ۇكىمەت ىسىنە اقىل ـ كەڭەس بەرىپ، دامۋعا تالپىنىپ، ٴبىر نيەتپەن سەلبەسىپ، تىڭ داستان جازايىق
− ساياسي كەڭەس ىلە وبلىستىق 14 - كەزەكتى كوميتەتىنىڭ 3 - ٴماجىلىسى مۇشەلەرىنىڭ سوزىنەن ۇزىندىلەر
وسى زامانعى كاسىپتىك وقۋ ـ اعارتۋ جۇيەسىن جەدەل ورناتىپ، كاسىپتىك وقۋ ـ اعارتۋدىڭ جوعارى ساپالى دامۋى ىلگەرىلەتىلسە
تارباعاتاي ايماقتىق ساياسي كەڭەس قىزمەت كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى جۇماعازى قادىربەك ۇلى
سوڭعى جىلداردان بەرى ىلە وبلىسىنىڭ كاسىپتىك وقۋ - اعارتۋىندا قارىشتاپ دامىعان تاماشا جاعداي جارىققا شىعىپ، ەكونوميكا مەن قوعامنىڭ جوعارى ساپالى دامۋى ٴۇشىن دارىندىلار جاعىنان تىرەك ازىرلەدى، دەسە دە، دامۋ بارىسىندا ورتا، جوعارى دارەجەلى كاسىپتىك وقۋ - اعارتۋ قۇرىلىمدارىنىڭ وقىتۋ كولەمى ٴبىرشاما شاعىن بولۋ، كاسىپتەردىڭ ٴبىر تەكتىلەنۋ ماسەلەسىنىڭ ورىن تەبۋى، ٴپان كاسىپتەرىنىڭ ەكونوميكالىق، قوعامدىق دامۋدىڭ قاجەتىنە ۇيلەسپەۋى، تولىمدى وقىتۋشىلاردىڭ سالىستىرماسى ٴبىرشاما از بولۋ سياقتى ماسەلەلەر ورىن تەۋىپ كەلەدى.
وقىتۋ شارت - جاعدايى ناشار، وقىتۋ ساپاسى جوعارى بولماعان كاسىپتىك مەكتەپتەردى بىرىكتىرۋ، بىرلەسىپ باسقارۋ، اماناتتاپ باسقارۋ سياقتى فورمالارمەن بىرىكتىرىپ، ورتا، جوعارى دارەجەلى كاسىپتىك مەكتەپتەر مەن تولىق كۋرس باسقىشىنداعى كاسىپتىك وقۋ - اعارتۋدى جەتىلدىرۋ جۇيەسىن ٴبىر تۇلعالاندىرا جوبالاۋدى ۇسىنىس ەتەمىن. كاسىپتىك وقۋ - اعارتۋ پاندەرىن ورنالاستىرۋدى ساپالىلاندىرىپ، ونەركاسىپ عىلىمى، اۋىل شارۋاشىلىق عىلىمى، ادەبيەت - كوركەمونەر، ساياحات، مەديتسينا سياقتى كوپ پاندەر سايكەستى دامىتىلاتىن كاسىپتىك قۇرىلىم ورناتىپ، كاسىپتەردىڭ ٴبىر تەكتىلەنۋ قايشىلىعىن شەشۋ كەرەك.
”سالاماتتىق + ساياحات“ تۇتقا ەتىلىپ، جالپىلىق سالاماتتىق كاسىپ سالاسى تىزبەگىن دامىتۋعا دەم بەرىلسە
التاي ايماقتىق ساياسي كەڭەس قىزمەت كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى باقىتوۆ ينايات ۇلى
ىلە وبلىسىنىڭ جالپىلىق سالاماتتىق كاسىپ سالاسىن دامىتۋدىڭ كومەسكى كۇشى زور، ٴبىراق وسى ۇعىم تۋراسىنداعى تۇسىنىكتىڭ ٴبىرشاما شەكتى بولۋى، كاسىپ سالاسىن دامىتۋدىڭ بىرىككەن كۇشىنىڭ ۇيلەسىمسىزدىگى، بازاردى اشۋدىڭ جەتەرسىزدىگى سياقتى ماسەلەلەر ٴالى دە ورىن تەۋىپ وتىر. سوندىقتان، جوعارى باستامادا ورىن تۇراقتاندىرىپ، ىلە وبلىسىنىڭ جالپىلىق سالاماتتىق كاسىبىن دامىتۋ جوباسىن عىلمي جاساپ، ٴتۇرى تولىق، قۇرىلىمى ۇيلەسىمدى، عىلىم ـ تەحنيكا دەڭگەيى جوعارى، باسەكەلىك قۋاتى كۇشتى جالپىلىق سالاماتتىق كاسىپ جۇيەسىن قۇرۋدى ىلگەرىلەتۋدى ۇسىنىس ەتەمىن.
