ٴتىلشىمىز لۋ جۇڭ حابارلايدى. 1 - ايدىڭ 20 - كۇنى تۇستەن كەيىن ساياسي كەڭەس اۆتونوميالى وبلىستىق 14 - كەزەكتى كوميتەتى 3 - ٴماجىلىسىنىڭ گرۋپپالار تالقىسىن وتكىزدى، وبلىستىق پارتكومنىڭ شۋجيى ياڭ شيۋلي ەكونوميكا، ساۋدا - ونەركاسىپشىلەر بىرلەستىگىنىڭ گرۋپپالار تالقىسىنا قاتىناسىپ، پىكىر - ۇسىنىستارىن تىڭدادى.

تالقى قىزا ٴتۇستى، يۇي چىڭجۇڭ، ۋاڭ تاۋ، چي شياڭياڭ، ساۋ ۋيدۇڭ، حۋا جياكۇي قاتارلى مۇشەلەر ٴوز سالالارىنىڭ ەرەكشەلىگىنە، قىزمەت ٴىس جۇزىندىگىنە ۇشتاستىرىپ، شارۋاشىلىق - ساۋدا ورتاسى، ساۋدا، زات اينالىمى كاسىبىنىڭ جوعارى ساپالى دامۋىن كۇش سالا ىلگەرىلەتۋ، دارىندىلاردى ەنگىزۋ، كاسىپ سالاسىن دامىتۋ سياقتى جاقتاردان سىندارلى اقىل ـ كەڭەس بەردى.

ياڭ شيۋلي ٴبىر جاعىنان، ٴسوزدى مۇقيات تىڭداپ، ەندى ٴبىر جاعىنان، ەستەلىك الىپ، اۋىق - اۋىق مۇشەلەردىڭ ۇسىنىس - پىكىرلەرىنە جاۋاپ بەرىپ وتىردى. مۇشەلەردىڭ سوزدەرىن تىڭداعاننان كەيىن ياڭ شيۋلي وبلىستىق پارتكوم اتىنان بۇكىل وبلىستاعى ٴار دارەجەلى ساياسي كەڭەس ۇيىمدارى مەن قالىڭ ساياسي كەڭەس مۇشەلەرىنىڭ ىلەنىڭ ەكونوميكالىق، قوعامدىق دامۋىنا قوسقان ۇلەسىنە العىس ايتتى.

ياڭ شيۋلي بىلاي دەپ اتاپ كورسەتتى: ٴبىر جىلدان بەرى وبلىستىق ساياسي كەڭەستىڭ ٴار دارەجەلى ۇيىمدارى مەن قالىڭ ساياسي كەڭەس مۇشەلەرى باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، ەگجەي ـ تەگجەيلى ٴتۇسىنىپ، جاڭا داۋىردەگى ساياسي كەڭەس قىزمەتىنىڭ جاڭا ورنىن، جاڭا بورىشىن مىقتاپ يگەرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرۋگە شوعىرلاندىرىپ، قىزمەت جاۋاپكەرشىلىگىن مۇقيات اتقارىپ، كەڭ كولەمدە ورتاق تانىم ۇيىستىرىپ، جۇڭگو ۇلگىسىندەگى وسىزامانداندىرۋدىڭ ىلە امالياتىن ىلگەرىلەتۋگە اقىل - پاراسات جانە كۇش ۇيىستىردى. 

2023 - جىلى ىلە وبلىسى اۆتونوميالى رايوندىق پارتكوم مەن ۇكىمەتتىڭ دۇرىس باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جوعارى ساپالى دامۋدى تىڭعىلىقتى ىلگەرىلەتىپ، كاسىپ سالاسى قۇرىلىسىنىڭ دارەجەسىن جوعارىلاتىپ، دەڭگەيىن كوتەرىپ، ٴتۇيىندى رەفورمالاردا سۇبەلى ناتيجە جاراتىپ، حالىق تۇرمىسىن جاقسارتۋدا كورنەكتى ونىمدىلىككە قول جەتكىزىپ، قوعامدىق جالپى جاعداي ۇزدىكسىز ورنىقتى بولىپ، تۇتاس جىلداعى ەكونوميكالىق، قوعامدىق دامۋ نىساناسىن ٴبىرشاما جاقسى جۇزەگە اسىردى.

