جەرگىلىكتى ۋاقىت 11 - ايدىڭ 16 - كۇنى تۇستەن بۇرىن، ازيا − تىنىق مۇحيت ەكونوميكالىق سەلبەستىك ۇيىمىنىڭ 31 - رەتكى باسشىلار بەيرەسمي ءماجىلىسى پەرۋدىڭ ليما ءماجىلىس ورتالىعىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى ءارى «ءداۋىر جاۋاپكەرشىلىگىن بىرگە ارقالاپ، ازيا − تىنىق مۇحيت ءوڭىرىنىڭ دامۋىن بىرگە جەبەيىك» دەگەن تاقىرىپتا ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

جەرگىلىكتى ۋاقىت 11 - ايدىڭ 16 - كۇنى تۇستەن بۇرىن، ازيا − تىنىق مۇحيت ەكونوميكالىق سەلبەستىك ۇيىمىنىڭ 31 - رەتكى باسشىلار بەيرەسمي ءماجىلىسى پەرۋدىڭ ليما ءماجىلىس ورتالىعىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى ءارى «ءداۋىر جاۋاپكەرشىلىگىن بىرگە ارقالاپ، ازيا − تىنىق مۇحيت ءوڭىرىنىڭ دامۋىن بىرگە جەبەيىك» دەگەن تاقىرىپتا ماڭىزدى ءسوز سويلەدى. سۋرەتتە: شي جينپيڭ ازيا − تىنىق مۇحيت ەكونوميكالىق سەلبەستىك ۇيىمىنا مۇشە باسقا دا ەكونوميكالىق تۇلعالاردىڭ باسشىلارىمەن، ۋاكىلدەرىمەن توپتىق سۋرەتكە ءتۇستى.

□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن 

شينحۋا اگەنتتىگىنىڭ 11 ـ ايدىڭ 16 ـ كۇنى ليمادان بەرگەن حابارى (تىلشىلەر ني سىي، جياڭ يان). جەرگىلىكتى ۋاقىت 11 ـ ايدىڭ 16 ـ كۇنى تۇستەن بۇرىن، ازيا _ تىنىق مۇحيت ەكونوميكالىق سەلبەستىك ۇيىمىنىڭ 31 ـ رەتكى باسشىلار بەيرەسمي ٴماجىلىسى پەرۋدىڭ ليما ٴماجىلىس ورتالىعىندا وتكىزىلدى. مەملەكەت ٴتوراعاسى شي جينپيڭ ماجىلىسكە قاتىناستى ٴارى «ٴداۋىر جاۋاپكەرشىلىگىن بىرگە ارقالاپ، ازيا _ تىنىق مۇحيت ٴوڭىرىنىڭ دامۋىن بىرگە جەبەيىك» دەگەن تاقىرىپتا ماڭىزدى ٴسوز سويلەدى.

شي جينپيڭ ٴماجىلىس الاڭىنا جەتكەندە، بولۋارت زۇڭتۇڭنىڭ ىستىق ىقىلاستى قارسى الۋىنا بولەندى.

شي جينپيڭ سوزىندە بىلاي دەپ اتاپ كورسەتتى: نەشە 10 جىلدان بەرى، ازيا _ تىنىق مۇحيت ەكونوميكالىق سەلبەستىك ۇيىمى ازيا _ تىنىق مۇحيت ٴوڭىرىنىڭ قارىشتاپ دامۋدى، جاپپاي گۇلدەنۋدى، ۇلكەن توعىسۋدى جۇزەگە اسىرۋىن جەبەپ، ازيا _ تىنىق مۇحيت ٴوڭىرىنىڭ الەمدىك ەكونوميكانىڭ ەڭ ومىرشەڭ كۇشكە يە بولىگىنە جانە نەگىزگى ارتۋ قوزعالتقىشىنا اينالۋىنا دەم بەردى. قازىر دۇنيە جۇزىندە 100 جىلدىق وزگەرىس جاعدايى جەدەل قۇبىلۋدا، ازيا _ تىنىق مۇحيت سەلبەستىگى دە وڭىرلىك ساياسي، سىڭارجاقتىلىق جانە قورعامپازدىقتىڭ اسقىنۋى سياقتى سىن ـ سايىستارعا ٴدوپ كەلۋدە. تاريحتىڭ جول ايىرىعىندا تۇرعان ازيا _ تىنىق مۇحيت وڭىرىندەگى ەلدەر ىنتىماقتاسىپ، ىستەستىك جاساسىپ، باتىلدىقپەن جاۋاپكەرشىلىك ارقالاپ، ازيا _ تىنىق مۇحيت ٴوڭىرى تاعدىرلاس ورتاق تۇلعاسىن قۇرۋدى ىلگەرىلەتىپ، ازيا _ تىنىق مۇحيت ٴوڭىرى دامۋىنىڭ جاڭا ٴداۋىرىن قۇلشىنا اشۋى كەرەك.

