قۇرىلىس جۇرگىزۋدىڭ ”ۇتىمدى مەزگىلىن“ مىقتى يگەردى
ىلە وبلىسىنىڭ ٴتۇيىندى نىسان قۇرىلىستارى جاپپاي ىلگەرىلەتىلدى
9 - ايدىڭ 10 - كۇنى قۇلجا قالاسىنداعى لاس سۋدى ٴبىرجاقتى ەتۋ 3 ـ زاۆودىنىڭ دارەجەسىن جوعارىلاتۋ، جاڭالاۋ نىسانى قۇرىلىسىنىڭ ناق مايدانى. لي يافىڭ فوتوسى
تىلشىلەرىمىز لي يافىڭ، چىن تيانجين حابارلايدى. التىن كۇز − ەجەلدەن - اق قۇرىلىس جۇرگىزۋدىڭ قاۋىرت مەزگىلى. 9 ـ ايدىڭ 10 ـ كۇنى ٴتىلشى ىلە وبلىسىنداعى كوپتەگەن نىسان قۇرىلىستارىنىڭ جۇمىس باسىنا بارعاندا، ٴتۇيىندى نىساندار جەدەل ىلگەرىلەتىلىپ، زاۆود ۇيلەرى ارت - ارتىنان بوي كوتەرىپ، بارلىق جەردەن جۇمىستى قۇلشىنا ناقتى ىستەۋ ورلەۋى كوتەرىلىپ، نىسان قۇرىلىستارىندا ”قارقىن“ مەن ”قىزۋ ىنتانىڭ“ ايگىلەنگەنىن كوردى.
قۇلجا قالاسى بايانداي قالاشىعى سۋلى الماتى قىستاعىنداعى تيەچاڭگوۋ سۋ قويماسى ينجەنەرياسىنا جالپى 329 ميلليون يۋان قارجى قوسىلعان، جالپى سۋ سيىمدىلىعى 5 ميلليون 230 مىڭ تەكشەمەتر، ينجەنەريا نەگىزىنەن توسپا، سەل اعار، سۋ ىعىستىرۋ تۋنەلى، قوسىمشا اۋە شابۋىلىنان قورعانۋ ۇڭگىرى جانە باسقارۋ پۋنكتىنەن قۇرالعان. ىلە وبلىسىنىڭ ٴتۇيىندى سۋ يگىلىگى نىسانى رەتىندە، بۇل ينجەنەريا تيەچاڭگوۋداعى بىردەن - ٴبىر تىزگىندەۋ سيپاتىندا جوبالانعان وزەكتى ينجەنەريا. سۋارۋدى، اۋىز سۋمەن جانە سۋاتپەن قامداۋدى نەگىز ەتكەن كەشەندى سۋ يگىلىگى ينجەنەرياسى، سالىنىپ بولعاننان كەيىن 14 مىڭ 400 مۋ جەردى سۋمەن قامداپ، 13 مىڭ 900 ادامنىڭ حاۋىپسىز اۋىز سۋ ماسەلەسىن شەشەدى، سونىمەن بىرگە، تاۋلى وڭىردەگى وزەن ارنالارىنان سۋ كەلگەندە جايىلۋىنىڭ بىركەلكى بولماۋى، سونداي - اق كوكتەمگى قۋاڭشىلىق، جازدا سۋ اسىپ قالۋ، كۇزدە سۋ تاپشى بولۋ، قىستا سۋ ىستەتىلمەۋ قۇبىلىسىن شەشىپ، اۋىل شارۋاشىلىق ٴوندىرىسىنىڭ نەگىزگى شارت - جاعدايىن ونان ارى جاقسارتىپ، سۋارۋ قۋاتىن جوعارىلاتادى.
