ٴتىلشىمىز ۋاڭ ليلي حابارلايدى. 1 - ايدىڭ 20 - كۇنى ساياسي كەڭەس ىلە وبلىستىق 14 - كەزەكتى كوميتەتىنىڭ 3 - ٴماجىلىسى 2 - جالپى جيىنىن وتكىزدى، 12 ساياسي كەڭەس مۇشەسى ماجىلىستە ٴسوز سويلەدى، 56 ساياسي كەڭەس مۇشەسى جازباشا ٴسوز سويلەۋ ماتەريالىن تاپسىردى.

وبلىستىق پارتكومنىڭ شۋجيى ياڭ شيۋلي ماجىلىسكە قاتىناستى ٴارى ٴسوز سويلەدى. وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى، وبلىستىق ساياسي كەڭەس پارتيا باسشىلىق گرۋپپاسىنىڭ شۋجيى حۋ كايجياڭ، وبلىستىق پارتكومنىڭ ورىنباسار شۋجيى، ۇگىت ٴبولىمىنىڭ باستىعى، وقۋ - اعارتۋ قىزمەت كوميتەتىنىڭ شۋجيى جاۋ سۇيفاڭ، وبلىستىق پارتكومنىڭ تۇراقتى مۇشەسى، بىرلىكساپ ٴبولىمىنىڭ باستىعى، وبلىستىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى مامەتجان داۋىت، وبلىستىق پارتكومنىڭ تۇراقتى مۇشەسى، ۇيىمداستىرۋ ٴبولىمىنىڭ باستىعى لي رۇڭنيان، وبلىستىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى ياڭ شينپيڭ، ورىنباسار وبلىس باستىعى راپحات توقتام، ليۋ جيانلين جانە وبلىستىق ساياسي كەڭەس باسشىلىق القاسىنىڭ مۇشەلەرى، تارباعاتاي، التاي ايماقتىق ساياسي كەڭەس قىزمەت كوميتەتتەرىنىڭ، بيڭتۋان 4 - شىسىنىڭ باسشىلارى، سونداي - اق بارلىق مۇشەلەر، ماجىلىسكە سىرتتاي قاتىناسۋشىلار ماجىلىسكە قاتىناستى. ٴماجىلىستى وبلىستىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعاسى سەرجان ۇعىباي ۇلى باسقاردى.

وبلىستىق ساياسي كەڭەستىڭ مۇشەسى جۇماعازى قادىربەك ۇلى، باقىتوۆ ينايات ۇلى، زوۋ جىگاڭ، شۇي دىڭكى، جارقىن جاڭبىرباي ۇلى، بەردىبەك تۇرسىنباي ۇلى، سۇلتان نۇرمامەت، نۇربولات مۇقاميا ۇلى، جالىن قابىلقاق ۇلى، جۋاڭ ۋي - ۋ، حۋا جياكۇي، تيان شينمەيلەر جەكە - جەكە كاسىپتىك وقۋ - اعارتۋدىڭ جوعارى ساپالى دامۋىن ىلگەرىلەتۋ، جالپىلىق سالاماتتىق كاسىپ سالاسى تىزبەگىن دامىتۋ، شارۋاشىلىق ـ ساۋدا ورتاسىن ساپالىلاندىرۋ، قوعامدىق قايشىلىقتاردى زاڭ بويىنشا شەشۋ، جۇڭحۋا ۇلتى ورتاق تۇلعا تانىمىن بەرىك ورناتۋ، دالمە - ٴدال كۇش سالىپ، ”جىلقى شارۋاشىلىعى“ ارقىلى بايۋدى جۇزەگە اسىرۋ، جۇڭگو (شينجياڭ) ەركىن ساۋدا سىناق رايونى قورعاس اۋماعى قۇرىلىسى، قارتتاردى ۇيدە كۇتىمدەۋگە قىزمەت وتەۋ تورابى قۇرىلىسى، بۋىرشىن اۋدانىنىڭ قار ـ مۇز ساياحاتىن جوعارى ساپالى دامىتۋ، ساپالى مال شارۋاشىلىق ونىمدەرى كاسىبىن دامىتۋ، ساۋدا، زات اينالىمى كاسىبىنىڭ جوعارى ساپالى دامۋى، جوعارى ساپالى دەموكراتيالىق باقىلاۋ ارقىلى جالپى بارىستىق حالىق دەموكراتياسى امالياتىنا دەم بەرۋ سياقتى جاقتاردى ارقاۋ ەتىپ ماجىلىستە ٴسوز سويلەدى.

