ەرلىكپەن العا ۇمتىلىپ، شىت جاڭا ساپاردى باستايىق

− اۆتونوميالى وبلىستىڭ ەكى ٴماجىلىسىنىڭ جەڭىسپەن جابىلعانىن قىزۋ قۇتتىقتايمىز

باسماقالا

قىسقى توقىراۋدان كەيىن كۇن جىلىنا باستايدى. ٴومىر ٴوز زاڭدىلىعى بويىنشا العا تارتادى. كونە جىلدى اتتاندىرىپ، جاڭا جىلدى قارسى العان، بارشا الاپ جاڭا تۇسكە ەنگەن تاماشا ساتتە، بۇكىل وبلىستاعى ٴار ۇلت حالقىنىڭ قاداعالاي نازار اۋدارۋىندا، بارشا حالىق قۇرىلتايى ۋاكىلدەرىنىڭ، ساياسي كەڭەس مۇشەلەرىنىڭ ورتاق قۇلشىنۋىندا، اۆتونوميالى وبلىستىق 15 - كەزەكتى حالىق قۇرىلتايىنىڭ 3 - ٴماجىلىسى مەن اۆتونوميالى وبلىستىق ساياسي كەڭەس 14 - كەزەكتى كوميتەتىنىڭ 3 - ٴماجىلىسى ٴتۇرلى كەڭەستىك تارتىپتەرىن تابىسپەن ورىنداپ، جەڭىسپەن جابىلدى. ٴبىز ەكى ٴماجىلىستىڭ جەڭىسپەن جابىلعانىن قىزۋ قۇتتىقتايمىز!

ٴماجىلىس كەزىندە ۋاكىلدەر، مۇشەلەر تاسقىنداعان مىندەت وتەۋ ىنتاسىمەن، كۇشتى جاۋاپكەرشىلىكپەن بەلسەنە اقىل - كەڭەس بەرىپ، دامۋ ۇلى جوسپارىن بىرگە اقىلداسىپ، كوپتەگەن سىندارلى پىكىرلەر مەن ۇسىنىستاردى العا قويىپ، جالپى جاعدايدى كوكەيدە ساقتاپ، حالىققا ادال بولۋداي ساياسي جاۋاپكەرشىلىكتى كورنەكتىلەندىرىپ، قايراتتانا العا ۇمتىلعان، اسقاق تا العا باسقان رۋحاني بەت - بەينەنى ايگىلەدى. ەكى ٴماجىلىستىڭ ٴساتتى اشىلۋى بۇكىل وبلىستاعى ٴار ۇلت پەرزەنتتەرىن جاڭا جورىقتا ەكپىندەي ىلگەرىلەپ، جۇڭگو ۇلگىسىندەگى وسىزامانداندىرۋ بارىسىندا كورىكتى ىلە قۇرۋعا قۇلشىنۋعا شابىتتاندىرۋدا جانە جىگەرلەندىرۋدە ماڭىزدى مانگە يە. ٴبىز مىندەت اتقارىپ، جاۋاپكەرشىلىكتى ادا ەتكەن ۋاكىلدەرگە، مۇشەلەرگە وسكەلەڭ قۇرمەت بىلدىرەمىز.

ەندى عانا وتكەن 2023 - جىل العىس ايتىپ، ۇدەرە العا تارتقان، ناقتى ىستەپ، العا ۇمتىلعان ٴبىر جىل ٴارى ىلەنىڭ دامۋ بارىسىنداعى ەرەكشە ٴبىر جىل بولدى. قاتاڭ دا كۇردەلى دامۋ ورتاسى مەن قاباتتاسقان حاۋىپ - قاتەر، سىن - سايىستار الدىندا، ٴبىز اۆتونوميالى رايوندىق پارتكومنىڭ، ۇكىمەتتىڭ جانە اۆتونوميالى وبلىستىق پارتكومنىڭ دۇرىس باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ، بەكىتۋلەرىنىڭ رۋحىن، اسىرەسە، اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ جەتىنشى، سەگىزىنشى، توعىزىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، دامۋ مەن حاۋىپسىزدىكتى ٴبىر تۇتاس جوسپارلاپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ارناسىمەن جەدەل توعىسىپ، جوعارى ساپالى دامۋدى تىڭعىلىقتى ىلگەرىلەتتىك، قوعامدىق جالپى جاعداي ۇزدىكسىز ورنىقتى بولىپ، تۇتاس جىلداعى ەكونوميكالىق، قوعامدىق دامۋ نىساناسى ٴبىرشاما جاقسى جۇزەگە استى. ناتيجەنىڭ قولعا كەلۋى، تۇپتەپ كەلگەندە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جانە جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ عىلمي جەتەكشىلىگىنىڭ ارقاسى، اۆتونوميالى رايوندىق پارتكومنىڭ، ۇكىمەتتىڭ كوڭىل ٴبولۋىنىڭ، قولداۋىنىڭ ناتيجەسى، جياڭسۋ ولكەسىنىڭ قالتقىسىز كومەگىنىڭ جانە شينجياڭعا كومەككە كەلگەن كادرلاردىڭ، دارىندىلاردىڭ قاجىرلى ەڭبەگىنىڭ ناتيجەسى، اسىرەسە، بۇكىل وبلىستاعى ٴار ۇلت كادرلارى مەن بۇقاراسىنىڭ ىنتىماقتاسا كۇرەس جۇرگىزۋىنىڭ، بار كۇشپەن شايقاس جاساۋىنىڭ ناتيجەسى، سونداي - اق وعان حالىق قۇرىلتايى ۋاكىلدەرىنىڭ، ساياسي كەڭەس مۇشەلەرىنىڭ، سونداي - اق قوعامداعى ٴار سالانىڭ قاجىرلى قۇلشىنىسى سىڭگەن.