ياڭ شيۋلي مىنالاردى باسا دارىپتەدى: بيىل − جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 - بەسجىلدىق“ جوباداعى نىسانا - مىندەتتەردى جۇزەگە اسىراتىن شەشۋشى جىل ٴارى اۆتونوميالى وبلىس قۇرىلعاندىعىنىڭ 70 جىلدىعى. ەكونوميكا، ونەركاسىپ - ساۋدا سالاسىنداعى ساياسي كەڭەس مۇشەلەرىنىڭ كوبى ىلەدە ۇزاق جىل ەڭبەك ەتىپ، مول تاجىريبە مەن اقىل - پاراسات توپتادى، مۇشەلەردىڭ نازاردى وزەكتى قىزمەتكە ۇزدىكسىز شوعىرلاندىرىپ، تاماشا اقىل - كەڭەس بەرىپ، ناقتى كۇش سالىپ، اۆتونوميالى رايوندىق 10 - كەزەكتى پارتكومنىڭ ونىنشى جالپى ٴماجىلىسى ورنالاستىرعان جوعارى ساپالى دامۋدىڭ ٴتۇيىندى مىندەتتەرى مەن اۆتونوميالى وبلىستىق پارتكوم، ۇكىمەت بەلگىلەگەن ٴتۇيىندى شارالاردى تىعىز ارقاۋ ەتىپ، اقىل - كەڭەس بەرىپ، كۇش شىعارۋىن، ىلەنىڭ جوعارى ساپالى دامۋىنا دەم بەرۋ بارىسىندا ساياسي كەڭەستىڭ جاقسى ٴۇنىن تاراتىپ، دامۋدىڭ وڭ ەنەرگياسىن ۇيىستىرۋعا قۇلشىنۋىن ٴۇمىت ەتەمىن. 

ياڭ شيۋلي مىنانى ٴۇمىت ەتتى: جالپى ساياسى كەڭەس مۇشەلەرى دامۋدى جەبەپ، قوزعاۋشى كۇشتى ارتتىرۋ جاعىندا ساياسي كەڭەستىڭ جاڭا ىسكەرلىگىن ايگىلەپ، جوعارى ساپالى دامۋعا تاباندى بولۋدى باستان - اياق جاڭا داۋىردەگى بۇلجىماس قاعيدا ەتىپ، نازاردى باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى،  ۇزاق بولاشاقتىق سيپاتتى قىزمەتتەرگە جانە ”بىرەۋى ارقىلى بارىنە اسەر ەتەتىن“ ٴىرى ىستەرگە، ماڭىزدى ىستەرگە شوعىرلاندىرىپ، ىشكەرىلەي تەكسەرۋ - زەرتتەۋ جۇرگىزىپ، تولىق كەڭەسىپ، ”ماسەلەنى شەشۋدىڭ“ وي جەلىسىن كوبىرەك قاراستىرىپ، ”قيىن ماسەلەلەردى شەشۋدىڭ“ ٴادىسىن كوبىرەك ىزدەستىرىپ، ”جاعداي اشۋعا“ كوبىرەك ۇسىنىس بەرىپ، كەڭەس بەرۋدىڭ  ”نىسانالىلىعىن“ جوعارىلاتىپ،  ۇكىمەت ىسىنە اقىل - كەڭەس بەرۋدىڭ ”قۇنىن“ ارتتىرىپ، پارتكوم مەن ۇكىمەتتىڭ عىلمي شەشىم جاساۋىنا جاقسى اقىلشى بولۋى كەرەك. ساياسي كەڭەس مۇشەلەرى نازاردى جوعارى ساپالى دامۋ سىندى ماڭداي الدى مىندەتكە شوعىرلاندىرىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، ”6 ٴىرى ستراتەگيالىق ورىن تۇراقتاندىرۋدى“ كوزدەپ، ”16661“ ٴتۇيىندى شارالارىن كۇش سالا مىقتى يگەرىپ، تەرەڭ قاتپارلى تەكسەرۋ - زەرتتەۋ جۇرگىزىپ، اقىل - كەڭەس بەرۋدىڭ بولجامپازدىعىن، جاسامپازدىعىن، جارامدىلىعىن جوعارىلاتىپ، عىلمي شەشىم جاساۋعا، دالمە - ٴدال شارا قولدانۋعا اناعۇرلىم ويداعىداي قىزمەت وتەپ، ”شاعىن كىرىسۋ ٴتۇيىنى“ ارقىلى كەلەلى تاقىرىپتاردى شەشۋدى ىلگەرىلەتۋى كەرەك. سونىمەن بىرگە، ساياسي كەڭەستىڭ دارىندىلار توپتالعان، اقىل - پاراسات شوعىرلانعان، بايلانىس اياسى كەڭ بولۋداي ارتىقشىلىعىن تولىق ساۋلەلەندىرىپ، وبلىس بويىنشا ساۋداگەر شاقىرىپ، قارجى ەنگىزۋگە، دارىندىلاردى قابىلداپ، اقىل - پاراسات ەنگىزۋگە ىرىقتىلىقپەن دانەكەر بولىپ، ٴتىپتى دە كوپ نىسان، قارجى جانە دارىندىلاردى جەرگىلىكتى ورىندا ىرگە تەبۋگە باۋراۋ كەرەك. اسىرەسە، مۇشەلەر اراسىندا جاۋاپكەرشىلىك ارقالايتىن، سۇيىسپەنشىلىگى بار ٴبىر توپ ۇزدىك كاسىپورىنشىلاردى ۇيىستىرىپ، الدا جۇرۋگە، اۋىر مىندەت ارقالاۋعا، الدىمەن تولقىن جارۋعا، قيىن ماسەلەلەردى شەشۋگە باتىل ارەكەت ەتۋ ارقىلى ىلەنىڭ جوعارى ساپالى دامۋىنا اناعۇرلىم كوپ اقىل - پاراسات، اناعۇرلىم زور كۇش قوسۋ كەرەك. 

