وبلىستىق ساياسي كەڭەس مۇشەلەرى گرۋپپالارعا ٴبولىنىپ، ۇكىمەت قىزمەتىنەن باياندامانى تالقىلادى

مىندەت اتقارىپ، جاۋاپكەرشىلىكتى ادا ەتىپ، جاۋاپكەرشىلىكتى شەبەرلىكپەن ارقالاپ، اسقاق جىگەرمەن بولاشاققا بەت الامىز

تىلشىلەرىمىز لي جيان، مىڭ شيا، ياڭ جيڭ - ي حابارلايدى. 1 - ايدىڭ 20 - كۇنى ساياسي كەڭەس ىلە وبلىستىق 14 - كەزەكتى كوميتەتىنىڭ 3 - ٴماجىلىسى گرۋپپالارعا ٴبولىنىپ تالقى جۇرگىزدى، مۇشەلەر بەلسەنە سوزگە شىعىپ، اسەرلەرىن اڭگىمەلەپ، دامۋدى تىلگە تيەك ەتىپ، تاماشا ٴادىس - امال قاراستىردى. كوپشىلىك ٴبىر اۋىزدان ۇكىمەت قىزمەتىنەن باياندامادا شىندىققا جۇگىنىپ، ناقتى ىستەر ىستەلگەندىگى قورىتىندىلانعان، قىزمەت ورنالاستىرۋداعى وي جەلىسى ايقىن بولىپ، ۇكىمەتتىڭ دامۋدى ىلگەرىلەتىپ، رەفورمانى تەرەڭدەتۋ سەنىمى مەن حالىق تۇرمىسىنا نازار اۋدارۋ سۇيىسپەنشىلىگىنە تولى، ادامدى ايرىقشا اسەرلەندىرەتىن، بارىنشا شابىتاندىراتىن، جوبا - جوسپار بويىنشا ورنالاستىرىلعان، سەنىمدى سەرپىلتەتىن جاقسى بايانداما دەپ قارادى.

وبلىستىق ساياسي كەڭەستىڭ مۇشەسى، شينجياڭ جياشياڭحاۋ ساۋدا توبى شەكتى سەرىكتەستىگىنىڭ باس جوراسى جين دىڭلياڭ بايانداماداعى شارۋاشىلىق - ساۋدا ورتاسىن ساپالىلاندىرۋ مازمۇنىنا ەرەكشە نازار اۋداردى. ول بىلاي دەدى: باياندامادا جاڭا ٴبىر جىلدا ٴتۇزىلىس، مەحانيزم رەفورماسىندا جاڭالىق اشۋدى جەدەلدەتىپ، ماڭداي الدى شارۋاشىلىق - ساۋدا ورتاسىن كۇش سالا قالىپتاستىرۋ ورتاعا قويىلدى، بۇل كاسىپكەرلەردىڭ سەنىمىن بارىنشا كۇشەيتتى، ”ٴبىز ىلە وبلىسىنىڭ جوعارى ٴونىمدى، قولايلى اكىمشىلىك ىستەر ورتاسىن كۇش سالا قالىپتاستىرىپ، ٴتۇيىندى كاسىپورىندار مەن نىسانداردىڭ قيىنشىلىعىن شەشۋىنە كومەكتەسۋىن ٴۇمىت ەتەمىز“.

باياندامادا: جاڭا جىلدا ”جاسىل ۇستانىمدى تاباندىلىقپەن امالياتتا ايگىلەپ، ەكولوگيالىق وركەنيەت قۇرىلىسىن ۇزدىكسىز ىلگەرىلەتۋ كەرەك“ دەپ اتاپ كورسەتىلگەن. بۇل جونىندە وبلىستىق ساياسي كەڭەستىڭ مۇشەسى، تارباعاتاي ايماقتىق ورمان شارۋاشىلىعى جانە جايىلىم مەكەمەسىنىڭ ورىنباسار باستىعى، 3 - دارەجەلى تەكسەرىپ - زەرتتەۋشى شاۋ پىڭ ەرەكشە تولعاندى جانە شابىت الدى. ول وبلىستىق ساياسي كەڭەستىڭ بيىل تاۋلى وڭىردەگى ورمان شارۋاشىلىعىن تەكسەرۋ، قورعاۋ مەن ەكونوميكالىق دامۋدى ٴونىمدى ۇشتاستىرۋعا باسا ٴمان بەرۋىن ٴۇمىت ەتتى، تەكسەرۋ - زەرتتەۋ ارقىلى قاتىستى ورىنداردى ات سالىسۋعا ۇيىمداستىرىپ، ورماندى، جايىلىمدى قورعاۋدىڭ ماڭىزدىلىعىن ىشكەرىلەي ٴتۇسىندىرىپ، مەملەكەتتىڭ زاڭ - ەرەجەلەرى مەن تۇزىمدەرىنە ساي، تاۋ، سۋ، ورمان، اتىز، كول، جايىلىم، قۇمدى قورعاۋدى ويداعىداي ىستەپ، جاراتىلىستىق بايلىقتان ويداعىداي پايدالانىپ، ىلە ەكونوميكاسىنىڭ جوعارى ساپالى دامۋىن جەبەۋدى ۇسىنىس ەتتى.

