(2024 - جىلى 1 - ايدىڭ 21 - كۇنى اۆتونوميالى وبلىستىق 15 - كەزەكتى حالىق قۇرىلتايىنىڭ 3 - ماجىلىسىندە جاسالدى)

اۆتونوميالى وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى نياز اشىم 

2023 - جىلعى ٴتۇيىندى قىزمەتتەر

2023 - جىل − ايرىقشا ٴبىر جىل بولدى. باس شۋجي شي جينپيڭ اراعا ٴبىر جىل سالىپ شينجياڭعا تاعى كەلدى ٴارى ماڭىزدى ٴسوز سويلەپ، شينجياڭداعى ٴار ۇلت حالىق بۇقاراسىنا ۇلكەن قامقورلىق جانە زور شابىت بەرىپ، ٴبىزدىڭ جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋىمىزعا ايقىن باعدار كورسەتىپ، ٴتۇبىرلى بويسۇنۋ ولشەمىن ازىرلەدى. ٴبىر جىلدان بەرى اۆتونوميالى وبلىستىق پارتكومنىڭ دۇرىس باسشىلىعىندا، وبلىستىق حالىق قۇرىلتايى تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسى مەن پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن، اسىرەسە، اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىردى، تياناقتاندىردى. پارتيا باسشىلىعىنىڭ، حالىقتىڭ وزىنە - ٴوزى قوجا بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، بورىش پەن جاۋاپكەرشىلىكتى كۇشەيتىپ، زاڭ بويىنشا مىندەت اتقارىپ، جاۋاپكەرشىلىكتى ادا ەتىپ، جۇيەلى جوسپارلاۋعا، جوعارى ولشەممەن ىلگەرىلەتۋگە، حالىق قۇرىلتايى قىزمەتىن جاسامپازدىقپەن ويداعىداي ىستەۋگە تاباندى بولىپ، قىزمەت كولەمىن كەڭەيتۋدى، تۇيىننەن قامال الۋدى، جالپى تۇلعالىق جاقتان جوعارىلاتۋدى جۇزەگە اسىرىپ، جۇڭگو ۇلگىسىندەگى وسىزامانداندىرۋدىڭ ىلە امالياتىن ىلگەرىلەتۋگە بەلسەندى ۇلەستەر قوستىق.

ٴبىرىنشى، ساياسي مايداندا بەرىك تۇرىپ، ۇلگىگە، ولشەمگە تۋرالانۋدى كورنەكتىلەندىرىپ، شارتسىز ادال ساياسي جاۋاپ تاپسىردىق

تۇراقتى كوميتەت پارتيانىڭ جاپپاي باسشىلىعىنا تاباندى بولۋدى باستان - اياق ەڭ جوعارى ساياسي پرينسيپ ەتىپ، ”ەكىنى تۇراقتاندىرۋدى“ باتىل قورعاۋدى، ”ٴتورت تانىمدى“ كۇشەيتۋدى، ”ٴتورت سەنىمدى“ بەكەمدەۋدى، ”ەكىنى قورعاۋدى“ ورىنداۋدى ەڭ ٴتۇبىرلى ساياسي ٴتارتىپ جانە ساياسي قاعيدا ەتىپ، پارتيانىڭ شەشىمدەرىن، ورنالاستىرۋلارىن ۇيرەنۋدى، دايەكتىلەندىرۋدى ماڭداي الدى مىندەت ەتىپ، پارتكومنىڭ قىزمەت ورنالاستىرۋلارىن تاباندىلىقپەن، ەگجەي - تەگجەيلى، ناقتى تياناقتاندىرىپ، حالىق قۇرىلتايى قىزمەتىنىڭ ٴاربىر بۋىنىندا، ٴاربىر جاعىندا، ٴاربىر سالاسىندا ايگىلەۋگە كۇش سالدىق. نازاريالىق سەرگەكتىكپەن ساياسيدا تاباندى بولۋعا شىنايى كەپىلدىك ەتىپ، ناقتى شارالار ارقىلى نەگىزگى تاقىرىپتىق تاربيە قيمىلىن تەرەڭدەتىپ، مايدانى ايقىن تۇردە قىزمەت بەتالىسىن ٴدال يگەرىپ، جاۋاپكەرشىلىكتى ارقالاپ، پارتكومنىڭ ورنالاستىرۋلارىن تياناقتاندىردىق. اسىرەسە، اۆتونوميالى رايوننىڭ ىلە وبلىسىنىڭ لاستانۋدان ساقتانۋ جانە ونى جونگە سالۋدان قامال الۋ شايقاسىن ىشكەرىلەي ويداعىداي جۇرگىزۋ ناتيجەسىن باعالاۋداعى ەكولوگيالىق ورتا سالاسىنا ساياتىن زاڭ شىعارۋ، ەستەلىككە الىپ تەكسەرۋ، زاڭ بويىنشا باقىلاۋ سياقتى باعالاۋ قىزمەتتەرىن جوعارى ساپامەن ورىنداپ، ”پارتيا حالىق قۇرىلتايىنان نە ىستەۋدى تالاپ ەتسە، حالىق قۇرىلتايى سونى ىستەۋ“ دەگەن ساياسي سانالىلىق پەن ساياسي جاۋاپكەرشىلىكتى ايگىلەدىك.

ەكىنشى، زاڭ شىعارۋ ارقىلى جەتەكشىلىك ەتۋگە تاباندى بولىپ، جوعارى ساپالى، جوعارى ٴونىمدى بولۋدى كورنەكتىلەندىرىپ، تاماشا زاڭ ارقىلى شەبەرلىكپەن جونگە سالۋدىڭ زاڭمەن وڭاۋ جاۋابىن تاپسىردىق

(1) ٴتۇيىندى سالالارداعى زاڭ شىعارۋ جەدەل ىلگەرىلەتىلدى. ”شاعىن كىرىسۋ ٴتۇيىنى“، ”شاعىن، جەدەل، ٴونىمدى“ جاڭا داۋىردەگى زاڭ شىعارۋ تالابىنا ساي 2 جەرگىلىكتى زاڭ - ەرەجە جاسالدى، ٴبىر جەكە ەرەجە كۇشىنەن قالدىرىلدى. جۇڭحۋا ۇلتى ورتاق تۇلعا تانىمىن بەرىك ورناتۋدىڭ ايقىن بەتالىسىن كورنەكتىلەندىرىپ، «ىلە قازاق اۆتونوميالى وبلىسىنداعى ۇلتتاردىڭ ارالاسۋىن، ىشتەسۋىن، توعىسۋىن جەبەۋ ەرەجەسىن» جاساپ، بۇكىل ەلدەگى ۇلتتاردىڭ ارالاسۋىن، ىشتەسۋىن، توعىسۋىن جەبەيتىن تۇڭعىش جەرگىلىكتى زاڭ - ەرەجەگە اينالدىرىپ، اۆتونوميالى وبلىستاعى ۇلتتاردىڭ كەڭ كولەمدە ارالاسۋىن، جاپپاي ىشتەسۋىن، ىشكەرىلەي توعىسۋىن بەرىك زاڭمەن باسقارۋ كەپىلىمەن قامدادىق. ىلە وبلىسىنىڭ وزىندىك ەرەكشەلىككە يە جابايى جەمىس ورمانى بايلىعىن جۇيەلى قورعاۋ، اشۋ جانە پايدالانۋدى تياناق ەتىپ، «ىلە قازاق اۆتونوميالى وبلىسىنىڭ جابايى جەمىس ورمانى بايلىعىن قورعاۋ ەرەجەسىن» جاساپ، زاڭمەن باسقارۋ ٴتاسىلى ارقىلى جابايى جەمىس ورمانى بايلىعىن قورعاۋعا نەگىز ورناتىپ، دەم بەردىك. اۆتونوميالى وبلىستىڭ قازىر اتقارىلىپ وتىرعان جەرگىلىكتى زاڭ - ەرەجەلەرىن جان - جاقتى رەتتەپ، «ىلە وزەنى الابىنداعى جەر اشۋدى باسقارۋ ەرەجەسىن» زاڭ بويىنشا كۇشىنەن قالدىردىق.

