تىلشىلەرىمىز ما چىڭلۋ، ليۋ چىڭگاڭ، سۇن ي - نان حابارلايدى. 1 - ايدىڭ 22 - كۇنى تۇستەن بۇرىن اۆتونوميالى وبلىستىق 15 - كەزەكتى حالىق قۇرىلتايىنىڭ 3 - ٴماجىلىسى گرۋپپالار تالقىسىن وتكىزدى، وبلىستىق پارتكومنىڭ شۋجيى ياڭ شيۋلي ىلگەرىندى - كەيىندى قۇلجا قالاسى ۋاكىلدەر ۇيىرمەسىنىڭ جانە كۇيتۇن قالاسى، ازاتتىق ارميا ۋاكىلدەر ۇيىرمەسىنىڭ گرۋپپالار تالقىسىنا قاتىناسىپ، ۇسىنىس - پىكىرلەرىن تىڭدادى.

ۋاكىلدەر وبلىستىق حالىق قۇرىلتايى تۇراقتى كوميتەتىنىڭ قىزمەت بايانداماسى جانە وبلىستىق حالىق سوت مەكەمەسىنىڭ، حالىق پروكۋراتۋراسىنىڭ قىزمەت بايانداماسى توڭىرەگىندە تالقى ورىستەتتى، تالقى الاڭى قىزۋ مەرەيگە شومدى.

تالقىدا ۋاكىل كەرىم ابدۇسالام، ۋاڭ لەي، گىڭ باۋجيان، تۇرسىنجان احىمەت، جەڭىسگۇل نۇرداناقىن قىزى، ليۋ جىچياڭ، ماۋ ۋي، جاڭ گويوۋلەر جەكە - جەكە ٴىس جۇزىندىك جاعدايمەن ۇشتاستىرىپ، بەلسەنە سوزگە شىعىپ، زاڭمەن باسقارىلاتىن ورتا، زاڭمەن باسقارۋ ۇگىتى، ەلەكتر ەنەرگياسىمەن جىلىنۋ، بەيزاتتىق مادەني مۇرا، حالىقتىق كاسىپورىنداردىڭ دامۋى سياقتى جاقتارداعى قىزمەتتەر جونىندە پىكىر - ۇسىنىستارىن العا قويدى. كوپشىلىك ٴبىر اۋىزدان ٴۇش بايانداماداعى دامۋ شارالارى ناقتى، زاڭمەن باسقارۋ تىرەگى كۇشتى، حالىقتىق سۇيىسپەنشىلىك قويۋ بولعان دەپ قارادى.

”وتباسىڭىزدا قانشا مۋ جەر بار؟ بىلتىرعى ٴتۇسىمى قالاي بولدى؟ كاسىپورىننىڭ قازىرگى دامۋىندا باسقا دا قيىنشىلىقتار بار ما، جوق؟“ ۋاكىلدەردىڭ ٴسـوزىـن تىڭداعـاننان كەيـىن ياڭ شيۋلي وسىندا وتىرعان ۋاكىلدەرمەن اڭگىمەلەسىپ، پىكىر اۋىستىردى ٴارى ولارعا فاكت كورسەتىپ، مىسال كەلتىرىپ، ىلەنىڭ باسىمدىعى مەن ورىن تـەپكەن ماسەلەلەرگە تالداۋ جاسادى، ياڭ شيۋلي بىلاي دەپ اتاپ كورسەتتى: ىلە وبلىسىنىڭ ستراتەگيالىق بايلىعى وزگەشە، قۇلجا قالاسى مەن كۇيتۇن قالاسىنىڭ مول بايلىعى بار، قۇلجا قالاسىن ٴبىر ميلليون جان سانى بار قالا ەتىپ شوعىرلى دامىتۋ اۋىل شارۋاشىلىعىن وسىزامانداندىرۋدى سۇيەنىش ەتەدى، اۋىل شارۋاشىلىعىنىڭ وسىزاماندانۋىن ىلگەرىلەتۋ جـوعارى ساپالى دامۋدى جۇزەگە اسىرۋدىڭ، ٴسوزسىز، باسىپ وتەتىن جـولى. كۇيتۇن قالاسىنىڭ ەكونوميكالىق دامۋىنان زور ٴۇمىت بار، ورايدى مىقتى يگەرىپ، دامۋدى جەدەلدەتىپ، قولايلى ساتتەن پايدالانىپ العا ىلگەرىلەۋ كەرەك. ۋاكىلدەردىڭ وزەكتى ۇزدىكسىز ارقاۋ ەتىپ، جالپى جاعدايعا قىزمەت وتەپ، اۆتونوميالى رايوندىق 10 - كەزەكتى پارتكومنىڭ ونىنشى جالپى ٴماجىلىسى ورنالاستىرعان جوعارى ساپالى دامۋدىڭ ٴتۇيىندى مىندەتتەرىن جانە اۆتونوميالى وبلىستىق پارتكوم مەن ۇكىمەت بەلگىلەگەن ٴتۇيىندى شارالاردى تىعىز ارقاۋ ەتىپ، بەلسەنە مىندەت اتقارىپ، جاۋاپكەرشىلىكتى ادا ەتىپ، ىلە وبلىسىنىڭ جاڭا دامۋ ارناسىنا قىزمەت وتەۋ جانە توعىسۋ بارىسىندا اناعۇرلىم زور رول اتقارۋىن ٴۇمىت ەتەمىن.

