ٴتىلشىمىز كاميلا حابارلايدى. 1 - ايدىڭ 21 - كۇنى اۆتونوميالى وبلىستىق 15 - كەزەكتى حالىق قۇرىلتايىنىڭ 3 - ٴماجىلىسى ٴتوراعالار القاسىنىڭ 2 - جيىنىن وتكىزدى.

ٴتوراعالار القاسىنىڭ تۇراقتى ٴتوراعاسى ياڭ شيۋلي جيىندى باسقاردى. تۇراقتى ٴتوراعالارى جياۋ ي - مين، نياز اشىم، رازيا ابليز، اقجول انەش ۇلى، ابليكىم نۇرانبەك، سۇن پىڭ، سۇن حۇي، جاڭارسىن نۇراش ۇلى جانە ٴتوراعالار القاسىنىڭ باسقا مۇشەلەرى جيىنعا قاتىناستى.

جيىن ٴماجىلىس حاتشىلار باسقارماسىنىڭ ۋاكىلدەردىڭ ۇكىمەت قىزمەتىنەن باياندامانى جانە جوسپار، مەجە ەسەپ باياندامالارىن قاراۋ جاعدايى جونىندەگى مالىمەتىن تىڭدادى؛ جوسپاردى تەكسەرۋ بايانداماسى مەن مەجە ەسەپتى تەكسەرۋ بايانداماسىن تىڭدادى جانە قاراپ ماقۇلدادى؛ ۇكىمەت قىزمەتىنەن بايانداما جونىندەگى قاۋلىنى (جوبا)، 2023 - جىلعى اۆتونوميالى وبلىستىڭ حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2024 - جىلعى اۆتونوميالى وبلىستىڭ حالىق شارۋاشىلىعى مەن قوعامدىق دامۋ جوسپارى جونىندەگى قاۋلىنى (جوبا)، 2023 - جىلعى اۆتونوميالى وبلىستىڭ مەجە ەسەبىنىڭ اتقارىلۋ احۋالى جانە 2024 - جىلعى اۆتونوميالى وبلىستىڭ مەجە ەسەبى جونىندەگى قاۋلى (جوبا) قاراپ ماقۇلداندى ٴارى ٴتۇرلى قاۋلى جوبالارىن ٴارقايسى ۋاكىلدەر ۇيىرمەسىنىڭ قاراۋىنا تاپسىرۋدى ۇيعاردى.

جيىن وبلىستىق حالىق قۇرىلتايى زاڭ - ٴتۇزىم كوميتەتىنىڭ «ىلە قازاق اۆتونوميالى وبلىستىق حالىق قۇرىلتايىنىڭ ٴىس قاراۋ ەرەجەسىن (جوبا)» قاراۋ ناتيجەسى جونىندەگى بايانداماسىن جانە «شاۋەشەك قالاسىنىڭ شەكارالىق ەكونوميكالىق سەلبەستىك رايونىن باسقارۋ ەرەجەسىن» كۇشىنەن قالدىرۋ جونىندەگى  ۇيعارىمدى (جوبا) قاراۋ ناتيجەسى جونىندەگى بايانداماسىن تىڭدادى،  3 - جالپى جيىننىڭ داۋىسقا سالۋىنا ۇسىنۋدى ۇيعاردى.

جيىن تاعى ٴماجىلىس حاتشىلار باسقارماسىنىڭ اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلىگىنە، مۇشەلىگىنە تولىقتاپ سايلاناتىن كانديداتتاردى جانە اۆتونوميالى وبلىستىق باقىلاۋ ـ تەكسەرۋ كوميتەتى مەڭگەرۋشىسىنىڭ كانديداتتىعىنا تولىقتاپ سايلاۋ جاعدايى جونىندەگى تۇسىنىگىن تىڭدادى.

جيىن تاعى ٴارقايسى مىندەتتەگى كانديداتتاردىڭ، كانديداتتىققا ۇسىنىلاتىنداردىڭ ەسىمدىگىن داۋىسقا سالىپ، ۋاكىلدەر ۇيىرمەلەرىنىڭ اقىلداسۋىنا، تالقىلاۋىنا ۇسىندى.