(2) جەرگىلىكتى زاڭ شىعارۋ قابىلەتى قۇرىلىسى كۇشەيتىلدى. جەرگىلىكتى زاڭ شىعارۋ مەحانيزمىن ۇزدىكسىز اقاۋسىزداندىرىپ جانە كەمەلدەندىرىپ، وبلىستىق حالىق قۇرىلتايى تۇراقتى كوميتەتىنىڭ، ۇكىمەتتىڭ باسشىلىق القاسىنىڭ باسشىلارى جاۋاپتى بولاتىن ”قوس گرۋپپا باستىعى“ ٴتۇزىمى بويىنشا زاڭ شىعارۋدى جازۋعا باسشىلىق ەتۋ گرۋپپاسىن قۇرىپ، اشىق زاڭ شىعارۋعا تاباندى بولىپ، بۇكىل وبلىس كولەمىندە زاڭ شىعارۋ جوباسى جونىندەگى پىكىرى مەن جاڭا زاڭ شىعارۋ ۇسىنىس نىساندارىن جينادىق. زاڭ شىعارۋ جونىندە اقىل - كەڭەس بەرەتىن مامانداردى باسقارۋ ٴادىسىن بەلگىلەپ، تۇتاس بارىستا، ٴارقايسى بۋىنداردا مامان - وقىمىستىلاردىڭ، حالىق قۇرىلتايى ۋاكىلدەرىنىڭ جانە قوعامداعى ٴار سالانىڭ پىكىرىن تىڭدايتىن زاڭ شىعارۋ قىزمەتى جاعدايىن قالىپتاستىردىق. زاڭ جالپىلاستىرۋ جاۋاپكەرشىلىك ٴتۇزىمىنىڭ تالابىن تياناقتاندىرىپ، جەرگىلىكتى زاڭ - ەرەجەلەردى جاساۋ، جاريالاۋ، اتقارۋ جونىندە 3 رەت اقپار جاريالاۋ ٴماجىلىسىن اشتىق. مەملەكەتتىك حالىق قۇرىلتايى تۇراقتى كوميتەتىنىڭ قۇلجا اۋدانى قۇديارجۇزى قالاشىعىنىڭ نەگىزگى ساتى زاڭ شىعارۋ بايلانىس ٴتۇيىنىن ٴساتتى قۇرىپ، ونى بۇكىل شينجياڭداعى بىردەن - ٴبىر مەملەكەت دارەجەلى نەگىزگى ساتى زاڭ شىعارۋ بايلانىس تۇيىنىنە اينالدىردىق. بۇكىل وبلىستاعى 11 ٴار دارەجەلى نەگىزگى ساتى زاڭ شىعارۋ بايلانىس ٴتۇيىنى مەن اۆتونوميالى وبلىستىڭ زاڭ شىعارۋعا كەڭەس بەرۋ بازاسىنىڭ قىزمەتىن ۇزدىكسىز ارناعا ٴتۇسىرىپ، زاڭ شىعارۋ حالىق تىلەگىن تىكە جەتكىزۋ كلاسىنىڭ ٴتىپتى دە كوپ، جەلىسىنىڭ ٴتىپتى دە كەڭ، قامتىمى ٴتىپتى دە تولىق بولۋىن جۇزەگە اسىرىپ، نەگىزگى ساتىداعى بۇقارانىڭ ۇسىنىس - پىكىرلەرىنىڭ زاڭ شىعارۋ ورگاندارىنا ىركىلىسسىز جەتۋىنە كەپىلدىك ەتتىك. 

(3) ەستەلىككە الىپ تەكسەرۋ قىزمەتى شىنايى بەكەمدەلدى، جوعارىلاتىلدى. ”ۇكىمەتتىڭ، باقىلاۋ - تەكسەرۋ كوميتەتىنىڭ، سوت مەكەمەسىنىڭ، پروكۋراتۋرا مەكەمەسىنىڭ“ ەستەلىككە الىپ تەكسەرۋ قىزمەتىن تەكسەرۋدى، وعان جەتەكشىلىك ەتۋدى كۇشەيتىپ، ەستەلىككە الىپ تەكسەرۋدى ۇشتاستىرۋ، بىرلەسىپ قيمىلداۋ مەحانيزمى مەن قىزمەت ٴتارتىبى ارناعا ٴتۇسىرىلدى. ىلە وبلىستىق اۋداندىق، اۋىلدىق حالىق قۇرىلتايلارىنىڭ ەستەلىككە الۋ، تەكسەرۋ قىزمەتى ناق مايدان ٴماجىلىسىن اشىپ، بۇكىل وبلىستاعى ٴار دارەجەلى حالىق قۇرىلتايلارىنىڭ ەستەلىككە الۋ، تەكسەرۋ قىزمەتىن ارناعا ٴتۇسىرۋ، جوعارىلاتۋ، ساندى مالىمەت قويماسى قۇرىلىسىن جەدەلدەتۋ، ەستەلىككە الىپ تەكسەرۋ قىزمەتىنىڭ اۋىل - قالاشىقتارعا قاراي كەڭەيۋىنە قاراتا ناقتى تالاپتار قويىپ، ۇلگى كورسەتۋ تۇيىندەرىن بەلگىلەدىك. تارباعاتاي، التاي ايماقتىق حالىق قۇرىلتايى قىزمەت كوميتەتتەرىمەن جانە وبلىسقا توتە قاراستى اۋداندىق، قالالىق حالىق قۇرىلتايلارىمەن سەلبەسىپ، ٴوزىن - ٴوزى تەكسەرۋ، اداقتاۋ، ٴبىر تۇتاس تەكسەرۋ، جولداۋ مازمۇنى سياقتى قىزمەتتەردى جاپپاي جاقسى ىستەپ، وبلىس دارەجەلى بۇرىنعى جىلداردان بەرگى 33 جەرگىلىكتى زاڭ - ەرەجە، 50 قاۋلى - قارار رەتتەدىك. اۆتونوميالى رايوندىق حالىق قۇرىلتايىنا بۇكىل وبلىستا قازىر اتقارىلىپ وتىرعان كۇشكە يە زاڭ - ەرەجەلەر تىزىمدىگىنەن جانە نۇسقاسىنان 23 ىن، قاۋلى - قارار تىزىمدىگى مەن نۇسقاسىنان 47 سىن ٴبىر تۇتاس جولداپ، ەستەلىككە الۋ، تەكسەرۋ ساندى مالىمەت قويماسى قۇرىلىسىن ىلگەرىلەتۋگە بەرىك نەگىز قالادىق.  

ٴۇشىنشى، نازاردى دامۋ مەن ورنىقتىلىققا شوعىرلاندىرىپ، جالپى جاعداي، ۇلكەن اۋقىمدى كورنەكتىلەندىرىپ، جالپى جاعدايعا قىزمەت وتەيتىن دامۋ جاۋابىن تاپسىردىق

(1) قوعامدىق باسقارۋدى باقىلاۋ كۇشەيتىلدى. قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ٴتۇيىندى قىزمەتتەردى توڭىرەكتەپ باقىلاۋ تەبىنىن ارتتىردىق. قالا، اۋىل، الەۋمەتتىك اۋماقتاردى باسقارۋ جۇيەسى مەن باسقارۋ قابىلەتى قۇرىلىسى جونىندە ارناۋلى تەكسەرۋ - زەرتتەۋ ورىستەتىپ، بۇكىل وبلىستىڭ باسقارۋ جۇيەسى مەن باسقارۋ قابىلەتىن وسىزامانداندىرۋ قۇرىلىسىن بەلسەنە ىلگەرىلەتتىك. وبلىستىق سوت مەكەمەسىنىڭ اكىمشىلىك سوت اشۋ قىزمەتى جونىندەگى بايانداماسىن تىڭداپ جانە قاراپ، ارناۋلى تاقىرىپتا پىكىر الىپ، وبلىستىق ۇكىمەتتىڭ وبلىسقا توتە قاراستى اكىمشىلىك ورگانداردىڭ ارىزعا جاۋاپ قايتارۋ قىزمەتىن كۇشەيتۋىن ىلگەرىلەتىپ، وبلىستىق سوت مەكەمەسىنىڭ سۋديالاردىڭ قابىلەت قۇرىلىسىن كۇشەيتىپ، دەلو ارقىلى زاڭدى ٴتۇسىندىرۋ ۇگىت تەبىنىن ارتتىرىپ، اۆتونوميالى وبلىستىڭ ٴادىليا مەن اكىمشىلىكتىڭ ٴتيىمدى ىقپالداستىعىن ىلگەرىلەتتىك. وبلىستىق پروكۋراتۋرانىڭ ازامات جاسىنا تولماعانداردى تەكسەرۋ قىزمەتىنىڭ جاعدايىنا ارناۋلى تەكسەرۋ - زەرتتەۋ جۇرگىزىپ، وبلىستىق پروكۋراتۋرانىڭ ازامات جاسىنا تولماعانداردى تەكسەرۋ قىزمەتىنىڭ ارنايىلانۋ، جۇيەلىلەنۋ ورەسىن جوعارىلاتۋدى پارمەندى جەبەدىك. اۆتونوميالى وبلىستىڭ الەۋمەتتىك زاڭدىق قىزمەت وتەۋ جۇيەسى قۇرىلىسىنىڭ جاعدايى، 8 - بەسجىلدىق زاڭمەن باسقارۋ ۇگىت - تاربيەسىن دايەكتى اتقارۋ قاۋلىسىنىڭ اتقارىلۋ جاعدايى جونىندە ارناۋلى تاقىرىپتا تەكسەرۋ - زەرتتەۋ جۇرگىزدىك. ارىز - شاعىم قىزمەتى ەرەجەسىنىڭ اتقارىلۋىن تەكسەرۋدى ورىستەتىپ، بۇكىل وبلىستىڭ ارىز - شاعىم قىزمەتىن زاڭمەن باسقارۋ ورەسىن ٴونىمدى جوعارىلاتتىق.