قۇلجا، التاي، شاۋەشەك قالالارىن وزەكتى قالا، قاناس، كوكتوعاي، نارات، موڭعۇلكۇرە سياقتىلاردى سۇيەنىش، باسقا ورىنداردىڭ، اۋدانداردىڭ (قالا) كاسىپ سالاسى نىساندارىن كوپ ٴتۇيىندى تىرەك ەتىپ، ەمدەۋ، ٴدارى ـ دارمەك، ازىق ـ تۇلىك، ساياحات، قونىستانۋ، دەنساۋلىق ساقتاۋ سياقتى جالپىلىق سالاماتتىق كاسىپ تىزبەگىن ٴتۇيىندى دامىتىپ، ەرەكشەلىككە يە، كوپ نەگىزدى قونىستانۋعا قولايلى شاعىن قالا ـ قالاشىقتاردان ٴبىر توبىن قۇرۋ كەرەك.
جۇڭحۋا ۇلتى ورتاق تۇلعا تانىمىن بەرىك ورناتۋ ناقتى، جاندى، ٴونىمدى يگەرىلسە
تارباعاتاي ايماقتىق پارتكومنىڭ مۇشەسى، بىرلىكساپ ٴبولىمىنىڭ باستىعى، ايماقتىق ساياسي كەڭەس قىزمەت كوميتەتى پارتيا باسشىلىق گرۋپپاسىنىڭ ورىنباسار شۋجيى جارقىن جاڭبىرباي ۇلى
سوڭعى جىلداردان بەرى تارباعاتاي ايماعى جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولىپ، ٴتۇرلى قيمىلداردى ناقتى، جاندى، ٴونىمدى ورىستەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەدى، الايدا يدەيالىق تانىمداعى پارىقتىڭ بولۋى، ۇگىت اۋانىنىڭ قويۋ بولماۋى، ەرەكشە جارقىن تۇيىندەردى كادەگە جاراتۋدىڭ جەتكىلىكسىز بولۋى سياقتى جەتەرسىزدىكتەر ورىن تەۋىپ وتىر.
جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسىن سوتسياليستىك وزەكتى قۇن كوزقاراسى، وتانشىلدىق تاربيەسى، بولشەكتەۋشىلىككە قارسى تۇرۋ كۇرەسى تاربيەسىمەن جانە ماركسيزمدىك ”بەس كوزقاراس“ تاربيەسىمەن ۇشتاستىرىپ، پارتيالى كادرلاردىڭ ۇلت قىزمەتىن، بۇقارالىق قىزمەتتى ويداعىداي ىستەۋ قابىلەتى مەن دەڭگەيىن ۇزدىكسىز جوعارىلاتۋدى ۇسىنىس ەتەمىن.
جۇڭحۋا ۇلتى ورتاق تۇلعا تانىمىن بەرىك ورناتۋ قىزمەت تالابىن تاريحي مادەنيەت ۇگىت ـ تاربيەسى، الەۋمەتتىك مادەنيەت قۇرىلعى قۇرىلىسى، قالانىڭ بەلگى سيپاتتى ارحيتەكتۋرالىق قۇرىلىسى، ساياحات كورىنىستەرىن ورنالاستىرۋ سياقتى جاقتارىندا دايەكتىلەندىرىپ، تياناقتاندىرىپ، جۇڭحۋا مادەنيەتىنىڭ ٴمانى بەينەلەنگەن، بۇقارا ۇناتاتىن ٴبىر توپ ادەبيەت ـ كوركەمونەر تۋىندىلارىن جاراتۋ كەرەك.