جۇماعازى قادىربەك ۇلى بىلاي دەدى: كاسىپتىك وقۋ ـ اعارتۋ پاندەرىنىڭ ورنالاسىمىن ساپالىلاندىرىپ، كاسىپتىك وقۋ ـ اعارتۋ ماماندىقتارى ورنالاسىمىن ٴبىر تۇتاس جوسپارلاپ، ونەركاسىپ ٴىلىمى، اۋىل شارۋاشىلىق ٴىلىمى، ادەبيەت ـ كوركەمونەر، ساياحات، مەديتسينا سياقتى كوپ ٴتۇرلى ٴپان سايكەستى دامىتىلاتىن كاسىپتىك قۇرىلىم ورناتىپ، ماماندىقتاردىڭ ٴبىر تەكتىلەنۋ قايشىلىعىن شەشۋ كەرەك. باقىتوۆ ينايات ۇلى بىلاي دەدى: جالپىلىق سالاماتتىق كاسىپ سالاسىندا ۇيىمدىق باسشىلىقتى كۇشەيتىپ، ”سالاماتتىق + ساياحات“ كاسىپ سالاسى جوباسى، ساۋداگەر شاقىرىپ، قارجى ەنگىزۋ، تۇعىر ورناتۋ، ساناقتىق باقىلاۋ ـ تەكسەرۋ سياقتى قىزمەتتەردى ٴبىر تۇتاس جوسپارلاپ ىلگەرىلەتۋ كەرەك. قۇلجا قالاسى، التاي قالاسى، شاۋەشەك قالاسى سياقتىلاردى وزەكتى قالا، قاناس، كوكتوعاي، نارات، موڭعۇلكۇرە سياقتىلاردى سۇيەنىش، باسقا ورىنداردىڭ، اۋدانداردىڭ (قالا) كاسىپ سالاسى نىساندارىن كوپ ٴتۇيىندى تىرەك ەتىپ، ەمدەۋ، ٴدارى ـ دارمەك، ازىق - تۇلىك، ساياحات، قونىستانۋ، دەنساۋلىق ساقتاۋ سياقتى جالپىلىق سالاماتتىق كاسىپ سالاسى تىزبەگىن ٴتۇيىندى دامىتۋدى ۇسىنىس ەتەمىن. زوۋ جىگاڭ بىلاي دەدى: شارۋاشىلىق - ساۋدا ورتاسىن ساپالىلاندىرۋعا كۇش سالىپ، ”ەڭ كوپ بولعاندا ٴبىر رەت بارۋدىڭ“ قامتۋ كولەمىن كەڭەيتىپ، ”ساندى مالىمەت قامالىن“ تالقانداپ، ينفورماتسياداعى وقشاۋلىق ماسەلەسىن شەشۋ كەرەك. شارۋاشىلىق - ساۋدا ورتاسىن باقىلاۋ - جونگە سالۋ قۇرىلىمىن ورناتىپ، اكىمشىلىك تەكسەرىپ بەكىتۋ باياۋ بولۋ، ٴىس ٴبىتىرۋ اسەرى ناشار بولۋ، ساياساتتىڭ تياناقتانۋى قيىن بولۋ، ٴوز بىلگەنىنشە زاڭ اتقارۋ، تالعامپازدىقپەن زاڭ اتقارۋ سياقتى ماسەلەلەردى شىن مانىندە شەشۋ كەرەك.

12 مۇشەنىڭ ٴسوزىن تىڭداعاننان كەيىن، ياڭ شيۋلي بىلاي دەپ قارادى: مۇشەلەردىڭ ٴسوزىنىڭ مازمۇنى جوعارىمەن  دە سايكەسىپ، تومەنمەن دە جاناسقان، ٴارى دامۋدى تالقىلاعان، ٴارى حالىق تۇرمىسى ماسەلەسىن دە  تىلگە تيەك ەتكەن، تىڭداعان سوڭ توتەنشە شابىت الدىم. ول باسقا 56 مۇشەنىڭ جازباشا ٴسوز ماتەريالىن وقىپ كورگەن سوڭ كوپشىلىكتىڭ ٴسوزىنىڭ ەگجەي ـ تەگجەيلى، ۇسىنىستارىنىڭ ورىندى، ٴىس جۇزىندىككە جاناسىمدى بولىپ، مۇشەلەردىڭ وسكەلەڭ شوگەلدىگىن، جاۋاپكەرلىگىن جانە تاماشا جالپىلىق ساپاسىن، مىندەت اتقارۋ قابىلەتىن تولىق ايگىلەگەنىن سەزىندى.