(2) ەكونوميكالىق اينالىمدى باقىلاۋ كۇشەيتىلدى. اۆتونوميالى وبلىستىڭ جوسپار، مەجە ەسەبىنىڭ اتقارىلۋى جانە قازىنالىق باقىلاۋ، مەملەكەت مەنشىگىندەگى مال - مۇلىكتى باسقارۋ سياقتى ارناۋلى باياندامالارىن تىڭداپ جانە قاراپ، وبلىستىق ۇكىمەتتى قازىنا ساياساتىن ناقتى، جان - جاقتى تياناقتاندىرىپ، ەكونوميكانىڭ ورنىقتىلىق بارىسىندا جاقسارۋ جاعدايىن بەكەمدەپ، ەكونوميكانىڭ باياندى، اقاۋسىز دامۋىن ساقتاۋعا قۋزادىق. مەملەكەت مەنشىگىندەگى كاسىپورىنداردىڭ رەفورما، دامۋ جاعدايىنا قاراتا ارناۋلى تاقىرىپتا تەكسەرۋ - زەرتتەۋ جۇرگىزىپ، مەملەكەت مەنشىگىندەگى كاسىپورىنداردىڭ اقاۋسىز دامۋىن جەبەپ، مەملەكەت مەنشىگىندەگى مال - مۇلىكتىڭ قۇنىن ساقتاۋعا، ارتتىرۋعا كەپىلدىك ەتتىك. ونەركاسىپ باقشا رايونى قۇرىلىسىنىڭ اينالىم جاعدايى جونىندە ارناۋلى تاقىرىپتا تەكسەرۋ - زەرتتەۋ جۇرگىزىپ، ۇكىمەتتى جانە قاتىستى تاراۋلاردى سايكەستى قۇرىلعىلاردى كەمەلدەندىرۋگە، ساۋداگەر شاقىرۋدىڭ تاماشا ورتاسى مەن كاسىپ ورتاسىن قالىپتاستىرۋعا قۋزاۋشىلىق ەتتىك. شارۋاشىلىق - ساۋدا ورتاسىن ساپالىلاندىرۋدى كۇش سالا ىلگەرىلەتىپ، ارناۋلى قىزمەت بايانداماسىن تىڭداۋ جانە قاراۋ، ارناۋلى تاقىرىپتا پىكىر الۋ سياقتى باقىلاۋ تاسىلدەرىنەن جان - جاقتى پايدالانىپ، بازار نەگىزگى تۇلعالارىن قورعاۋ، اكىمشىلىك قىزمەت وتەۋدى ساپالىلاندىرۋ، باقىلاۋ - باسقارۋ، زاڭ اتقارۋدى ارناعا ٴتۇسىرۋ سياقتى ٴتۇيىندى، قيىن ماسەلەلەردى جۇيەلىلەندىرىپ، زاڭمەن باسقارۋ كۇشتەرى ارقىلى شارۋاشىلىق - ساۋدا ورتاسىنىڭ ۇزدىكسىز ساپالىلانۋىن، جوعارىلاۋىن ىلگەرىلەتتىك. 

(3) حالىق تۇرمىسى قۇرىلىسىن باقىلاۋ كۇشەيتىلدى. ”ٴوندىرىس حاۋىپسىزدىگى ىلە ساپارى“ اتىنداعى زاڭنىڭ اتقارىلۋىن تەكسەرۋدى ۇزدىكسىز ورىستەتتىك. اۋىل - قىستاقتى گۇلدەندىرۋدى جەبەۋ زاڭى، عىلىم - تەحنيكانى جالپىلاستىرۋ زاڭى جونىندەگى زاڭىنىڭ اتقارىلۋىن تەكسەرۋدى ۇزدىكسىز ورىستەتتىك. وبلىسقا توتە قاراستى اۋىل - قىستاق تاس جول قۇرىلىسى مەن كۇتىمدەۋ، باسقارۋ جاعدايىنا ارناۋلى تاقىرىپتا تەكسەرۋ - زەرتتەۋ جۇرگىزىپ، قاتىستى تاراۋلاردى بۇقارانىڭ اڭىسى كۇشتى بولعان حاۋىپسىزدىك كومەسكى قاتەرى ماسەلەسىن دەر كەزىندە تۇزەتۋگە قۋزادىق. استىق زاپاسىنىڭ حاۋىپسىزدىك جاعدايى جونىندە ارناۋلى تاقىرىپتا تەكسەرۋ - زەرتتەۋ جۇرگىزىپ، استىق زاپاسىن باسقارۋدىڭ ساپاسىن، ونىمدىلىگىن جوعارىلاتۋدى ىلگەرىلەتتىك. اۆتونوميالى وبلىستىڭ ەسكى سالت - سانانى وزگەرتۋ، اۋىل شارۋاشىلىق تۇقىم شارۋاشىلىعىنىڭ دامۋ جاعدايى جونىندە ارناۋلى تاقىرىپتا تەكسەرۋ ـ زەرتتەۋ جۇرگىزىپ، كونە سالت - سانا رەفورماسىن ورىستەتۋ، وركەنيەتتى جاڭا سالت ورناتۋ جانە اۋىل شارۋاشىلىق تۇقىم شارۋاشىلىعىنىڭ جوعارى ساپالى دامۋىن جەبەۋ جونىندەگى قاۋلىنى جەكە - جەكە شىعارىپ، ۇكىمەتتىڭ قاتىستى تاراۋلارىنىڭ ناقتى شارالار قولدانىپ، قاۋلىنىڭ ٴونىمدى اتقارىلۋىن جەبەدىك. 

(4) ەكولوگيالىق وركەنيەت قۇرىلىسىن باقىلاۋ كۇشەيتىلدى. ”جاراقسىز قاتتى زاتتاردىڭ لاستاۋىنان ساقتانىپ، جاسىل، تومەن كومىر قىشقىل گازدى دامۋدى ىلگەرىلەتۋدى“ نەگىزگى تاقىرىپ ەتكەن 22 - رەتكى ”ىلە قورشاعان ورتانى قورعاۋ ساپارى“ اتىنداعى زاڭنىڭ اتقارىلۋىن تەكسەرۋىن ورىستەتتىك. اۆتونوميالى وبلىستىڭ وتكەن جىلعى قورشاعان ورتا جاعدايى مەن قورشاعان ورتانى قورعاۋ نىساناسىنىڭ ورىندالۋ جاعدايى، سونداي - اق ورتالىقتىڭ قورشاعان ورتانى قورعاۋدى باقىلاۋ - تەكسەرۋدە اڭىس ەتكەن ماسەلەلەردى رەتتەۋ - تۇزەتۋ جاعدايى جونىندەگى باياندامانى تىڭداپ جانە قاراپ، ەكولوگيالىق ورتانى قورعاۋدى جاپپاي كۇشەيتىپ، كورىكتى ىلە قۇرۋ جونىندەگى قاۋلىنى شىعاردىق. جەر باسقارۋ زاڭىنىڭ اتقارىلۋىن تەكسەرۋدى ورىستەتىپ، ىلە وبلىسىنا توتە قاراستى مەملەكەت جەر بايلىعى كەڭىستىگىنىڭ جالپى تۇلعالىق جوباسى (2021 _ 2035) جونىندەگى قاۋلىنى شىعاردىق.  ”تۇنىق سۋ، جاسىل تاۋ − باعالى بايلىق“ نەگىزگى تاقىرىبىنان جازباي، تۇڭعىش مەملەكەتتىك ەكولوگيا كۇنى ۇگىت قيمىلىن مۇقيات ۇيىمداسىرىپ، ورىستەتىپ، شي جينپيڭ ەكولوگيالىق وركەنيەت يدەياسىنىڭ جۇرت جۇرەگىنە تەرەڭ ۇيالاۋىن ىلگەرىلەتتىك.

(5) باقىلاۋدىڭ ناقتى ونىمدىلىگى ۇزدىكسىز كۇشەيتىلدى. قاراۋ پىكىرىن ٴبىر جاقتى ەتۋ مەحانيزمىن اقاۋسىزداندىرىپ جانە كەمەلدەندىرىپ، قاراپ تەكسەرۋ، بىتىرۋگە تاپسىرۋ پىكىرىنىڭ تياناقتانۋىن سوڭىنا ٴتۇسىپ قۋزاۋدىڭ تۇيىق اينالىمىن قۇرىپ، قاراۋ پىكىرى مەن ٴتۇرلى قاۋلىلارعا، ۇيعارىمدارعا تۇگەلدەي جاۋاپ قايتارۋدى، بارلىق ىستەردىڭ تياناقتانۋىن ىلگەرىلەتتىك.

