تىلشىلەرىمىز ما چىڭلۋ، ليۋ چىڭگاڭ حابارلايدى. 1 - ايدىڭ 21 - كۇنى تۇستەن بۇرىن اۆتونوميالى وبلىستىق 15 - كەزەكتى حالىق قۇرىلتايىنىڭ 3 - ٴماجىلىسى گرۋپپالار تالقىسىن وتكىزدى، وبلىستىق پارتكومنىڭ شۋجيى ياڭ شيۋلي، وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى التاي ايماعى ۋاكىلدەر ۇيىرمەسىنىڭ، تارباعاتاي ايماعى ۋاكىلدەر ۇيىرمەسىنىڭ گرۋپپالار تالقىسىنا قاتىناسىپ، پىكىر - ۇسىنىستارىن تىڭدادى.

ٴماجىلىس زالى قىزۋ مەرەيگە شومدى، ۋاكىلدەر ٴوز كوزقاراستارىن ٴبىلدىرىپ، بەلسەنە سوزگە شىعىپ، بيىلعى ۇكىمەت قىزمەتىنەن باياندامانى تولىق تۇراقتاندىردى. بولات ورازبەك ۇلى، ٴسابيت قازەز ۇلى، لي جاۋلۇڭ، ساعىنبەك جاناتبەك ۇلى، جارقىن توكەي ۇلى، جاناربەك سەتەرقان ۇلى، ۋاڭ دۇڭشىڭ، ساۋ چۇنشان، بي شىڭ قاتارلى حالىق قۇرىلتايى ۋاكىلدەرى ٴوز سالاسىنىڭ ەرەكشەلىگىنە، قىزمەت ٴىس جۇزىندىگىنە ۇشتاستىرىپ، زاڭمەن باسقارىلاتىن ۇكىمەت قۇرىلىسى، شارۋاشىلىق - ساۋدا ورتاسىن ساپالىلاندىرۋ، نەگىزگى ساتى بۇقاراسىنىڭ ەمدەلۋى، شەكارا وتكەلى قۇرىلىسى، ٴادىليالىق باقىلاۋ، اۋىل ـ قىستاق ساياحاتى، كەلەلى نىساندار قۇرىلىسى، ەگىنشى ـ مالشىلاردىڭ كىرىسىن ارتتىرۋ سياقتى جاقتاردى ارقاۋ ەتىپ، سىندارلى اقىل ـ كەڭەس بەردى.

ياڭ شيۋلي مۇقيات تىڭداپ، كوپشىلىكپەن بىرگە تالقى جۇرگىزىپ، پىكىر اۋىستىردى. ۋاكىلدەردىڭ ٴسوزىن تىڭداعاننان كەيىن ياڭ شيۋلي وبلىستىق پارتكوم اتىنان بۇكىل وبلىستاعى ٴار دارەجەلى حالىق قۇرىلتايلارى مەن بارشا حالىق قۇرىلتايى ۋاكىلدەرىنىڭ ىلەنىڭ ەكونوميكاسىنىڭ، قوعامىنىڭ دامۋىنا قوسقان ۇلەسىنە العىس ايتتى.

