسىپ سالاسىنىڭ دارەجەسىن جوعارىلاتۋدا تىڭ قادام تاستاۋ؛ جۇيەلى وي جۇگىرتۋگە، توعىسپالى دامۋعا تاباندى بولىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتۋ؛ نازاردى تۇتىنۋدى كەڭەيتۋگە، مادەنيەت - ساياحاتتا كورنەكتى ونىمدىلىك جاراتۋعا شوعىرلاندىرۋ؛ ٴتۇيىندى كورنەكتىلەندىرۋگە، كۇش سالا ىلگەرىلەتۋگە تاباندى بولىپ، نەگىزدىك تىرەكتى اناعۇرلىم بەكەمدەۋ؛ ٴتۇيىندى سالالارعا قاداعالاي نازار اۋدارىپ،  مەحانيزمدە جاڭالىق اشىپ، رەفورمانى تەرەڭدەتۋدە تىڭ تابىستارعا قول جەتكىزۋ؛ جاسىل تاۋدى كۇش سالا قورعاپ، جاسىل جامىلعىنى كوبەيتىپ، ەكولوگيالىق ورتانى اناعۇرلىم كورىكتەندىرۋ؛تومەنگى شەكتى باتىل ساقتاپ، حالىققا تيىمدىلىك جاساپ، حالىق تۇرمىسىنىڭ قۇت - ىرىسىمەن توعىستىرىپ، وسى زامانعى قىزمەت وتەۋ كاسىبىن جەدەل دامىتۋ؛ ورايدى بەلسەنە مىقتى يگەرىپ، ٴورىس اشا العا ىلگەرىلەپ، سىرتقا ەسىك اشۋدى ۇزدىكسىز بەكەمدەۋ؛ زاڭ بويىنشا جونگە سالۋعا، كەشەندى شارا قولدانۋعا تاباندى بولىپ، قوعامدىق جالپى جاعدايدىڭ جاراسىمدىلىعىن، ورنىقتىلىعىن ساقتاۋ؛ بورىشتى باستان - اياق ەستە بەرىك ساقتاپ، دەن قويا مىندەت اتقارىپ، ۇكىمەتتىڭ ونىمدىلىگىن ۇزدىكسىز جوعارىلاتۋ سىندى 10 جاقتان 2023 - جىلعى قىزمەتتەردى جۇيەلى قورىتىندىلادى.

ەلشات تۇرسىنباي ۇلى بىلاي دەدى: ٴبىر جىلدان بەرى اۆتونوميالى رايوندىق پارتكومنىڭ، ۇكىمەتتىڭ جانە اۆتونوميالى وبلىستىق پارتكومنىڭ دۇرىس باسشىلىعىندا، ٴبىز شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن، اسىرەسە، اۆتونوميالى رايون مەن بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دۇرىس، جاپپاي دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ جەتىنشى، سەگىزىنشى، توعىزىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، دامۋ مەن حاۋىپسىزدىكتى ٴبىر تۇتاس جوسپارلاپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ جاعدايىمەن جەدەل توعىسىپ، جوعارى ساپالى دامۋدى تىڭعىلىقتى ىلگەرىلەتىپ، كاسىپ سالاسى قۇرىلىسىنىڭ دارەجەسىن جوعارىلاتىپ، ٴتۇيىندى رەفورمالاردا سۇبەلى تابىستارعا، حالىق تۇرمىسىن جاقسارتۋدا كورنەكتى ونىمدىلىككە قول جەتكىزدىك، قوعامدىق جالپى جاعداي ۇزدىكسىز ورنىقتى بولىپ، تۇتاس جىلداعى ەكونوميكالىق، قوعامدىق دامۋ نىساناسىن ٴبىرشاما جاقسى جۇزەگە اسىردىق.

2024 - جىلعى ٴتۇيىندى قىزمەتتەردى ورنالاستىرعاندا ەلشات تۇرسىنباي ۇلى اۆتونوميالى وبلىسىمىز ٴدوپ كەلگەن كوپتەگەن ورايلار مەن ٴتيىمدى شارت - جاعدايلارعا تالداۋ جاساپ، 2024 - جىلعى ۇكىمەت قىزمەتىنىڭ جالپى تۇلعالىق تالابى مەن باستى مەجەلى نىساناسىن بايىمدادى. ول مىنالاردى اتاپ كورسەتتى: ٴبىز اۆتونوميالى رايوندىق 10 ـ كەزەكتى پارتكومنىڭ ونىنشى جالپى ٴماجىلىسىنىڭ رۋحىن دايەكتى تياناقتاندىرىپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ سىندى وسى نەگىزگى جەلىنى مىقتاپ يگەرىپ، نازاردى جوعارى ساپالى دامۋ سىندى وسى ماڭداي الدى مىندەتكە شوعىرلاندىرىپ، ورنىقتىلىق بارىسىندا ىلگەرىلەۋگە، ىلگەرىلەۋ بارىسىندا ورنىقتىلىقتى جەبەۋگە، الدىمەن ورناتىپ، سوڭىنان كۇشىنەن قالدىرۋعا،  دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، ”6 ٴىرى ستراتەگيالىق ورىندى“  كوزدەپ، ”16661“ ٴتۇيىندى شاراسىن كۇش سالا مىقتى يگەرىپ، ەكونوميكا ساپاسىنىڭ ٴونىمدى جوعارىلاۋى مەن مولشەرىنىڭ ۇيلەسىمدى ارتۋىن ىلگەرىلەتىپ، حالىقتىڭ ىرىس - قۇتىن ۇزدىكسىز ارتتىرىپ، قوعامدىق جالپى جاعدايدىڭ باياندى ورنىقتىلىعىن، ۇزاق ۋاقىت ورنىقتىلىعىن ساقتاپ، اۆتونوميالى وبلىستىڭ ٴتۇرلى ىستەرىندە قۇلشىنا جاڭا جاعداي جاراتۋ كەرەك.