ياڭ شيۋلي بىلاي دەپ باسا دارىپتەدى: قۇلجا قالاسى مەن كۇيتۇن قالاسى نازاردى جوعارى ساپالى دامۋ سىندى ماڭداي الدى مىندەتكە شوعىرلاندىرىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، ”6 ٴىرى ستراتەگيالىق ورىن تۇراقتاندىرۋىن“ كوزدەپ، ”16661“ ٴتۇيىندى شاراسىن كۇش سالا ويداعىداي يگەرۋ كەرەك. ”شارۋاشىلىق - ساۋدا ورتاسى بارلىق ادامعا سايادى“ تانىمىن بەرىك ورناتىپ، شارۋاشىلىق - ساۋدا ورتاسىن ساپالىلاندىرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، ۇكىمەت پەن كاسىپورىننىڭ قارىم - قاتىناسىن، اۋىس - كۇيىسىن كۇشەيتىپ، كاسىپورىنداردىڭ قيىن ماسەلەلەرىن شىنايى شەشىپ، قىزمەت وتەۋدى ساپالىلاندىرىپ، ناقتى ىستەر ىستەپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قالىپتاستىرىپ، كاسىپورىندارعا كوپ فورمالى، كوپ كورىنىستى ساپالى قىزمەت وتەپ، ساۋداگەرلەردى قۇرمەتتەيتىن، ساۋداگەرلەرگە باسا ٴمان بەرەتىن، ساۋداگەرلەردى جاقىن سانايتىن، ساۋداگەرلەردى ايالايتىن قويۋ راي قالىپتاستىرىپ، ەكونوميكانىڭ ساپا جاعىنداعى ٴونىمدى جوعارىلاۋى مەن سان جاعىنداعى ۇيلەسىمدى ارتۋىن جۇزەگە اسىرۋدى ىلگەرىلەتۋ كەرەك. دامۋدىڭ بىرىككەن كۇشىن ۇيىستىرىپ، ٴار جاقتاعى كۇشتەردى ٴبىر تۇتاس جوسپارلاپ، ٴار جاقتىڭ بەلسەندىلىگىن ويداعىداي جۇمىلدىرىپ، ىلەنىڭ جوعارى ساپالى دامۋىن ىلگەرىلەتۋدىڭ جاسامپازدىق سيپاتتى ومىرشەڭدىك كۇشىن ۇيىستىرۋ كەرەك. ٴار دارەجەلى باسشى كادرلار يدەيانى ازات ەتىپ، دەڭگەيدى جوعارىلاتىپ، وي جۇگىرتۋگە شوگەل بولىپ، جاڭا جاعدايعا سايكەسىپ، قىزمەت وي جەلىسى مەن ٴادىسىن ٴداپ باسىپ تاۋىپ، وڭىرلىك ٴوندىرىس فاكتورلارىنىڭ جوعارى ٴونىمدى ورنالاسۋى مەن شوعىرلى دامۋىن ىلگەرىلەتىپ، بايلىق پەن دامۋدىڭ قارقىنىن ٴوزارا سايكەستىرىپ، وڭىرلىك ەكونوميكانى ٴبىر تۇلعالاندىرىپ دامىتۋدىڭ جاڭا جاعدايىن قالىپتاستىرۋ كەرەك.

كادر - دارىندىلار قوسىنى قۇرىلىسى سىندى ”وزەكتى“ مىقتى يگەرۋدى كورنەكتىلەندىرىپ، ادامدى جاقسى تاڭداپ، جاقسى باۋلىپ، جاقسى باسقارىپ، جاقسى پايدالانىپ، ”بايگە الاڭىنان“ ”تۇلپاردى“، ناقتى شايقاستا ىسكەرلەردى تاڭداپ، ىلەنىڭ جوعارى ساپالى دامۋىنىڭ جاڭا جاعدايىن ۇزدىكسىز اشۋ كەرەك.

وبلىستىق پارتكومنىڭ تۇراقتى مۇشەسى قايرات اشىك ۇلى، لي ۋي ماجىلىسكە قاتىناستى.