قۇرىلىس الاڭىندا قازۋ ماشيناسى، تاسىمال اۆتوموبيلى سياقتى ٴتۇرلى قۇرىلىس ماشينالارى ارلى - بەرلى قايشالىسىپ، قۇرىلىس جۇرگىزۋشىلەر ٴارقايسى تۇيىندەرگە ورنالاسىپ، نىسان قۇرىلىسىن كۇش سالا ىلگەرىلەتىپ، جىلدىق نىسانا - مىندەتتەردى ۋاعىندا ورىنداۋعا كەپىلدىك ەتۋدە.
”ٴبىزدىڭ قۇرىلىس جۇرگىزۋ مەرزىمىمىز 36 اي، بيىل 3 ـ ايدا جۇمىستى قالپىنا كەلتىرگەننەن بەرى، قازىرگە دەيىن سۋ ىعىستىرۋ تۋنەلى مەن سۋ جىبەرۋ تۋنەلىن جانە تىك قۇدىعىن قازۋ جۇمىسىن ورىنداپ بولدىق... “ حۋنان ولكەسى سۋ يگىلىگى، سۋ ەلەكتر 1 ـ ينجەنەريا شەكتى سەرىكتەستىگىنىڭ قۇلجا قالاسىنداعى تيەچاڭگوۋ سۋ قويماسى ينجەنەرياسى نىسانىنىڭ مەڭگەرۋشىسى حۋاڭ بو بىلاي دەدى: وسى ەكى قىزمەت مەجەمەن 10 ـ ايدىڭ ورتا شەنىندە تولىق ورىندالىپ بولادى، ىلە ـ شالا مەتال قۇرىلىمىن جاساپ، ورناتىپ، 11 ـ ايدىڭ سوڭىندا وزەن سۋىن بوگەۋ قىزمەتىنىڭ ٴساتتى ورىندالۋىنا كەپىلدىك ەتەمىز.
نىساندى يگەرۋ − دامۋدى يگەرگەندىك، نىساندى جوسپارلاۋ − بولاشاقتى جوسپارلاعاندىق. تىلشىلىك بارىسىندا ٴتىلشى تيەچاڭگوۋ سۋ قويماسى ينجەنەرياسىنىڭ ىلە وبلىسىنىڭ اۆتونوميالى رايوننىڭ 9 ٴىرى كاسىپ سالاسى شوعىرىن جانە ”1+10+X+N“ كاسىپ جۇيەسى قۇرىلىسىن ارقاۋ ەتىپ، تۇراقتى مۇلىككە قارجى قوسۋ مەن كەلەلى نىسان قۇرىلىستارىن بار كۇشپەن مىقتى يگەرىپ، جاڭا قوزعاۋشى كۇش توپتاۋىنىڭ ىقشام كورىنىسى ەكەنىن ۇعىستى.
قۇلجا قالاسى جاڭا جەر قالاشىعى شايلاڭزى قىستاعىنا ورنالاسقان ىلە وبلىسىنىڭ قۇلجا قالاسىنداعى لاس سۋدى ٴبىرجاقتى ەتۋ 3 ـ زاۆودىنىڭ دارەجەسىن جوعارىلاتۋ، جاڭالاۋ نىسانىندا نەگىزىنەن كۇنىنە 50 مىڭ تەكشەمەتر كولەمدىك لاس سۋدى ٴبىرجاقتى ەتۋ زاۆودى جاڭادان جوبالاپ سالىنىپ، شىعارىلاتىن سۋ ساپاسىن 1 ـ دارەجەلى A ولشەمگە جەتكىزۋ بويىنشا جوبالانعان، ٴبىرجاقتى ەتىلگەننەن كەيىنگى قالدىق سۋ، تۇلەمە سۋ ناسوس بولمەسىندە قىسىم تۇسىرۋدەن وتكەننەن كەيىن قالا رايونىنا جەتكىزىلىپ، قايتالاي پايدالانۋعا بەرىلەدى. بۇل نىسان قۇلجا قالاسىنىڭ لاس سۋدى ٴبىرجاقتى ەتۋ قۋاتى مەن تۇلەمە سۋدى قايتا پايدالانۋ ونىمدىلىگىن بارىنشا جوعارىلاتىپ، قالانىڭ لاس سۋدى ٴبىرجاقتى ەتۋ جەتەرسىز بولۋ سالدارىنان تۋىلاتىن ورتانىڭ لاستانۋ قاتەرىن ٴونىمدى تومەندەتەدى.