شي جينپيڭ ٴۇش ۇسىنىستى ورتاعا قويدى:

ٴبىرىنشى، اشىق، توعىسقان ازيا _ تىنىق مۇحيت سەلبەستىك ارناسىن قالىپتاستىرۋ كەرەك. كوپ جاقتىلىققا جانە اشىق ەكونوميكا ۇلكەن بەتالىسىنا تاباندى بولىپ، دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ٴتۇزىلىسىن باتىل قورعاپ، وڭىرلىك ەكونوميكانىڭ ٴبىر تۇلعالانۋى مەن ۇلاسۋىن، تۇتاسۋىن كۇش سالا ىلگەرىلەتىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن، ىركىلىسسىزدىگىن قورعاۋ كەرەك. بۇگىن، ٴبىز ازيا _ تىنىق مۇحيت ەركىن ساۋدا رايونى قۇرىلىسىنىڭ جاڭا جەتەكشى حۇجاتىن ماقۇلدايمىز، مۇنىڭ ازيا _ تىنىق مۇحيت اشىق ەكونوميكاسىنىڭ دامۋىنا جاڭا قوزعاۋشى كۇش ۇستەيتىندىگىنە سەنەمىن. جۇڭگو ەسىك اشۋ ارقىلى رەفورمانى جەبەۋگە تاباندى بولىپ، حالىقارالىق جوعارى ولشەمدى ەكونوميكا ـ ساۋدا ەرەجەسىمەن ىرىقتىلىقپەن ٴتۇيىلىسىپ، دەربەس ەسىك اشۋدى بەلسەنە كەڭەيتەدى، قاتىستى جاقتارمەن سيفرلى جانە جاسىل سالاداعى ساۋدا كەلىسىمىن كەڭەسۋ جونىندە ىزدەنىس جاساپ، بۇكىل الەمدى بەتكە العان جوعارى ولشەمدى ەركىن ساۋدا رايونى تورابىن ٴۇرتىس كەڭەيتۋدى قالايدى.

ەكىنشى، جاسىل، جاڭالىق اشاتىن ازيا _ تىنىق مۇحيت ٴوڭىرى ارتۋ قوزعالىس قۋاتىن جەتىلدىرۋ كەرەك. جاڭا كەزەكتى عىلىم ـ تەحنيكا توڭكەرىسى مەن كاسىپ سالاسى وزگەرىسى ورايىن مىقتى يگەرىپ، جاساندى زەردە، كۆانت ينفورماتسياسى، تىرشىلىك اقاۋسىزدىعى سياقتى الدىڭعى لەكتەگى سالالاردا اۋىس ـ كۇيىستى، سەلبەستىكتى كۇشەيتىپ، اشىق، ٴادىل، ادىلەتتى، كەمسىتپەيتىن جاڭالىق اشۋ ەكولوگياسىن قالىپتاستىرىپ، ازيا _ تىنىق مۇحيت ٴوڭىرىنىڭ وندىرگىش كۇشتەردىڭ قارىشتاپ دامۋىن جۇزەگە اسىرۋىن ىلگەرىلەتۋ كەرەك. ەكولوگيانى الدىمەن ويلاسۋعا، ۇنەمدى، شوعىرلى بولۋعا، جاسىل، تومەن كومىر قىشقىل گازدى دامۋعا تاباندى بولىپ، سيفرلانۋدىڭ، جاسىلدانۋدىڭ سايكەستى تيپ جاڭالاپ دامۋىن ىلگەرىلەتىپ، ازيا _ تىنىق مۇحيت ٴوڭىرى دامۋىنىڭ جاڭا قوزعالىس قۋاتىن، جاڭا باسىمدىعىن تۇلعالاۋ كەرەك. جۇڭگو قازىر جاڭا وندىرگىش كۇشتەردى جەرگىلىكتى جاعدايعا قاراي دامىتۋدا، ٴار جاقپەن جاسىل جاڭالىق اشۋ سەلبەستىگىن تەرەڭدەتىپ، «الەمدىك ساندى مالىمەتتىڭ شەكارا اتتاعان اينالىم سەلبەستىگى باستاماسىن» جاريالاپ، ٴار جاقپەن جوعارى ٴونىمدى، قولايلى، حاۋىپسىز ساندى مالىمەتتىڭ شەكارا اتتاعان اينالىمىن بىرگە جەبەپ، ازيا _ تىنىق مۇحيت ٴوڭىرىنىڭ جوعارى ساپالى دامۋىنا كۇش قوسۋدى قالايدى.

