ٴتىلشىمىز كاميلا حابارلايدى. 1 - ايدىڭ 22 - كۇنى قۇرىلتايدىڭ حاتشىلار باسقارماسى اۆتونوميالى وبلىستىق 15 - كەزەكتى حالىق قۇرىلتايىنىڭ ٴارقايسى ارناۋلى كوميتەتتەرىنىڭ جاۋاپتىلارىنىڭ ٴماجىلىسىن اشىپ، ۋاكىلدەر العا قويعان كەڭەستىك جوبالارعا تەكسەرۋ جۇرگىزدى. 1 - ايدىڭ 21 - كۇنى ساعات 18 گە دەيىن، قۇرىلتايدىڭ كەڭەستىك جوبا  گرۋپپاسى 10 نان استام ۋاكىل بىرلەسىپ العا قويعان 25 كەڭەستىك جوبانى تاپسىرىپ الدى، بۇل ەكولوگيانى قورعاۋ، وقۋ - اعارتۋ سياقتى جاقتارعا سايادى.

ٴماجىلىس ۋاكىلدەر تاپسىرعان كەڭەستىك جوبالاردى مۇقيات تەكسەرىپ، 4 كەڭەستىك جوبانى ٴماجىلىستىڭ كەڭەستىك جوباسى ەتىپ بەلگىلەۋدى ۇسىنىس ەتتى ٴارى ٴتوراعالار القاسىنا كەڭەستىك جوبالاردى تەكسەرۋ مالىمەتىن تاپسىردى. بۇل 4 كەڭەستىك جوبا مىنالار: ٴيۇسۇپ ايتجان ۇلى قاتارلى 10 ۋاكىل العا قويعان «ىلە جىلقىسىن قورعاۋ، پايدالانۋ ەرەجەسىن جاساۋ جونىندەگى كەڭەستىك جوبا»، ٴامىراجان مۇساجان قاتارلى 10 ۋاكىل العا قويعان «ىلە قازاق اۆتونوميالى وبلىسىنىڭ اۋىز سۋ بايلىعىن قورعاۋ ەرەجەسىن جاساۋ جونىندەگى كەڭەستىك جوبا»، ۋ ۋىنجۋان قاتارلى 10 ۋاكىل العا قويعان «ىلە قازاق اۆتونوميالى وبلىسىنىڭ حالىقتىق تۇسەلحانالارعا قىزمەت وتەۋ جانە باسقارۋ ەرەجەسىن جاساۋ جونىندەگى كەڭەستىك جوبا»، جاناربەك سەتەرقان ۇلى قاتارلى 10 ۋاكىل العا قويعان «قاناس كورىنىس رايونىن باسقارۋ ەرەجەسىن جاساۋ جونىندەگى كەڭەستىك جوبا»، ٴتوراعالار القاسى اۆتونوميالى وبلىستىق حالىق قۇرىلتايى تۇراقتى كوميتەتىنە ٴماجىلىس جابىلعاننان كەيىن قاتىستى ارناۋلى كوميتەتتەردىڭ اقىلداسىپ ٴبىر جاقتى ەتۋ پىكىرىن العا قويۋ جونىندە ۇقىق بەردى.

ۋاكىلدەر العا قويعان باسقا 19 كەڭەستىك جوبا ۋاكىلدەر العا قويعان ۇسىنىس قاتارىندا ٴبىر جاقتى ەتۋگە وزگەرتىلدى، وسى رەتكى قۇرىلتاي ۋاكىلدەرى العا قويعان ۇسىنىس، سىن جانە پىكىرلەرمەن قوسقاندا جيىنى 165 نۇسقا بولدى. مۇنىڭ ىشىندە ەكونوميكانى دامىتۋ ٴتۇرى 33 نۇسقا، حالىق تۇرمىسىن قامتاماسىزداندىرۋ ٴتۇرى 17 نۇسقا، قالا ـ اۋىل قۇرىلىسى جانە باسقارۋ ٴتۇرى 19 نۇسقا، قاتىناس قۇرىلىسى ٴتۇرى 18 نۇسقا، ساياحات كاسىبىن دامىتۋ ٴتۇرى 3 نۇسقا، ورتانى قورعاۋ ٴتۇرى 6 نۇسقا، وقۋ ـ اعارتۋ، عىلىم ـ تەحنيكا، مادەنيەت، دەنساۋلىق ساقتاۋ ٴتۇرى 52 نۇسقا، باسقا ٴتۇر 17 نۇسقا بولدى. «اۆتونوميالى وبلىستىق حالىق قۇرىلتايى ۋاكىلدەرىنىڭ ۇسىنىس، سىن - پىكىرلەردى العا قويۋ جانە ونى ٴبىر جاقتى ەتۋ ادىسىندەگى (سىناق رەتىندە اتقارىلادى)» بەلگىلەمەگە ساي، جوعارىداعى ۇسىنىستاردى، سىنداردى جانە پىكىرلەردى ٴماجىلىس جابىلعاننان كەيىن وبلىستىق حالىق قۇرىلتايى تۇراقتى كوميتەتىنىڭ ۋاكىلدەر قىزمەتى قۇرىلىمى ونان ارى رەتتەپ، تۇرگە ايىرىپ، ٴبىر جاقتى ەتۋ ۇسىنىسىن العا قويىپ، قاتىستى ورگانداردىڭ، ۇيىمداردىڭ ٴبىر جاقتى ەتۋىنە تاپسىرادى ٴارى ۋاكىلدەرگە ۋاعىندا جاۋاپ قايتارادى.