ٴتىلشىمىز كاميلا حابارلايدى. 1 - ايدىڭ 22 - كۇنى اۆتونوميالى وبلىستىق 15 - كەزەكتى حالىق قۇرىلتايىنىڭ 3 - ٴماجىلىسى ٴتوراعالار القاسىنىڭ 3 - جيىنىن وتكىزدى.

ٴتوراعالار القاسىنىڭ تۇراقتى ٴتوراعاسى ياڭ شيۋلي جيىندى باسقاردى. تۇراقتى ٴتوراعالار جاۋ ي - مين، نياز اشىم، رازيا ابليز، اقجول انەش ۇلى، ابليكىم نۇرانبەك، سۇن پىڭ، سۇن حۇي، جاڭارسىن نۇراش ۇلى جانە ٴتوراعالار القاسىنىڭ باسقا دا مۇشەلەرى جيىنعا قاتىناستى.

جيىن حاتشىلار باسقارماسى ۋاكىلدەرىنىڭ اۆتونوميالى وبلىستىق حالىق قۇرىلتايى تۇراقتى كوميتەتىنىڭ، وبلىستىق سوت مەكەمەسىنىڭ، وبلىستىق پروكۋراتۋرانىڭ قىزمەت بايانداماسىن قاراۋ جاعدايى جونىندەگى مالىمەتىن تىڭدادى؛ اۆتونوميالى وبلىستىق حالىق قۇرىلتايى تۇراقتى كوميتەتىنىڭ، وبلىستىق سوت مەكەمەسىنىڭ، وبلىستىق پروكۋراتۋرانىڭ قىزمەت بايانداماسى جونىندەگى قاۋلىنى (جوبا) قاراپ ماقۇلداپ، ٴارقايسى ۋاكىلدەر ۇيىرمەسىنىڭ قاراۋىنا ۇسىنۋدى ۇيعاردى؛ ۋاكىلدەردىڭ كەڭەس جوباسىن تەكسەرۋ بايانداماسىن تىڭدادى جانە قاراپ ماقۇلدادى.

جيىن تاعى ٴماجىلىس حاتشىلار باسقارماسىنىڭ ۋاكىلدەر ۇيىرمەلەرىنىڭ ٴارقايسى مىندەت ورنى كانديداتتارىن اقىلداسۋ، تالقىلاۋ جاعدايى جونىندەگى مالىمەتتى تىڭداپ، ٴارقايسى مىندەت ورنى كانديداتتارىنىڭ ەسىمدىگىن ماقۇلداپ، ٴماجىلىستىڭ سايلاۋىنا ۇسىنۋدى ۇيعاردى.