ٴتورتىنشى، قولداۋ، قامتاماسىزداندىرۋدى كۇشەيتىپ، نەگىزگى تۇلعانىڭ ىرىقتىلىعىن كورنەكتىلەندىرىپ، جالپى بارىستىق حالىق دەموكراتياسىن امالياتتا ايگىلەۋدىڭ جاۋابىن تاپسىردىق

(1) ۋاكىلدەر قىزمەتىنىڭ قابىلەت قۇرىلىسىندا تىڭ تابىستارعا قول جەتكىزىلدى. ارناۋلى ”قوس بايلانىس جاساۋ“ قىزمەتىنە قاتىستى ۇقتىرۋدى باسىپ تاراتىپ، قىزمەتتىڭ ۇدايىلانۋىن، جۇيەلىلەنۋىن ىلگەرىلەتتىك. ۋاكىلدەردىڭ كەڭەس جوبالارىن شىعارىپ، ۇسىنىستاردى العا قويۋ جانە ٴبىر جاقتى ەتۋ ٴادىسى سياقتى 4 ٴتۇرلى ٴتۇزىمدى جاساپ، ۋاكىلدەردىڭ مىندەت وتەۋىن ارناعا ٴتۇسىرۋدىڭ جەتەكشى يدەياسىن، نەگىزگى پرينسيبىن، باستى مازمۇنىن، ٴادىس - شارالارىن اناعۇرلىم ايقىندادىق. جىلدىق تاربيەلەۋ جوسپارىن عىلمي جاساپ، ۋاكىلدەردى مىندەت وتەۋ ۇيرەنۋىنە جانە ارناۋلى كۋرسقا قاتىناسۋعا 3 رەت ۇيىمداستىرىپ، وبلىسقا توتە قاراستى اۋىل - قالاشىق حالىق قۇرىلتايى ٴتوراعالارىنىڭ مىندەت وتەۋ قابىلەتىن جوعارىلاتۋ كۋرسىنان ٴبىر كەزەك اشتىق. ۋاكىلدەردىڭ تۇراقتى كوميتەتتىڭ ماجىلىسىنە سىرتتاي قاتىناسۋ تۇزىمىنە تاباندى بولىپ، تۇڭعىش رەت تۇراقتى كوميتەت ٴماجىلىسى كەزىندە ماجىلىسكە سىرتتاي قاتىناسقان ۋاكىلدەردىڭ تالقى ٴماجىلىسىن وتكىزۋگە ۇيىمداستىرۋ مەحانيزمىنە تاباندى بولىپ، شەشىم جاساۋ، اتقارۋ، باقىلاۋ، تياناقتاندىرۋ سىندى ٴارقايسى بۋىندارىندا حالىقتىڭ ٴۇنىن تىڭداۋعا كەپىلدىك ەتتىك. وسى جىل ىشىندە وبلىستىق حالىق قۇرىلتايى ۋاكىلدەرىن تەكسەرىپ - زەرتتەۋ، تەكسەرۋ، كوزدەن كەشىرۋ جانە ٴتۇرلى ٴماجىلىس قيمىلدارىنا قاتىناسۋعا 986 ادام - رەت ۇسىنىس ەتىپ، ۋاكىلدەردىڭ زاڭ بويىنشا مىندەت اتقارۋ، ىرىقتى مىندەت اتقارۋ ونىمدىلىگىن كورنەكتى ارتتىردىق. 

(2) دەموكراتيانىڭ، حالىق تىلەگىنىڭ نەگىزىن بەكەمدەۋ تىڭ ساتىعا كوتەرىلدى. ”سىناق ٴتۇيىن ارقىلى جەتەكتەۋ، بىرتىندەپ جالپىلاستىرۋ، جاپپاي قامتۋ“ باسقىشتارى بويىنشا، وبلىسقا توتە قاراستى اۋدان، اۋىل ەكى دارەجەلى ورىنداردىڭ حالىق تۇرمىسىنا قاتىستى ناقتى ىستەر نىسانىنداعى حالىق قۇرىلتايى ۋاكىلدەرىنىڭ بەلەتپەن شەشىم جاساۋ ٴتۇزىمى قىزمەتىن جۇيەلى جۇرگىزۋىنە جەتەكشىلىك ەتىپ، حالىق تۇرمىسىنا قاتىستى ناقتى ىستەر مەن بۇقارانىڭ قاجەتىن دالمە - ٴدال ۇشتاستىرۋدى، شىنايى ۇشتاستىرۋدى جەبەپ، نەگىزگى ساتىنى باسقارۋدا ”حالىققا تورەلىك ايتۋدى، تورەلىگىن حالىق ايتۋعا“ قاراي بۇرىلىس جاساۋدى جۇزەگە اسىردىق. ”پارتيانىڭ 20 - قۇرىلتايىنىڭ رۋحىن دايەكتىلەندىرۋدە 10 مىڭ ۋاكىل 10 مىڭ وتباسىنا بارۋ“ سياقتى جەلىلەس نەگىزگى تاقىرىپتىق امالياتتىق قيمىلداردى ارقاۋ ەتىپ، ٴار دارەجەلى حالىق قۇرىلتايى ۋاكىلدەرىن بۇقارامەن ەتەنە بايلانىس جاساۋ ارناسىن كەڭەيتۋ، پارتيانىڭ ساياساتى مەن زاڭ - ەرەجەلەرىن ۇگىتتەۋ، قوعام جاعدايى مەن حالىق تىلەگىن كەڭ كولەمدە ۇعىسۋ، بۇقارانىڭ قيىنشىلىعىن شەشۋگە كومەكتەسۋ سياقتى تاسىلدەر ارقىلى حالىقتىڭ وزىنە - ٴوزى قوجا بولۋىن قامتاماسىز ەتۋدى حالىق قۇرىلتايى قىزمەتىندە ناقتى، شىنايى تۇردە ايگىلەۋگە ۇيىمداستىردىق. ٴتۇرلى فورماداعى ارناۋلى ۋاكىلدەر گرۋپپاسىن قۇرۋ جونىندە بەلسەنە ىزدەنىس جاساپ، ۋاكىلدەردىڭ كاسىپتىك ەرەكشەلىگى مەن كاسىپ ابزالدىلىعىن مىندەت وتەۋ ابزالدىلىعىنا اينالدىرىپ، نەگىزگى ساتى دەموكراتياسىنىڭ جاڭا فورماسىن كەڭەيتتىك. ”ايەل حالىق قۇرىلتايى ۋاكىلى+ ايەلدەر بىرلەستىگى“، ”حالىق قۇرىلتايى ۋاكىلى+ جۇمىسشىلار ۇيىمى“ سىندى بىرلەسىپ ارەكەتتەنۋ، بىرگە قۇرۋ قىزمەت مەحانيزمىن جاسامپازدىقپەن ورناتىپ، ايەل بۇقارالار مەن كاسىپورىن جۇمىسشى - قىزمەتكەرلەرى قاۋىمىنىڭ ۇقىق - مۇددەسىن قورعاۋداعى، تالاپ - تىلەكتەرىن اڭىس ەتۋدەگى دەموكراتيالىق ارناسىن كەڭەيتتىك.

(3) ۋاكىلدەردىڭ كەڭەستىك جوبالارى مەن ۇسىنىستارىن ٴبىر جاقتى ەتۋدە تىڭ ىسكەرلىك كورسەتىلدى. ”مازمۇنى جوعارى ساپالى بولۋ، ٴبىر جاقتى ەتۋى جوعارى ساپالى بولۋ“ جانە ”ناتيجەگە ٴمان بەرۋ، سونىمەن بىرگە بارىسىنا دا ٴمان بەرۋ“ پرينسيبى بويىنشا ۋاكىلدەردىڭ ۇسىنىس - پىكىرلەرىنىڭ بىتىرۋگە تاپسىرۋ، ٴبىر جاقتى ەتۋدى ۇستىنە الۋ، قۋزاۋ، باعالاۋ، قايىرىلا قاراۋ سياقتى بۋىندارىنا سەلبەسە كۇش سالۋعا تاباندى بولدىق. ”ۇكىمەت، باقىلاۋ - تەكسەرۋ كوميتەتى، سوت مەكەمەسى، پروكۋراتۋرا مەكەمەسى“ سياقتىلارعا حالىق قۇرىلتايى ۋاكىلدەرىنىڭ 3 كەڭەستىك جوباسى، 172 ۇسىنىس پىكىرى ٴبىر تۇتاس بىتىرۋگە تاپسىردىق. ۋاكىلدەردىڭ ۇسىنىس جوبالار مەن ٴتۇيىندى ۇسىنىستارىن پارتيا، ۇكىمەت باسشىلارى كوتەرمەگە الىپ ٴبىتىرۋ ٴتۇزىمىن اتقارىپ، ۋاكىلدەردىڭ كەڭەس جوبالارى مەن ۇسىنىستارىنىڭ ٴبىر جاقتى ەتىلۋ جاعدايىنا قۋزاۋشىلىق جاساۋ، باعالاۋ جۇرگىزۋمەن بىرگە، بىتىرۋگە ۋادە بەرگەن ىستەرگە قايىرىلا قاراپ، ”قۇجات بەتىندە ٴبىتىرۋ“، ”جاۋاپ قايتارۋعا ٴمان بەرۋ، تياناقتاندىرۋعا نەمقۇرايدى قاراۋ “ سىندى  ماسەلەلەردى كۇش سالا شەشىپ، ٴبىر جاقتى ەتۋدى ۇستىنە العان ورىنداردىڭ ٴبىر جاقتى ەتۋ مەحانيزمىن ونان ارى كەمەلدەندىرۋدى ىلگەرىلەتىپ، ٴبىر جاقتى ەتۋدىڭ ساپاسى مەن ونىمدىلىگىن جوعارىلاتىپ، ۋاكىلدەردىڭ ۇسىنىسىنىڭ جاۋابىنا رازى بولۋدى ناتيجەسىنە رازى بولۋعا بۇرىلىس جاساۋىن جۇزەگە اسىردىق. اۆتونوميالى وبلىستىق 15 - كەزەكتى حالىق قۇرىلتايى 2 - ٴماجىلىسىنىڭ ۋاكىلدەردىڭ كەڭەس جوبالارى مەن ۇسىنىستارىن ٴبىر جاقتى ەتۋ مولشەرى مەن ريزا بولۋ مولشەرىن %100 كە جەتكىزدىك.