ٴۇشىنشى، جالپىعا ٴتيىمدى، سيىسىمدى ازيا _ تىنىق مۇحيت ٴوڭىرى دامۋ ۇستانىمىن بەرىك ورناتۋ كەرەك. ەكونوميكالىق، تەحنيكالىق سەلبەستىكتى كۇشەيتىپ، وركەندەپ كەلە جاتقان ەكونوميكالىق تۇلعالاردى جانە ٴالسىز شوعىرلاردى قولداۋدى ارتتىرىپ، ەكونوميكالىق دامۋدىڭ ”بالكۇلشەسىن“ بىرگە ۇلكەيتىپ جاساپ ٴارى كوڭىلدەگىدەي ٴبولىپ، اناعۇرلىم كوپ ەكونوميكالىق تۇلعانى، اناعۇرلىم كوپ حالىقتى دامۋ جەتىستىگىنەن بىرگە يگىلىكتەندىرۋ كەرەك. جۇڭگو جاق ازيا _ تىنىق مۇحيت ەكونوميكالىق سەلبەستىك ۇيىمىندا تۇرعىندار كىرىسىن جوعارىلاتۋ، ورتا، شاعىن كاسىپورىنداردىڭ شوعىرلى دامۋىن جەبەۋ سياقتى باستامالاردى ىلگەرىلەتىپ، ازيا _ تىنىق مۇحيت ەكونوميكاسىنىڭ جالپىعا ٴتيىمدى، سيىسىمدى دامۋىنا كۇش ۇستەيدى. جۇڭگو ازيا _ تىنىق مۇحيت ەكونوميكالىق سەلبەستىك ۇيىمىنىڭ 2026 ـ جىلعى وتاعاسى ەل مىندەتىن ارقالايدى، ٴار جاقپەن بىرگە ازيا _ تىنىق مۇحيت ٴوڭىرى سەلبەستىگىن تەرەڭدەتىپ، ازيا _ تىنىق مۇحيت ٴوڭىرى حالقىن باقىتقا كەنەلتۋدى ٴۇمىت ەتەدى.

شي جينپيڭ بىلاي دەپ باسا دارىپتەدى: رەفورما جاساۋ، ەسىك اشۋ _ جۇڭگونىڭ جانە دۇنيە ٴجۇزىنىڭ بىرگە دامۋىنىڭ، العا باسۋىنىڭ تاريحي ٴۇردىسى. جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە 300دەن استام ماڭىزدى رەفورما شاراسى ورتاعا قويىلىپ، جوعارى دەڭگەيدەگى سوتسياليستىك بازار شارۋاشىلىعى ٴتۇزىلىسىن ورناتۋ، ەكونوميكانىڭ جوعارى ساپالى دامۋىن ىلگەرىلەتۋ، جوعارى دەڭگەيدە سىرتقا ەسىك اشۋدى كەڭەيتۋ، حالىقتىڭ تۇرمىس ساپاسىن جوعارىلاتۋ، كورىكتى جۇڭگو قۇرۋ سياقتى سالالاردا جۇيەلى ورنالاستىرۋ جاسالدى. جۇڭگونىڭ دامۋى ازيا _ تىنىق مۇحيت ٴوڭىرىنىڭ جانە دۇنيە ٴجۇزىنىڭ دامۋىنا اناعۇرلىم كوپ جاڭا وراي ازىرلەيدى. جۇڭگو جاق ٴار جاقتىڭ جۇڭگونىڭ دامۋ جۇردەك پويەزىنە ۇزدىكسىز وتىرىپ، بەيبىت دامۋ، ٴوزارا پايدا جەتكىزىپ سەلبەستىك جاساۋ، بىرگە گۇلدەنىپ ـ كوركەيۋ سىندى دۇنيە جۇزىندەگى ٴار ەلدىڭ وسىزاماندانۋىن جۇزەگە اسىرۋ جولىندا بىرگە قۇلشىنۋىن قارسى الادى.

ٴماجىلىستى پەرۋ زۇڭتۇڭى بولۋارت باسقاردى، نەگىزگى تاقىرىبى: ”قۋات ۇستەۋ، سيىسىمدى بولۋ، ارتۋ“.

ٴماجىلىس «2024 ـ جىلعى ازيا _ تىنىق مۇحيت ەكونوميكالىق سەلبەستىك ۇيىمى باسشىلارىنىڭ ماچيۋبيچيۋ جارناماسى»، «ازيا _ تىنىق مۇحيت ەركىن ساۋدا رايونىنىڭ كەڭەستىك تارتىبىنە تىڭنان كوز جىبەرۋ جونىندەگى مالىمدەمە» جانە «جۇيەلى بولۋعا جانە الەمدىك ەكونوميكاعا قاراي تيپ جاڭالاۋدى ىلگەرىلەتۋ جونىندەگى ليما جول كارتاسى» سياقتى 3 جەتىستىك حۇجاتىن جاريالادى.

11 ـ ايدىڭ 15 ـ كۇنى كەشتە شي جينپيڭ ازيا _ تىنىق مۇحيت ەكونوميكالىق سەلبەستىك ۇيىمى باسشىلار بەيرەسمي ٴماجىلىسىنىڭ قارسى الۋ قوناعاسىنا قاتىناستى.

ۋاڭ ي جوعارىداعى قيمىلدارعا قاتىناستى.