ياڭ شيۋلي بىلاي دەپ اتاپ كورسەتتى: ٴبىر جىلدان بەرى وبلىستىق حالىق قۇرىلتايى تۇراقتى كوميتەتى پارتيانىڭ جاپپاي باسشىلىعىنا تاباندى بولۋدى باستان ـ اياق ەڭ جوعارى ساياسي پرينسيپ ەتىپ، حالىقتىڭ وزىنە - ٴوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، بورىش پەن جاۋاپكەرشىلىك ارقالاۋدى كۇشەيتىپ، زاڭ بويىنشا مىندەت اتقارىپ، جاۋاپكەرشىلىكتى ادا ەتىپ، حالىق قۇرىلتايى قىزمەتىن جۇيەلى جوسپارلاۋعا، جوعارى ولشەممەن ىلگەرىلەتۋگە، جاسامپازدىقپەن ىلگەرىلەتۋگە تاباندى بولىپ، قىزمەت جاعىندا ٴورىس كەڭەيتۋدى، ٴتۇيىندى ناتيجە جاراتۋدى، تۇلعالىق جوعارىلاتۋدى جۇزەگە اسىرىپ، جۇڭگوشا وسىزامانداندىرۋدىڭ ىلە امالياتىن ىلگەرىلەتۋگە بەلسەندى ۇلەس قوستى. 2023 - جىلى ىلە وبلىسى اۆتونوميالى رايوندىق پارتكوم مەن ۇكىمەتتىڭ دۇرىس باسشىلىعىندا شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ٴىس جۇزىندىكتى تياناق ەتىپ، جاسىل كەن كاسىبى، اۋىل - قىستاقتى گۇلدەندىرۋ، ساياحات كاسىبى، شەكارا وتكەلى ەكونوميكاسى سىندى 4 ۇلكەن بولەكتى نەگىزگى قامال الۋ باعىتى ەتىپ، ”1+1+8 كاسىپ سالاسى شوعىرى“ ەكونوميكانى جوعارى ساپالى دامىتۋدىڭ وسىزامانداندىرۋ جولىنا قادام تاستادى. ىلە وبلىسىنىڭ قوعامدىق جالپى جاعدايى ۇزدىكسىز ورنىقتى بولىپ، ەكونوميكالىق، قوعامدىق ىستەردە تاماشا دامۋ جاعدايى، وراسان زور كومەسكى كۇش جانە جارقىن بولاشاق ايگىلەندى. ”ٴبىر بەلدەۋ، ٴبىر جول“ قۇرىلىسى مەن ”ەكى قورعاس، ەكى قۇلجانى“ ٴبىر تۇلعالاندىرىپ دامىتۋ ستراتەگياسىنىڭ ىشكەرىلەي اتقارىلۋىنا ىلەسە، قازىرگى ىلەدە ساياسات، گۋمانيتارلىق، بايلىق، ەسىك اشۋ باسىمدىعى قاباتتاسىپ، تۇتاس جىلدىق ەكونوميكالىق، قوعامدىق دامۋ نىساناسى ٴبىرشاما جاقسى جۇزەگە اسىرىلدى. 

ياڭ شيۋلي مىنالاردى باسا دارىپتەدى: بيىل جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوباداعى نىسانا - مىندەتتەردى جۇزەگە اسىرۋداعى شەشۋشى جىل، سونداي ـ اق اۆتونوميالى وبلىس قۇرىلعاندىعىنىڭ 70 جىلدىعى. ىلە وبلىسىنا توتە قاراستى ورىنداردىڭ، تارباعاتاي ايماعىنىڭ، التاي ايماعىنىڭ ساپالى دا مول ٴتۇرلى بايلىعى بار، ۋاكىلدەردىڭ وزەكتى ۇزدىكسىز ارقاۋ ەتىپ، جالپى جاعدايعا قىزمەت وتەپ، اۆتونوميالى رايوندىق 10 - كەزەكتى پارتكوم ونىنشى جالپى ٴماجىلىسى ورنالاستىرعان جوعارى ساپالى دامۋدىڭ ٴتۇيىندى مىندەتتەرىن جانە اۆتونوميالى وبلىستىق پارتكوم مەن ۇكىمەت بەلگىلەگەن ٴتۇيىندى شارالاردى تىعىز ارقاۋ ەتە وتىرىپ مىندەت اتقارىپ، جاۋاپكەرشىلىكتى ادا ەتىپ، حالىقتى وزەك ەتۋگە، حالىق ٴۇشىن قىزمەت ىستەۋگە تاباندى بولۋىن، يدەيانى ازات ەتىپ، كوزقاراستا ونان ارى بۇرىلىس جاساپ، ٴوز باسىمدىقتارىن ساۋلەلەندىرىپ، ناقتى ىستەپ، جاڭالىق اشىپ، ىلەنىڭ دامۋىنا ساياتىن جالپى جاعدايى بيىگىنەن اقىل - كەڭەس بەرىپ، ىلەنىڭ دامۋىن جەدەلدەتۋدەگى پاراساتتىلار توبى بولۋعا ۇمتىلىپ، ىلە وبلىسىنىڭ جاڭا دامۋ جاعدايىنا قىزمەت وتەۋ جانە توعىسۋ بارىسىندا اناعۇرلىم زور رول اتقارۋىن ٴۇمىت ەتەمىن.