(4) حالىق قۇرىلتايى ۋاكىلدەرى بايلانىس ورناتۋ پۋنكتى قۇرىلىسىندا تىڭ ومىرشەڭدىك كۇش تاسقىندادى. بۇكىل وبلىستاعى 964 ۋاكىلدەر بايلانىس پۋنكتىنىڭ دەڭگەيىن ٴوسىرىپ، دارەجەسىن جوعارىلاتۋدى اناعۇرلىم ىلگەرىلەتتىك. 5 دارەجەلى حالىق قۇرىلتايى ۋاكىلدەرىن ارالاس گرۋپپاعا ٴبولىپ، پۋنكتكە ەنگىزۋ قيمىلىنىڭ ”N+5“ مەحانيزمى مەن سايلاۋشىلاردى قابىلداۋ تۇراقتى كۇنىن بەلگىلەۋ ٴتۇزىمىن ورناتىپ، شوعىرلى ارالاپ جاعداي ۇعىسۋ ايى، ۋاكىلدەردىڭ سايلاۋ رايونىنا بارىپ مىندەتىنەن دوكلات بەرۋ سياقتى قيمىلداردى ورىستەتىپ، ”جۇمىس بولسا ۋاكىلدەردى ىزدەۋ“ بىرتىندەپ ٴار ۇلت بۇقاراسىنىڭ قوعام جاعدايىن، حالىق رايىن جانە قيىنشىلىق تالابىن اڭىس ەتۋدەگى جاڭا داعدىعا اينالدىردىق. ”ۇكىمەتتىڭ، ٴتارتىپ تەكسەرۋ باقىلاۋ - تەكسەرۋ كوميتەتىنىڭ، سوتتىڭ، پروكۋراتۋرانىڭ“ حالىق قۇرىلتايى ۋاكىلدەرىمەن بايلانىس ورناتۋىن بار كۇشپەن ىلگەرىلەتىپ، ٴتۇيىندى كاسىپ سالالارىندا، تاراۋلاردا، مەملەكەت يەلىگىندەگى ەگىن - مال شارۋاشىلىق الاڭدارى، ٴىرى، ورتاشا كاسىپورىندار سياقتى ورىنداردان ”حالىق قۇرىلتايى ۋاكىلدەرىمەن بايلانىس جاساۋ تۇيىنىنەن“ 85 ىن كەڭەيتىپ قۇرىپ، وبلىسقا توتە قاراستى اۋدان، قالالاردا حالىق سوت مەكەمەسى مەن حالىق پروكۋراتۋرا مەكەمەلەرى تۇگەلدەي ۋاكىلدەر بايلانىس ورناتۋ پۋنكتىن ورناتتىق. ٴىشىنارا اۋداندىق، قالالىق حالىق قۇرىلتايلارى شەكارا، شالعاي، مال شارۋاشىلىق رايوندارىندا جايلاۋداعى جىلجىمالى بايلانىس ورناتۋ پۋنكتتەرىن جاسامپازدىقپەن قۇرىپ، حالىق بۇقاراسى قايدا بولسا، بايلانىس ورناتۋ پۋنكىتىنىڭ قيىملى سول جەردە بولۋ، ۋاكىلدەر  بۇقاراعا سول جەردە قىزمەت وتەۋدى شىنايى جۇزەگە اسىردىق. ۋاكىلدەردىڭ بايلانىس ورناتۋ پۋنكتىن سۇيەنىش ەتىپ، قۇرىلتايدىڭ جابىق كەزىندە قۇرىلتاي ۋاكىلدەرىنىڭ ۇسىنىسىتارى مەن بۇقارانىڭ ارىز - ارمانىن تەز ٴبىتىرۋ، ۇستىندە ٴبىتىرۋ قىزمەت مەحانيزمىن كەمەلدەندىردىك، اقاۋسىزداندىردىق. 

بەسىنشى، ”ٴتورت ورگان“ قۇرىلسىن كۇشەيتىپ، ەرەجە - تۇزىمدەردى جۇيەگە ٴتۇسىرۋدى كورنەكتىلەندىرىپ، پاك، جاۋاپكەرشىلىك ارقالايتىن ستيل جاۋابىن تاپسىردىق

(1) وزىندىك قۇرىلىس ۇزدىكسىز تەرەڭدەتىلدى. جاڭا داۋىردەگى پارتيا قۇرىلىسىنىڭ جالپى تالابىن ىشكەرىلەي دايەكتىلەندىرىپ، ستيلى پاك، سالتى دۇرىس بولعان ٴىس تىندىرىپ، ناتيجە جاراتاتىن ساياسي ەكولوگيانى ۇزدىكسىز قالىپتاستىردىق. تۇراقتى كوميتەتتىڭ زاڭ ۇيرەنۋ تۇزىمىنە تاباندى بولىپ، ىلگەرىندى - كەيىندى زاڭمەن باسقارۋ لەكسياسىن 6 رەت ورىستەتتىك. تەكسەرۋ - زەرتتەۋدى بارىنشا ورىستەتىپ، جاڭا داۋىردەگى حالىق قۇرىلتايى قىزمەتى ٴتۇيىنىن ارقاۋ ەتىپ،  تەكسەرۋ - زەرتتەۋ جۇرگىزىپ، ورىن تەپكەن ماسەلەلەردى شەشۋدى باعىتتامالى تۇردە ىلگەرىلەتىپ، جوعارى ساپالى تەكسەرۋ - زەرتتەۋ ارقىلى حالىق قۇرىلتايى قىزمەتىنىڭ دەڭگەيىن جوعارىلاتۋدى جەبەدىك. تۇراقتى كوميتەتتىڭ ٴىس قاراۋ ەرەجەسىنە وزگەرىس ەنگىزىپ، زاڭ شىعارۋ، باقىلاۋ، ۋاكىلدەر قىزمەتى ەرەجەسىن اناعۇرلىم كەمەلدەندىردىك. ارناۋلى كوميتەتتەردىڭ قىزمەتىن ۇزدىكسىز ارناعا ٴتۇسىرىپ، ٴىس قاراۋ، شەشىم جاساۋ جانە زاڭ بويىنشا مىندەت اتقارۋدىڭ دەموكراتيالانۋ، عىلميلانۋ ورەسىن شىنايى جوعارىلاتتىق. ادام تاڭداۋدىڭ، ادام ىستەتۋدىڭ دۇرىس بەتالىسىنا تاباندى بولىپ، كادرلاردى، اسىرەسە، جاس كادرلاردى باۋلۋ، شىنىقتىرۋ جانە تاڭداپ ٴوسىرۋ، ىستەتۋ تەبىنىن كۇشەيتتىك. ”پارتيا ورتالىق كوميتەتى الاڭسىز، حالىق بۇقاراسى رازى بولاتىن“ ۇلگىلى ورگان قۇرۋ قىزمەتىن تىڭعىلىقتى ورىستەتىپ، حالىق قۇرىلتايى ورگانىنىڭ ”بەستە جاقسى“ پارتيا ياچەيكاسىن قۇرۋ جەتىستىكتەرىن ۇزدىكسىز بەكەمدەپ، حالىق قۇرىلتايى ورگانىنداعى نەگىزگى ساتى پارتيا ۇيىمدارىنىڭ جاپپاي العا باسۋىن، جاپپاي شىڭدالۋىن ىلگەرىلەتتىك، پارتيانى پارتيا باسقارۋ، پارتيانى جاپپاي قاتاڭ باسقارۋدىڭ تۇلعالىق جاۋاپكەرشىلىگىن قاتاڭ اتقارىپ، يدەيالىق قورعانىس شەبىن ۇزدىكسىز بەكەمدەپ، قىزمەت ستيلىن جاقسارتىپ، حالىق قۇرىلتايى قىزمەتىنىڭ اناعۇرلىم ناقتىلانۋىن، مىندەت اتقارۋ بەت - بەينەسىنىڭ اناعۇرلىم جاڭالانۋىن ىلگەرىلەتتىك.