الەۋمەتتىك اۋماقتىڭ قارتتاردى ۇيدە كۇتىمدەۋگە قىزمەت وتەۋ تورابى قۇرىلىسى كۇش سالا ىلگەرىلەتىلسە
وبلىستىق حالىق ىستەرى مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى نۇربولات مۇقاميا ۇلى
2023 - جىلى وبلىسىمىز 14 الەۋمەتتىك اۋماقتاعى قارتتارعا كۇندىز قارايلاسۋ ورتالىعى قۇرىلىسىن ”ىلە وبلىسىنىڭ حالىق تۇرمىسىنا ساياتىن 10 ناقتى ىسىنە“ ەنگىزىپ، تاماشا قوعامدىق ونىمدىلىككە قول جەتكىزدى، الايدا وبلىسقا توتە قاراستى ورىنداردىڭ الەۋمەتتىك اۋماقتارىندا قارتتاردى ۇيدە كۇتىمدەۋگە قىزمەت وتەۋ تورابىن جەدەل قۇرۋ بارىسىندا قارتتاردى كۇتىمدەۋگە قىزمەت وتەۋ ساياساتىنىڭ تياناقتانۋى بىركەلكى بولماۋ، قۇرىلعىلاردى ٴبىر تۇتاس جوسپارلاپ ورنالاستىرۋ جەتەرسىز بولۋ، قارتتاردى كۇتىمدەۋ قۇرىلىمدارىندا قىزمەتكەر جەتكىلىكسىز بولۋ، ماماندانۋ دارەجەسى ٴبىرشاما تومەن بولۋ سياقتى ماسەلەلەر ورىن تەۋىپ وتىرعانى بايقالعان.
نەگىزگى زەينەتكەرلىككە قىزمەت وتەۋ جۇيەسى قۇرىلىسىن ىلگەرىلەتىپ، زەينەتكەرلىككە قىزمەت وتەۋگە باعىتتالعان قازىنالىق ۇسىنىلىمنىڭ تەبىنىن ارتتىرىپ، قىزمەت وتەۋ تورابىن كەمەلدەندىرىپ، قارتتاردى كۇتىمدەۋشىلەر قوسىنى قۇرىلىسىن كۇشەيتۋدى ۇسىنىس ەتەمىن.
الەۋمەتتىك اۋماقتىڭ قارتتارعا كۇندىز قارايلاسۋ ورتالىعى مەن وڭىرلەردەگى زەينەتكەرلىككە قىزمەت وتەۋ ورتالىعى قۇرىلىسىن ورگانيكالى ۇشتاستىرىپ، نەگىزگى زەينەتكەرلىككە قىزمەت وتەۋ جۇيەسىنىڭ قارتتاردى تولىق قامتۋىن ىلگەرىلەتۋ كەرەك. قارتتاردى كۇتىمدەۋگە قىزمەت وتەۋگە قازىنالىق ۇسىنىلىم تەبىنىن ارتتىرۋدىڭ ٴتۇيىنى − قۇرىلىس قوسىمشا قاراجاتى، اينالىم قوسىمشا قاراجاتى، قىزمەتكە كىرۋ قوسىمشا قاراجاتى، قىزمەت ورنى قوسىمشا قاراجاتى سياقتى جاقتاردا قازىنالىق كومەك كورسەتۋ.
شارۋاشىلىق - ساۋدا ورتاسى ۇزدىكسىز ساپالىلاندىرىلىپ،ٴونىمدى قارجى قوسۋ بەلسەنە كەڭەيتىلسە
قۇلجا قالالىق ساياسي كەڭەس پارتيا باسشىلىق گرۋپپاسىنىڭ شۋجيى، ٴتوراعا زوۋ جىگاڭ
قۇلجا قالاسى ”تومەنگە بەرۋ، باسقارۋ، قىزمەت وتەۋ“ رەفورماسىن زور كۇشپەن ىلگەرىلەتىپ، ٴبىرقىدىرۋ ٴتيىمدى ساياساتتاردى شىعارىپ جانە تياناقتاندىرىپ، ماڭداي الدى شارۋاشىلىق - ساۋدا ورتاسىن بۇكىل وبلىستاعى ەڭ كورنەكتى التىن ماڭدايشالىققا اينالدىرۋعا قۇلشىندى، الايدا ۇكىمەتتىڭ فۋنكتسيالىق تاراۋلارىنىڭ حالىقتىق كاسىپورىنداردىڭ دامۋىنا قىزمەت وتەۋدەگى ٴتاسىلى، فورماسى جانە شاراسى ٴالى دە ساپالى بولماۋ، اكىمشىلىك تەكسەرىپ بەكىتۋ ونىمدىلىگى جوعارى بولماۋ، ساۋداگەر شاقىرىپ، قارجى ەنگىزۋدەگى ٴتيىمدى ساياساتتاردىڭ ابزالدىلىعى كورنەكتى بولماۋ سياقتى ماسەلەلەر ورىن تەۋىپ وتىر.
