− ىلە وبلىستىق 15 - كەزەكتى حالىق قۇرىلتايىنىڭ 3 - ٴماجىلىسىنىڭ اشىلۋ سالتىنان ەستەلىك

ٴتىلشىمىز حى رۇڭ

1 - ايدىڭ 20 - كۇنى ەگىنشىلىك كالەندارى بويىنشا ”اقپان“ امالى كىرگەن كۇن، بۇل كوكتەمنىڭ دە تاياپ قالعاندىعىن مەڭزەيدى.

وسى كۇنى ىلە وبلىستىق 15 - كەزەكتى حالىق قۇرىلتايىنىڭ 3 - ٴماجىلىسى مەجەلى ۋاقىتىندا اشىلدى، بۇل اۆتونوميالى وبلىسىمىزدىڭ ٴبىر جىلدا ٴبىر رەت وتكىزىلەتىن ساياسي سالتاناتتى ٴىسى. ٴماجىلىستىڭ اشىلۋى اۆتونوميالى وبلىسىمىزداعى ٴار ۇلت حالقىنىڭ دەموكراتيالىق ۇقىعىنىڭ تولىق قامتاماسىزداندىرىلعاندىعىن ايگىلەپ قالماستان، بۇكىل وبلىسىمىز حالقىنىڭ ٴبىر نيەتپەن ىنتىماقتاسىپ، ٴتىپتى دە تاماشا بولاشاققا بىرگە قادام تاستاعاندىعىن اڭعارتتى.

وسى كۇنى تۇستەن بۇرىن ٴار ۇلت، ٴار سالا حالىق قۇرىلتايى ۋاكىلدەرى قىزمەتكەرلەردىڭ باستاماشىلىعىندا ىلە وبلىستىق مادەنيەت - كوركەمونەر قيمىل ورتالىعىنا تارتىپپەن قادام تاستادى. ۋاكىلدەر رەتتى كيىنىپ، جۇزدەرىنە كۇلكى ٴۇيرىلىپ، ىلەلىكتەردىڭ رۋحاني بەت - بەينەسىن ايگىلەدى. ولار ٴار سالا، ٴار كاسىپتىڭ ۋاكىلدەرى، ولار ٴار ۇلت حالقىنىڭ مۇددەسى مەن ارمان - تىلەگىنە ۋاكىلدىك ەتىپ، سالماقتى جاۋاپكەرلىك پەن ٴۇمىت ارقالاپ كەلگەن.

2023 - جىلى _− پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، ىلەدەگى ٴار ۇلت كادىرلارى مەن جۇرتشىلىعى بورىشتى ەستە بەرىك ساقتاپ، ۇدەرە العا تارتىپ، وزگەشە دامۋ بارىسىن باستان كەشىردى. ۋاقىت كۇرەس جىلدارىنا ورنەك سالىپ، وسى رەتكى ٴماجىلىستىڭ ەرەكشە ٴمانىن ايگىلەي ٴتۇستى.

”ٴبىر جىلدان بەرى ٴبىز باسىمدىقتاردى ساۋلەلەندىرۋگە، نەگىزدى بەكەمدەپ، ونىمدىلىكتى ارتتىرۋعا كۇش ۇيىستىردىق، كاسىپ سالاسىنىڭ دارەجەسىن جوعارىلاتۋدا تىڭ قادام تاستالدى؛ ٴبىر جىلدان بەرى ٴبىز  نازاردى تۇتىنۋدى ۇلعايتۋعا، مادەنيەت پەن ساياحاتتى توعىستىرۋعا شوعىرلاندىردىق، وسى زامانعى قىزمەت وتەۋ كاسىبى دە جەدەل دامىدى؛ ٴبىر جىلدان بەرى ٴبىز ورايدى بەلسەنە مىقتى يگەرىپ، ٴورىس اشا العا باستىق، سىرتقا ەسىكتى ايقارا اشۋدىڭ ونىمدىلىگى دە كورنەكتى بولدى؛ ٴبىر جىلدان بەرى ٴبىز ٴتۇيىندى كورنەكتىلەندىرۋگە، بار كۇشپەن ىلگەرىلەتۋگە تاباندى بولدىق، نەگىزدىك تىرەك اناعۇرلىم بەكەمدەلدى؛ ٴبىر جىلدان بەرى ٴبىز جاسىل تاۋدى قورعاپ، جاسىل نەگىزگە كۇش سالدىق، ەكولوگيالىق ورتا ٴتىپتى دە كورىكتەندى...