2024 ـ جىل − جاڭا جۇڭگو قۇرىلعاندىعىنىڭ 75 جىلدىعى، ”14 ـ بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى جىل ٴارى اۆتونوميالى وبلىسىمىز قۇرىلعاندىعىنىڭ 70 جىلدىعى. ٴبىز شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، اۆتونوميالى رايوندىق 10 - كەزەكتى پارتكوم ونىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى مىقتى يگەرىپ، نازاردى جوعارى ساپالى دامۋ سىندى ماڭداي الدى مىندەتكە شوعىرلاندىرىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، ”6 ٴىرى ستراتەگيالىق ورىن“ تۇراقتاندىرۋدى كوزدەپ، ”16661“ ٴتۇيىندى شاراسىن كۇش سالا مىقتى يگەرىپ، ىلەنىڭ رەفورما، دامۋ، ورنىقتىلىق ىستەرىندە جاڭا جاعداي اشۋدى ىلگەرىلەتۋىمىز كەرەك.

اۆتونوميالى وبلىستىڭ ەكونوميكالىق، قوعامدىق دامۋىنىڭ نىسانالىق مىندەتتەرى بەلگىلەندى، جوبا جاسالدى، دابىل قاعىلدى. ٴبىز ويدى ٴبىر اراعا شوعىرلاندىرىپ، كۇشتى ٴبىر اراعا جۇمساپ، اقىل - پاراساتتى ٴبىر اراعا توپتاپ، زەيىن - زەردەنى، كۇش - قۋاتتى ۇيىستىرا وتىرىپ ٴتۇرلى نىسانالاردى تاماشا رەالدىققا اينالدىرۋىمىز كەرەك. ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ،  سوتسياليستىك وسىزاماندانعان قۇدىرەتتى ەل قۇرۋداعى ىلەنىڭ ستراتەگيالىق ورىن تۇراقتاندىرۋدى مىقتاپ يگەرىپ، ستراتەگيالىق ورايدى مىقتى يگەرىپ، بايلىق ارتىقشىلىعىنان ويداعىداي پايدالانىپ، ەكونوميكانىڭ جوعارى ساپالى دامۋىن جەدەل ىلگەرىلەتۋىمىز كەرەك. كۇرەس جۇرگىزۋدىڭ اسقاق جىگەرىن قاۋلاتىپ، كۇرەس جۇرگىزۋ رۋحىن شىڭداپ، ”نەعۇرلىم قيىن، قاتەرلى  بولعان سايىن سولعۇرلىم العا ۇمتىلاتىن“ قاھارماندىق جىگەردى ساقتاپ، ”اي - كۇنگە ٴامىر شاشا الامىز، جاڭارتۋعا كوك ٴجۇزىن“ دەيتىن اسقاق جاۋىنگەرلىك جالىندى مازداتىپ، تاباندىلىقپەن جالعاستىرىپ، شىنايى يگەرىپ، ناقتى ىستەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ٴومىر، شات - شادىمان تىرشىلىك كەشىرگەن، ەكولوگياسى تاماشا كورىكتى ىلە قۇرۋ جولىندا ىنتىماقتاسا كۇرەس جۇرگىزۋىمىز كەرەك.

جاڭا جوبا جۇرت كوڭىلىن جەلپىندىردى، جاڭا ساپاردىڭ بولاشاعى نۇرلى. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، بولاتتاي بەرىك سەنىممەن، ۋاقىتپەن جارىساتىن ارىنمەن، قايتپاس قاجىرلىلىقپەن سەنىمدى اناعۇرلىم بەكەمدەپ، رۋحتى سەرپىلتىپ، قولايلى ساتتەن پايدالانىپ العا باسىپ، ەرلىكپەن العا ۇمتىلىپ، تۇتاس جىلداعى تاماشا جوبانى رەال كورىنىسكە اينالدىرىپ، بۇكىل وبلىستاعى ٴار ۇلت حالقىنا قاناعاتتانارلىقتاي جاۋاپ تاپسىرىپ، كورىكتى ىلە قۇرىلىسىنىڭ جاڭا جاعدايىن قۇلشىنا اشايىق!