”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز كۇش سالا ىلگەرىلەتىپ، ٴىس ٴبىتىرۋ ٴتارتىبىن بارىنشا قاراپايىمداستىرىپ، تەكسەرىپ بەكىتۋ بۋىندارىن ازايتىپ، ”ەڭ كوپ بولعاندا ٴبىر رەت بارۋدىڭ“ قامتۋ كولەمىن كەڭەيتىپ، ”ساندىق مالىمەت قامالىن“ تالقانداپ، ينفورماتسيادا وقشاۋ قالۋ ماسەلەسىن شەشۋدى ۇسىنىس ەتەمىن. ەلەكتروندىق كۋالىك جۇيەسى قۇرىلىسىن جەدەلدەتىپ، ازاماتتىق كۋالىك، ۇيلەنۋ كۋالىگى، قوعامدىق قامسىزداندىرۋ كارتوچكاسى جانە تيجارات كۋالىگى، تۇراقتى مۇلىك ۇقىعى ەلەكتروندىق كۋالىگى سياقتى زاڭدىق يەلەردىڭ كوپ كۋالىگىن بىرىكتىرۋدى جۇزەگە اسىرىپ، اۋدان، قالا دەڭگەيىندەگى كاسىپتىك جۇيە مەن ەلەكتروندىق كۋالىك جۇيەسىنىڭ ٴوزارا بايلانىسىن ىلگەرىلەتۋ كەرەك. اۆتونوميالى رايونمەن سايكەسىپ، شينجياڭنىڭ اكىمشىلىك قىزمەت وتەۋ تۇعىرىنىڭ يقۋاتىن اناعۇرلىم ساپالىلاندىرىپ، كەمەلدەندىرىپ، جەلىدە جانە جەلىدەن تىس ىشكەرىلەي توعىسۋدى ىلگەرىلەتىپ، ٴبىر تۇلعالانعان اكىمشىلىك قىزمەت وتەۋ تۇعىرىنىڭ قىزمەت وتەۋ قابىلەتىن كۇشەيتۋ كەرەك.
تۇلپار ماركاسىنىڭ باسىمدىعىنا سۇيەنىپ، دالمە ـ ٴدال كۇش سالىپ، جىلقى شارۋاشىلىعى ارقىلى اۋقاتتاندىرۋ جۇزەگە اسىرىلسا
موڭعۇلكۇرە اۋداندىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعا بەردىبەك تۇرسىنباي ۇلى
موڭعۇلكۇرە اۋدانى وزگەشە جىلقى شارۋاشىلىعى بايلىعى باسىمدىعىنا سۇيەنىپ، ”جىلقى شارۋاشىلىعى وزەگىنىڭ“ نەگىزگى قوزعالتقىشىن كۇش سالا قالىپتاستىرىپ، ”جىلقى شارۋاشىلىعى +“ توعىسپالى دامۋدان ۇلگى كورسەتۋ رايونى قۇرىلىسىن ىلگەرىلەتتى.
اۋدان بويىنشا قورادا باعىلعان جىلقى 121 مىڭ 500 تۇياق، جىلقى شارۋاشىلىعىنان تىكەلەي جاراتىلعان ٴونىم قۇن 824 ميلليون يۋان بولىپ، ٴۇرتىس 31 كەزەك شينجياڭ ىلە تۇلپارى حالىقارالىق ساياحات مەرەكەسىن وتكىزىپ، بۇكىل ەل بويىنشا جىلقى سانى ەڭ كوپ، ساپاسى ەڭ جاقسى، اتاعى ەڭ جوعارى اۋدانعا اينالدى.
الايدا قازىر موڭعۇلكۇرەنىڭ سپورتتىق ات بايگەسى، سەيىل ـ سەرۋەن، كوڭىل اشۋ سياقتى ۇستەمە قۇنى جوعارى 3 ـ كاسىبى ٴالى دە العاشقى ساتىدا تۇر، جىلقى ونىمدەرىن جىنتىكتەي مانەرلەيتىن 2 ـ كاسىپتىڭ يەلەگەن سالىستىرماسى ٴبىرشاما تومەن، ٴونىم قۇنى ٴبىرشاما از، بايلىق باسىمدىعى مەن كاسىپ كومەسكى كۇشى تولىق ساۋلەلەندىرىلمەگەن.
