ياڭ شيۋلي، جياۋ ي - مين، نياز اشىم ماجىلىسكە قاتىناسىپ قۇتتىقتادى

سۋرەتتە: ساياسي كەڭەس مۇشەلەرى ٴماجىلىستىڭ قاتىستى قاۋلىلارىن داۋىسقا سالىپ ماقۇلداۋدا.

سۋرەتتى تىلشىلەرىمىز لاي يۇينيڭ، جاڭ چيڭحۋا تۇسىرگەن

تىلشىلەرىمىز لۋ جۇڭ، حان شاشا حابارلايدى. 4 كۇنگە جالعاسقان ساياسي كەڭەس ىلە وبلىستىق 14 - كەزەكتى كوميتەتىنىڭ 3 - ٴماجىلىسى ٴتۇرلى كۇن تارتىپتەرىن تابىسپەن ورىنداعاننان كەيىن 1 - ايدىڭ 22 - كۇنى تۇستەن كەيىن ىلە وبلىستىق مادەنيەت - كوركەمونەر قيمىل ورتالىعىندا جەڭىسپەن جابىلدى.

ەڭ الدىمەن سايلاۋ ٴماجىلىسى وتكىزىلدى. وبلىستىق ساياسي كەڭەس پـارتيـا باسشىلىق گرۋپپاسىنىڭ شۋجيى حۋ كايجياڭ ٴماجىلىستى باسقاردى. وبلىستىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعا سەرجان ۇعىباي ۇلى، وبلىستىق ساياسي كەڭەستىڭ باسشىلارىنان مـامەتجان داۋىت، جياۋ شياۋفان، لي شينجۇن، گۇلبارشىن سەرىكباي قىزى، نۇراحىمەت زۇنۇن، جوۋ ليشين، اسپيدەن سىمەت ۇلى، كۇڭ ليڭشىڭ ٴتوراعالار مىنبەسىنىڭ الدىڭعى قاتارىنان ورىن الدى.

ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ 3 - ماجىلىسىنە قاتىناسۋعا ٴتيىستى مۇشە 307 ادام، قاتىناسقانى 276 ادام، بەلگىلەنگەن ادام سانىنا ۇيلەسەدى.

ٴماجىلىس «جۇڭگـو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 3 - ٴماجىلىسىنىڭ سايلاۋ ٴادىسىن» جانە جۇڭگـو حالىق ساياسي ٴماسليحات  كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 3 - ٴماجىلىسىنىڭ باس بەلەت باقىلاۋشىسىنىڭ، بەلەت باقىلاۋشىلارىنىڭ ەسىمدىگىن ماقۇلدادى. حۋ كايجياڭ، جياۋ شياۋفان ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ ورىنباسار ٴتوراعالىعىنا، مامەتجان داۋىت، ريشات مۋساجان ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ تۇراقتى مۇشەلىگىنە سايلاندى. جاڭادان سايلانعان ورىنباسار ٴتوراعالار، تۇراقتى مۇشەلەر ساحنا الدىندا مۇشەلەرمەن جۇزدەستى.

وسىدان كەيىن جابىلۋ ٴماجىلىسى وتكىزىلدى، ياڭ شيۋلي، جياۋ ي - مين، نياز اشىم، لو چيۇڭ - ي، لي رۇڭنيان، ياڭ شينپيڭ، قايرات اشىك ۇلى، لي ۋي جانە وبلىستىق حالىق قۇرىلتايىنىڭ، ۇكىمەتتىڭ، سوت مەكەمەسىنىڭ، پروكۋراتۋرانىڭ، تارباعاتاي ايماقتىق جانە التاي ايماقتىق ساياسي كەڭەس قىزمەت كوميتەتتەرىنىڭ نەگىزگى باسشىلارى ٴتوراعالار مىنبەسىنەن ورىن الدى. 

ماجىلىسكە قاتىناسقانداردان تاعى ساياسي كەڭەس وبلىستىق 14 - كەزەكتى كوميتەتىنىڭ مۇشەلەرى مەن ىلەدە تۇراتىن مەملەكەتتىك ساياسي كەڭەستىڭ مۇشەلەرى، قۇلجا قالاسىندا تۇراتىن اۆتونوميالى رايوندىق ساياسي كەڭەستىڭ مۇشەلەرى؛ ساياسي كەڭەس وبلىستىق 14 - كەزەكتى كوميتەتىنىڭ مۇشەسى ەمەس وبلىستىق ٴتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ وبلىستىق ساياسي كەڭەس ورگانىندا تۇراتىن ٴتارتىپ تەكسەرۋ، باقىلاۋ - تەكسەرۋ گرۋپپاسىنىڭ باستىعى؛ ساياسي كەڭەس وبلىستىق 14 - كەزەكتى كوميتەتىنىڭ مۇشەسى ەمەس وبلىسقا توتە قاراستى اۋداندىق، قالالىق ساياسي كەڭەستەردىڭ، تارباعاتايداعى، التايداعى اۋداندىق، قالالىق ساياسي كەڭەستەردىڭ پارتيا باسشىلىق گرۋپپالارىنىڭ شۋجيلەرى جانە وبلىستىق ساياسي كەڭەسكە قاتىناسقان ورىنداردىڭ جاۋاپتىلارى بار.