ياڭ شيۋلي مىنالاردى تالاپ ەتتى: ىلە وبلىسىنا توتە قاراستى ورىندار، تارباعاتاي ايماعى، التاي ايماعى نازاردى جوعارى ساپالى دامۋ سىندى ماڭداي الدى مىندەتكە شوعىرلاندىرىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، ەسىك اشۋ مەن ورنىقتىلىقتى ٴبىر تۇتاس جوسپارلاپ، ”6 ٴىرى ستراتەگيالىق ورىن“ تۇراقتاندىرۋدى كوزدەپ، ”16661“ ٴتۇيىندى شاراسىن بار كۇشپەن ويداعىداي يگەرۋ كەرەك. ۇيرەنۋدى كۇشەيتىپ، ٴبىلىم ۇستانىمىن جاڭالاپ، ىلە وبلىسىنىڭ وزگەشە بايلىق باسىمدىعىن تولىق ساۋلەلەندىرىپ، وڭىرلىك ورىن باسىمدىعىن، بايلىق باسىمدىعىن ەكونوميكالىق باسىمدىققا اينالدىرىپ، ىلە ەكونوميكاسىنىڭ دامۋىنا پارمەندى قوزعاۋشى كۇش ۇستەۋى كەرەك. جۇڭگو (شينجياڭ) ەركىن ساۋدا سىناق رايونىنىڭ دامۋ بارىسىنداعى ستراتەگيالىق ورايىن مىقتى يگەرىپ، قاباتتاسۋ باسىمدىعىنان ويداعىداي پايدالانىپ، تۇزىمدە جاڭالىق اشۋدى تەرەڭدەتىپ، بۇكىل وبلىستىڭ شەكارا وتكەلى ەكونوميكاسىندا جوعارى دەڭگەيدە ەسىك اشۋدى، جوعارى ساپالى دامۋدى قول ۇستاسا ىلگەرىلەتۋ كەرەك. كاسىپ سالاسى جۇيەسىن اقاۋسىزداندىرىپ، ىلەنىڭ ەرەكشەلىگى مەن باسىمدىعىن ايگىلەيتىن وسىزاماندانعان كاسىپ سالاسى جۇيەسىن جەدەل ورناتىپ، اشىق ەكونوميكانى دامىتۋدىڭ جاڭا قوزعاۋشى كۇشىن، جاڭا باسىمدىعىن قۇلشىنا جەتىلدىرىپ، ەكونوميكالىق دامۋدىڭ تىڭ ساتىعا كوتەرىلۋىن ۇزدىكسىز ىلگەرىلەتۋ كەرەك. جان ـ جاقتى اۋىس ـ كۇيىستى كۇشەيتىپ، ٴارقايسى اۋدان، قالالاردىڭ ٴوزارا ۇيرەنۋىن، ٴوزارا قۇرۋىن ىلگەرىلەتىپ، پارتيا، ۇكىمەت باسشىلارى ارا، كاسىپورىندار ارا، كادرلار ارا اۋىس ـ كۇيىس جاساۋعا جەتەكشىلىك ەتىپ، عىلمي، ۇيلەسىمدى، سايكەستى داميتىن، باسىمدىقتار ارقىلى ٴبىرىن - ٴبىرى تولىقتاپ، ىقپالداسا داميتىن جاڭا جاعداي قالىپتاستىرىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ امالياتى بارىسىندا ىلەنىڭ ىسكەرلىگىن اناعۇرلىم ويداعىداي ايگىلەۋ كەرەك.

وبلىستىق حالىق قۇرىلتايى تۇراقتى كوميتەتىنىڭ ورىنباسارى مەڭگەرۋشىسى اقجول انەش ۇلى، وبلىستىق حالىق ۇكىمەتىنىڭ ورىنباسار باستىعى دالەلبەك كەنجەقان ۇلى ماجىلىسكە قاتىناستى.

سۋرەتتە: وبلىستىق پارتكومنىڭ شۋجيى ياڭ شيۋلي، وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى التاي ايماعى ۋاكىلدەر ۇيىرمەسىنىڭ گرۋپپالار تالقىسىندا.

ليۋ چىڭگاڭ فوتوسى