ىلە اسىل تۇقىمدى جىلقى فەرماسىن، موڭعۇلكۇرە جىلقى فەرماسى وزەكتى تۇقىم جەتىلدىرۋ الاڭىن جەتەكشى ەتىپ، تۇتاس ٴوڭىر بويىنشا اسىل تۇقىم ينجەنەرياسىن ىلگەرىلەتىپ، اسىل تۇقىمدى جىلقى وسىرەتىن ٴىرى وتباسىلارمەن، وتباسىلىق مال فەرمالارىمەن، جىلقى شارۋاشىلىعى سەلبەستىك كووپەراتيۆتەرىمەن بىرلەسىپ، بىرلەسىپ تۇقىم جەتىلدىرۋ جۇيەسىن ورناتىپ جانە كەمەلدەندىرىپ، ىلە جىلقىسىنىڭ جاڭا تۇقىمىن جەتىلدىرۋ جۇيەسىن جەدەل قالىپتاستىرىپ، ساپالى اسىل تۇقىمدى جىلقىمەن قامداۋ بازاسىنىڭ ورنىن بەكەمدەۋدى ۇسىنىس ەتەمىن.
بۋىرشىن قار - مۇز ساياحاتىنىڭ جوعارى ساپالى دامۋى ىلگەرىلەتىلسە
بۋىرشىن اۋداندىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعا جالىن قابىلقاق ۇلى
تاياۋ جىلداردان بەرى بۋىرشىن اۋدانى ”بالالار ەرتەگىلەرىندەگى شەكارا قالا“ ورنىن تۇراقتاندىرۋىنا نازار اۋدارىپ، بۇكىل شينجياڭنىڭ قىسقى ساياحاتتى دامىتۋ جوباسىمەن ىرىقتى توعىستى، الايدا ٴبىر تۇتاس جوسپارلاۋ جەتەرسىز، نەگىزدىك قۇرىلعىلار سالىستىرمالى مەشەۋ، قىسقى كاسىپ فورماسى ٴبىرشاما جالاڭ، ۇگىتتەۋ، تانىستىرۋ ارناسى تار، كاسىپتىك دارىندىلار قوسىنى تاپشى.
جوعارى دەڭگەيدە ٴبىر تۇتاس جوسپارلاۋدى كۇشەيتىپ، نەگىزدىك سايكەستى قۇرىلعىلاردى كەمەلدەندىرىپ، ساياحاتقا جالپىلىق قىزمەت وتەۋدى ساپالىلاندىرىپ، قىسقى ساياحات كاسىبىن بايىتىپ، دارىندىلار قوسىنىن باۋلۋدى كۇشەيتىپ، ساياحاتتىڭ دامۋ تەبىنىن ارتتىرۋدى ۇسىنىس ەتەمىن.
بۋىرشىن اۋدانى جيلين ولكەسىنىڭ شينجياڭعا باعىتتامالى كومەكتەسۋ باسىمدىعىنان تولىق پايدالانىپ، جۇڭگو (چاڭبايشان تاۋ سىلەمى - التاي تاۋ سىلەمى) قار - مۇز ەكونوميكاسىن جوعارى ساپالى دامىتۋ سىناق رايونى قۇرىلىسىمەن بەلسەنە توعىسىپ، ىقپالداستىق اسەرىن ساۋلەلەندىرىپ، اۆتونوميالى رايونمەن، اۆتونوميالى وبلىسپەن جانە توڭىرەكتەگى اۋدان، قالالارمەن بىرلەسۋدى كۇشەيتىپ، قار - مۇز ەكونوميكاسىنىڭ وڭىرلىك سايكەستى دامۋىن ىلگەرىلەتەدى. جىپسەلەڭ اراسان مەيمانحاناسى، شۋەيوۋ جاتاقحاناسى سياقتى ساپالى تۇسەلحانالار، سونداي - اق زات ساتىپ الۋ، ەرەكشە اس - سۋ سياقتى سايكەستى قۇرىلعىلاردىڭ قىسقى اينالىمىن بەلسەنە ىلگەرىلەتىپ، كۇتىپ الۋ دەڭگەيىن جوعارىلاتادى.
جوعارى ساپالى دەموكراتيالىق باقىلاۋ ارقىلى جالپى بارىستىق حالىق دەموكراتياسىنىڭ امالياتىنا دەم بەرىلسە
كۇيتۇن قالالىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعا تيان شينمەي
باس شۋجي شي جينپيڭ بىلاي دەپ باسا دارىپتەدى: كەڭەستىك دەموكراتيانى جاپپاي دامىتىپ، حالىق ساياسي كەڭەسىنىڭ دەموكراتيالىق باقىلاۋ جانە مۇشەلەردىڭ ٴار سالاداعى بۇقارامەن بايلانىس جاساۋ ٴتۇزىمى مەحانيزمىن كەمەلدەندىرۋ كەرەك، ٴبىراق كەيبىر جەرلەردە دەموكراتيالىق باقىلاۋ بارىسىندا يدەيا ىرىقتى بولماۋ، امالياتتا تياناقتانباۋ جانە مەحانيزم كەمەلدى بولماۋ ماسەلەسى ورىن تەبۋدە.