سەرجان ۇعىباي ۇلى ٴماجىلىستى باسقاردى.

ٴماجىلىس جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 3 - ٴماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىنى، جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 3 - ٴماجىلىسىنىڭ ساياسي كەڭەس اۆتونوميالى وبلىستىق 14 - كەزەكتى كوميتەتى 2 - ماجىلىسىنەن بەرگى ۇسىنىس جوبا قىزمەتى جاعدايىنان جاساعان بايانداماسى جونىندەگى قاۋلىنى، جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 3 - ٴماجىلىسىنىڭ ساياسي كەڭەس اۆتونوميالى وبلىستىق 14 - كەزەكتى كوميتەتى 3 - ٴماجىلىسىنىڭ ۇسىنىس جوبالارىن تەكسەرۋ جاعدايىنان جاساعان مالىمەتىن، جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 3 - ٴماجىلىسىنىڭ ساياسي قاۋلىسىن ماقۇلدادى.

سەرجان ۇعىباي ۇلى ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتىنىڭ تۇراقتى كوميتەتى اتىنان ماجىلىستە پوزيتسيا ٴبىلدىرىپ، ٴسوز سويلەدى. ول بىلاي دەدى: جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتىنىڭ 3 - ٴماجىلىسى − بۇكىل وبلىستا پارتيا 20 - قۇرىلتايىنىڭ رۋحىن، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن، ورتالىقتىڭ ەكونوميكالىق قىزمەت ٴماجىلىسى، ورتالىقتىڭ اۋىل - قىستاق قىزمەتى ٴماجىلىسى سياقتىلاردىڭ ٴتۇرلى شەشىم، ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ كەزەكتى جالپى ماجىلىستەرىنىڭ جانە اۆتونوميالى وبلىستىق پارتكوم قىزمەت ٴماجىلىسىنىڭ رۋحىن دايەكتىلەندىرىپ، تياناقتاندىرىپ جاتقان جاعدايدا اشىلعان ٴبىر رەتكى توتەنشە ماڭىزدى ٴماجىلىس، بۇكىل وبلىستاعى ٴار ۇلت، ٴار سالا بۇقاراسىنىڭ ساياسي ومىرىندەگى ٴىرى ٴىس، قوعامنىڭ ٴار سالاسى بۇعان ەرەكشە نازار اۋدارىپ وتىر.

ٴماجىلىس كەزىندە بارلىق ساياسي كەڭەس مۇشەلەرى جالپى جاعدايدى كوكەيدە تۇيگەن جوعارى دەڭگەيمەن، دامۋدى ەستەن شىعارمايتىن ۇلى سۇيىسپەنشىلىكپەن، قايراتتانا ٴىس تىندىراتىن تاماشا كۇيمەن ”جوسپارلاۋ“ جاعىندا بەلسەنە قۋات توپتاپ، ”جەبەۋ“ جاعىندا اقىل - پاراسات توپتاپ، ”قامتاماسىز ەتۋ“ جاعىندا كۇش توپتاپ، اعىنان اقتارىلا كەڭەس بەرىپ، ناقتى شارا ۇسىنىپ، ساياسي كەڭەس مۇشەلەرىنىڭ كۇشتى جاۋاپكەرشىلىگىن، جاۋاپكەرلىك ارقالاۋىن كورنەكتىلەندىرىپ، ساياسي كەڭەس قىزمەتىنىڭ جالىندى ومىرشەڭدىك كۇشىن ايگىلەدى. ٴماجىلىستىڭ ستيلى پاك، سالتى دۇرىس، تابىسى مول بولدى، مۇشەلەر قىزۋ تالقى جۇرگىزىپ، مىندەتىن بەلسەنە اتقارىپ، حالىق ساياسي كەڭەسىنىڭ ساياسي ۇيىم جانە دەموكراتيالىق فورما رەتىندەگى رولىن تولىق ساۋلەلەندىرىپ، سوتسياليستىك كەڭەس دەموكراتياسىنىڭ ومىرشەڭدىك كۇشى مەن ابزالدىلىعىن تولىق ايگىلەدى. ٴماجىلىستىڭ جەڭىسپەن اشىلۋى بۇكىل وبلىستىڭ بيىلعى ەكونوميكالىق، قوعامدىق دامۋدىڭ نىسانا - مىندەتتەرىن جۇزەگە اسىرۋ، قوعامنىڭ جاراسىمدى، ورنىقتى بولۋىنا دەم بەرۋ، جوعارى ساپالى دامۋدى ىلگەرىلەتۋ سەنىمىن كۇشەيتىپ، ورتاق تانىم ۇيىستىرىپ، قايراتتى تاسقىنداتادى. وبلىستىق ساياسي كەڭەس وبلىستىق پارتكومنىڭ پارمەندى باسشىلىعىندا، ٴبىر نيەتپەن ىنتىماقتاسىپ، شىنايى يگەرىپ، ناقتى ىستەپ، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن اناعۇرلىم ويداعىداي ساۋلەلەندىرىپ، ىلەنىڭ جوعارى ساپالى دامۋىنا تىڭ دا اناعۇرلىم زور ۇلەس قوسادى.

ٴماجىلىس ايبىندى مەملەكەت ٴانى ىشىندە جەڭىسپەن جابىلدى.