(2) اۋداندىق، اۋىلدىق حالىق قۇرىلتايلارى جۇيەگە ٴتۇسىپ، ساپاسى جوعارىلاتىلدى. اۋداندىق، اۋىلدىق حالىق قۇرىلتايلارى ”ٴبىر جىلدا جاپپاي باستاۋ، ەكى جىلدا بەكەمدەپ دەڭگەيىن ٴوسىرۋ، ٴۇش جىلدا ارناعا ٴتۇسىرىپ دارەجەسىن جوعارىلاتۋ“ قىزمەت وي جەلىسى بويىنشا، نەگىزگى ساتى حالىق قۇرىلتايى قىزمەتىنىڭ ولشەمدەنۋىن، قۇرىلىسىنىڭ جۇيەلىلەنۋىن، مىندەت اتقارۋىنىڭ ناقتى ونىمدىلىگىن بار كۇشپەن ىلگەرىلەتتىك. ٴتۇيىندى يگەرۋ ارقىلى جالپى كولەمدى جەتەكتەۋگە، ۇلگى كورسەتىپ جەتەكشىلىك ەتۋگە تاباندى بولىپ، قورعاس اۋدانىندا وبلىسقا توتە قاراستى ورىنداردىڭ اۋداندىق، اۋىلدىق حالىق قۇرىلتايى قىزمەتىن ارناعا ٴتۇسىرۋ قۇرىلىسىن جۇمىس باسىندا ىلگەرىلەتۋ ٴماجىلىسىن اشىپ، ٴوزارا ۇيرەنىپ، بىرگە جوعارىلاتۋدى جەبەدىك. ”پارتكومنىڭ حالىق قۇرىلتايى قىزمەتى ٴماجىلىسىنىڭ رۋحىن دايەكتىلەندىرۋ، تياناقتاندىرۋ، جاڭا داۋىردەگى حالىق قۇرىلتايى قىزمەتىن كۇشەيتۋ جانە جاقسارتۋدى باعالاۋ ٴادىسىن“ باسىپ تاراتىپ، اۋداندىق، اۋىلدىق حالىق قۇرىلتايى قىزمەتىنە ۇيلەسىمدى ۋاقىتتا باعالاۋ جۇرگىزىپ، جەتەكشىلىك ەتتىك. اۋداندىق، قالالىق حالىق قۇرىلتايلارىنىڭ ”ۋاكىلدەر ۋادەلەسىپ تاراۋلارعا بارىپ تىزىمدەلۋ“ بويىنشا باقىلاۋ ٴتاسىلى، ”بەس مۇشە، ەكى ونەگە“ قىزمەت مەحانيزمىن جاسامپازدىقپەن ورىستەتۋ، ”زەردەلى حالىق قۇرىلتايى“ سيفرلى تەكشەسىن قۇرۋ، ىسكە قوسۋ سياقتى ٴبىر توپ ەرەكشەلىككە يە، ٴونىمدى، ۇلگى الۋعا بولاتىن جاڭا شارالاردى، جاقسى ادىستەردى جاسامپازدىقپەن ورىستەتۋىن جەبەپ، اۋداندىق، اۋىلدىق حالىق قۇرىلتايى قىزمەتىنىڭ بەلسەندىلىگىن، حالىق قۇرىلتايى ۋاكىلدەرىنىڭ مىندەت اتقارۋ ىرىقتىلىعىن ٴونىمدى جۇمىلدىردىق. 

(3) ورگان قۇرىلىسى ۇزدىكسىز كۇشەيتىلدى. ٴماجىلىس ىستەرىنە قىزمەت وتەۋ، ارتقى شەپ قامتاماسىزدىعى سياقتى قىزمەتتەردى ٴبىر تۇتاس جوسپارلاپ ويداعىداي ىستەپ، حالىق قۇرىلتايىنىڭ ينفورماتسيالاندىرۋ قۇرىلىسىن كۇشەيتىپ، ەستەلىككە الىپ تەكسەرۋ، مەجە ەسەپتى توراپتا تۇتاستىرىپ باقىلاۋ، ۋاكىلدەردىڭ مىندەت وتەۋى سىندى ينفورماتسيالاندىرۋ تەكشەلەرىنىڭ يقۋاتىن جوعارىلاتىپ كەمەلدەندىردىك. حالىق قۇرىلتايىنىڭ اقپارات، ۇگىت قىزمەتىن ويداعىداي ىستەۋىنە ٴمان بەرىپ، اقپار جاريالاۋ قىزمەت مەحانيزمىن ۇزدىكسىز كەمەلدەندىرىپ، بۇكىل قوعامعا حالىق قۇرىلتايىنىڭ مىندەت اتقارۋ جاعدايىن دەر كەزىندە، دۇرىس، تولىق ايگىلەپ، جاڭا داۋىردەگى حالىق قۇرىلتايى حيكايالارىن، ۋاكىلدەردىڭ اڭگىمەلەرىن ويداعىداي بايانداپ، ىلەنىڭ حالىق قۇرىلتايى قىزمەتىنىڭ ىقپال كۇشىن پارمەندى جوعارىلاتتىق. 

ٴبىر جىلدان بەرى تارباعاتاي ايماقتىق حالىق قۇرىلتايى قىزمەت كوميتەتى جاڭا داۋىردەگى جەرگىلىكتى حالىق قۇرىلتايى قىزمەتىنىڭ جاڭا جولى، جاڭا ٴادىسى جونىندە بەلسەنە ىزدەنىس جاساپ، ايماقتىڭ دامۋ امالياتىمەن ۇشتاستىرىپ، حالىق قۇرىلتايى قىزمەت امالياتىندا جاڭالىق اشۋدى ىلگەرىلەتتى. شاۋەشەك قالاسىنىڭ شەكارا ەكونوميكالىق سەلبەستىك رايونىن باسقارۋ ەرەجەسىن كۇشىنەن قالدىرۋ قىزمەتىن باستادى؛ وبلىستىق حالىق قۇرىلتايىنا 2022 - جىلدىق جۇيەلى قۇجاتتاردى ارحيۆكە الىپ تەكسەرۋ قىزمەتىنەن مالىمەت بەردى؛ ايماقتىق ەمدەۋدى قامتاماسىزداندىرۋ مەكەمەسىنىڭ قىزمەتىن باعالاپ، ايماقتىڭ ەمدەۋدى قامتاماسىزداندىرۋ ىستەرىنىڭ اقاۋسىز دامۋىن جەبەدى؛ ”حالىق قۇرىلتايى + ٴتارتىپ تەكسەرۋ كوميتەتى، باقىلاۋ كوميتەتى“ بىرلەسىپ باقىلاۋ قىزمەت مەحانيزمىن جاسامپازدىقپەن ورناتىپ، حالىق قۇرىلتايىنىڭ زاڭدىق باقىلاۋى مەن ٴتارتىپ تەكسەرۋ كوميتەتى، باقىلاۋ كوميتەتى ارناۋلى جاۋاپتى بولىپ باقىلاۋ ابزالدىلىقتارىمەن ٴبىرىن - ٴبىرى تولىقتايتىن قىزمەت جاعدايىن قالىپتاستىرىپ، مىندەت اتقارۋ امالياتى بارىسىندا حالىق قۇرىلتايىنىڭ جاۋاپكەرشىلىگىن ايگىلەپ، حالىق قۇرىلتايىنىڭ ىسكەرلىك كورسەتۋىن ايگىلەدى.

ٴبىر جىلدان بەرى التاي ايماقتىق حالىق قۇرىلتايى قىزمەت كوميتەتى زاڭ شىعارۋ، باقىلاۋ، ۋاكىلدەر قىزمەتىنىڭ ساپاسىن، ونىمدىلىگىن ۇزدىكسىز جوعارىلاتىپ، تۋراشىلدىقتان اينىماي جاڭالىق اشىپ، حالىق قۇرىلتايى قىزمەتىنىڭ جاڭا جاعدايىن اشۋعا قۇلشىندى. ايماقتىڭ دامۋ، زاڭ شىعارۋ قاجەتىمەن ۇشتاستىرىپ، وبلىستىق حالىق قۇرىلتايى تۇراقتى كوميتەتىنە قاناس كورىنىس رايونىن باسقارۋ ەرەجەسىن جاساۋ جونىندە زاڭ شىعارۋ ۇسىنىسىن قويىپ، جەرگىلىكتى زاڭ شىعارۋدىڭ دالدىگىن، ەرەكشەلىگىن كورنەكتىلەندىردى؛ ايماقتىق دەنساۋلىق ساقتاۋ، سالاماتتىق كوميتەتىنىڭ قىزمەتىن باعالاپ، قاتىستى تاراۋلاردى بۇقارا نازار اۋدارىپ وتىرعان نەگىزگى ساتىنىڭ ەمدەۋ، دەنساۋلىق ساقتاۋعا قىزمەت وتەۋىن كۇشەيتۋ سياقتى ولقىلىقتاردى، ماسەلەلەردى شىنايى شەشۋگە قۋزاۋشىلىق جاسادى؛ 2022 - جىلعى ايماقتىڭ وقۋ - اعارتۋ سالاسىنداعى جوعارى ورىن اۋدارىپ تولەگەن قارجىنى باسقارۋ، پايدالانۋ جاعدايى جونىندە ارناۋلى تاقىرىپتا سۇراستىرىپ، ايماقتىڭ جوعارى ساپالى دامۋىن ىلگەرىلەتۋ، حالىق تۇرمىسى جاعىنداعى كوكەي تەستى ماسەلەلەرگە جاۋاپ قايتارۋ سياقتى جاقتاردا حالىق قۇرىلتايىنىڭ فۋنكتسيالىق رولىن تولىق ساۋلەلەندىردى.

بيىلعى جىلداعى قىزمەت جوسپارى

2024 - جىلى اۆتونوميالى وبلىستىق حالىق قۇرىلتايى تۇراقتى كوميتەتىنىڭ جالپى تۇلعالىق قىزمەت وي جەلىسى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت 2 - جالپى ٴماجىلىسىنىڭ رۋحىن جاپپاي دايەكتىلەندىرىپ، شي جينپڭنىڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن، اۆتونوميالى رايوندىق 10 - كەزەكتى پارتكومنىڭ ٴار رەتكى جالپى ماجىلىستەرىنىڭ رۋحىن جانە وبلىستىق پارتكومنىڭ قىزمەت تالاپتارىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، ”ۇشتى توڭىرەكتەۋ، ۇشكە قىزمەت وتەۋ“ قىزمەت وي جەلىسى مەن ”ىرىقتى، جاڭالىق اشۋ، ەگجەي - تەگجەيلى، ناقتى، شىندىققا جۇگىنۋ“ قىزمەت تالابىنا تاباندى بولىپ، جالپى بارىستىق حالىق دەموكراتياسى سىندى ٴتۇيىندى كورنەكتى ىلگەرىلەتىپ، پارتيانىڭ حالىق قۇرىلتايى قىزمەتىنە باسشىلىعىن ۇزدىكسىز كۇشەيتىپ، وبلىستىق پارتكومنىڭ كەلەلى ورنالاستىرۋلارى مەن ٴتۇيىندى قىزمەتتەرىنىڭ حالىق قۇرىلتايى قىزمەتىندە جاپپاي دايەكتىلەنۋىنە، تياناقتانۋىنا كەپىلدىك ەتىپ، وزەككە، جالپى جاعدايعا قىزمەت وتەۋ جاعدايى ٴورىسىن جانە جاۋاپكەرشىلىگىن شىنايى كۇشەيتىپ، جۇڭگو ۇلگىسىندەگى وسىزامانداندىرۋ بارىسىندا كورىكتى ىلەنى اناعۇرلىم ويداعىداي قۇرۋعا حالىق قۇرىلتايىنىڭ اقىل - پاراساتى مەن كۇش - قۋاتىن ارناۋ. 