وبلىستىق ساياسي كەڭەستىڭ مۇشەسى، وبلىستىق قوسىننان شەگىنگەن اسكەريلەر ىستەرى مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى گۇلناز مۇسا قىزى باياندامادا اتاپ كورسەتىلگەن ”جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعىن بەكەمدەۋ، دامىتۋ“ سىندى ٴتۇيىندى قىزمەتتەر جونىندە ٴوز اسەرىن اڭگىمەلەدى: ”قىزىل مادەنيەتكە مۇراگەرلىك ەتۋ جانە ونى ساۋلەلەندىرۋ ـ قوسىننان شەگىنگەن اسكەريلەر ىستەرى مەكەمەسىنىڭ نەگىزگى كاسىبى، مەن ساياسي كەڭەس مۇشەسى بولۋداي قىزمەت جاۋاپكەرشىلىگىمدى اناعۇرلىم دەن قويا، كۇش سالا ويداعىداي اتقارىپ، ٴتىپتى دە ۇلەس قوسامىن. قوسىننان شەگىنگەن اسكەريلەر ىستەرى مەكەمەسى قوسىننان شەگىنگەن اسكەريلەردى قوسىننان شەگىنگەندە قاسيەتىن جوعالتپاۋعا ۇزدىكسىز ويداعىداي جەتەكتەپ، اسكەريلەردىڭ ستيلىنە مۇراگەرلىك ەتىپ جانە ونى ساۋلەلەندىرىپ، قوعام ورنىقتىلىعىن قورعاۋعا جانە ەكونوميكانىڭ دامۋىن جەبەۋگە كۇش - قۋات ارناۋ كەرەك“.

”اۋىل - قىستاقتى گۇلدەندىرۋ“ تاقىرىبى دا وبلىستىق ساياسي كەڭەس مۇشەلەرىنىڭ قىزۋ تالقىسىنا اينالدى.

”ساياسي كەڭەس مۇشەسى رەتىندە، مەن قىزمەت مىندەتىمدى بەلسەنە اتقارىپ، ات سالىسىپ، اۋىل - قىستاقتى گۇلدەندىرۋ ٴۇشىن ۇزدىكسىز اقىل ـ كەڭەس جانە سىندارلى پىكىر بەرەمىن“. وبلىستىق ساياسي كەڭەس مۇشەسى، قۇلجا اۋدانى ۋيۋە شۇيمەي شەكتى سەرىكتەستىگىنىڭ باس مەڭگەرۋشىسى گۋ شۇيمەي تالقى بارىسىندا اۋىل ـ قىستاقتىڭ دامۋ ورنالاسۋىن ۇيلەسىمدى ساپالىلاندىرىپ، ٴتۇيىندى اۋىل شارۋاشىلىق كەڭىستىگىن ساپالىلاندىرىپ، اۋىل - قىستاقتىڭ نەگىزدىك قۇرىلعىلار قۇرىلىسىن كەمەلدەندىرىپ، اۋىل - قىستاق ەرەكشە ساياحاتىن دامىتىپ، جاڭا داۋىردەگى اۋىل - قىستاقتى گۇلدەندىرۋ داستانىن قۇلشىنا جازۋدى ۇسىنىس ەتتى.

وبلىستىق ساياسي كەڭەس مۇشەسى، التاي ايماقتىق توعىسپالى مەديا ورتالىعى راديو - تەلەۆيزيا رەداكسياسىنىڭ مەڭگەرۋشىسى تەمىرعازى مۇتان ۇلى توعىسپالى مەديا داۋىرىندە ەلەكتروندى ساۋدا ارقىلى ەرەكشە اۋىل شارۋاشىلىق ونىمدەرىن اۋىل - قىستاقتان شىعارىپ، شارۋالاردىڭ كىرىسىن ارتتىرۋعا دەم بەرۋگە ٴتىپتى دە نازار اۋداردى. ول قىستاق ”ەكى كوميتەتىنىڭ“ ٴۇي جالاقىسىن ازايتۋ، كەشىرىم ەتۋ، جابدىقتارمەن قامداۋ سياقتى شارالار ارقىلى ەلەكتروندى ساۋدا تىكە تاراتىلىمدا زات ساتۋعا قىزمەت وتەۋ تۇيىندەرىن بەلسەنە قۇرىپ، ەگىنشى - مالشىلارعا ەرەكشە اۋىل شارۋاشىلىق ونىمدەرىن جالپىلاستىرۋ تۇعىرىن ورناتىپ، ەرەكشە اۋىل شارۋاشىلىق ونىمدەرىنىڭ قىستاقتان شىعىپ، بۇكىل ەلگە بەت الۋىنا دەم بەرۋىن ۇسىنىس ەتتى.