ياڭ شيۋلي بىلاي دەدى: ٴبىر جىلدان بەرى، اۆتونوميالى وبلىستاعى ٴار دارەجەلى ساياسي كەڭەس پەن ٴار ۇلت، ٴار سالا ساياسي كەڭەس مۇشەلەرى دۇرىس ساياسي بەتالىسقا باستان ـ اياق تاباندى بولىپ، ىنتىماق جانە دەموكراتيا سىندى ەكى ۇلكەن تاقىرىپتى مىقتى يگەرىپ، بۇكىل وبلىس قىزمەتىنىڭ جالپى جاعدايىن تياناق ەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، كەڭەس بەرۋ فۋنكتسياسىن جاپپاي اتقارىپ، قىرۋار ٴونىمدى ناقتى قىزمەتتەر ىستەپ، ىلەنىڭ رەفورما، دامۋ، ورنىقتىلىق ىستەرىن ىلگەرىلەتۋگە ساياسي كەڭەستىڭ كۇش ـ قۋاتى مەن اقىل ـ پاراساتىن ارنادى. بۇكىل وبلىستاعى ٴار دارەجەلى ساياسي كەڭەس ۇيىمدارى مەن قالىڭ ساياسي كەڭەس مۇشەلەرىنىڭ ساياسي دەڭگەيدى ونان ارى جوعارىلاتىپ، بورىش پەن جاۋاپكەرشىلىكتى كۇشەيتىپ، جاڭا داۋىردەگى حالىق ساياسي كەڭەسىنىڭ جاڭا ورنىن، جاڭا بورىشىن دۇرىس يگەرىپ، ”3 ۇلكەن فۋنكتسيانى“ ىرىقتىلىقپەن ويداعىداي اتقارىپ، بۇكىل وبلىستىڭ جوعارى ساپالى دامۋىن ىلگەرىلەتۋدە بۇكىل شينجياڭنىڭ الدىڭعى لەگىندە جۇرۋگە تىڭ دا اناعۇرلىم زور ۇلەس قوسۋىن ٴۇمىت ەتەمىن.

ياڭ شيۋلي مىنالاردى اتاپ كورسەتتى: ساياسي كەڭەس − پارتيانىڭ باسشىلىعىنداعى ساياسي ۇيىم، ساياسي قىزمەت ورىستەتەدى، ساياسي رولىن ساۋلەلەندىرەدى، تۋى ايقىن تۇردە ساياسيدى دارىپتەۋ ٴبىرىنشى تالاپ؛ اۆتونوميالى رايوندىق 10 ـ كەزەكتى پارتكومنىڭ ونىنشى جالپى ٴماجىلىسى ورنالاستىرعان جوعارى ساپالى دامۋدىڭ ٴتۇيىندى مىندەتتەرى مەن اۆتونوميالى وبلىستىق پارتكوم مەن ۇكىمەت بەلگىلەگەن ٴتۇيىندى شارالاردى تىعىز ارقاۋ ەتىپ، اقىل ـ كەڭەس بەرىپ، كۇش شىعارىپ، ىلەنىڭ جوعارى ساپالى دامۋىنا دەم بەرۋ بارىسىندا ساياسي كەڭەستىڭ جاقسى ٴۇنىن تاراتىپ، دامۋعا وڭ ەنەرگيا ۇيىستىرۋعا قۇلشىنۋ؛ ىنتىماق جانە دەموكراتيا سىندى ەكى ۇلكەن نەگىزگى تاقىرىپقا باستان - اياق تاباندى بولىپ، يدەيالىق - ساياسي جاقتان جەتەكشىلىك ەتۋ، كەڭ كولەمدە ورتاق تانىم ۇيىستىرۋ سياقتى قىزمەتتەردى ۇزدىكسىز ويداعىداي ىستەپ، ەڭ ۇلكەن ”ورتاق بولگىشتى“  قۇلشىنا قاراستىرىپ، ەڭ ۇلكەن ”سەنترلەس شەڭبەردى“ سىزىپ شىعۋ؛ وزىندىك قۇرىلىستى باستان - اياق كورنەكتى ورىنعا قويىپ، ساياسي كەڭەسۋ قابىلەتىن، دەموكراتيالىق باقىلاۋدىڭ ناقتى ونىمدىلىگىن، ۇكىمەت ىسىنە ارالاسۋ، كەڭەس بەرۋ دەڭگەيىن ۇزدىكسىز جوعارىلاتىپ، ساياسي كەڭەس قىزمەتىنىڭ ساپاسىن جوعارىلاتىپ، ونىمدىلىگىن ارتتىرۋدى ۇزدىكسىز ىلگەرىلەتۋ كەرەك.