وبلىستىق ساياسي كەڭەس پارتيا باسشىلىق گرۋپپاسىنىڭ شۋجيى حۋ كايجياڭ مىنانى ٴبىلدىردى: وبلىستىق پارتكومنىڭ شۋجيى ياڭ شيۋلي گرۋپپالار تالقىسىن تىڭداپ ٴارى ٴسوز سويلەپ، شىنايى ٴۇمىت ارتىپ، بۇكىل وبلىستاعى ٴار دارەجەلى ساياسي كەڭەس ۇيىمدارىنىڭ، ساياسي كەڭەسكە قاتىناسقان ورىنداردىڭ وزەكتى توڭىرەكتەپ، جالپى جاعدايعا قىزمەت وتەۋىنە ايقىن باعىت -  باعدار بەلگىلەپ، تالاپ قويدى، بۇل وبلىستىق پارتكومنىڭ ساياسي كەڭەس قىزمەتىنە وسكەلەڭ دارەجەدە ٴمان بەرەتىندىگىن جانە زور كۇشپەن قولداپ - قۋاتتايتىندىعىن ايگىلەدى. بۇدان بىلاي ٴار دارەجەلى ساياسي كەڭەس ۇيىمدارى مەن قالىڭ ساياسي كەڭەس مۇشەلەرى يدەيالىق قۇرىلىستى ونان ارى كۇشەيتىپ، ساياسي كەڭەستىڭ ىسكەرلىگىن ايگىلەپ، مۇشەلەردىڭ رولىن ساۋلەلەندىرىپ، جالپى جاعدايعا قىزمەت وتەۋدىڭ بيىگى، اقىل - كەڭەس بەرۋدىڭ تەرەڭدىگى، دەموكراتيالىق باقىلاۋ تەبىنى ارقىلى تاسقىنداعان رۋحاني كۇيمەن جانە مىندەت اتقارۋدىڭ قوماقتى جەتىستىگىمەن مىندەت اتقارۋدا تىڭ پاراق اشىپ، ٴىس جۇزىندىك ارەكەتى ارقىلى جاڭا داۋىردەگى ساياسي كەڭەس مۇشەلەرىنىڭ  جاۋاپكەرشىلىك ارقالاپ، ىسكەرلىك كورسەتۋىن ايگىلەۋى كەرەك.

وبلىستىق ساياسي كەڭەستىڭ ورىنباسار ٴتوراعالارى، پارتيا باسشىلىق گرۋپپاسىنىڭ مۇشەلەرى گۇلبارشىن سەرىكباي قىزى، نۇراحىمەت زۇنۇن ماجىلىسكە قاتىناستى.