ٴبىرىنشى، ساياسي پرينسيپكە بويسۇنىپ، پارتيا باسشىلىعىنىڭ جاپپاي كۇشەيۋىن ىلگەرىلەتۋ. پارتيانىڭ باسشىلىعى سىندى ەڭ جوعارى ساياسي پرينسيپكە باستان ـ اياق تاباندى بولىپ، ٴىس جۇزىندىك ارەكەتى ارقىلى ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىنداۋ. جاڭا ٴداۋىر جۇڭگوشا سوتسياليزم يدەياسىمەن حالىق قۇرىلتايى قىزمەتىن ٴبىر تۇتاس مەڭگەرۋگە جانە وعان جەتەكشىلىك ەتۋگە باستان - اياق تاباندى بولۋ. شي جينپيڭنىڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن باستان - اياق مىندەت اتقارۋدىڭ مىندەتتى ساباعى جانە نەگىزگى ونەرى ەتىپ، قىزمەت زاڭدىلىعىن يگەرىپ، قىزمەتتىڭ ساپاسى مەن ونىمدىلىگىن جوعارىلاتۋ. ورتالىقتىڭ جانە اۆتونوميالى رايوننىڭ، اۆتونوميالى وبلىستىق پارتكومنىڭ حالىق قۇرىلتايى قىزمەتى ٴماجىلسىنىڭ رۋحىن ۇزدىكسىز ىشكەرىلەي دايەكتىلەندىرىپ، تياناقتاندىرىپ، حالىق قۇرىلتايى قىزمەتىنىڭ پارتكومنىڭ قىزمەتىمەن ۇندەستىك جاساۋىن، ٴبىر نيەت، ٴبىر تىلەكتە بولۋىن ورىنداۋ.

ەكىنشى، زاڭمەن باسقارۋدى قامتاماسىز ەتۋدى كۇشەيتىپ، زاڭ شىعارۋ قىزمەتىنىڭ ساپاسى مەن ونىمدىلىگىن جوعارىلاتۋدى ىلگەرىلەتۋ. پارتيانىڭ زاڭ شىعارۋ قىزمەتىنە باسشىلىعىنا تاباندى بولىپ، ورنىقتىلىقتى قورعاۋ جانە قوعامدى باسقارۋ، جوعارى ساپالى دامۋ، حالىق تۇرمىسى قۇرىلىسى سياقتى ٴتۇيىندى سالالاردا زاڭ شىعارۋدى كۇشەيتۋ. زاڭ شىعارۋ قىزمەتى جۇيەسىن كەمەلدەندىرىپ، زاڭ شىعارۋ ٴتۇزىلىسى مەحانيزمىندە جاڭالىق اشىپ، زاڭ شىعارۋدىڭ ساپاسىن، ونىمدىلىگىن جوعارىلاتىپ، زاڭ شىعارۋ نىساندارىنا يكەمدى رەتتەۋ جۇرگىزۋ ٴتۇزىمىن ورناتۋ جانە كەمەلدەندىرۋ. ەستەلىككە الىپ تەكسەرۋ قىزمەتىنىڭ ساپاسى مەن ونىمدىلىگىن جوعارىلاتىپ، زاڭ - ەرەجە، قاعيدا سيپاتتى قۇجات ساندى مالىمەت قامباسى قۇرىلىسىنىڭ اينالىمى قىزمەتىن تىڭعىلىقتى ىلگەرىلەتىپ، ەستەلىككە الۋ، تەكسەرۋ قىزمەتىنىڭ اۋىل - قالاشىققا (ٴمالى باسقارماسى) كەڭەيۋىن اناعۇرلىم ىلگەرىلەتۋ. نەگىزگى ساتى زاڭ شىعارۋ بايلانىس تۇيىندەرىنىڭ قىزمەت مەحانيزمىن اناعۇرلىم كەمەلدەندىرىپ، ٴار دارەجەلى نەگىزگى ساتى زاڭ شىعارۋ بايلانىس تۇيىندەرىنىڭ زاڭعا، زاڭ - ەرەجەگە وزگەرىس ەنگىزۋ قىزمەتىنە ٴونىمدى اتسالىسۋىن جەبەۋ. نەگىزگى زاڭ ۇگىت - تاربيەسىن ىشكەرىلەي ورىستەتىپ، نەگىزگى زاڭعا سەرت بەرۋ ٴتۇزىمىن مۇقيات اتقارىپ، زاڭ، زاڭ - ەرەجە ۇگىتىن باعىتتامالى ورىستەتىپ، ىلەنى زاڭمەن باسقارۋ قۇرىلىسىن ىلگەرىلەتۋگە تاماشا ورتا جاراتۋ.

ٴۇشىنشى، دامۋ نەگىزگى تاقىرىبىن تىعىز ارقاۋ ەتىپ، باقىلاۋ قىزمەتىنىڭ تىڭعىلىقتى، ٴونىمدى بولۋىن ىلگەرىلەتۋ. حالىق قۇرىلتايى باقىلاۋىنىڭ پارتيا مەن مەملەكەتتىڭ باقىلاۋ جۇيەسىندەگى ماڭىزدى رولىن بەلسەنە ساۋلەلەندىرىپ، تاڭداۋ ىقپالى ٴبىرشاما زور، شارپيتىن كولەمى ٴبىرشاما كەڭ، قوعام جاپپاي نازار اۋدارىپ وتىرعان قولامتالى، قيىن ماسەلەلەردى باقىلاۋ قىزمەتىنىڭ ٴتۇيىنى ەتۋگە باسا ٴمان بەرىپ، حالىق قۇرىلتايى باقىلاۋىنىڭ كەڭ قوعامدىق نەگىزگە، حالىق رايى نەگىزىنە يە بولۋىنا مۇمكىندىك جاساۋ. اۆتونوميالى وبلىستىق حالىق قۇرىلتايى تۇراقتى كوميتەتىنىڭ ەكونوميكالىق قىزمەت، مەملەكەت مەنشىگىندەگى مال - مۇلىكتى باسقارۋ، ۇكىمەت قارىزى، مەجە ەسەپتى تەكسەرۋ سياقتى ٴتورت ٴتۇرلى باقىلاۋدى كۇشەيتۋ جونىندەگى ۇيعارىمىن زاڭ بويىنشا جاساۋ. جۇڭحۋا ۇلتى ورتاق تۇلعا تانىمىن بەرىك ورناتۋ ۇگىت تاربيەسى سياقتى ٴتۇيىندى قىزمەتتەرگە ارناۋلى تاقىرىپتا تەكسەرۋ - زەرتتەۋ جۇرگىزۋ. سۋدىڭ لاستانۋىنان ساقتانۋ جانە ونى جونگە سالۋ زاڭىن، اۆتونوميالى رايوننىڭ سۋدىڭ لاستانۋىنان ساقتانۋ جانە ونى جونگە سالۋ اتقارۋ ٴادىسىن ٴتۇيىن ەتكەن ”ىلە قورشاعان ورتانى قورعاۋ ساپارى“ ماركاسى قيمىلىن ورىستەتۋ. ارناۋلى كوميتەتتەردىڭ ٴار ماۋسىمدا ۇكىمەت قۇرامىنداعى تاراۋلاردىڭ زاڭنىڭ اتقارىلۋ جاعدايىنان مالىمەت بەرۋ مالىمەتىن تىڭداۋ جانە باعالاۋ ٴتۇزىمىن ورناتۋ. نازاردى پارتكومنىڭ ”16661“ ٴتۇيىندى شاراسىنا شوعىرلاندىرىپ، پارتكوم ورنالاستىرعان ٴتۇيىندى قىزمەت پەن حالىق قۇرىلتايىنىڭ باقىلاۋىن ورگانيكالى ۇشتاستىرۋ جاڭا شاراسىن، جاڭا جولىن بەلسەنە قاراستىرۋ. 2023 - جىلعى ەكولوگيالىق ورتا قۇرىلىسىندا زاڭنىڭ اتقارىلۋىن تەكسەرۋدە اڭىس ەتىلگەن ماسەلەلەردى رەتتەپ، تۇزەتىپ، ەسكى سالت - سانا، ناشار ادەتتەردى وزگەرتۋ جانە اۆتونوميالى وبلىستىڭ اۋىل شارۋاشىلىعىنىڭ، تۇقىم شارۋاشىلىعىنىڭ جوعارى ساپالى دامۋىن جەبەۋ جونىندەگى قاۋلىنىڭ اتقارىلۋ جاعدايىنا ”قايىرىلا قاراۋ“ قىزمەتىن ورىستەتۋ. باقىلاۋ قىزمەتىنىڭ جابىق باسقارۋ مەحانيزمىن اقاۋسىزداندىرىپ جانە كەمەلدەندىرىپ، ٴبىرىن - ٴبىرى تىرەك ەتەتىن، ٴوزارا ارتتىراتىن، تياناقتاندىرۋدى قۋزايتىن باقىلاۋ قىزمەت جاعدايىن قالىپتاستىرۋ.