بايانداما ىلە وبلىسىنىڭ 2023 - جىلعى تارتىمدى دا كوز تارتارلىق تابىستارىن ايگىلەدى، شىندىققا ۇمتىلىپ، ناقتى ىستەيتىن نىسانا، باتىل دا پارمەندى شارا، حالىققا تيىمدىلىك جاسايتىن ارەكەتتەر بولسىن، وسىنىڭ بارلىعىندا دا قىزۋ شاپالاق ٴۇنى تولاستامادى. بۇل شاپالاق ٴۇنى قايراتتانا العا ىلگەرىلەپ، بيىكتەرگە ۇمتىلۋ جونىندەگى تۇراقتاندىرۋ مەن القاۋ، ونان دا ماڭىزدىسى، زەيىن - زەردەنى، كۇش - قۋاتتى ۇيىستىرىپ، دامۋدى كوزدەۋ جونىندەگى سەنىم مەن بەكىم ەسەپتەلەدى.

ٴماجىلىس الاڭىن شاپالاق ٴۇنى كەرنەدى؛ ٴماجىلىس زالىنىڭ ٴىشى - سىرتىندا ارماندار جارىسا شارىقتادى.

”باياندامادان ناقتى شارالاردى ٴتۇسىنىپ، العا باسۋدىڭ ريتىمىن سەزىنىپ، ايبىندى ۋادەنى  ەستىدىم. وتە - موتە، 2023 - جىلى جۇڭگو (شينجياڭ) ەركىن ساۋدا سىناق رايونى قورعاس اۋماعى ماڭدايشالىق اسىپ، ىلەنىڭ دامۋىنا پايدالى ٴبىرقىدىرۋ ساياساتتاردى العا قويۋى جۇرەكتەرگە جىلۋلىق سيلايدى“ دەدى وبلىستىق حالىق قۇرىلتاينىڭ ۋاكىلى، قۇلجا قالالىق كۇنمو كيىم - كەشەك شەكتى سەرىكتەستىگىنىڭ القا باستىعى، ىلە وبلىستىق كيىم - كەشەك كاسىبى قوعامىنىڭ باستىعى باۋ شياۋيىڭ. ول سىرتقا باعىتتالعان ەكونوميكالىق ساياساتتىڭ ۇزدىكسىز كۇشەيۋ جاعدايى ىلەنىڭ كيىم - كەشەك كاسىپورىندارىنا ٴتىپتى دە زور دامۋشىلىق اكەلەتىنىنە سەنەتىندىگىن ٴبىلدىردى.

”باياندامادا 2023 - جىلى ىلە جۇيەلى ويلاۋعا، توعىسپالى دامۋعا تاباندى بولىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتتى دەپ اتاپ كورسەتىلدى“ دەدى وبلىستىق حالىق قۇرىلتايىنىڭ ۋاكىلى، قۇلجا اۋدانى ۇشون حۇيزۋ اۋىلى تومەنگى حۋاڭگۇڭ قىستاعى پارتيا ياچەيكاسىنىڭ شۋجي ما شين. ونىڭ قاراۋىنشا، وتە - موتە، ”اۋىل - قىستاقتى گۇلدەندىرۋدىڭ“ التى ٴتۇرلى ارناۋلى ارەكەتى جۇرگىزىلگەننەن بەرى، اۋىل - قىستاقتاعى بۇقارانىڭ، شۇعىل، قيىن، ۋايىمداعان، ٴزارۋ ماسەلەلەرىن شەشۋدىڭ تەبىنى ۇزدىكسىز ارتتىرىلىپ، ونىمدىلىگى كورنەكتى بولعان.

ۋاكىلدەر مول تابىسقا يە بولىپ جيىن زالىنان شىقتى، اقپاننىڭ ىزعارى وتىسىمەن كوكتەم دە كەلەر، بولاشاقتان ٴۇمىت زور؛ ۋاكىلدەردىڭ جۇزدەرىنەن سەنىم مەنمۇندالاپ، ٴبىر نيەت، ٴبىر تىلەكپەن ۇدەرە العا باسۋدىڭ سەرتىن جازدى. ولار حالىقتىڭ سەنىمى مەن ماڭىزدى تاپسىرماسىن ارقالاپ، سەنىمدى بەكەمدەپ، ٴبىر نيەت، ٴبىر تىلەكتە بولىپ، شىنايى يگەرىپ، ناقتى ىستەپ، ەرلىكپەن العا باسىپ، وسىزاماندانعان ىلەنى قۇرۋدىڭ جاڭا جورىعىنا بىرگە اتتانىپ، ىلەنىڭ ورنىقتىلعى مەن دامۋىنا اقىل - كەڭەس بەرىپ، جالعاستى كۇرەس جاسايدى.