دەموكراتيالىق باقىلاۋدىڭ دانەكەرلىك فورماسىن بايىتىپ، دەموكراتيالىق باقىلاۋ قابىلەتى مەن ورەسىن جوعارىلاتۋدى، سونىمەن بىرگە، دەموكراتيالىق باقىلاۋ قىزمەتىنىڭ ٴتارتىبىن ارناعا ٴتۇسىرۋدى ۇسىنىس ەتەمىن.
نازاردى بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىنە شوعىرلاندىرىپ، نەگىزگى ساتى ساياسي كەڭەس قىزمەت كوميتەتىنىڭ، مۇشەلەر قىزمەت پۋنكتىنىڭ (كەڭسەسى) نەگىزگى ساتىعا تامىر تارتۋ، بۇقاراعا بەت الۋ ارتىقشىلىعىن تولىق ساۋلەلەندىرىپ، بارلىق قىزمەتكەردىڭ ”ميكرولىق باقىلاۋىن“ كەڭىنەن ورىستەتۋ كەرەك. ساياسي كەڭەستىڭ دەموكراتيالىق باقىلاۋى مەن پارتيا ىشىندەگى باقىلاۋدىڭ، حالىق قۇرىلتايى باقىلاۋىنىڭ، اكىمشىلىك باقىلاۋدىڭ ۇشتاسۋ جولى جونىندە ىزدەنىس جاساپ، زاڭدىق باقىلاۋمەن سايكەسە قيمىلداپ، قوعامدىق باقىلاۋمەن، قوعامدىق پىكىر باقىلاۋىمەن ورگانيكالى ۇشتاستىرىپ، ساياسي كەڭەستىڭ ۇسىنىس جوباسى، قوعام جاعدايى، حالىق تىلەگى ينفورماتسياسى مەن حالىق قۇرىلتايىنىڭ كەڭەستىك جوباسى، پروكۋراتۋرالىق ۇسىنىس سياقتىلاردىڭ قوس باعىتتا كادەگە جاراتىلۋىن ىلگەرىلەتۋ كەرەك.
ساپالى مال شارۋاشىلىق ونىمدەرى كاسىبىنىڭ دامۋىن جەدەل ىلگەرىلەتۋ جونىندەگى ۇسىنىس
اۋىل شارۋاشىلىعىن وركەندەتۋ بانكەسى ىلە وبلىستىق بولىمشە بانكەسى پارتكومىنىڭ شۋجيى، بانكە باستىعى جۋاڭ ۋي - ۋ
ىلە وبلىسى − بۇكىل شينجياڭداعى ماڭىزدى سيىر شارۋاشىلىعى بازاسى، قوراداعى سيىر سانى بۇكىل شينجياڭ بويىنشا ٴبىرىنشى ورىندا تۇرادى، 10 ميلليارد يۋاننان اساتىن سيىر كاسىپ تىزبەگىن قۇرۋدىڭ نەگىزدىك شارت - جاعدايىن ازىرلەگەن، ٴبىراق ماركانىڭ ىقپال كۇشى ٴالسىز، كاسىپ كولەمى شاعىن، ەگىمشىلىك، باعىمشىلىق، مانەرلەۋ سالىستىرماسى سايكەستى ەمەس، كاسىپ تىزبەگى كەمەلدى ەمەس، شاعىن مال شارۋاشىلىق كاسىپورىندارىنىڭ قارجى قۇراۋى قيىن، كاسىپورىنداردىڭ دامۋىنا قارجىلاي قولداۋ كەمشىل.
جايىلىم بايلىعىن جانداندىرۋدى ارقاۋ ەتىپ، ”جاسىل، ورگانيكالىق جەم - ٴشوپ بازاسى“ قۇرىلىسىن جەبەۋدى، باستاماشى كاسىپورىنداردى جەتىلدىرۋگە قولداۋ كورسەتىپ، باستاماشى كاسىپورىنداردىڭ كاسىپ سالاسىنىڭ دامۋىنا جەتەكشىلىك ەتۋ رولىن ساۋلەلەندىرىپ، وسى زامانعى مال شارۋاشىلىعىنىڭ تۇتاس كاسىپ تىزبەگى كاسىپ سالاسى باقشاسىن قۇرۋدى ۇسىنىس ەتەمىن.