ٴتورتىنشى، حالىقتىق ىنتا - ىقىلاستان اۋىتقىماي، ۋاكىلدەر قىزمەتىنىڭ ناقتى، ٴونىمدى بولۋىن ىلگەرىلەتۋ. ۋاكىلدەر قىزمەتىنىڭ ٴادىس - امالدارىندا، قىزمەت مەحانيزمىندە، تۇعىر دانەكەرلەرىندە جاڭالىق اشۋدى بەلسەنە ىلگەرىلەتىپ، ۋاكىلدەردىڭ تۇلعالىق رولىن تولىق ساۋلەلەندىرۋ. ”قوس بايلانىس“ ٴتۇزىمىن ىشكەرىلەي ىلگەرىلەتىپ، بايلانىستىڭ كەڭدىگى مەن تەرەڭدىگىن ۇزدىكسىز كەڭەيتۋ. ۋاكىلدەردىڭ مىندەت وتەۋ كۋرستارىن كۇشەيتىپ، ۋاكىلدەردىڭ مىندەت وتەۋ قابىلەتى مەن ورەسىن ۇزدىكسىز جوعارىلاتۋ. پارتيا، ۇكىمەت باسشىلارى ۇستىنە الىپ ٴبىتىرۋ، تۇراقتى كوميتەت باسشىلارى مەن حالىق قۇرىلتايى قىزمەت قۇرىلىمدارىنىڭ ٴتۇيىندى تۇردە قۋزاۋ سالىپ ٴبىتىرۋ مەحانيزمىنە تاباندى بولىپ، ۋاكىلدەردىڭ كەڭەستىك جوبالارىن، ۇسىنىستارىن ٴبىرجاقتى ەتۋگە تاپسىرۋ قىزمەتىن ۇزدىكسىز ويداعىداي ىستەپ، ٴبىرجاقتى ەتۋ قىزمەتىنىڭ ”جاۋاپ بەرۋ ۇلگىسىنەن“ ”تياناقتاندىرۋ ۇلگىسىنە“ بۇرىلىس جاساۋىن ىلگەرىلەتۋ. حالىق قۇرىلتايى ۋاكىلدەرىنىڭ تۇراقتى كوميتەتتىڭ قىزمەتىنە ات سالىسۋىن ۇزدىكسىز تەرەڭدەتىپ، ۋاكىلدەردىڭ اڭگىمە ٴماجىلىسى ٴتۇزىمىن كەمەلدەندىرىپ، نەگىزگى ساتىنىڭ قوعام جاعدايىن، حالىق تىلەگىن تىكە جەتكىزۋ ارناسىن ىركىلىسسىزدەندىرۋ. حالىق تۇرمىسىنا قاتىستى ناقتى ىستەر نىسانىنداعى حالىق قۇرىلتايى ۋاكىلدەرىنىڭ داۋىس بەرىپ شەشىم جاساۋ ٴتۇزىمى سىندى تانىسقىنى ۇزدىكسىز كورنەكتىلەندىرىپ، مەحانيزمدى اناعۇرلىم كەمەلدەندىرىپ، ٴتارتىپتى جۇيەلىلەندىرىپ، ”بەلەتتىڭ“ حالىقتىڭ قولىندا بولۋىن، ”شەشىمنىڭ“ بۇقارانىڭ كوڭىلىندە بولۋىن جۇزەگە اسىرىپ، جالپى بارىستىق حالىق دەموكراتياسىنىڭ نەگىزگى ساتىدا تياناقتانىپ تامىر تارتۋىنا مۇمكىندىك جاساۋ. ”ۋاكىلدەر سان مىڭداعان وتباسىلارىن ارالاۋ“ جانە ”ىلەنى زاڭمەن باسقارۋ ۋاكىلدەر ساپارى“ نەگىزگى تاقىرىبىنداعى امالياتتىق قيمىلدى ۇزدىكسىز ىشكەرىلەي ورىستەتىپ، ”حالىقتىڭ ٴۇنىن، حالىقتىڭ تىلەگىن تىڭداۋ، حاۋىپسىز دامۋعا دەم بەرۋ، بۇقارانىڭ ۇسىنىس - پىكىرلەرىن اڭىس ەتۋ“ سىندى 3 ٴتۇرلى قيمىل مەن ”جاڭا داۋىردەگى پارتيانىڭ شينجياڭدى باسقارۋ جالپى جوباسى زور ۇگىت - لەكسيا قيمىلىنىڭ“ تەرەڭدەۋىن، ناقتىلانۋىن ىلگەرىلەتۋ. ۋاكىلدەردىڭ بايلانىس جاساۋ پۋنكتىن ”قۇرۋ، باسقارۋ، پايدالانۋ“ دەڭگەيىن ۇزدىكسىز جوعارىلاتىپ، ”ۋاكىلدەرمەن ۋادەلەسۋ“، ”ۇكىمەت ٴىسىن كەڭەسۋ“ قيمىل فورماسىن جاپپاي جالپىلاستىرىپ، ”بايلانىس جاساۋ پۋنكتى+N“ بىرلەسىپ بىرگە قۇرۋ مەحانيزمىن تياناقتاندىرۋدى ىلگەرىلەتىپ، ايەلدەر سياقتى ەرەكشە بۇقارانىڭ ۇقىق - مۇددەسىن قامتاماسىزداندىرۋ قىزمەتى جەتىستىكتەرىن بەكەمدەپ جانە جوعارىلاتىپ، ۋاكىلدەردىڭ تاۋەلدىلىك سەزىمىن اناعۇرلىم كۇشەيتىپ، مىندەت اتقارۋ جىگەرىن اناعۇرلىم نىعايتۋ.

بەسىنشى، داۋىرمەن بىرگە العا باسۋعا تاباندى بولىپ، وزىندىك قۇرىلىستى جۇيەلىلەندىرىپ، ونىمدىلىكتى ارتتىرۋدى ىلگەرىلەتۋ. ”تورت ورگاننىڭ“ تالابىن تىعىز ارقاۋ ەتىپ، وزىندىك قۇرىلىس ارقىلى حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتۋ. ساياسيدا تاباندى بولۋدى ماڭداي الدى ورىنعا قويىپ، پارتيانى جاپپاي قاتاڭ باسقارۋدىڭ تۇلعالىق جاۋاپكەرشىلىگى مەن پارتيا ٴىستىلى پاكتىك قۇرىلىسىن، يدەيالوگيا قىزمەتى جاۋاپكەرشىلىك ٴتۇزىمىن قاتاڭ تياناقتاندىرىپ، حالىق قۇرىلتايى كادرلارى مەن قىزمەتىنىڭ، ساياسي دەڭگەيى مەن ساياسي ونىمدىلىگىن ۇزدىكسىز جوعارىلاتۋ. حالىق قۇرىلتايىنىڭ ورگان قۇرىلسىن كۇشەيتىپ، اقپاراتتىق ۇگىت، ارىز - ارمان قىزمەتى تەبىنىن ارتتىرىپ، حالىق قۇرىلتايىنىڭ توراپ بەكەتى، ولشەمدى قۇجاتتاردى ەستەلىككە الىپ تەكسەرۋ، مەجە ەسەپتى توراپتا باقىلاۋ، ۋاكىلدەردىڭ مىندەت وتەۋىنە قىزمەت وتەۋ سياقتى ينفورماتسيالانعان تۇعىرلاردى ۇزدىكسىز ويداعىداي قۇرۋ جانە ودان ويداعىداي پايدالانۋ. قىزمەتتى سايكەستىرۋدى كۇشەيتىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ جەتەكشىلىك ەتۋىنە، قولداۋىنا بەلسەنە قول جەتكىزىپ، تارباعاتاي، التاي ايماقتىق حالىق قۇرىلتايى قىزمەت كوميتەتتەرىمەن جانە اۋداندىق، قالالىق حالىق قۇرىلتايلارىمەن بايلانىس جاساۋدى، بىرلەسىپ ارەكەتتەنۋدى جيىلەتىپ، قىزمەتتىڭ بىرىككەن كۇشىن ارتتىرۋ. 

ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايون مەن اۆتونوميالى وبلىستىق پارتكومنىڭ دۇرىس باسشىلىعىندا مىندەتتى زاڭ بويىنشا اتقارىپ، ناقتى ىستەپ، جاۋاپكەرشىلىكتى ارقالاپ، قۇلشىنا ۇمتىلىپ، ەرلىكپەن العا  باسىپ، جاڭا داۋىردەگى اۆتونوميالى وبلىستىق حالىق قۇرىلتايى قىزمەتىنىڭ جاڭا جاعدايىن ۇزدىكسىز اشىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا كورىكتى ىلەنى اناعۇرلىم ويداعىداي قۇرۋعا حالىق قۇرىلتايىنىڭ تىڭ ۇلەسىن قوسايىق!