”كۇز كەلىپ، اۋا رايى بىرتىندەپ سالقىنداي باستادى، ٴبىز قۇرىلىس جۇرگىزۋ ۋاقىتىن ۇيلەسىمدى رەتتەدىك، قازىر توپىراق قۇرىلىسى جۇمىستارى تۇگەلدەي اياقتاپ، قۇبىر تورابىن جانە جابدىق ورناتۋ قىزمەتى جۇرگىزىلۋدە، جالپى قۇرىلىس مولشەرىنىڭ %83 ى ورىندالىپ بولدى“. ىلە وبلىسىنىڭ قۇلجا قالاسىنداعى لاس سۋدى ٴبىرجاقتى ەتۋ 3 ـ زاۆودىنىڭ دارەجەسىن جوعارىلاتۋ، جاڭالاۋ نىسانىنىڭ جاۋاپتىسى لي بوتيان بىلاي دەدى: 9 ـ ايدىڭ 30 ـ كۇنى پايدالانۋعا بەرۋگە شىنايى كەپىلدىك ەتۋ ٴۇشىن، جۇمىسشىلار ۇستەمە جۇمىس ىستەپ نىساننىڭ اياق الىسىن جەدەلدەتۋدە.
ىلە وبلىستىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى چىن ۋيچياڭ بىلاي دەپ تانىستىردى: بيىل نازاردى جوعارى ساپالى دامۋ سىندى ماڭداي الدى مىندەتكە شوعىرلاندىرىپ، وبلىستىق دامۋ جانە رەفورما كوميتەتى ىلگەرىندى - كەيىندى «ىلە وبلىسىنداعى دامۋ، رەفورما جۇيەسىنىڭ ”نىسان باسقارۋ ساپاسىن جوعارىلاتۋ جىلى“ قىزمەت جوباسىن»، «ىلە وبلىستىق دامۋ جانە رەفورما كوميتەتىنىڭ نىسانعا قارجى قوسۋ قۇرىلىسى قىزمەتىن كوتەرمەگە الۋ جوباسىن» جانە «اۆتونوميالى وبلىستىڭ ”1+10+X+N“ كاسىپ سالاسى جۇيەسى قۇرىلىسىن ىلگەرىلەتۋ بويىنشا كوتەرمەگە الۋ قىزمەت وتەۋ جوباسىن» جاساپ، مەرزىم بويىنشا نەگىزگى ساتىعا ىشكەرىلەي ارالاسىپ، الدىن الا جەتەكشىلىك ەتىپ، قىزمەت وتەپ، ٴتۇرلى امالدار قاراستىرىپ ٴونىمدى قارجى قوسۋدى قالىپتاستىردىق. قاتىستى تاراۋلارمەن بىرگە 5 تەكسەرۋ ـ زەرتتەۋ، كومەكتەسۋ، سۇيەمەلدەۋ، جەتەكشىلىك ەتۋ گرۋپپاسىن باستاماشىلدىقپەن قۇرىپ، اۋدان، قالالاردىڭ نىسانداردى ىلگەرىلەتۋ بارىسىندا ورىن تەپكەن ماسەلەلەردى شەشۋىنە بەلسەنە كومەكتەستىك. 8 - ايعا دەيىن ىلە وبلىسىنىڭ تۇراقتى مۇلىككە قوسقان قارجىسىنىڭ ابسوليۋتتىق قۇنى 51 ميلليارد 385 ميلليون يۋان بولدى. كەلەسى قادامدا نىسان قۇرىلىسىن جۇرگىزۋدىڭ ۇتىمدى مەزگىلىن مىقتى يگەرىپ، نىسان قۇرىلىسىنىڭ تەبىنىن ارتتىرىپ، جىلدىق نىسانا ـ مىندەتتەردى بار كۇشپەن ورىندايمىز.