جايىلىم بايلىعىن جانداندىرۋمەن بىرگە، باستاماشى كاسىپورىنداردىڭ دامۋىن سۇيەمەلدەۋ كەرەك. ”ەگىستىك جەر + سۋ يگىلىگى + فوتوۆولت + ەگىمشىلىك، باعىمشىلىق“ ۇلگىسى جونىندە بەلسەنە ىزدەنىس جاساپ، نىسان قۇرىلىسى ارقىلى فينانس بايلىعىن جانداندىرىپ، مال شارۋاشىلىعى، جايىلىم، جارىق، سۋ ٴبىر تۇلعالانعان جەم - ٴشوپ بازاسى قۇرىلىسىن جەرگىلىكتى جاعدايعا قاراي ورىستەتۋ كەرەك. مال شارۋاشىلىعىنداعى باستاماشى كاسىپورىنداردى ساتىپ الۋ، بىرىكتىرۋ، قايتا قۇرۋ سياقتى تاسىلدەر ارقىلى تۇتاس كاسىپ سالاسى تىزبەگىن قۇرىپ، ەگىمشىلىك، باعىمشىلىق، مانەرلەۋ، ٴوندىرۋ، ساتۋ، قامداۋ ٴبىر تۇلعالانعان اينالىمدى جۇزەگە اسىرۋعا شابىتتاندىرۋ كەرەك.
قورعاس ەركىن ساۋدا سىناق رايونى قۇرىلىسىن ىلگەرىلەتۋ جونىندەگى ۇسىنىس
قورعاس قالالىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعا سۇلتان نۇرمامەت
شينجياڭ ەركىن ساۋدا سىناق رايونى قورعاس اۋماعىن قۇرۋ − پارتيا ورتالىق كوميتەتىنىڭ جانە اۆتونوميالى رايوندىق پارتكومنىڭ، ۇكىمەتتىڭ ىلەگە جۇكتەگەن ماڭىزدى ستراتەگيالىق ورايى. قورعاستىڭ شارۋاشىلىق - ساۋدا ورتاسىن ساپالىلاندىرۋ قاجەت، سونىمەن بىرگە، فينانس ٴتۇزىمى قۇرىلىسى كەمەلدى بولماۋ، جوعارى ساپالى كاسىپتىك دارىندىلار كەمشىل بولۋ سياقتى ماسەلەلەر ورىن تەبۋدە.
ساۋدانى قولايلىلاستىرۋ دەڭگەيىن جوعارىلاتىپ، ۇكىمەت فۋنكتسياسىندا جەدەل بۇرىلىس جاساپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن كۇش سالا قالىپتاستىرىپ، ساۋدا مەن كاسىپ سالاسىنىڭ دامۋىن كەڭەيتۋگە فينانستىق تىرەك ازىرلەپ، جوعارى دەڭگەيلى دارىندىلاردى باۋراۋدى ۇسىنىس ەتەمىن.
قورعاس اۋماعى تۇزىمىندە جاڭالىق اشۋدىڭ ساياساتتىق باسىمدىعىن تولىق ساۋلەلەندىرىپ، شەكارا وتكەلىنىڭ كەدەننەن ٴوتۋ ونىمدىلىگىن بارىنشا جوعارىلاتۋ كەرەك. شەكارا وتكەلىنىڭ ينفورماتسيا اينالىمىن ورناتۋ نەگىزىندە، ساندى مالىمەتتەردى ٴوزارا اۋىستىرۋدى كۇشەيتىپ، قۇرلىق، تەڭىز بىرلەسكەن تاسىمالىنىڭ ساندى مالىمەت ۇلكەن ارناسى قۇرىلىسىن كەمەلدەندىرۋ كەرەك.
ساۋدا، زات اينالىمى كاسىبىن جوعارى ساپالى دامىتۋ كۇش سالا ىلگەرىلەتىلسە
ىلە يۋەلياڭۋان قۇرىلىس ماتەريالدارى الاڭى جۇيران جىجيا ساۋدا ىستەرىن باسقارۋ شەكتى سەرىكتەستىگىنىڭ باس ديرەكتورى حۋا جياكۇي
ىلە وبلىسى ستراتەگيالىق جانە فۋنكتسيالىق سيپاتتى حالىقارالىق ساۋدا، قامبادا ساقتاۋ، زات اينالىمى تەكشەسىن بەلسەنە قۇرىپ، وبلىستا كولەمدەنگەن 53 ساۋدا بازارى سالىنىپ بولدى، ٴبىراق جالپى تۇلعالىق ورەسى جوعارى ەمەس، زات اينالىمى ونىمدىلىگى ٴبىرشاما تومەن، وسى زامانعى زات اينالىمى كاسىبىنىڭ دامۋىندا ٴالى دە ٴبىرشاما زور پارىق بار.