ەلشات تۇرسىنباي ۇلى بىلاي دەدى: بيىلعى ۇكىمەت قىزمەتىن ويداعىداي ىستەۋدە اۆتونوميالى وبلىستىق پارتكومنىڭ ورنالاستىرۋلارى مەن تالاپتارىنا ساي، مىنا 11 جاقتاعى قىزمەتتى كۇش سالا ويداعىداي يگەرەمىز: ٴبىرىنشى، اۋىل شارۋاشىلىعىنىڭ، اۋىل ـ قىستاقتىڭ ورنىقتى دامۋىن ٴبىر تۇتاس جوسپارلاپ، اۋىل ـ قىستاقتى جاپپاي گۇلدەندىرۋدى تىڭعىلىقتى ىلگەرىلەتەمىز؛ ەكىنشى، كاسىپ سالاسىن زورايتۋدى، كۇشەيتۋدى بارىنشا ىلگەرىلەتىپ، جوعارى ساپالى دامۋدىڭ نەگىزىن بەكەمدەيمىز؛ ٴۇشىنشى، ىشكى سۇرانىمدى كەڭەيتۋ ستراتەگياسىن كۇش سالا اتقارىپ، جوعارى ساپالى دامۋدىڭ ىشكى قوزعاۋشى كۇشىن ۇزدىكسىز كۇشەيتەمىز؛ ٴتورتىنشى، ٴتۇزىم مەحانيزمىندە جاڭالىق اشۋدى كورنەكتى مىقتى يگەرىپ، ەسىك اشۋدىڭ جاڭا جاعدايىن كۇش سالا قالىپتاستىرامىز؛ بەسىنشى، جاڭالىق اشۋ ارقىلى دامۋعا دەم بەرۋگە تاباندى بولىپ، دارىندىلاردىڭ جاڭالىق اشۋ ومىرشەڭدىك كۇشىن تاسقىنداتامىز؛ التىنشى، شەشۋشى بۋىندارداعى رەفورمانى مىقتى يگەرىپ، شارۋاشىلىق - ساۋدا ورتاسىن ۇزدىكسىز ساپالىلاندىرامىز؛ جەتىنشى، جاسىل ۇستانىمدى تاباندىلىقپەن امالياتتا ايگىلەپ، ەكولوگيالىق وركەنيەت قۇرىلىسىن ۇزدىكسىز ىلگەرىلەتەمىز؛ سەگىزىنشى، حالىق تۇرمىسىن تاباندىلىقپەن قامتاماسىز ەتىپ جانە جاقسارتىپ، حالىقتىڭ تۇرمىس ساپاسىن ۇزدىكسىز جوعارىلاتامىز؛ توعىزىنشى، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعىن بەكەمدەيمىز جانە دامىتامىز؛ ونىنشى، دامۋ مەن حاۋىپسىزدىكتى جوعارى ونىمدىلىكپەن ٴبىر تۇتاس جوسپارلاپ، قوعامنىڭ جاراسىمدىلىعى مەن ورنىقتىلىعىن قورعايمىز؛ ون ٴبىرىنشى، وڭىرلەردىڭ توعىسپالى دامۋىن بىرگە ىلگەرىلەتىپ، شينجياڭعا باعىتتامالى كومەكتەسۋدى ۇزدىكسىز تەرەڭدەتەمىز.

ەلشات تۇرسىنباي ۇلى تاعى دا ساياسي قۇرىلىستى كۇشەيتۋ، ساياسي جاۋاپكەرشىلىكتى شىڭداۋ؛ زاڭمەن باسقارۋ قۇرىلىسىن كۇشەيتىپ، باسقارۋ ونىمدىلىگىن جوعارىلاتۋ؛ نەگىزگى ماقسات تانىمىن كۇشەيتىپ، حالىق ٴۇشىن قىزمەت ەتۋگە تاباندى بولۋ؛ ناقتى ٴىس ىستەۋ، شىنايى ىستەۋ، ٴورىس اشا العا ىلگەرىلەۋدى كۇشەيتۋ؛ ستيلدى دۇرىستاپ، ٴتارتىپتى قاتايتۋدى كۇشەيتۋ، پاك، كىرشىكسىز بولۋ سىندى 5 جاقتان ۇكىمەتتىڭ وزىندىك قۇرىلىسىن كۇشەيتۋ جونىندە بايىمداۋ جاسادى.

ٴماجىلىستىڭ كۇنتارتىبىنە ساي، ٴماجىلىس اۆتونوميالى وبلىستىڭ 2023 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە اۆتونوميالى وبلىستىڭ 2024 - جىلعى حالىق شارۋاشىلىعى مەن قوعامدىق دامۋ جوسپارىنىڭ جوباسى جونىندەگى باياندامانى، اۆتونوميالى وبلىستىڭ 2023 - جىلعى مەجە ەسەبىنىڭ اتقارىلۋ جاعدايى جانە 2024 - جىلعى وبلىس دارەجەلى مەجە ەسەپ جوباسى جونىندەگى باياندامانى قارادى؛ ٴماجىلىستىڭ سايلاۋ جانە داۋىسقا سالۋ ٴادىسىن داۋىسقا سالىپ ماقۇلدادى.

اۆتونوميالى وبلىستىق ساياسي كەڭەس 14 - كەزەكتى كوميتەتىنىڭ 3 - ماجىلىسىنە قاتىناسقان ساياسي كەڭەس مۇشەلەرى ماجىلىسكە سىرتتاي قاتىناستى.