11 - ايدىڭ 18 - كۇنى جۇڭگو - قازاقستان قورعاس حالىقارالىق شەكارالىق سەلبەستىك ورتالىعىندا،  ەلەكتروندىق ساۋدا جولدامالارى تولتىرا تيەلگەن جۇك قورابى «كەڭىستىك كوپىرى» ارقىلى جۇڭگو جاقتان قازاقستان جاققا جەتكىزىلدى.

ۇعىسۋعا قاراعاندا، شەكارا اتتاعان ەلەكتروندىق ساۋدا «كەڭىستىك كوپىرى» نىسانىنا جالپى 12 ميلليون يۋان قارجى قوسىلىپ، 2021 - جىلى 2 - ايدىڭ 7 - كۇنى قۇرىلىس باستاعان، سول جىلى 5 - ايدىڭ 15 - كۇنى سالىنىپ بولىپ، پايدالانۋعا بەرىلگەن. شەتەلدىك ساۋداگەرلەردىڭ ەلەكتروندى ساۋدا تۇعىرى ارقىلى ساتىپ العان زاتتارى مەن تاۋارلارى بۇكىل ەلدىڭ جەر - جەرىنەن قورعاسقا جەتكىزىلىپ، قورعاس ۋنيۆەرسالدى قورعامالى باجى رايونىنا شوعىرلى جولدانىپ، كەدەننىڭ تەكسەرۋىنەن وتكەن سوڭ، قوراپتالىپ، سەلبەستىك ورتالىعىنا جەتكىزىلەدى، «كەڭىستىك كوپىرى» جۇك قوراپتارىن ارناۋلى پايدالانىلاتىن سۇيىقتىق قىسىمدى كرانمەن سەلبەستىك ورتالىعىنىڭ قازاقستان جاعىنا وتكىزىپ بەرگەن سوڭ، وتكىزىپ الاتىن جۇك اۆتوكولىگىنە تيەلىپ، ورتا ازيا مەن ەۆروپاعا جونەلتىلەدى ەكەن.

ۋ جىحىڭ فوتوسى