ۇيىمدىق باسشىلىقتى كۇشەيتىپ، سايكەستىرۋ مەحانيزمىن كەمەلدەندىرىپ، زات اينالىمى بايلىعىن بىرىكتىرىپ، اينالىم فۋنكتسياسىن كەمەلدەندىرۋدى، سونىمەن بىرگە، زات اينالىمى دارىندىلارىن تاربيەلەپ، زات اينالىمى ونىمدىلىگىن جوعارىلاتۋدى ۇسىنىس ەتەمىن.
شىعىس قالا رايونى زات اينالىمى باقشاسى قۇرىلىسىن كۇشەيتۋگە باسا ٴمان بەرىپ، ٴىرى تۇرپاتتى قامبادا ساقتاۋ، زات اينالىمى بازاسىن كوبەيتىپ سالىپ، شىعىس 5 اۋدان مەن توڭىرەكتەگى تۋان - الاڭدارعا قىزمەت وتەۋ كەرەك. جيڭدۇڭ، سۋنيڭ سياقتى ٴىرى تۇرپاتتى قامبادا ساقتاۋ، وتكەرمەلەۋ زات اينالىمى تەكشەسىن ەنگىزىپ، ورنالاسۋى ۇيلەسىمدى، كاسىپ كۇيى الۋان ٴتۇرلى، قولايلى دا تەز، فۋنكتسياسى كەمەلدى قالا - اۋىل ساۋدا اينالىمى جۇيەسىن قالىپتاستىرۋ كەرەك.
ارىز - ارمان ماسەلەسى زاڭمەن باسقارۋ وي جەلىسى جانە زاڭمەن باسقارۋ ٴتاسىلى ارقىلى شەشىلسە
شينجياڭ چاڭشينحى ادۆوكاتتىق ىستەر ورنىنىڭ ارناۋلى ادۆوكاتى شۇي دىڭكى
ارىز - ارمان قىزمەتىندە بۇقارانىڭ تىلەك - تالابىن ايتۋ، مۇددەسىن سايكەستىرۋ، ۇقىق - مۇددەسىن قامتاماسىزداندىرۋ ارناسىن ىركىلىسسىزدەندىرىپ جانە ارناعا ٴتۇسىرىپ، قايشىلىقتار مەن داۋ - شارلاردى دەر كەزىندە شەشۋ كەرەك. قازىر ىلە وبلىسىندا قايشىلىقتار مەن داۋ ـ شارلاردى كوپ نەگىزدى شەشۋ مەحانيزمىنىڭ ۇشتاسۋى ىركىلىسسىز بولماۋ، ارىز ـ ارمانداردى ٴبىر جاقتى ەتۋدە ۇيلەسىمدى تۇرگە ايىرۋ، ٴبولىپ ورنالاستىرۋ كەمشىل بولۋ، ارىز ـ ارمان ايتا كەلگەن بۇقارا مەن ارىز ـ ارمان سالاسى كادرلارىنىڭ زاڭمەن باسقارۋ تانىمى كۇشتى بولماۋ سياقتى ماسەلەلەر ورىن تەبۋدە.
قايشىلىقتار مەن داۋ - شارلاردى كوپ نەگىزدى شەشۋ مەحانيزمىن كەمەلدەندىرىپ، نەگىزگى ساتى پارتيا، ۇكىمەت باسشىلارىنىڭ ارىز - ارمان قابىلداۋ كۇنى نەگىزىندە، پارتيالى كادرلاردىڭ قىستاقتارمەن بايلانىس جاساۋ، قىستاقتا تۇرىپ ارىز - ارمان قابىلداۋ، ارالاپ ٴجۇرىپ ارىز - ارمان قابىلداۋ جانە بۇقارالارعا قىزمەت وتەۋ كۇنى مەحانيزمىن جالپىلاستىرۋدى ۇسىنىس ەتەمىن. ارىز - ارمان مەن ارىز - شاعىم، تورەلىك ايتۋ، جاراستىرۋ، قوعامدىق قۇتقارۋدىڭ بىرلەسىپ ارەكەتتەنۋ مەحانيزمىن شىنايى كەمەلدەندىرىپ، اركىم ٴوز مىندەتىن وتەيتىن، اركىم ٴوز جاۋاپكەرشىلىگىن ارقالايتىن، تەگىس يگەرىپ، بىرگە باسقاراتىن كوپ نەگىزدى شەشۋ جاعدايىن قالىپتاستىرۋدى ۇسىنىس ەتەمىن.